Bankablaðið - 01.12.1977, Síða 36

Kennurum (úr banka) skal gera kleift
að stunda kennsluna, t. d. með leyfi
frá störfum, við undirbúning og við
kennslu.
6. Reikningsskil.
Reikningsár skólans er almanaksárið.
Ársreikningar skólans skulu samdir svo
fljótt sem auðið er eftir árslok. Síðan
skulu þeir staðfestir af skólanefnd.
Reikningar skólans skulu endurskoðað-
ir af endurskoðunardeild Landsbanka
íslands og birtir í ársskýrslu skólans.
Ekki er ætlunin að fjalla efnislega um samn-
inginn á þessu stigi, þar sem eignaðaðilar hafa
ekki rætt af alvöru um æskilega þróun skólans
og þau verkefni, sem honum er ætlað að sinna
umfram það, sem hann annast núna.
Ég vil benda starfsmönnum bankanna á
nauðsyn þess að ræða í sínum hópi um æski-
lega þróun og verkefni skólans, og koma því
á framfæri við skólanefndina. Á þann hátt
geta starfsmenn best haft áhrif á mótun nýrra
verkefna sem skólinn mun taka upp á komandi
árum.
Fulltrúi SÍB í stjórn Bankamannaskólans til
næstu tveggja ára er Benedikt E. Guðbjartsson,
Landsbanka íslands, en varamaður hans er
Sólon R. Sigurðsson, formaður SIB.
Benedikt E. Guðbjartsson.
Á námskeiði hjá dönskum
Björg
Árnadóttir.
Dagana 14.—18. nóvember sl. tók ég þátt
í námskeiði, sem dönsku sparisjóða- og banka-
mannasamböndin héldu fyrir trúnaðarmenn
sína.
Námskeiðið var haldið að Kobæk Strand við
Skælskör, en þangað er u. þ. b. 2ja tíma lestar-
ferð frá Kaupmannahöfn. Kobæk er fræðslu-
miðstöð, mjög mikil að vöxtum og fullkomin
í alla staði, sem er í eigu samtaka bankamanna
í Danmörku og fleiri launþegasamtaka.
Ekki er hægt í stuttri frásögn að greina frá
öllu, sem fram fór á námskeiðinu, og mun ég
aðeins staldra við það, sem mér þótti áhuga-
verðast.
Þátttakendur voru um 50 víðsvegar að.
Stjórnendur voru þau Ruth Madsen frá Danske
Sparekassefunktionærers Landsforening og Jörn
Nörlem frá Danske Bankfunktionærers Lands-
forening.
Starfið hófst kl. 9.00 á morgnana, og var
unnið flesta daga til kl. 9.00 á kvöldin. Þátt-
takendum var skipt í 4 hópa, sem unnu að
hinum margvíslegustu verkefnum. Fjallað var
um ýmis vandamál, sem upp koma á vinnu-
stöðum og meðhöndlun þeirra mála. Þá komu
stjórnarmenn frá DSL og DBL (samtök starfs-
manna banka og sparisjóða) og gerðu grein
fyrir starfsemi samtakanna.
Mikill hluti námskeiðsins fór hinsvegar í
tilsögn og æfingar í ræðumennsku og var mjög
skemmtilegt að fylgjast með þeirra starfs-
aðferðum.
Einnig var kennd svokölluð „samningatækni“
og farið í „samningaleiki“. Þeir fara þannig
fram, að settar eru á svið kjaradeilur, sem síðan
er reynt að leysa í samningaviðræðum, eftir
þeim aðferðum, sem kenndar höfðu verið.
Námskeiðinu lauk með því, að stjórnendur
svöruðu fyrirspurnum og gagnrýni.
Dagar þessir voru mjög lærdómsríkir og færi
ég stjórn SÍB þakkir fyrir að gefa mér tækifæri
til þess að fara þessa ferð. — Björg Árnadóttir.
36 BANKABLAÐIÐ