Frjáls verslun - 01.02.2004, Blaðsíða 39

Mikið er af opnu rými á skrifstofunni og víða lítil borð sem Móttaka TVG-Zimsen.
starfsmenn geta staðið upp við og spjallað á meðan þeir fá
sér kaffibolla.
Ásamt vöruflutningum um allan heim er TVG-Zimsen með eina
öflugustu tollskýrsludeild á landinu og segir Hjörtur nýjar lausnir f
tollskýrslugerð vera að líta dagsins Ijós. „Það hefurverið markmið okkar
að vera með tollskýrslugerð sem mest rafræna, enda er það hag-
stæðara og fljótlegra fyrir viðskiptavini okkar."
Enginn staður útundan
Hjörtur segir flutningakerfi það sem TVG-Zimsen býr yfir ákaflega öflugt
og í raun sé ekki til það þorp í heinninum sem það nær ekki til.
„Við erum í samstarfi við mjög stór fyrirtæki um allan heim en þau
bjóða hagkvæmar og öruggar flutningaleiðir hvort sem í hlut eiga hrað-
flutningar, sjóflutningar eða flugflutningar," segir hann. „Á meginlandinu
vinnum við með Frans Maas sem hefur rúmlega 200 skrifstofur í um
30 löndum. Menlo Forwarding er annar samstarfsaðili okkar. Fyrir-
tækið hefur aðstöðu í yfir 200 löndum og er einn stærsti flugfraktaðili
í heimi. Samstarf okkar við Menlo opnar íslenskum inn- og útflytjendum
leið að einu öflugasta flutninganeti heims."
Á Norðurlöndum vinnur TVG-Zimsen með DFDS transport sem er
danskt fyrirtæki og starfar við flutningamiðlun vfða um heim. Fyrirtækið
starfar í 29 löndum. Hvað flugsendingar frá meginlandi Evrópu og Asiu
varðar er Kuhne S. Nagel helsti samstarfsaðili fyrirtækisins.
„TVG-Zimsen er einnig umboðsaðili UPS [United Parcel Service)
sem er stærsta og öflugasta hraðsendingafyrirtæki í heimi," segir
Hjörtur. „Við bjóðum hraðsendingaþjónustu inn og út úr landinu í sam-
vinnu við UPS. UPS og aðrir samstarfsaðilar okkar gera það að
verkum að við getum sagt innan gæsalappa að við séum með 2.380
skrifstofur um allan heim, því allar skrifstofur samstarfsaðila okkar
eru í beinu sambandi við okkur. En það er ekki nóg að hafa aðgang að
hagkvæmum og öruggum flutningaleiðum inn í næstu höfn eða flugvél
heldur þarf það flutningakerfi að ná til íslands og þeirrar aðstöðu sem
hér er hverju sinni. Þar stöndum við sterkt að vígi vegna mikillar þekk-
ingar okkar á öllum aðstæðum og gríðarlegri reynslu í flutningum til
landsins og innan þess."
Shop USA í Kópavogi
Margir kannast við Shop USA (www.shopusa.is), verslun sem býður
fslendingum bandaríska vöru gegnum Netið. TVG-Zimsen verður með
vöruafgreiðslu fyrir fyrirtækið í Hlíðarsmára 19 í Kópavogi og geta þeir
sem kaupa vörur frá Shop USA sótt þær þangað.
„Þetta er til hagræðis fyrir viðskiptavini Shop USA og gerir þessa
verslun mjög þægilega," segir Hjörtur. „Um leið erum við að nýta sér-
þekkingu okkar og flutningsgetu en í húsinu við Hlíðarsmára verður
einnig sérstök afgreiðsla þar sem hægt verður að afhenda „last
minute" pakka til útflutnings með UPS."
Vöruhóteliö
Hin nýja skrifstofa TVG-Zimsen er rúmgóð og björt. f húsinu er
fjölbreytt starfsemi og í því vinna fjölmargir starfsmenn. „Við erum
mjög ánægð með skrifstofuna og hún kemur vel út," segir Hjörtur. „Við
hönnun skrifstofunnar var fyrst og fremst tekið mið af flutnings-
miðlunarstarfsemi og þeim kröfum sem gerðar eru til fullkominnar
skrifstofu með miklu og sveigjanlegu notagildi. Til að mynda var
geymsla gagna leyst á mjög farsælan hátt en eins og gefur að skilja
þurfum við að geyma óhemju magn af gögnum af ýmsu tagi. Settir voru
upp gríðarstórir skápar með einföldum stálhillum og þeim lokað með
fallegum og látlausum viðarhurðum í stíl við innréttingar á skrifstofum.
Á hverri vinnustöð er skrifborð og skápur fyrir starfsmann en annað er
samnýtt. Gólfefni voru valin með það í huga að auðvelt væri að ganga
um þau og önnur hönnun var eftir því. Húsið er gríðarstórt, um 20.000
fm, en skrifstofurými okkar er um 870 fm.
Samstarfsaðili okkar, Vöruhótelið, gegnir þríþættu hlutverki: það
er vörumóttökumiðstöð fyrir flutningsaðila, frísvæði þar sem hægt er
að geyma ótollaðar vörur og einnig geymslu- og dreifingavöruhús fyrir
íslenska framleiðendur sem margir hverjir sjá sér hag í að vera með
stóran lager sem aka þarf út en hafa ekki húsnæði til að geyma hann
sjálfir."
Útflutningur TVG-Zimsen
Sífellt eru gerðar meiri kröfur um nákvæma útflutningspappíra og hefur
útflutningsdeild fyrirtækisins vaxið mjög í takt við það. Mörg fyrirtæki
fela TVG-Zimsen að gera útflutningspappfra sína og er lögð mikil
áhersla á þekkingu starfsmanna sem þvf sinna.
„Við viljum geta veitt okkar viðskiptavinum örugga þjónustu hvað
þetta varðar en það er af sem áður var að vörum var komið um borð í
skip eða flugvél og pappírarnir gerðir á meðan þær voru á leið út,“ segir
Hjörtur. „Nú þarf að gæta að hverju smáatriði ef varan á ekki að
stöðvast (erlendum höfnum.“S!j
TVG-ZIMSEN
FLUTNINGAÞJÓNUSTA SlÐAN 1894
39