Morgunblaðið - 24.04.2009, Qupperneq 35

Verðlaunahafinn Hjörleifur með
Ólafi Ragnari Grímssyni í gær.
ÍSLENSKU þýðingaverðlaunin
voru afhent á Gljúfrasteini í fimmta
sinn í gær. Að þessu sinni hlaut
Hjörleifur Sveinbjörnsson verðlaun-
in fyrir þýðingu sína á Apakóngur á
Silkiveginum – sýnisbók kínverskr-
ar frásagnarlistar frá fyrri öldum,
sem JPV gaf út.
Dómnefnd skipuðu þær Soffía
Auður Birgisdóttir, formaður, Sig-
ríður Harðardóttir og Marta Guðrún
Jóhannesdóttir.
Apakóngurinn á Silkiveginum hef-
ur að geyma brot úr nokkrum þekkt-
ustu bókmenntaverkum Kínverja
frá fjórtándu öld fram til fjórða ára-
tugar tuttugustu aldar.
Apakóngur
verðlaunaður
Morgunblaðið/Ómar
Menning 35LISTIR
MORGUNBLAÐIÐ FÖSTUDAGUR 24. APRÍL 2009
Í seinni tíð er mér
farið að vaxa hár
á alls kyns furðulegum
stöðum... 36
»
SÝNINGIN Lennon og Baktus
verður opnuð í Listasal Mos-
fellsbæjar í dag, föstudag,
klukkan 17. Sýningin er haldin í
samstarfi við listahátíðina List
án landamæra. Á sýningunni
eru verk sjö ólíkra listamanna
sem hafa unnið saman að fjöl-
breytilegum listtengdum verk-
efnum en markmið hátíð-
arinnar er að koma á framfæri
list og menningu fólks með fötl-
un og auka fjölbreytni menningarlífs í landinu. Sýn-
endur eru Sigga Björg Sigurðardóttir og Ísak Óli
Sævarsson, Sigrún Huld Hrafnsdóttir og Davíð
Örn Halldórsson, Aron Eysteinn Halldórsson,
Gauti Ásgeirsson, og Baldur Geir Bragason.
Myndlist
Lennon og Baktus
mætast í myndum
Eitt verkanna sýnir
Tinna og félaga.
„HYGG að og herm hið
sanna …“ er yfirskrift tónleika
sem Fríkirkjukórinn í Hafn-
arfirði heldur í Hallgríms-
kirkju í Saurbæ á Hvalfjarð-
arströnd á morgun, laugardag,
milli klukkan 17.00 og 18.00
Á tónleikunum, sem haldnir
eru á 395 ára ártíð sálma-
skáldsins Hallgríms Péturs-
sonar, verða flutt ýmis lög við
verk hins merka skálds og
prests sem þjónaði Saurbæjarprestakalli um ára-
bil. Þá verða sungnir tveir sálmar eftir Sigurjón
Guðjónsson, sem einnig þjónaði í Saurbæj-
arkirkju, og sálmar nokkurra yngri sálmaskálda.
Þriggja manna hljómsveit leikur með kórnum.
Tónlist
Flytja lög við ljóð
séra Hallgríms
Hallgrímskirkja
í Saurbæ.
JAZZHÁTÍÐ Garðabæjar
stendur yfir þessa dagana. Í
kvöld, föstudag, leikur Tríó
Ómars Guðjónssonar í Kirkju-
hvoli, safnaðarheimili Vídal-
ínskirkju, kl. 21.
Tríó Ómars skipa, auk hans
á gítar, þeir Þorgrímur Jóns-
son á kontrabassa og Matthías
Hemstock á trommur.
Ómar er nýbakaður hand-
hafi íslensku tónlistarverðlaunanna og er
Garðbæingur. Tríóið flytur tónlist sem blandar
saman rokki og djassi á lagrænan og spennandi
hátt.
Tónleikarnir hefjast klukkan 21 og er aðgangur
ókeypis.
Tónlist
Tríó Ómars leikur
djass í Garðabæ
Ómar Guðjónsson
Eftir Einar Fal Ingólfsson
efi@mbl.is
„BALDWIN hefur margoft komið hingað til lands og
alltaf færandi hendi með einhverjar englaraddir með
sér,“ segir Jónas Ingimundarson, píanóleikari, um koll-
ega sinn. Dalton Baldwin kemur fram á „Töfratónleikum
í Tíbrá“ í Salnum í Kópavogi á morg-
un, laugardag, klukkan 17.00. Með
honum kemur fram ung kanadísk
messósópransöngkona, Julie Bouli-
anne, sem hefur hlotið ýmis verðlaun
fyrir óperu- og ljóðasöng.
Dalton Baldwin hefur verið í far-
arbroddi meðleikara heimsins í yfir
hálfa öld, en feril sinn hóf hann með
Gerard Souzay árið 1954. Í fyrri
heimsóknum hingað til lands hafa
margar stórstjörnur úr heimi söngs-
ins komið fram með honum, eins og Souzay og Elly
Ameling.
„Margt gott fólk hefur komið hingað með Baldwin og
hann hefur oft haldið námskeið hér í tengslum við heim-
sóknirnar,“ segir Jónas. Hann segir að þegar hann
komst sjálfur til þroska hafi verið „tveir undirleikarar í
heiminum“ – þeir Gerald Moore og Dalton Baldwin.
„Moore lék með Dietrich Fischer-Dieskau en Baldwin
með Souzay, sem voru stórstjörnur farandsöngvara. Þeir
voru mjög fyrirferðarmiklir. Baldwin er að nálgast átt-
rætt og hefur átt langan og afar glæsilegan feril.“
Baldwin tók því strax vel þegar Jónas bauð honum að
koma hingað að þessu sinni, en gat ekki sagt strax hvaða
söngvari kæmi með honum. „Tveimur dögum seinna
hringdi hann og sagði: Hún Julie Boulianne kemur með
mér, og þú verður ekki fyrir vonbrigðum!“ segir Jónas.
En hvernig lýsir Jónas Baldwin sem meðleikara?
„Hann er mjög næmur og fylginn sér, og styður vel við
þann sem hann leikur með. Hann hefur yfir stóru lita-
spjaldi að ráða. Píanóið er ekki bara undirleikur með
söngnum heldur líka leikmyndin, hvort sem það er lækj-
arniður, fuglar eða reiðhesturinn. Baldwin spilar litterat-
úrinn eins og hann leggur sig – hefur allt á valdi sínu.“
„Hefur allt á valdi sínu“
 Hinn heimskunni píanóleikari Dalton Baldwin kemur fram í Salnum ásamt Julie
Boulianne  Tónleikarnir eru haldnir í minningu Halldórs Hansens barnalæknis
Morgunblaðið /Arnaldur
Halldór Hansen Tónleikar Daltons Baldwins og Julie Boulianne eru haldnir í minningu Halldórs,
sem hér er hylltur á sviði Salarins árið 2000, af alþjóðlegum hópi listamanna og tónleikagestum.
Dalton Baldwin
Í GÆR undirrituðu Guðný Halldórs-
dóttir, fyrir hönd erfingja Halldórs
Laxness, og Jóhann Páll Valdimars-
son forleggjari, nýjan samning um út-
gáfu verka skáldsins á komandi ár-
um. Gærdagurinn, sumardagurinn
fyrsti, 23. apríl, var fæðingardagur
Halldórs og þótti við hæfi að und-
irrita þá á heimili skáldsins hinn nýja
samning milli erfingjanna og Vöku-
Helgafells, sem er ein útgáfnanna
undir hatti Forlagsins.
„Þetta er mikill léttir og gaman að
vera komin í samstarf við Jóhann Pál,
hann er svo ferskur,“ sagði Guðný
eftir undirritun samningsins. Til að
fagna undirrituninni var strax hafist
handa við að gefa verk Halldórs út að
nýju. Sjöstafakverið, smásagnasafn
skáldsins frá árinu 1964, kom út í
kilju í gær. Í því er meðal annars að
finna Dúfnaveisluna, eina kunnustu
smásögu Halldórs. Þá var lands-
mönnum einnig gert kleift í gær að
hala án endurgjalds niður af vef For-
lagsins lestur Halldórs á skáldsög-
unni Atómstöðinni.
Botnuðum ekkert í þessu
Vaka-Helgafell var um árabil út-
gefandi Halldórs Laxness. Þegar
JPV-útgáfa og útgáfuhluti Eddu
sameinuðust árið 2007 undir heitinu
Forlagið, varð Vaka-Helgafell hluti af
hinu sameinaða forlagi. Samkeppn-
iseftirlitið setti ýmis skilyrði fyrir
sameiningunni, þar á meðal að lager
og útgáfugögn verka Halldórs Lax-
ness yrðu seld og útgáfusamninginn
við erfingja skáldsins mætti ekki end-
urnýja. Höfundarverk Halldórs var
því án útgefanda og smám saman
seldust upp þeir titlar sem til höfðu
verið á lager.
Erfingjar Halldórs Laxnesss voru
ósáttir við úrskurðinn en nú hefur
náðst sátt milli allra aðila og í kjölfar-
ið er Vöku-Helgafelli gert kleift að
fara áfram með útgáfuréttinn.
„Við botnuðum ekkert í þessu,“
sagði Guðný. „Við héldum að Ísland
væri ekki svo stórt land að við þyrft-
um að rífast um stærð bókaforlaga.
En nú er um eitthvað annað að ræða
en stór bókaforlög. Manni finnst vera
að greiðast úr þessum hugsunum.“
Nýr samningur
Erfingjar Halldórs Laxness og Vaka-
Helgafell hafa gert útgáfusamning
Morgunblaðið/Ómar
Skrifað undir Jóhann Páll Valdimarsson og Guðný Halldórsdóttir.
DÓMARI í Barcelona hefur úrskurð-
að að spænski Nóbelsverðlaunahaf-
inn Camilo José Cela hafi gerst sekur
um ritstuld. Cela, sem lést fyrir sjö
árum, er sagður hafa tekið án leyfis
upp setningar úr bók annars höf-
undar og birt sem sínar.
Umræddur texti birtist í bókinni
La cruz de San Andrés sem kom út
árið 1994. Cela er sagður hafa tekið
málsgreinar úr bókinni Carmen, Car-
men, Carmen, eftir Maria del Car-
men Formoso, sem er látin. Bók
hennar kom einnig út árið 1994.
Cela var löngum umdeildur. Hann
sagði eitt sinn að hin virtu Cervantes-
verðlaun væru „þakin skít“. Síðar tók
hann við þeim. Kunnustu verk Cela
eru La Colmena (Býkúpan) og La fa-
milia de Pascual Duarte en fyrir hana
hlaut Cela Nóbelsverðlaunin árið
1989.
Cela sekur
um ritstuld
Tónleikarnir á morgun og tvö námskeið
sem Dalton Baldwin heldur fyrir unga
söngvara og hljóðfæraleikara í Salnum á
sunnudaginn, eru haldin í minningu Hall-
dórs Hansen, barnalæknis og tónlistarunn-
anda. Námskeiðin eru haldin í samvinnu
við sjóð við Listaháskóla Íslands sem
kenndur er við Halldór. Halldór arfleiddi
Listaháskólann að þorra eigna sinna og
fékk skólinn meðal annars gríðarstórt safn
af hljóðritunum, ekki síst með söng, sem
Halldór hafði safnað.
„Halldór var mikill mannvinur og mjög
listfengur,“ segir Jónas Ingimundarson.
„Ég hef engan heyrt tala af meiri viti um
söng en Halldór. Þeir Baldwin voru vinir
um áratuga skeið. Árið 2000 kom hann síð-
ast, til að hylla Halldór, sem átti afmæli. Þá
var hátíð í marga daga í Salnum með til-
heyrandi samsöng margra söngvara.“
Halldór var listfengur mannvinur
HEFUR Kanada verið byggt upp
sem leppríki Bretlands til að koma í
veg fyrir þenslu Bandaríkjanna til
vesturs? Kanadíski rithöfundurinn
George Elliott Clarke heldur í dag
fyrirlestur, á vegum stofnunar Vig-
dísar Finnbogadóttur, þar sem hann
fjallar um Kanada sem heimsveldi.
Þrátt fyrir sakleysislegt yfirbragð í
samfélagi þjóðanna, sem frönsk og
bresk nýlenda, færir Clarke rök fyr-
ir því, í fyrirlestrinum, að Kanada
gegni í raun flóknara hlutverki.
Clarke er prófessor í kanadískum
bókmenntum við Háskólann í To-
rontó og er sérfræðingur í bók-
menntum enskumælandi höfunda af
afrískum uppruna. Ljóðabækur
hans hafa unnið til verðlauna í Kan-
ada og ljóð hans verið þýdd á ýmsar
tungur.
Fyrirlesturinn er haldinn í Gimli í
Háskóla Íslands, stofu 102, og hefst
klukkan 15.
Fjallar um
Kanada sem
heimsveldi