Morgunn - 01.06.1993, Page 54

MORGUNN
biðstóll fyrir þann næsta í röðinni sem vill meðtaka ljós
hennar.
Eitt og eitt gengur fólkið hljóðlátt til hennar og krýpur
fyrir framan hana. Hún tekur höfuð þess milli handanna
litla stund og horfir síðan í augu þess.
Þögnin sem kom með henni inn í salinn var djúp og
sérstök og henni fylgdi sérstök gleði. Hver og einn
upplifir Móður Meeru og nærveruna við hana á sinn
einstaka hátt. Sumir fyllast efasemdum til að byrja með,
sem kannski eru svo horfnar næsta dag. Aðrir fá að sjá
ljósið hennar. Þegar ég stóð upp til að krjúpa frammi fyrir
henni greip mig allt í einu mikill óróleiki. En þegar ég leit
í þessi guðdómlegu augu hvarf þessi tilfinning eins og
dögg fyrir sólu og ég sökk inn í flauelsmjúkt dýpi sem
umvafði mig og lék um mig. Eg fann fyrir óendanlegum
friði og þakklæti.
Kvöldið eftir þegar ég kraup í annað sinni fyrir framan
Móður Meeru var tilfinningin allt önnur. Ég var öruggari
og lagði mig í hendur hennar í fullkomnu trausti. Ég
fylltist friðsemd og gleði og þannig hefur mér liðið síðan.
Ég finn meiri innri frið og jafnvægi en nokkum tíma áður
og mér finnst ég örugg og njóta vemdar.
En það er einmitt það sem Móðir Meera boðar:
FRIÐUR OG HAMINGJA.
Að lokum vil ég benda lesendum á þær heimildir sem
ég þekki til um Móður Meeru. Það eru viðtöl við hana
sem hafa birst í tímaritinu Ganglera og Yoga Journal og
bækurnar Hidden Journey eftir Andrew Harvey, en hann
er lærisveinn Móður Meeru, og bókina Answers en það
eru svör Móður Meeru við hinum ýmsu spurningum.
52