Útvarpstíðindi - 01.11.1953, Blaðsíða 7

ins, er heimti skilyrðislausa undirgefni
af allri alþýðu.
Ríkið, segir hann: „hader Frihed som
en Sot/ men ynder Lighed saare godt.“
Brandur, sveitapresturinn og aðalper-
sóna leikritsins, er algjör andstæða þess-
ara embættismanna. Hann er hinn sterki
persónuleiki, sem býður öllu byrginn og
þorir að voga öllu eða engu.
Leikritið hafði gífurleg áhrif, strax og
það kom út í Noregi. Það var í senn heil-
steypt listaverk og þrumandi prédikun
hins mikla skálds yfir þjóð sinni. Er það
mikið gleðiefni að eiga þess kost á þess-
um jólum að fá að heyra Brand í út-
varpinu og er ekki að efa að vel takist.
Þýðing Matthíasar Jochumssonar á
Brandi verður alla tíð talin eitt af af-
rekum hans á því sviði, en eins og kunn-
ugt er ber Matthías höfuð og herðar
yfir alla landa sína í þýðingum á verk-
um erlendra höfuðskálda. En það gekk
ekki auðveldlega fyrir Matthías að koma
þýðingu sinni á „Brandi“ á prent. En
það er önnur saga, og þá sögu mun dr-
Steingr. J. Þorsteinsson prófessor segja
útvarpshlustendum áður en leikritið
verður flutt.
Útvarpstíðindi birta hér lítinn kafla
úr „Brandi“ Ibsens og Matthíasar.
Leihfifmœli.
Ein af þekktustu leikkonum landsins,
frú Þóra Borg átti fyrir nokkru 25 ára
leikafmæli. Hún er dóttir hinnar frægu
leikkonu Stefaníu Guðmundsdóttur og á
því ekki langt að sækkja hæfileika sína,
enda byrjaði hún strax á barnsaldri starf
sitt á leiksviðinu og hefur alla tíð notið
mikillar hýlli leikhúsgesta og unnið
marga sigra í þjónustu frú Thaliu.
Ú r „ B R A N D I “
(Brandur, prestur í lítilli og fátæklegri sókn
norðarlega í Noregi, ætlar að kenna söfnuði
sínum ströngustu kröfur kristinnar trúar og á
útaf því í höggi við valdamenn héraðsins, pró-
fast og fógeta. Múgurinn þyrpist kringum Brand,
þar á meðal klukkarinn og kennarinn. Þeir
lyfta Brandi upp á herðar sér).
Margar raddir:
Mikli dagur! Táknin tala!
Tökum rás til fjallasala!
( Fólkið æðir til fjalla; fáeinir eftir).
Prófasturinn:
(Kallar á eftir þeim sem fara).
Steinblint fólk! Hvað stendur til?
Stökkvið ei, því fjandans spil
brúkar hann svo blekkist þið!
Fógctinn:
Hverfið aftur heim í frið!
Heim í gömlu friðarlónin.
Hvert þá? Beint á heljarsvið?
Hm, þeir gegna’ ei, bannsett flónin!
Prófasturinn:
Hugsið þið um byggð og bú!
ÚTVARPSTÍÐINDI
7