Viðar - 01.01.1942, Qupperneq 146

144
LAUGASKÓLI
LViðar
Laugum einn vetur. Giftist síðar Þormóði Sigurðssyni, presti á
Vatnsenda.
Páll H. Jónsson og Rannveig Kristjánsdóttir frá Fremstafelli eru
á Laugum. Páll hefur verið þar kennari síðan 1933. Sumarið 1935
stundaði hann nám í Danmörku. Undanfarin tvö sumur hafa þau
starfrækt barnaheimili á Laugum, og sumurin þar á undan höfðu
þau þar á hendi gistihússrekstur.
Ragnar A. Þorsteinsson lauk prófi í Kennaraskólanum 1928. Stofn-
aði hann síðan heimili á Eskifirði og stundaði kennslu þar og suma
vetur á Reyðarfirði. Nú er hann kennari við Barnaskóla Eskifjarðar.
Sigdór Hallsson frá Steinkirkju hefur byggt nýbýli í landi Vetur-
liðastaða. Kallar hann það Grænuhlíð.
Sigfríður Jónsdóttir frá Glaumbæjarseli var í Húsmæðraskólan-
um á Laugum veturinn 1929—’30. Er síðast fréttist, var hún í Rvík.
og gift þar.
Sigurbjörg Sigurjónsdóttir frá Litlu-Laugum sigldi til Englands og
dvaldist þar um hríð. Kenndi hún síðan ensku í Laugaskóla nokkra
vetur. Veturinn 1933—''34 stundaði hún nám í Húsmæðraskólanum.
Nú er hún fyrir búi föður síns á Litlu-Laugum.
Þorgeir Jakobsson frá Haga lærði raffræði hjá Bjarna í Hólmi, og
vann hann um skeið við rafstöðvabyggingar í Þingeyjarsýslu. Á Laug-
um var hann ráðsmaður í tvö ár og stóð þar að mestu leyti fyrir
byggingu rafstöðvar skólans. Síðar reisti hann nýbýlið Brúar við Lax-
árfossa. Hann er giftur Ólöfu Indriðadóttur frá Fjalli.
Þórarinn Ólafsson er til heimilis í Laxárdal. Hann hefur unnið og
vinnur mikið að smíðum bæði í Þistilfirði og á Þórshöfn.
Þórhallur Guðnason býr í Lundi ásamt konu sinni, Kristbjörgu
Konráðsdóttur frá Veturliðastöðum.
Þórhallur Kristjánsson er heima á Halldórsstöðum í Köldukinn og
vinnur að búi föður síns.
Þórir Ingjaldsson býr á Öxará. Kona hans heitir Ragnheiður Sig-
urgeirsdóttir.
Þóroddur Guðmundsson frá Sandi hefur tvívegis siglt til náms.
Stundaði hann fyrst garðyrkjunám í Noregi og lauk þar prófi, en’síðar
las hann við Kennaraháskólann í Khöfn. Einn vetur var hann í
Kennaraskólanum í Rvík. og tók kennarapróf. Hann hefur verið
kennari við Laugaskóla og Reykjaskóla. Nú er hann kennari á Eiðum.
Ritstjóri Ársrits Laugaskóla var Þóroddur hin síðari ár þess og síðar
ritstjóri Viðars um þriggja ára skeið. Kona hans er Hólmfríður Jóns-
dóttir frá ÍBrekku í Núpasveit.
Axel Guðmundsson frá Grímshúsum er í Reykjavík og hefur unnið
á skattstofunni þar hin síðari ár. í tómstundum sínum fæst hann við
þýðingar.