Morgunblaðið - 17.04.2009, Blaðsíða 23

Umræðan 23KOSNINGAR 2009
MORGUNBLAÐIÐ FÖSTUDAGUR 17. APRÍL 2009
MERK viljayfirlýsing var undirrituð mið-
vikudaginn 8. apríl í Skansinum á Álftanesi.
Þar staðfestu umhverfisráðherra, mennta-
málaráðherra og bæjarstjórinn á Álftanesi
vilja sinn til að vinna að uppbyggingu nýrrar
upplýsingamiðstöðvar og gestastofu á Álfta-
nesi í tengslum við friðlýsingu Skerjafjarðar.
Undirbúningur að friðlýsingunni sjálfri stend-
ur yfir hjá öllum sveitarfélögum við Skerja-
fjörð.
Miðstöðin verður byggð upp við Kasthús-
atjörn á Álftanesi þar sem fjölskrúðugt fuglalíf
laðar útivistarfólk og náttúruunnendur að. Þar
má skoða margt af því besta sem friðlandið við Skerjafjörð
hefur upp á að bjóða. Sá fjársjóður upplýsinga sem felst í
því að segja frá umhverfi og sögu þessa svæðis mun verða
aðgengilegur gestum við opnun miðstöðvarinnar. Um-
hverfisráðuneytið mun styðja sveitarfélagið í gerð
fræðslu- og sýningarefnis og stuðla þannig að því að skapa
störf í þágu umhverfis og menningar.
Fræðslumiðstöðin verður hluti af menningar- og nátt-
úrufræðasetri sem byggt verður upp á Álftanesi. Þar
verður fléttað saman kynningu á náttúru Álfta-
ness og Skerjafjarðar og sögu Bessastaða og
þannig er unnt að skapa atvinnu á svæðinu við
móttöku ferðamanna. Um 100 þúsund þeirra
koma á Álftanes ár hvert. Hver sá sem gengið
hefur fjörurnar á Álftanesi eða horft út á sí-
breytilegt hafið við Skerjafjörð veit hvílík verð-
mæti eru fólgin í lítt spilltu umhverfi og útsýni.
Mikilvægt er að skapa skilyrði fyrir atvinnu-
uppbyggingu af þessu tagi, í sátt við umhverfið
og með markvissri áherslu á menningu, sögu
og náttúru einstakra svæða. Ferðamenn þyrst-
ir í upplýsingar og þekkingu á náttúru og sögu
Íslands. Hvert og eitt starf í umhverfis- og
menningartengdri ferðaþjónustu hefur umtals-
verð margfeldisáhrif og er mikilvægt fyrir framtíðarupp-
byggingu landsins. Með því að styðja við bakið á sveit-
arfélögum og öðrum er vilja byggja upp slík störf getur
ráðuneytið byggt upp umhverfisvæna atvinnu og laðað að
landinu vel upplýsta ferðalanga sem eru þjóðarbúinu verð-
mætir.
Umhverfi, atvinna,
friðlýsing og framtíðarsýn
Eftir Kolbrúnu Halldórsdóttur
Kolbrún
Halldórsdóttir
Höfundur er umhverfisráðherra og skipar 3. sæti
á framboðslista VG í Reykjavíkurkjördæmi suður.
TAKMARK Borg-
arahreyfingarinnar er að
færa völdin frá flokks-
ræði til lýðræðis. Ef sá
sem þetta les treystir í
raun og sannleika Sjálf-
stæðisflokki, Framsókn-
arflokki og Samfylkingu
til að rannsaka hrunið
ofan í kjölinn getur við-
komandi í góðri trú hald-
ið áfram að kjósa þá yfir
sig og búið sig undir frekari hörm-
ungar. Ef sá sem þetta les telur að
VG muni með Samfylkingunni sigla
okkur heilu og höldnu út úr krepp-
unni þá hefur viðkomandi gleymt
því að þessir flokkar eru nú and-
stæðir pólar; Samfylking vill ESB-
aðild og stóriðju. VG hafnar ESB-
aðild og hatar stóriðju.
Það er efnahagslegt neyðar-
ástand hjá fjölda fjölskyldna og
heimila í landinu og enginn hrærir
legg né lið þeim til hjálpar. Það ber
að færa vísitölu verðtryggingar
fram fyrir hrunið (janúar 2008).
Vextir lækki í 2% og afborgunum af
húsnæðislánum verði hægt að
fresta um tvö ár. Næsta skref er að
afnema verðtrygginguna. Við erum
nýr valkostur fyrir þá sem eru
orðnir þreyttir á fjórflokknum, á
sömu frösunum og sama vanmætti
til að koma með lausnir. Við erum
brú fyrir þjóðina inn á þing.
Landsmenn eiga sjálf-
ir að halda stjórnlaga-
þing og setja sér nýja
stjórnarskrá. Taka skal
upp regluna „einn mað-
ur, eitt atkvæði“. Ráð-
herrar sitji ekki á þingi.
Ráðherrar, þingmenn
og æðstu embættismenn
framkvæmdavaldsins –
nema dómarar – gegni
embætti í mesta lagi í 8
ár eða 2 kjörtímabil. All-
ar náttúruauðlindir
verði í þjóðareigu og óheimilt að
framleigja þær nema tímabundið.
Trúverðug rannsókn undir
stjórn erlendra sérfræðinga á
efnahagshruninu hefjist um-
svifalaust og fari fram fyrir opnum
tjöldum. Fjárhagshrunið verði
rannsakað sem sakamál og eignir
grunaðra auðmanna verði taf-
arlaust frystar.
Lýðræðisumbætur strax. Stjórn-
lagaþing fólksins í haust. Persónu-
kjör til Alþingis. Afnema 5%
þröskuldinn. Þjóðaratkvæða-
greiðslum fjölgi. Hugsjónir sem
kosta ekki peninga!
Borgarahreyfingin er komin til
að taka til á sviði íslenskra stjórn-
mála – þar sem lengi hefur verið
tiltekta þörf.
Lýðræði og heiðarleiki
– nú eða aldrei
Eftir Þráin Bertelsson
Þráinn Bertelsson
Höfundur skipar fyrsta sæti á lista
Borgarahreyfingarinnar
í Reykjavík-norður.
LANDSMENN hafa nú árum saman rætt
fram og til baka um Ísland, Evrópu-
bandalagið og upptöku evru. Sitt sýnist
hverjum, ólíkir hagsmunir togast á en það er
á engan hátt óeðlilegt þegar horft er til þeirra
skuldbindinga sem fylgja. Einnig er nauðsyn-
legt að horfa til og nýta þau tækifæri sem
bjóðast við aðild að ESB.
Við inngöngu þarf að fullnægja ákveðnum
skilyrðum og við núverandi aðstæður eigum
við langt í land með að ná þeim markmiðum.
Stjórnmálaflokkarnir hafa sett fram ólíkar
stefnur, allt frá því að vísa aðild alfarið á bug
yfir í að sjá lausn þjóðarvandans felast fyrst og fremst í
tafarlausri umsókn og inngöngu. Auðvitað hafa verið
skiptar skoðanir í Framsókn en flokksmenn hafa ekki
látið það stoppa sig við að vinna áfram, halda við þekk-
ingu og upplýstri umræðu.
Nú hefur flokkurinn samþykkt markmið með skil-
yrðum sem aðildarviðræður verða að byggjast á. Við vilj-
um hefja viðræður sem grundvallast á umboði frá Al-
þingi þar sem tryggðir eru m.a. hagsmunir almennings
og atvinnulífs – sérstaklega sjávarútvegs og landbún-
aðar. Óskorað forræði yfir auðlindum er
grundvallarkrafa, skýran og einhliða úrsagn-
arrétt þarf að tryggja o.fl.
Strax í upphafi viðræðna verður að semja
við Evrópska seðlabankann um stöðugt gengi
krónunnar þar til við fullnægjum upptöku
evru. Aðeins út frá samningstilboði getur
þjóðin valið í kjölfar upplýstrar umræðu.
Framsókn hefur frá árinu 2000 haft ákveðið
frumkvæði í umræðunni – sjá skýrslur á
heimasíðu flokksins frá 2001 og 2007. Nefnd
um gjaldmiðilinn starfaði innan Framsóknar
og gaf út skýrslu 2008. Hún komst að því að
tveir kostir eru í stöðunni, að viðhalda krón-
unni með breyttri peningastefnu og efldum
gjaldeyrisvarasjóði eða að taka upp evru jafnhliða fullri
aðild. Evra er alþjóðlegur gjaldmiðill sem vegur þungt í
utanríkisviðskiptum okkar.
Stefna Framsóknar er því alveg skýr, vinna nú að
styrkingu krónunnar, vinna gegn atvinnuleysi og sjá
fram úr efnahagsvandanum en einnig að undirbúa aðild-
arumsókn að ESB á okkar forsendum – ekki annaðhvort
eða – heldur bæði og!
Framsóknarflokkurinn –
ESB og gjaldmiðillinn
Eftir Fannýju Gunnarsdóttur
Fanný
Gunnarsdóttir
Höfundur skipar 4. sæti Framsóknar í Reykjavík norður.
SAMFYLKINGIN
leggur höfuðáherslu á
það í störfum sínum að
brúa tímabil erfiðleika
fyrir heimili og fyrirtæki
með ábyrgum og mark-
vissum hætti. Aðgerðir
ríkisstjórnarinnar miða
allar að því aðstoða þá
sem eiga í fjárhagserf-
iðleikum með skipuleg-
um hætti. Þar gildir að
ein lausn hentar ekki öllum og for-
gangsraða þarf fjármunum til þeirra
sem mest þurfa á þeim að halda.
Þannig vinna jafnaðarmenn.
Samfélagið býr að velferð-
arumbótunum sem Samfylkingin
hefur haft forystu um síðastliðin tvö
ár. Hækkun persónuafsláttar og
tekjutengdra barnabóta vegur þar
þungt, einnig afnám hinnar illræmdu
tekjutengingar bóta lífeyrisþega við
tekjur maka. Þá hafa greiðslur til líf-
eyrisþega hækkað um 42%. Á síðustu
vikum hefur ríkisstjórnin unnið
sleitulaust að því að hrinda í fram-
kvæmd aðgerðum sem allar miða að
því að brúa vegferð einstaklinga og
heimila yfir hyldýpi kreppunnar.
Margar leiðir – eitt markmið
Ég tel víst að 25% hækkun vaxta-
bóta muni ráða úrslitum í þeirri veg-
ferð fyrir mörg heimilin. Ekki skal
því gleymt að vaxtabætur hafa
hækkað um samtals 70% frá því að
Samfylkingin settist í ríkisstjórn fyr-
ir tveim árum. Lækkun
greiðslubyrðar lána með
lengingu þeirra, jafnt verð-
tryggðra sem myntkörful-
ána, getur létt greiðslu-
byrði margra fjölskyldna
um 10-15%. Það munar um
minna. Sumir þurfa á tíma-
bundnum greiðslufrestum
að halda, jafnvel í 1-3 ár,
hjá Íbúðalánasjóði og
bönkunum vegna atvinnu-
missis eða annarra tíma-
bundinna aðstæðna. Þá
hafa þúsundir einstaklinga
nýtt sér heimild til útgreiðslu sér-
eignarsparnaðar. Allt verður gert til
þess að koma í veg fyrir að fjöl-
skyldur missi heimili sín eða ein-
staklingar verði knúnir í gjaldþrot.
Að því miða m.a. lagafrumvörp um
greiðsluaðlögun samningskrafna og
fasteignaveðlána sem væntanlega
verða samþykkt fyrir þinglok. Að
framansögðu er ljóst að vandinn er
fjölþættur og við honum dugar engin
ein lausn. Velferðarbrú Samfylking-
arinnar miðar að því að koma eins
mörgum fjölskyldum og kostur er
klakklaust yfir boðaföll kreppunnar.
Brúin yfir kreppu
Eftir Þórunni Svein-
bjarnardóttur
Þórunn
Sveinbjarnardóttir
Höfundur er formaður félags- og
trygginganefndar Alþingis.
MORGUNBLAÐIÐ birtir alla út-
gáfudaga aðsendar umræðugreinar
frá lesendum. Blaðið áskilur sér rétt
til að hafna greinum, stytta texta í
samráði við höfunda og ákveða hvort
grein birtist í umræðunni, í bréfum til
blaðsins eða á vefnum mbl.is. Blaðið
birtir ekki greinar, sem eru skrifaðar
fyrst og fremst til að kynna starfsemi
einstakra stofnana, fyrirtækja eða
samtaka eða til að kynna viðburði.
Innsendikerfið
Þeir sem þurfa að senda Morg-
unblaðinu greinar eru vinsamlega
beðnir að nota innsendikerfi blaðsins.
Formið er undir liðnum „Senda inn
efni“ ofarlega á forsíðu mbl.is. Einnig
er hægt að slá inn slóðina
www.mbl.is/sendagrein
Ekki er lengur tekið við greinum
sem sendar eru í tölvupósti.
Í fyrsta skipti sem formið er notað
þarf notandinn að nýskrá sig inn í
kerfið, en næst þegar kerfið er notað
er nóg að slá inn netfang og lykilorð
og er þá notandasvæðið virkt.
Ekki er hægt að senda inn lengri
grein en sem nemur þeirri hámarks-
lengd sem gefin er upp fyrir hvern
efnisþátt en boðið er upp á birtingu
lengri greina á vefnum.
Móttaka að-
sendra greina
Kynntu þér málið hjá sölumönnum Eirvíkur
Íslenskt stjórnborð - Stórt hurðarop
Íslenskar leiðbeiningar - 20 ára ending
Miele þvottavélar hafa verið framleiddar í yfir hundrað ár.
Miele þvottavélar eru framleiddar til að endast.
Þvottavélar - Verð frá kr. 154.995
Þurrkarar - Verð frá kr. 129.995
TILBOÐ
Sparaðu
með Miele
Suðurlandsbraut 20, Reykjavík | Sími 588 0200 | www.eirvik.is