Morgunblaðið - 02.05.2009, Blaðsíða 12

12
MORGUNBLAÐIÐ LAUGARDAGUR 2. MAÍ 2009
1. maí – dagur verkalýðsins
Eftir Halldóru Þórsdóttur
halldorath@mbl.is
VERKALÝÐSHREYFINGIN krefst
þess að stjórnvöld, bæði ríkisstjórn og
sveitarstjórnir, sameinist um að halda
uppi eins mikilli atvinnu og kostur er
til að draga úr atvinnuleysi. Stjórnvöld
skulu einnig koma með raunhæf úr-
ræði til að mæta þeim húseigendum
sem vegna hrunsins eru að tapa öllu.
Þetta segir í 1. maí-ávarpi Fulltrúa-
ráðs verkalýðsfélaganna í Reykjavík,
BSRB, Bandalags háskólamanna,
Kennarasambands Íslands og Sam-
bands íslenskra framhaldsskólanema.
Ber vott um dómgreindarleysi
Í ávarpinu er dregin upp dökk
framtíðarsýn í ljósi atvinnuleysis og
fjárhagsstöðu heimila og fyrirtækja.
Þess er krafist að aðhaldsaðgerðir
stjórnvalda bitni ekki á þeim sem við
lökust kjör búa og því er hafnað að
launafólk verði látið bera kostnaðinn
af óráðsíu og bruðli undanfarinna ára.
Þannig segir í ávarpinu:
„Það ber vott um ófyrirleitni og al-
gert dómgreindarleysi þegar kallað er
eftir samstöðu lágtekjufólks án þess
að heita jafnframt stuðningi við rót-
tækar jöfnunaraðgerðir.“
Þá er þess krafist að grunnþjón-
usta eins og heilbrigðisþjónusta og
menntun verði ekki skert.
Ábyrgir sæti refsingum
Í ávarpinu er bent á að kreppan á
Íslandi sé alvarleg því hún sé „allt í
senn; bankakreppa, gjaldeyriskreppa
og hugarfarskreppa, nærð af græðgi
og siðleysi“.
Í því samhengi er þess krafist að
rannsókn á aðdraganda bankakrepp-
unnar verði unnin á gagnsæjan hátt
þannig að almenningur geti fylgst
með hverju stigi rannsóknarinnar.
Þeir sem báru ábyrgð á hruni banka-
kerfisins og fyrirtækjanna með
ábyrgðarlausri lánafyrirgreiðslu,
sjálftöku lána hjá eigin fjármálastofn-
unum og ofurlaunakjörum án nokk-
urra forsendna skuli sæta refsingum.
Engin sannleiks- og sáttanefnd verði
á Íslandi fyrr en þeir sem báru
ábyrgð á kreppunni hafi svarað til
saka fyrir misgjörðir sínar.
Einnig eru fordæmdar árásir Ísra-
ela á Palestínumenn á Gaza.
Morgunblaðið/Kristinn
Verkalýðsdagurinn Gífurlegur fjöldi fólks var samankominn á Austurvelli. Að sögn lögreglunnar á höfuðborgarsvæðinu fór allt friðsamlega fram.
Bitni ekki á
þeim sem hafi
lökustu kjörin
 Heilbrigðisþjónusta og menntun verði
ekki skert  Gagnsæ rannsókn hrunsins
Morgunblaðið/Kristinn
Mótmælt Forysta verkalýðshreyfingarinnar fékk sinn skerf af gagnrýni.
Morgunblaðið/Skapti Hallgrímsson
Akureyri Kröfugangan í gær var sú fjölmennasta þar í bæ í marga áratugi.
Ljósmynd/Halldór Sveinbjörnsson
Kröfuganga Ísfirðingar fjölmenntu til ræðuhalda í Edinborgarhúsinu.
Í HNOTSKURN
»„Við þessar aðstæður ermikilvægara en nokkru
sinni að jafna kjörin í land-
inu,“ segir í ávarpinu.
»Verkalýðsforingjar kallaeftir stöðugleika en ber
ekki saman um hvort sækja
skuli um aðild að ESB.
»Þeir sem eru ábyrgir fyrirhruninu skulu dregnir fyr-
ir dóm og því er hafnað að
launafólk beri kostnaðinn af
fjárglæfrum síðustu ára.
Orðrétt
frá 1. maí
’Aðilar vinnu-markaðarinseru sammála um aðí lok næsta árs þurfiatvinna að hafa
aukist og marktæk
skref stigin til að
uppfylla stöð-
ugleikaskilyrði fyrir
upptöku evru. Tak-
markið er að fyrir árslok 2013 verði lífs-
kjör á mann a.m.k. þau sömu og fyrir
bankahrunið. […] Þeim stöðugleika og
trúverðugleika sem okkur vantar svo
sárlega nú höfum við einstakt tækifæri
til að ná með því að ganga til viðræðna
við Evrópusambandið um aðild og upp-
töku evru í framhaldi af því. “
GYLFI ARNBJÖRNSSON, FORSETI ASÍ.
’Hugmyndir umskattahækk-anir eru varasamarog kalla á enn meirivanskil og draga
kjark úr fólki. Ekki
síst unga fólkinu,
sem vill vinna
meira til að koma
sér út úr skulda-
feni. Mikilvægt er að gefa atvinnulífinu
kost á því að auka verðmætasköpun
með fjölgun starfa og greiða þannig
meiri skatta. […] Það má ekki gerast
að vonleysi skjóti rótum meðal ungs
fólks og langvinn heift nái að grafa um
sig og efasemdir um tilveruna á Ís-
landi. Það er ekki hið opinbera sem
skapar störf við verðmætan útflutn-
ing. Það eru fyrirtækin í landinu.“
GUÐMUNDUR GUNNARSSON,
FORMAÐUR RAFIÐNAÐARSAMBANDSINS.
’Þessi yfirlýs-ing er ekkibara alvarleg fyrirmannorð ráð-herrans heldur okk-
ur hér á Húsavík og
aðra samstarfs-
aðila sem sett hafa
ómælda fjármuni í
verkefnið, ekki síst
vegna hvatningar frá stjórnvöldum og
ráðherra iðnaðarmála. Við hljótum því
að spyrja: Hver er ábyrgð stjórnvalda
komi til þess að næsta ríkisstjórn taki
verkefnið út af borðinu eða fresti því
enn frekar?
Það er orðið íslenskt náttúrulögmál,
að ef álver er byggt á suðvesturhorn-
inu, þá er það hið besta mál. Detti hins
vegar einhverjum í hug að staðsetja
slíka starfsemi á landsbyggðinni þá
gilda allt önnur viðhorf og rök.“
AÐALSTEINN ÁRNI BALDURSSON,
FORMAÐUR FRAMSÝNAR.
’Málið er ein-falt, ofurlaunog ábyrgð fylgjastgreinilega ekki allt-af að. […] Við
[verkalýðshreyf-
ingin] erum að
súpa seyðið af
þeim lágu lág-
markslaunum sem
við bjóðum félagsmönnum okkar upp
á. Nú þegar þrengir að á vinnumark-
aðnum liggur fyrir að atvinnurekendur
eru að skera niður öll umframkjör í
ráðningarsamningum fólks og oft og
tíðum dettur launafólk niður á ber-
strípaða taxtana. Þeir lágmarkstaxtar
sem eru í gildi í dag eru íslensku sam-
félagi og verkalýðshreyfingunni til
skammar.
VILHJÁLMUR BIRGISSON, FORMAÐUR
VERKALÝÐSFÉLAGS AKRANESS.