Árdís - 01.01.1935, Qupperneq 41

39
Viðauki.
Fyrir tveimur árum var mér faliö aö skrifa ritgerð um “Fé-
lagssamtök íslenzkra lúterskra kvenna í Vesturlieimi”. Þrátt
fyrir margar tilraunir reyndist erfitt að ná í upplýsingar og
skýrslur um stofnun og starf hinna ýmsu félaga .1 hinum dreifðu
bygðum íslendinga. Gat eg þess í lok þeirrar greinar að nokkur
fleiri félög mundu hafa verið stofnuð meðal íslenzkra kvenna þó
mér hefði ekki tekist að ná í skýrslur þeim viðvíkjandi.
'Nú hafa mér borist upplýsingar viðvíkjandi þremur kvenfélög-
um er hin áminsta ritgerð greinir ekki frá. Þakka eg innilega
konunum sem þær upplýsingar sendu, og er mér ánægja að
geta stofnun þeirra félaga hér.
íslenzkt kvenfélag var stofnað að Hallson, N. D., snemma á
árum. Því miður hafa fyrstu bækur þess eyðilagst í eldi, en
samkvæmt dagbók Jóhanns Schrams var félagið sítarfandi 1887
og mun hafa verið stofnað nokkru fyrir þann tírna, er það því
eitt af okkar elstu kvenfélögum. Hefir félag þetta starfað með
dugnaði nálægt fimtíu ár, hjálpaö bágstöddum og sjúkum, haldið
jclatrés-samkomur fyrir börn, haft umsjón með sunnudagaskóla,
lagt fé til að 'byggja samkomúhús fyr á árum, gefið innanhús-
muni í kirkju sína og styrkt söfnuðinn. Á stríðsárum vann það
fyrir Rauða-Kross starfið með miklum dugnaði. — Enn starfar
félag þetta sem fyr og telur þrjátíu meðlimi.
Kvenfélag Pembina-safnaðar var myndað kringum 1899 og
starfaði þar 1925, því miður virðislt nokkur óvissa með hvenær
stofnfundur var haldinn, sömu'leiðis hvenær félagið hætti starfi.
Fyrsti forseti mun hafa verið Mrs. Arnheiðúr Goodman. fyrsti
skrifari Miss Oliver (nú Mrs. J. A. Sigurðsson í Selkirk). Hin
síðustu ár er félagið starfaði var Mrs. J. W. Benson forseti þess,
Rcsa Johnson skrifari. — Mun félag þetta hafa starfað með sarna
bætti og hin önnúr safnaðakvenfélög. Þegar það hætti starfi
skifti það sjóð sínum til fátækra, til Jóns Bjarnasonar skóla og til
gamalmenna heimilisins Betel.
íslenzkar konur á Pembina fjöllum stofnuðu félag 20. ágúst
1893, skrifuðu sig þá tuttugu konur í félagið. Tilgangur félagsins
var að hlynna að kristindómsmálum og stýrkja fáJtæka. Fyrsti
forseti var Mrs. Kristín Goodman, skrifari Mrs. Anna M. Grímson,
féhirðir Mrs. Ingunn Benson. Félag iþetta starfaði í 26 ár eða
þar til árið 1919. Öll þau ár gengdi Mrs. Anna Grímson skrifara
störfum, en tvær konur skipuðu forsetasæti á tímabilinu: Mrs.
Kristín Goodman og Mrs. Guðrún Einarsson. — Þetta félag lét
margt gott af sér leiða og störfuðu meölimir þess með áhúga og
dugnaði að velferðarmálum bygðar sinnar.
Ingibjörg J. Ólafsson