Útvarpstíðindi - 01.11.1953, Blaðsíða 31

TÓMSTUNDAÞÁTTUR
Þegar vetur gengur í garð, leita smá-
fuglarnir heim að bústöðum mann-
anna í trausti þess, að þeim verði ekki
gleymt, þegar matarafgangar falla til á
heimilunum. Margir hafa líka þann góða
sið, að gefa smáfuglunum mjöl og korn,
út á skaflinn þegar harðnar í ári. En Kári
er kenjóttur karl og feykir fóðri þeirra
burt, eða hylur snjó. En ef þið smíðið
fóðurhús handa þeim, eins og sýnt er
hérna á myndinni, geta þeir notið mat-
arins í hlé við vindinn. Húsið snýst um
ás eða öxul, en trén og girðingin vinna
eins og stýri á vindhana. Opið snýr því
alltaf undan veðrinu..
Skýringar eru að mestu óþarfar; en á
aðalmyndinni (A) er sýnd breidd, lengd
og hæð á gafli. Hæð á opinu er 20 cm.
(allar tölur tákna cm. og þeim má auð-
vitað breyta, ef með þarf). — Öxullinn,
gildur járnteinn eða rör (%”) gengur
upp í gegn um listann (x) undir gólfinu
og upp úr þakinu. En að neðanverðu í
gegn um trékefli, sem fast er í efni enda
á löngu röri (2”); grafið í jörð eða haft
utan á háum staur.
Gólfið og listinn (x) hvíla á kúluleg-
unni, en hún á rörendanum. — A litlu
myndinni (B) er útbúnaður þessi ein-
faldari og ódýrari. — Staur er grafinn í
jörð eða boltaður við snúrustaur. Kubb-
ur (x) með rauf í, þvingar ásinn að
staurnum. Neðar eru tveir kengir, eða
naglar, beygðir yfir ásinn. í stað kúlu-
lega má hafa járnplötu ofan á staur-
endanum en milli hennar og listans und-
ir gólfinu, skífu, eða járnhring. Berið
feiti þarna á milli. Tré (ca. 25 cm. há) og
girðingar sagað úr krossviði (1—10
mm), eða masonit. Allt tréverk er vand-
lega lakkborið, eða málað. —
Látið nú sjá, að þið séuð góðir smið-
ir; og munið að gefa fuglunum í vetur.
J. P.
LAUFSAGARMYNZTUR.
Nú um margra ára skeið hefir þess ekki verið
kostur að fá laufsagarmynztur. Er það illa farið,
þar sem laufsögun er að báðu jöfnu til gagns
og gamans, og hin ágætasta tómstundaiðja. Nú
hefir góðvinur allra yngri hlustenda útvarpsins,
Jón Pálsson, bætt úr brýnustu þörf þeii-ra í
þessu efni, eins og svo mörgum öðrum, og teikn-
•að nokkur mynztur og látið fjölrita þau, auk
þess stuttorðar og greinargóðar leiðbeiningar um
notkun þeirra. Þar eru t. d. mynztur af penna-
hnífum, myndarömmum, vegghillum o. m. fl.,
sem er bæði í senn, smekkleg og snotur. — Út-
varpstíðindi vilja vekja athygli yngstu lesend-
anna á þessum nýju möguleikum til skemmti-
legrar og gagnlegrar tómstundavinnu. J. G.
ÚTVARPSTÍÐINDI
31