Viðar - 01.01.1942, Page 160

158 LAUGASKÓLI [Viðar^
l'l
Haukur voru heima, er síðast bárust fregnir af þeim. Guðjón sækir
sjó á sumrum, Björgúlfur hefur lokið prófi við Hvanneyrarskólann og
er nú fyrir búi á Böggvisstöðum. Haukur var um tíma heilsuveill
og dvaldist á Kristnesi. Hann hafði áður tekið gagnfræðapróf við
Menntaskóla Akureyrar.
Guðmundur Bergmann vinnur við smíðar á Giljá og víðar. Hann
hefur keypt hálfa jörðina Öxl í Þingi og rekur bú þar. Kona hans
heitir Ingibjörg Hjálmarsdóttir.
Helga Freyja Eiríksdóttir er gift á Akureyri og vinnur á símastöðinni
þar. Hún tók gagnfræðapróf á Akureyri 1936.
Hreiðar Eiríksson hefur lokið námi við Hvanneyrarskólann og einn-
ig við Garðyrkjuskólann á Reykjum. Hann vinnur þetta ár við gróður-
hús á Nesjavöllum í Grafningi.
Ingvar Bjarnason frá Brún í Reykjadal lauk stúdentsprófi við
Menntaskóla Akureyrar haustið 1938. Sigldi hann þá til Stokkhólms
og hefur stundað þar háskólanám síðan.
Jóhann Jónsson frá Bæ í Reykhólasveit er kvæntur og býr í
Þurranesi í Dalasýslu.
Jóhanna Þorsteinsdóttir frá Syðri-Brekkum lærði ljósmóðurstörf
og mun vera Ijósmóðir á Langanesi.
Jón Guðni Árnason hefur unnið undanfarið við smíðar í Aðaldal,
en er þetta ár starfsmaður á Kleppi.
Jón Hjartar var einn vetur í íþróttaskólanum í Haukadal og fór
síðan í íþróttaskóla Björns Jakobssonar á Laugarvatni og lauk þar
prófi. Nokkru síðar sigldi hann til Danmerkur og var einn vetur í
íþróttaskóla Kristians Krogshede í Slagelse. Jón er til heimilis á
Siglufirði og hefur unnið þar í sildarverksmiðju á sumrin. Jón hefur
getið sér afreksorð i íþróttum.
Kristján Jónsson frá Kambi vinnur hjá Verðlagsnefnd í Reykjavík.
Emelía Guðmundsdóttir var einn vetur í Húsmæðraskólanum á
Laugum. Hún er heima á Flatey á sumrin, en í vist í Rvík. á veturna.
Karólína Sumarliðadóttir frá Tröllatungu á heima í Tungugröf í
Steingrimsfirði.
Sigfús Jónsson er heima á Einarsstöðum. Hann lauk prófi við
Hvanneyrarskólann vorið 1940.
Sigurður Karlsson frá Veisu er bústjóri á Hólum í Hjaltadal.
Sigvalda Gunnlaug Jónsdóttir frá Ólafsfirði stundaði 1937 hár-
greiðslunám í Khöfn. Nú býr hún í Syðri-Vík í Vopnafirði. Maður
hennar heitir Gunnar Steindórsson.
Sigvaldi Þorleifsson var heima í Ólafsfirði, þegar síðast fréttist.
í fyrravetur var hann á vélstjóranámskeiði á Akureyri.
Snælaug Þorsteinsdóttir frá Syðri-Brekkum hefur undanfarið unnið
í málningarverksmiðjunni Litir og lökk 1 Reykjavík.