Morgunblaðið - 24.05.2009, Qupperneq 40

40 Minningar
MORGUNBLAÐIÐ SUNNUDAGUR 24. MAÍ 2009
Nú þegar þú ert
kvödd, Sigrún mín, er
erfið ganga á enda.
Fyrir allmörgum árum fór ég að
venja komur mínar til ykkar í Skipa-
sundið, þá ung stúlka. Þar var vel
tekið á móti mér sem væntanlegri
tengdadóttur. Minningarnar um
okkar fyrstu kynni geymi ég í hug-
skoti mínu.
Eftirtektarvert var hversu nægju-
söm og hjálpfús þú varst. Börnin
okkar Gunnars nutu mikillar sam-
veru með þér þar sem þú gættir
þeirra meira og minna fyrstu æviár-
in. Um fórnfýsi þína má nefna það,
þegar þú ákvaðst að skipta um vinnu
og tókst að þér næturvaktir á Sjálfs-
bjargarheimilinu í Hátúni, til þess
að geta gætt barnabarnanna á dag-
inn. Þú áttir auðvelt með svefn og
skildum við ekki alltaf hvernig þú
Sigrún Oddgeirsdóttir
✝ Sigrún Oddgeirs-dóttir fæddist á
Múlastöðum í Flóka-
dal í Borgarfirði 6.
desember 1926. Hún
andaðist á líknardeild
Landspítalans á
Landakoti 12. maí
2009 og fór útför
hennar fram frá Foss-
vogskirkju í Reykja-
vík 19. maí.
náðir nægilegri hvíld.
Þessa aðstoð þína
fáum við seint full-
þakkað. Handavinnan
lék í höndum þér,
hvort sem um var að
ræða fatasaum,
lopapeysuprjón eða að
hekla milliverk í
sængurfatnað. Oft
naut ég leiðsagnar
þinnar. Ég naut einnig
skemmtilegrar úti-
veru með þér, hvort
sem um var að ræða
ferðalög, gönguferðir
eða samveru í bústaðnum okkar í
Kjósinni. Aðdáunarvert var hversu
létt þú varst á fæti þegar þú skokk-
aðir með okkur á Esjuna og önnur
fjöll til gamans. Samgangur var
mikill á milli okkar og þá sérstak-
lega seinni árin, sem kom ekki síst
til vegna búsetu þinnar í nálægð við
okkur. Þegar Guðni lést var missir
þinn mikill sem okkar allra.
Fyrir 12 árum kynntist þú Theó-
dóri og var yndislegt að fylgjast með
vináttu ykkar. Þið nutuð lífsins sam-
an við dans, spil, leikhúsferðir,
ferðalög og ýmislegt. Fyrir þessa
vináttu ykkar erum við þakklát.
Fyrir nokkrum árum fannst þú til
þess að minnið var farið að svíkja
þig. Það var þér og okkur öllum erf-
iður tími, eftir að vera búin að fylgj-
ast með veikindum systra þinna. Þú
varst lánsöm að fá inni í dagvistun í
Fríðuhúsi og síðan heimilisvist í
Foldabæ. Á báðum þessum stöðum
fékkst þú þá bestu umönnun sem
hægt er að hugsa sér. Nú undir lok-
in þegar verulega fór að halla undan
fæti fékkst þú pláss á líknardeildinni
á Landakoti og naust þar mjög hlý-
legrar hjúkrunar til síðasta dags.
Við erum þakklát starfsfólki þessara
staða fyrir fórnfúst starf í þína þágu
og sendum þeim okkar bestu þakkir.
Öll höfum við séð hversu vel Theó-
dor er búinn að reynast þér í veik-
indum þínum. Það lifnaði yfir þér
þegar þú heyrðir í honum og sást.
Alltaf gat hann kallað fram bros hjá
þér fram til hinstu stundar, þrátt
fyrir erfiða líðan þína. Þetta vináttu-
samband ykkar er okkur öllum
aðdáunarvert.
Sofðu, mín Sigrún,
og sofðu nú rótt;
guð faðir gefi
góða þér nótt!
(Jón Thoroddsen.)
Þín tengdadóttir,
Sigríður.
Elsku amma hefur fengið hvíld-
ina.
Ég sem var svo viss um það hér
áður fyrr að ef einhver yrði hundrað
ára þá yrði það hún amma Sigrún.
Amma sem var svo ungleg, hress og
létt á fæti. Margar mínar ljúfustu
stundir í bernsku átti ég með ömmu.
Sem elsta barnabarnið og fyrsta
stelpan í fjölskyldunni naut ég ótal
forréttinda þótt amma væri ekki
endilega að hafa hátt um það. Þegar
ég hugsa til baka þá kemur upp í
hugann dæmigerður sumardagur í
Skipasundinu. Ristað brauð og
kakómalt í morgunmat og svo farið
út á blett að sleikja sólina með teppi,
útvarp, djús og handavinnu. Þegar
sólbaðsþolinmæði mín var á þrotum
var ég send í búðina með innkaup-
anet og buddu að kaupa fisk eða
skyr eða súrmjólk því afi kom heim í
hádeginu. Meðan afi lagði sig eftir
matinn skelltum við amma gjarnan í
lummur eða brúnköku og kepptum í
kappkapli meðan kakan var í ofn-
inum. Þetta voru góðir dagar sem
við systkinin nutum öll.
Seinna þegar ég var orðin full-
orðin og búin að eignast mínar dæt-
ur fengu þær líka sína ömmudaga.
Til að halda reglu á hlutunum var
valinn einn vikudagur sem þær
heimsóttu langömmu sína allan vet-
urinn. Amma vissi hvað þetta kom
sér vel fyrir alla aðila. Stelpurnar
fengu einn dag frí úr skólagæslunni
og foreldrarnir gátu lokið verkum
sínum óáreitt í vinnunni. Þegar
börnin voru svo sótt biðu lummur og
brúnkaka alveg eins og í gamla
daga. Svona var hún amma. Alltaf að
hugsa um að létta undir með fólkinu
sínu.
Amma kunni líka að njóta lífsins
og líðandi stundar. Meðan hún hafði
fulla heilsu naut hún þess að dansa
gömlu dansana, ferðast um landið,
klífa fjöll og taka í spil í góðra vina
hópi. Það stóð aldrei á henni að
skella sér eitthvað með stuttum fyr-
irvara.
Síðustu árin hafði hún hann
Tedda sinn sér við hlið. Samband
þeirra einkenndist svo greinilega af
djúpri vináttu, jafnræði og virðingu.
Ég veit vel hvað amma mat það mik-
ils að eiga svo góðan vin sér við hlið.
Þitt hjarta geymdi gullið dýra og
sanna,
að gleðja og hjálpa stærst þín unun
var.
Því hlaust þú hylli Guðs og góðra
manna
og göfugt líf þitt fagran ávöxt bar.
Ég blessa nafn þitt blítt í sál mér
geymi,
og bæn til Guðs mín hjartans kveðja
er.
Hann leiði þig í ljóssins friðarheimi,
svo lífið eilíft brosi móti þér.
(Ingibjörg Sigurðardóttir.)
Hvíl í friði, elsku amma mín.
Minningin um þig lifir með mér að
eilífu.
Anna Rún Ingvarsdóttir.
Elsku amma Sigrún.
Þó að við höfum vitað það í nokk-
urn tíma að stutt væri í kveðju-
stundina var mjög sárt þegar hún
svo rann upp. Síðustu daga hafa ótal
minningar skotist upp í hugann sem
hafa hjálpað okkur að brosa í gegn-
um tárin. Lífsgleðin skein ávallt í
gegn hjá þér og var hún smitandi því
alltaf vorum við kát þegar við feng-
um að eyða tíma með þér og afa
Guðna. Margt var brallað, farið í
ferðalög, bakaðar brúnkökur, lumm-
ur og pönnukökur, spilað og ótal
sinnum fórst þú með okkur í sund í
Laugardalslaugina. Þegar við vorum
eitthvað súr þá kunnir þú ráð við
því, þú tókst okkur upp á fótunum
og hristir úr okkur óþekktina og
góða skapið var þá ekki langt undan.
Það var alltaf gott að koma í Skipa-
sundið og seinna í Hæðargarðinn.
Oft komum við í heimsókn eftir
skóla og létum það ekki stoppa okk-
ur að þurfa að taka strætó í annað
hverfi en þess þurftum við ekki leng-
ur þegar þið afi fluttuð í húsið á móti
okkur í Hæðargarðinum. Seinna
meir þegar við vorum orðin eldri
þótti okkur mjög gaman að koma til
þín í grjónagraut eða ávaxtasúr-
mjólk í hádeginu úr skóla eða vinnu.
Hraustleiki og dugnaður ein-
kenndi líf þitt og eru þær ófáar fjall-
göngurnar sem við höfum farið með
þér þar sem þú fórst fyrir flokknum
og alltaf tókst þér að lokka okkur of-
ar og ofar þar til toppnum var náð.
Sem dæmi um þrótt þinn var þegar
læknar áttu von á að þú ættir aðeins
örfáa daga eftir ólifaða þá var það
ekki fyrr en tæpum 3 mánuðum síð-
ar að þú kvaddir.
Þú varst alltaf með eitthvað á
prjónunum, í orðsins fyllstu merk-
ingu, og eigum við ótal minjagripi
sem þú hefur gefið okkur í gegnum
tíðina. Ber þar helst að nefna lopa-
peysur og hekluð milliverk í hátíð-
arsængurver sem við notum um
hver jól.
Ómetanlegt var að eiga þig að
þegar kom að pössun á börnum okk-
ar fyrstu árin og alltaf var hægt að
leita til þín þegar upp komu veikindi
og ekki hægt að fara í skóla eða leik-
skóla.
Elsku amma, takk fyrir allar þær
góðu stundir sem við áttum saman
og megir þú hvíla í friði.
Guðni Rafn, Svanþór
og Rósa Dögg.
Elsku langamma.
Nú er víst komið að kveðjustund
og áður en ég kveð langar mig að
segja nokkur orð. Ég man eftir öll-
um þeim stundum sem við áttum
saman. Þegar ég var lítil kom ég oft
til þín þegar ég var lasin svo að
mamma og pabbi gátu farið í vinn-
una. Ég man eftir ávaxtasúrmjólk-
inni þinni sem var alltaf til heima hjá
þér, myndunum sem ég litaði stund-
um handa þér og þegar ég sat í hæg-
indastólnum þínum og horfði á skóg-
ardýrið Hugo á spólu. Suma morgna
þegar ég kom varstu að fara að gera
morgunleikfimi með útvarpinu og ég
reyndi stundum að vera með sem
gekk reyndar misvel. Ég man líka
eftir öllum fimmtudögunum sem ég
var hjá þér eftir skóla. Þú hjálpaðir
mér með heimalærdóminn og við
bökuðum saman súkkulaðikökuna
þína. Þú kenndir mér að prjóna og
ég minnist þess þegar við sátum inn
í saumaherberginu þínu og prjón-
uðum saman og hlustuðum á útvarp-
ið. Þú varst líka mikið fyrir göngu-
túra og stakkst oft upp á því að við
færum saman í göngutúr sem við
gerðum oft. Eitt skiptið þegar ég
kom var glampandi sól og mikill hiti,
við fórum út á svalirnar þínar á sól-
bekkinn þinn og lásum bækur og ég
fékk að velja mér bók á bókasafninu
niðri. Það voru góðir tímar og ég er
þér ævinlega þakklát fyrir það hvað
þú varst mér góð.
Þú varst líka hugmyndarík, ég
man t.d. þegar við fórum til Banda-
ríkjanna og þú vildir taka með þér
heklunál en það var málmleitartæki
á flugvellinum, svo þú stakkst bara
nálinni ofan í sokkinn og verðirnir
fundu ekkert, þú varst svo sniðug.
Þegar ég hugsa um þig man ég
alltaf eftir brosinu þínu og hlátrin-
um, þú varst svo hress og jákvæð og
gerðir alltaf eins gott úr hlutunum
og þú gast. Alltaf hugsaðir þú fyrst
og fremst hvað öðrum væri fyrir
bestu og vildir aldrei leggja neitt á
mann sem átti að gera þér einhvern
greiða. Þú kallaðir mann oft hetjuna
þína og þú varst svo sannarlega
hetja sjálf. Ég hélt alltaf að þú yrðir
100 ára því þú varst alltaf svo hraust
og heilbrigð, aldrei grunaði mig að
þú færir svona, það gerðist eitthvað
svo fljótt. Ég trúi því eiginlega ekki
enn að þú sért farin, það er eitthvað
svo óraunverulegt. Ég sakna þín,
elsku amma mín, þú munt alltaf eiga
stað í hjarta mínu.
Þegar ég hugsa um þig
sé ég glampandi bros.
Þegar ég hlusta eftir þér
heyri ég innilegan hlátur.
Þegar ég reyni að sjá þig
sé ég fallegan engil.
Engil sem brosir
og hlær innilegum hlátri.
Þórunn Þöll Einarsdóttir.
Flatahraun 5a • www.utfararstofa.is
Vaktsími: 565 5892 & 896 8242 • Sólarhringsvakt
Komum heim til aðstandenda ef óskað er
ÚTFARARSTOFA HAFNARFJARÐAR
Kistur • Krossar • Sálmaskrár • Duftker • Blóm • Fáni • Gestabók • Erfidrykkja • Prestur
Kirkja • Legstaður • Tónlist • Tilkynningar í fjölmiðla • Landsbyggðarþjónusta • Líkflutningar
Suðurhlíð 35 Fossvogi • www.utforin.is
Vaktsími: 581 3300 & 896 8242 • Sólarhringsvakt
Komum heim til aðstandenda ef óskað er
Bryndís ValbjarnardóttirSverrir Einarsson
ÚTFARARSTOFA ÍSLANDS
Það sem hafa ber í huga varðandi andlát og útför
Hermann Jónasson Yvonne Tix
Selhellu 3 Hafnarfirði
Sími 517 4400 • www.englasteinar.is
Ástkær faðir okkar, tengdafaðir, afi, bróðir og
mágur,
SIGURÐUR REYNIR MAGNÚSSON
frá Stakkahlíð,
Loðmundarfirði,
Brávöllum 3,
Egilsstöðum,
lést á gjörgæsludeild Landspítalans við Hringbraut fimmtudaginn
21. maí.
Eva Sædís Sigurðardóttir, Snorri Marteinsson,
Davíð Sindri Sigurðarson,
Magnús Sigurðarson,
Anna Kristín Magnúsdóttir, Áskell Einarsson,
Óla Björg Magnúsdóttir, Ólafur Vignir Sigurðsson,
Stefán Smári Magnússon, Sigríður Þórstína Sigurðardóttir,
Steindór Gunnar Magnússon, Sigrún Broddadóttir,
Júlíus Patrik og Hilmir Örn.
✝
Eiginmaður minn, faðir okkar, tengdafaðir, afi og
langafi,
KJARTAN HELGASON
fyrrum ferðaskrifstofueigandi,
lést á Landspítala Landakoti þriðjudaginn 19. maí.
Jarðarförin fer fram frá Fossvogskirkju
miðvikudaginn 27. maí kl. 13.00.
Ingibjörg Einarsdóttir,
Kristín Kjartansdóttir Issa,
Björg Kjartansdóttir,
Einar Helgi Kjartansson
og fjölskyldur.
✝
Innilegar þakkir til allra þeirra sem sýndu okkur
samúð og vinarhug við andlát og útför ástkærs
föður okkar, tengdaföður og afa,
ARNGRÍMS INGIMUNDARSONAR
kaupmanns í Vörðunni,
Grettisgötu 2a.
Guð blessi ykkur öll.
Ingileif Arngrímsdóttir, Sigmar Æ. Björgvinsson,
Jóhanna Arngrímsdóttir, Snorri B. Ingason,
Sigríður Arngrímsdóttir, Grettir K. Jóhannesson,
Gíslunn Arngrímsdóttir, Gunnlaugur S. Sigurðsson
og afabörnin.