Morgunblaðið - 02.05.2009, Blaðsíða 16

16 FréttirVIÐSKIPTI | ATHAFNALÍF
MORGUNBLAÐIÐ LAUGARDAGUR 2. MAÍ 2009
Eftir Björgvin Guðmundsson
bjorgvin@mbl.is
EIGNARHLUTUR Atorku í Pro-
mens er nánast verðlaus í dag sam-
kvæmt verðmati sem endurskoðun-
arfyrirtæki KPMG í Bretlandi vann
fyrir félagið. Hugsanlegt sé að fá 60
milljónir punda út úr Promens með
því að leggja því til aukið eigið fé og
reka í þrjú ár í viðbót samkvæmt
heimildum Morgunblaðsins.
Promens er helsta eign Atorku og
skiptir höfuðmáli í endurreisn fé-
lagsins sem unnið hefur verið að.
Þeir sem eiga kröfur á Atorku
veittu félaginu heimild til að greiða
ekki vexti af skuldabréfum með því
að gera svokallaðan kyrrstöðusamn-
ing. Sá samningur rann út á mið-
nætti í fyrradag.
Samningurinn átti að veita stjórn-
endum félagsins svigrúm til endur-
skipulagningar. Í því fólst meðal
annars að fá verðmat á Promens frá
KPMG í Bretlandi.
Niðurstaðan úr verðmatinu er
langt undir væntingum stjórnenda
sem kynntar voru kröfuhöfum.
Þorsteinn Vilhelmsson, stjórnar-
formaður Atorku, segir að stjórnin
hafi samþykkt í gær að leita til Price-
WaterhouseCoopers í Danmörku til
að gera verðmat á öllum eignum
Atorku, ekki bara Promens.
Hann segir að ákvörðun þess efnis
hafi ekki verið möguleg á meðan á
kyrrstöðusamningum stóð. Það gefi
gleggri mynd af félaginu ef nýtt
verðmat er unnið þar sem allar eign-
ir Atorku eru undir.
Þorsteinn vonast til að kröfuhafar
sýni biðlund og veiti félaginu svig-
rúm á meðan á þessu ferli stendur.
Það gæti tekið fáeinar vikur.
Endurheimtur litlar
Í samtölum við kröfuhafa búast
þeir við að fá í mesta lagi 15% af
kröfum sínum greidd. Ekki liggur
fyrir hvað gerist eftir helgina.
Samkvæmt heimasíðu Atorku á
félagið 79% í Promens sem rekur
plastverksmiðjur í 20 löndum.
Nokkur óánægja var með verðmat
KPMG á Promens samkvæmt upp-
lýsingum Morgunblaðsins. Telja
stjórnendur félagsins það gefa ranga
mynd af stöðunni að verðmeta félag-
ið út frá rekstrartölum í ár. Mark-
aðir séu erfiðir og ef unnið er áfram
með eignir Promens vinnist mikið til
baka. Ákveðnar einingar gangi vel
en veltan í þeim rekstri sem tengist
t.d. bílaiðnaðinum hafi eðlilega dreg-
ist saman vegna samdráttar á al-
þjóðamörkuðum. Flest félög séu lít-
ils virði í dag þar sem fáir kaupendur
séu til staðar.
KPMG telur hlutafé
í Promens verðlaust
Í HNOTSKURN
»Skuldabréf Promens vorukeypt með 25% afföllum
úr peningamarkaðssjóðum.
Nú búast menn við að afföllin
verði nær 85%.
»Atorka er fjárfesting-arfélag og á meðal ann-
ars 41% í Geysi Green
Energy.
Stjórn Atorku ætlar að láta verðmeta allar eignir félagsins
● „Steypustöðin
hf. er komin í sölu-
ferli hjá Fyr-
irtækjaráðgjöf Ís-
landsbanka sem
áformar að auglýsa
fyrirtækið til sölu á
næstu vikum,“
segir í tilkynningu
frá Má Mássyni,
upplýsingafulltrúa
Íslandsbanka. Glitnir tók fyrirtækið yfir
þegar það fór í þrot sl. sumar.
Steypustöðin selur steypu, hellur og
múrvörur og sinnir ráðgjöf. Þar vinna
87 starfsmenn á þremur stöðum; í
Reykjavík, Hafnarfirði og á Selfossi.
bjorgvin@mbl.is
Steypustöðin verður
auglýst til sölu
Már Másson
„OKKAR fyrstu greiningar á þess-
um færeysku félögum munu vænt-
anlega birtast í næstu viku,“ segir
Haraldur Yngvi Pétursson hjá IFS
Ráðgjöf.
VMF, Verðbréfamarkaðurinn í
Færeyjum, hefur gert samning við
IFS um greiningu á hlutabréfum
þeirra færeysku hlutafélaga sem
skráð eru í Kauphöll Nasdaq OMX á
Íslandi. Þessi félög eru Føroya
Banki, Eik Banki, Atlantic Airways
og Atlantic Petroleum.
Haraldur segir þessi félög líka
skráð í Kauphöllina í Danmörku.
Um tvíhliða skráningu sé að ræða.
Í tilkynningu frá IFS segir að til-
gangur samningsins sé að veita
fjárfestum betra innsæi og þekk-
ingu á fjárfestingu í þessum fé-
lögum með óháðri og faglegri
greiningu. Einnig sé markmið
samningsins að auka sýnileika fær-
eyskra félaga í Kauphöllinni, en þau
eru nú orðin mikilvægur hluti henn-
ar.
Haraldur segir að færeysku fé-
lögin hafi ekki fengið mikla athygli
hjá íslenskum fjárfestum og lítið
verið um þau fjallað hér á landi. Það
sé fyrirtækinu því ánægja að geta
tekið þátt í því að auka faglega um-
fjöllun um þá fjárfestingarkosti sem
í boði séu á markaðnum og auka
með því þjónustuna við bæði núver-
andi og framtíðarviðskiptavini.
Greiningin verður gefin út á
ensku og því gagnleg fyrir fleiri en
íslenska fjárfesta. bjorgvin@mbl.is
Greinendur Jakob Snorrason og
Haraldur Yngvi Pétursson hjá IFS.
IFS greinir
færeysk
skráð félög
Sömdu við færeyska
verðbréfamarkaðinn
Morgunblaðið/Valdís Thor
Pálmi Haraldsson ákvað að óska
eftir að félagið færi í gjaldþrotameð-
ferð sem Héraðsdómur Reykjavíkur
samþykkti í fyrradag. Í samtali við
Morgunblaðið vill hann lítið segja
um aðdraganda þess. Einungis að
félagið standi betur en mörg önnur
félög sem nú séu að fara í þrot.
Samkvæmt upplýsingum blaðsins
eru eignir Fons metnar á tíu til tólf
milljarða. Vegna mikillar óvissu er
erfitt að finna út nákvæmt verð.
Fjórir milljarðar af þessum eignum
eiga að vera í reiðufé auk skulda-
bréfa á fyrirtæki, sem séu í lagi.
Eftir Björgvin Guðmundsson
bjorgvin@mbl.is
LANDSBANKINN er stærsti
kröfuhafinn í Fons hf., sem er að
meirihluta í eigu Pálma Haraldsson-
ar. Meðeigandi Pálma er Jóhannes
Kristinsson. Aðrir helstu kröfuhafar
eru hinir tveir viðskiptabankarnir;
Íslandsbanki og Kaupþing.
Samkvæmt heimildum Morgun-
blaðsins eru skuldir Fons um tutt-
ugu milljarðar króna. Ekki er vitað
hvernig upphæðin skiptist á milli
einstakra kröfuhafa.
Fons hefur verið atkvæðamikið í
íslensku viðskiptalífi undanfarin ár
og átti meðal annars stóran hlut í
FL Group. Auk Securitas og Plast-
prent á Fons hlut í bresku leik-
fangaversluninni Hamleys og nor-
rænu ferðaþjónustufyrirtækinu
Ticket.
Pálmi Haraldsson, aðaleigandi fé-
lagsins, er svekktur yfir því að svona
fór. Hann segir að nú sitji allir við
sama borð og fari í röð kröfuhafa.
Pálmi segir þetta ekki hafa áhrif á
hlut hans í Iceland Express sem
rekið er undir félaginu Fengur.
Landsbankinn stærsti
kröfuhafinn í Fons hf.
Gjaldþrot sagt tryggja að allir kröfuhafar sitji við sama borð
Morgunblaðið/þorkell
Fonsari Pálmi Haraldsson rekur
Iceland Express ótrauður áfram.
„Í LJÓSI þeirra snörpu breytinga
sem orðið hafa á starfsemi bankans
og í efnahagsumhverfinu gerum við
fastlega ráð fyrir að áætlanir um
byggingu nýrra höfuðstöðva verði í
biðstöðu næstu misserin og jafnvel
árin,“ segir Már Másson, forstöðu-
maður samskiptamála hjá Íslands-
banka.
Strætólóðin, við hliðina á höfuð-
stöðvum Íslandsbanka, var auglýst
til leigu í Morgunblaðinu í fyrra-
dag. Áform voru uppi um að Eign-
arhaldsfélagið Fasteign myndi
reisa þar ný húsakynni fyrir Glitni
áður en bankinn féll.
Endurskoðendur vöktu athygli á
því í ársreikningi Fasteignar fyrir
árið 2008 að verðmæti lóðarinnar
var ekki fært niður. Var lóðin metin
á 19,4 milljónir evra, en er nú mun
verðminni þar sem ekki verður af
byggingu höfuðstöðvanna.
Árni Sigfússon, stjórnarformað-
ur Fasteignar, segir þetta einungis
hafa reikningsleg áhrif. Reksturinn
sé tryggur enda komi tekjur frá
sveitarfélögum og bankastofnun-
um. Þó hægist um nýframkvæmdir
vegna erfiðrar fjármögnunar.
bjorgvin@mbl.is
Engar nýjar höfuðstöðvar
Fasteign samt
sögð standa vel
Morgunblaðið/ÞÖK
Til leigu Strætó-lóðin er nú til leigu til eins árs í senn með möguleika á
framlengingu eitt ár í senn. Gerð er krafa um að starfsemin verði snyrtileg.
Þetta helst ...
● „Vegna ástands efnahagsmála hefur
stjórn N1 ákveðið að auka upplýs-
ingagjöf til fjárfesta. Rekstraryfirlit
verður birt á tveggja mánaða fresti og
er fyrsta rekstraryfirlitið þegar komið á
heimasíðu félagsins,“ segir í frétt frá
N1, sem rekur meðal annars Nestis
bensínstöðvarnar.
Þetta er önnur stefna en hjá mörg-
um öðrum félögum sem Morgunblaðið
hefur sagt frá og eru með skráð skulda-
bréf, og ætla ekki að birta ársreikning
fyrir árið 2008. bjorgvin@mbl.is
Auka upplýsingagjöf
„Tilgangurinn
með peninga-
stefnunefndinni
var að teknar
yrðu faglegar
ákvarðanir um
vexti. Ann-
aðhvort vinnur
meirihluti nefnd-
arinnar gegn
betri vitund eða
skilur ekki þær
grunnforsendur sem að baki ákvörð-
unar nefndarinnar ættu að liggja.
Fundargerðin bendir til hins síð-
arnefnda,“ segir Benedikt Jóhann-
esson í nýjasta hefti Vísbendingar,
vikurits um efnahagsmál sem hann
ritstýrir.
Ónákvæmar upplýsingar
Máli sínu til stuðnings nefnir
Benedikt að rangar upplýsingar hafi
birst í fundargerð peningastefnu-
nefndar þar sem færð eru rök fyrir
ákvörðun nefndarinnar um stýri-
vexti Seðlabankans.
Ekki sé rétt, sem fram kemur, að
gengi krónunnar hafi byrjað að
lækka í byrjun mars. Gengið hafi
verið stöðugt frá upphafi mars til 16.
mars. Hann telur að hinni röngu
setningu virðist ætlað að styrkja þá
kenningu að stýrivaxtalækkunin 19.
mars hafi ekki haft áhrif á gengi til
lækkunar heldur hafi sú lækkun ver-
ið löngu hafin.
Byggist á sögulegum gögnum
„Miklu alvarlegra er þó að nefndin
vinnur eftir röngum upplýsingum
um verðbólguna,“ segir í Vísbend-
ingu. Í rökstuðningi nefndarinnar sé
miðað við tólf mánaða verðbólgu aft-
ur í tímann í stað þess að miða við
verðbólguna eins og hún er í dag.
Skautað sé yfir þá staðreynd, eins og
hún skipti engu, að vísitala neyslu-
verð lækkaði í mars. Hlutverk
nefndarinnar sé ekki að taka saman
sögulegar upplýsingar heldur taka
vaxtaákvörðun sem geti haft afger-
andi áhrif á þróun efnahagslífsins
um langa framtíð.
Einnig segir Benedikt að algjört
skilningsleysi sé á muninum á verð-
bólgumælingum aftur í tímann og
verðbólguhraða. Miðað við spár pen-
ingastefnunefndar verði verðbólgan
á öðrum ársfjórðungi ekki 10-11 pró-
sent heldur nánast engin.
Hann rekur rökstuðning eins
nefndarmanns sem vildi lækka vexti
mun meira en aðrir. Mjög háir vextir
geti veikt krónuna til skamms tíma
vegna útstreymis vaxtatekna.
„Það gefur von að einhver nefnd-
armanna sýnir skilning á hagkerf-
inu,“ segir Benedikt. bjorgvin@mbl.is
Ófagleg
ákvörðun
um vexti
Stýrivaxtanefndin
sögð skilningslaus
Benedikt
Jóhannesson