Morgunblaðið - 17.04.2009, Side 9
Fréttir 9INNLENT
MORGUNBLAÐIÐ FÖSTUDAGUR 17. APRÍL 2009
Eftir Sigrúnu Ásmundsdóttur
sia@mbl.is
„FYRIRKOMULAG útboðsins var
þannig að það voru boðnir út staðir,
heimili eða vinnustaðir, með búsetu
og starfsemi árið um kring utan
markaðssvæða,“ segir Ottó V. Wint-
her hjá Fjarskiptasjóði. Með þessum
orðum útskýrir hann afmörkun út-
boðs fjarskiptasjóðs í tengslum við
verkefnið háhraðanettengingar til
allra landsmanna. Síminn hefur hafið
undirbúning að því að tengja þá
u.þ.b. 1.800 staði á landinu sem skv.
upplýsingum sjóðsins eru enn án há-
hraðanettenginga og er verkefnið
styrkt með 606 milljóna framlagi úr
Fjarskiptasjóði. Upplýsingar fyrir
íbúana og endursöluaðila þjónust-
unnar eru í vinnslu og verða birtar
innan skamms.
„Þeim, sem gerðu tilboð í verk-
efnið, var frjálst að nota hvaða tækni
sem er til að tengja þessa staði, svo
framarlega sem tæknin uppfyllti
hraða- og gæðakröfur,“ segir Ottó.
Eitthvað er um það að þeir bæir sem
falla undir verkefnið nái ekki góðum
sjónvarpsútsendingum, en Ottó seg-
ir að í þessu verkefni sé ekki gerð
krafa um sjónvarpsþjónustu. Útboð
fjarskiptasjóðs hafi fyrst og fremst
snúist um háhraðanettengingu, þ.e.
sítengda internetþjónustu. Stafræn-
ar útsendingar á dagskrám RÚV yf-
ir gervihnött um landið allt og miðin
hófust í apríl 2007 fyrir tilstuðlan
Fjarskiptasjóðs. Sú þjónusta stend-
ur öllum til boða. Margs konar tækni
önnur er möguleg til að dreifa staf-
rænu sjónvarpi, t.a.m. ADSL, ör-
bylgja og ljósleiðari. Ljósleiðari til
allra heimila landsins kostar 30-40
milljarða skv. lauslegri könnun sem
gerð var í tengslum við gildandi fjar-
skiptaáætlun. Ottó bendir á að lang-
flestir bæir hafi nú þegar aðgang að
stafrænu sjónvarpi, m.a. yfir ör-
bylgju, ADSL eða gervihnött þó að
úrval stöðva sé mismunandi.
Í útboðinu var gerð lágmarkskrafa
um 2 megabita flutningsgetu á alla
staði. Stafrænt sjónvarp gerir mikl-
ar kröfur til gagnaflutningsneta og
þar með talið flutningsgetu.
Þetta segir Ottó þýða það að ef
Síminn ætlar að nota ADSL ein-
hvers staðar til að uppfylla kröfur
verkefnisins þá sé e.t.v. kominn
tæknilegur möguleiki fyrir Símann
til að bæta sinni eigin sjónvarpsþjón-
ustu ofan á.
Fjarlægð frá sendi ræður
Að sögn Ottós mun Síminn byggja
upp þjónustuna að mestu með þriðju
kynslóðar farsímatækni. „Aðrir stað-
ir verða leystir með ADSL og innan
við 10% staða verða tengdir með wifi
eða gervihnattasambandi þar sem
óhagkvæmt er að tengja þá með öðr-
um hætti. En í öllu falli er ljóst að 2
megabit munu standa öllum not-
endum til boða þó að Síminn muni
væntanlega einnig bjóða afkasta-
minni og hagkvæmari áskriftarleiðir.
Tækni og fjarlægð frá sendi ræður
því m.a. hvort meira en 2 megabit
verða í boði á einstaka stað en öll
verð til neytenda verða sambærileg
við verð í þéttbýli fyrir sambærilega
þjónustu hverju sinni,“ segir Ottó.
Nota það mesta og besta
Miðað við þá tækni sem nú er not-
uð í heiminum fullyrðir hann að Ís-
lendingar noti það besta sem til er
miðað við landfræðilegar aðstæður.
„Þessi tækni mun þróast áfram og
afköstin munu aukast í kerfinu.
Þjónustan á þeim bæjum sem ríkið
styrkir mun haldast alveg í hendur
við það sem Síminn mun bjóða á al-
mennum markaði.“
Fjarskiptaáætlun er nú í endur-
skoðun og þar með markmið um
bætta sjónvarpsþjónustu. „Í fjar-
skiptaáætlun eru markmið um að
skipta úr hliðrænu sjónvarpi yfir í
stafrænt og tryggja að allir lands-
menn eigi kost á stafrænu sjónvarpi.
Íbúum viðkomandi bæja verður
sent bréf þegar styttist í gangsetn-
ingu á þeirra svæði og þeim boðin
þjónustan. Heildarverktíminn er
áætlaður 18 mánuðir. Íbúar geta val-
ið að tengjast strax eða einhvern
tímann seinna allt til ársins 2014. Í
yfirstandandi endurskoðun fjar-
skiptaáætlunar verða öll markmið
tekin upp, metið hvað hefur áunnist
og rætt verður við hagsmunaaðila og
málin skoðuð í heild,“ segir Ottó og
bendir á að stafrænar útsendingar
RÚV náist nú þegar m.a. í gegnum
gervihnött um land allt með örfáum
undantekningum.
Viðmiðið er tvö megabit
Háhraðanet til allra landsmanna í vinnslu 1.800 staðir á landinu enn án teng-
ingar Margvísleg tækni verður notuð til að koma öllum í samband
Morgunblaðið/Frikki
Í vinnslu Um 1.800 staðir á landinu eru enn án háhraðanettengingar.
Í HNOTSKURN
»Síminn hefur hafið undir-búning að því að tengja þá
u.þ.b. 1.800 staði á landinu
sem eru enn án háhraðanet-
tenginga.
»Verkefnið er styrkt með606 milljóna framlagi úr
Fjarskiptasjóði.
»Upplýsingar fyrir íbúanaog endursöluaðila þjónust-
unnar eru í vinnslu og verða
birtar innan skamms.
»Fjarskiptaáætlun er nú íendurskoðun.
STARFSMENN Suðurverks hafa
unnið allan sólarhringinn alla daga
ársins við undirbúning Landeyja-
hafnar. Verkið er á áætlun, sam-
kvæmt upplýsingum Dofra Ey-
steinssonar framkvæmdastjóra.
Sprengingum í námu á Selja-
landsheiði, flokkun grjótsins og
flutningi niður að Markarfljóti lýk-
ur um miðjan maí. Samhliða er unn-
ið að lagningu nýs vegar að höfn-
inni, meðal annars með smíði brúar
á Ála sem hér sést með Heimaey í
baksýn. Í kaffitímum má sjá fjölda
tækja við kaffiskúrinn. Þegar allt
grjótið verður komið í farveg
Markarfljóts mun ánni verða veitt
austur fyrir hrúgurnar, grjótinu
ekið niður sandinn og notað í varn-
argarða. Gerð verða göng undir
Suðurlandsveg til að trukkarnir
þurfi ekki að fara yfir þjóðveg.
Þetta er verkefni níutíu starfs-
manna Suðurverks næstu mán-
uðina og unnið að því af sama krafti
og hingað til. helgi@mbl.is
Morgunblaðið/RAX
Ferjuhöfn undirbúin
Sveitarstjórnir
gera kjörskrár
Ranghermt var í frétt í blaðinu s.l.
miðvikudag, að Hagstofan gæfi út
endanlegar kjörskrár vegna kom-
andi alþingiskosninga. Hið rétta er
að sveitarstjórnir gera kjörskrár á
grundvelli kjörskrárstofna sem
Þjóðskrá lætur þeim í té. Á kjörskrá
skal taka þá sem uppfylla skilyrði
laga um kosningar til Alþingis og
skráðir voru með lögheimili í sveit-
arfélaginu samkvæmt íbúaskrá
Þjóðskrár fjórum vikum fyrir kjör-
dag.
Æfa hjá Dansdeild ÍR
Nafn dansdeildarinnar, sem hið
unga samkvæmisdanspar Aníta Lóa
Hauksdóttir og Pétur Fannar Gunn-
arsson æfa hjá, misritaðist í frétt
blaðsins í gær. Hið rétta er að þau
æfa hjá Dansdeild ÍR.
Föðurnafn misritaðist
Föðurnafn Ísleifs Friðrikssonar sem
ásamt félögum sínum vinnur að end-
uruppbyggingu skíðaskálans í Ólafs-
skarði í Jósepsdal misritaðist í grein
í blaðinu sl. miðvikudag.
Vitnað í ranga
lagagrein
Í frétt um framboðslista í blaðinu í
gær var vitnað í ranga lagagrein um
kosningar, þar sem talað var um 31.
grein laganna væri ekki nógu skýr.
Hið rétta var að þar átti að standa
32. grein.
LEIÐRÉTT
mbl.is
smáauglýsingar
Bæjarlind 6 sími 554 7030
Eddufelli 2, sími 557 1730
Ný sending
Frakkar og jakkar
str. 36-48
Frakki
18.900 kr.