Morgunblaðið - 02.05.2009, Blaðsíða 25

25
MORGUNBLAÐIÐ LAUGARDAGUR 2. MAÍ 2009
www.gisting.dk/gisting.html
sími: 499 20 40 (Íslenskt símanúmer)
Ódýr gisting í Kaupmannahöfn
Herbergi frá Dkk 300 Íbúðir frá Dkk 1200
Skógarhlíð 18 • sími 595 1000 • www.heimsferdir.is
Costa del Sol
21. maí – 12 nætur
frá kr. 99.900
12 nætur á ótrúlegum kjörum!
Birt með fyrirvara um prentvillur. Heimsferðir áskilja sér rétt til leiðréttinga á slíku.
Ath. að verð getur breyst án fyrirvara.
Heimsferðir bjóða frábært sértilboð á síðustu sætunum 21. maí til Costa
del Sol. Njóttu lífsins á þessum vinsæla áfangastað í 12 nætur og gistu á
Hotel Los Patos sem er notalegt þriggja stjörnu hótel sem býður
fjölbreytta þjónustu og góða staðsetningu í Benalmádena. Örstutt er á
ströndina hin vinsæla snekkjubátahöfn er í göngufæri. Á hótelinu er
sundlaug, barir, góð sólbaðsaðstaða, veitingastaður, lítil verslun,
setustofa með sjónvarpi, internetaðgengi auk fjölbreyttrar afþreyingar
fyrir fyrir gesti. Á hótelinu eru 277 herbergi sem eru með loftkælingu,
gervihnattasjónvarpi, síma, öryggishólf, baðherbergi og svölum eða
verönd. Hálft fæði er innifalið í gistingu, þ.e. morgun- og kvöldverður.
Verð frá kr. 99.990
12 nætur með hálfu fæði
Netverð á mann, m.v. 2 fullorðna og 2 börn, 2-11 ára, í herbergi á Hotel Los
Patos *** í 12 nætur með hálfu fæði. Sértilboð 21. maí til 3. júní. Verð á mann,
m.v. 2 fullorðna og 1 barn kr. 103.900. Verð á mann m.v. gistingu í tvíbýli kr.
119.000.
Ótrúlegt sértilboðHotel Los Patos ***Gott og notalegt hótelFjölbreytt þjónusta
Aðeins örfá herbergi í boði!
þjóðlega regluverkið verður lagað
og þá kemur kannski traustið og
virðingin aftur. Það er brýnasta
efnið vegna þess að útrásin skilur
eftir sig, þrátt fyrir allt, margt
hæfileikafólk með mikla menntun,
sambönd – og mistök sem það hef-
ur lært af. Þetta fólk þarf fyrst og
fremst traust til að geta hafið störf
á ný. Mér finnst erfiðast að vita
ekkert. Þetta er eins og skoða hús
– jú, mér líst vel á það – ekki flókið
að búa í því og alveg hægt að lappa
upp á það – en ég veit ekki hvort
ég hef efni á afborgunum. Eru það
100.000 á mánuði? 200.000? Gæti
staðan orðið þannig að það yrði
tæknilega ómögulegt að búa á Ís-
landi?“
Völundarhús borgarinnar
Hvaða hugmyndir hefur þú um
endurreisn atvinnulífsins?
„Fljótlega eftir hrunið tengdist
ég hópi sem vill setja upp verk-
stæði þar sem vélum yrði safnað
saman, iðnaðarmönnum og hönn-
uðum til að búa til prótótýpur og
leggja hugsanlega grunn að fram-
leiðslu á hlutum eða nýjum hug-
myndum. Við fórum að leita að hús-
næði fyrir starfsemina en nú hefur
hálft ár farið í flakk um völund-
arhús borgarkerfisins. Það vantar
aðeins meiri hraða – menn verða að
grípa fólk sem er tilbúið að leggja
fram krafta.
Tíminn skiptir máli vegna þess
að iðnaðarmenn og arkitektar hafa
rúman tíma um þessar mundir.
Þarna væri vettvangur til að fá
hugmyndir og búa síðan til raun-
verulega hluti. Smiðirnir hefðu
þarna sömuleiðis aðstöðu á stað þar
sem búið væri að safna saman alls
kyns vélum og gætu búið til lampa,
borð og stóla og aðra nytjahluti.
Gamlir menn sem eru að fara á eft-
irlaun gætu miðlað þekkingu til sér
yngri manna. Arkitektarnir eru
ekki að fara að byggja hús alveg
strax en gætu beint sjónum að
smærri lausnum, smærri hlutum,
vöruhönnun og fleiru.
Ég á von á því að hugmyndin
verði að veruleika en fram að þessu
hefur of mikill tími farið í kerfið.
Ég held að það séu hundrað svona
hugmyndir sem við þurfum að gera
að veruleika. Það eru fjölmargir
hugsjónahópar að vinna um allt
land og víða má jafnvel finna
hreina endurreisnarstemningu og
magnaða hluti sem eru unnir í
sjálfboðavinnu. Háskólarnir brugð-
ust mjög skjótt við, Prisma – sem
er endurreisnarsetur Bifrastar og
Listaháskólans, Neistaverkefni
Bjarkar og Hugmyndaráðuneytið
eru dæmi um öflugt og merkilegt
framtak, allkyns hópar og ein-
staklingar sem eru að gera mjög
spennandi hluti sem verða vonandi
eitthvað og það fær mann til að
trúa því að þessi kreppa gæti jafn-
vel orðið til góðs. Við hefðum lík-
lega ekki orðið sérlega heilbrigt
samfélag ef við hefðum farið línu-
lega í sömu átt og við stefndum.
Að vissu leyti þarf fólk að leysa
upp allar hugmyndir um tímakaup,
laun og svo framvegis. Menn þurfa
að vera tilbúnir að nýta húsnæði og
tæki frekar en að bíða. Það þarf
mikið hugsjónastarf við að koma
þessu aftur í gang og stjórnvöld
munu aldrei geta það ein og sér.“
Hugsar þú í pólitískum lausnum, til
dæmis í sambandi við Evrópusam-
bandið?
„Ég hitti mann um daginn sem
sagði við mig þegar Evrópusam-
bandið barst í tal: „Sérðu ekki hvað
það er stórkostlegt að horfa inn í
herbergi þar sem Frakki, Breti og
Þjóðverji búa til skýrslur um ag-
úrkur? Fyrir rúmum sextíu árum
voru þeir að murka lífið hver úr
öðrum. Finnst þér ekki eitthvað fal-
legt við að núna sameinist þeir í því
að búa til skýrslur um agúrkur?“
Ég vil að íslensk stjórnvöld fari í
viðræður við Evrópusambandið og
upplýsi þjóðina um það hvað sé í
boði og þá hef ég rétt til að sam-
þykkja eða hafna aðild í þjóð-
aratkvæðagreiðslu. Mér leiðist
hvernig umræðunni hefur verið
haldið niðri.“
Hef alltaf svikið lesendur
Þú ert rithöfundur sem skrifaði
skáldskap en hefur fært þig yfir í
virka þjóðfélagsumræðu, ertu að
gleyma skáldskapnum?
„Ég fór frá vísindaskáldskap,
barnahugsjónabókmenntum og
gríni yfir í að berjast við embættis-
mannakerfi og risafyrirtæki. Mér
fannst ég verða að gera það. Þegar
ég skrifaði Draumalandið hvarflaði
að mér að það væri ekki mitt hlut-
verk að skrifa um þjóðfélagsmál, ég
ætti að vera skáld og skrifa skáld-
skap fyrir eilífðina. En svo fór ég
að lesa þjóðfélagsgreinar Halldórs
Laxness frá fjórða áratugnum og
mér fannst það sem hann sagði þar
vera rétt og viðeigandi. Ég las líka
Adam Smith og Rousseau, menn
sem mótuðu sinn heim og sín við-
mið.
Ég ákvað að gefa mér lausan
tauminn, leyfa mér að fara á þessar
slóðir án þess að finnast ég vera að
svíkja skáldskapinn. Það er ágætt
að vera ekki að troða þjóðfélags-
skoðunum mínum inn í skáldverkin
því það spillir oft slíkum verkum.
Ég hef alltaf svikið lesendur mína
ef svo má segja, frá ljóðum fór ég í
smásögur, þaðan í barnabók, þaðan
í vísindaskáldsögu fyrir fullorðna
og þaðan í hugmyndabók um raun-
veruleikann og síðan í kvikmynd.
Núna eru einhverjar fjórar bæk-
ur að brjótast um í mér og nokkrar
komnar áleiðis, bæði skáldskapur
og raunveruleiki. Ástandið núna á
Íslandi er samt þannig að skáld-
skapurinn á mjög erfitt með að
keppa við raunveruleikann, hann er
svo miklu ótrúlegri.“
Morgunblaðið/Kristinn
Skáldið „Ég fór frá vísindaskáldskap, barnahugsjónabókmenntum og gríni yfir í að berjast við embættismanna-
kerfi og risafyrirtæki. Mér fannst ég verða að gera það. “