Morgunblaðið - 04.06.2009, Blaðsíða 16

16 FréttirERLENT
MORGUNBLAÐIÐ FIMMTUDAGUR 4. JÚNÍ 2009
Skil Greinarnar skal senda í gegnum vefsíðu Morgunblaðsins: mbl.is –
smella á reitinn „Senda inn efni“ veljið „Senda inn minningargrein“ þar sem
fram koma nánari leiðbeiningar.
Skilafrestur Minningargrein sem á að birta á útfarardegi verður að berast
fyrir hádegi tveimur virkum dögum fyrr (á föstudegi ef útför er á mánudegi
eða þriðjudegi). Birting getur dregist þó greinin berist innan skilafrests þar
sem pláss er takmarkað. Sami skilafrestur er á greinum vegna útfarar í kyrr-
þey. Allar greinar birtast jafnframt á vefnum www.mbl.is/minningar
Lengd Hámark 3.000 slög. Engin lengdarmörk eru á greinum sem birtast á
vefnum. Hægt er að senda örstutta kveðju, „Hinstu kveðju“, 5–15 línur.
Formáli Nánustu aðstandendur skulu rita formála og senda inn, skv. leið-
beiningum á mbl.is
Undirskrift Minningargreinahöfundar noti skírnarnöfn sín undir greinunum.
Minningargreinar og skil
Morgunblaðið birtir minningargreinar alla útgáfudagana.
Skoðið leiðbeiningar
á mbl.is
Ísraelar í áhyggjukasti
 Obama sneiðir hjá Ísrael í Mið-Austurlandaferðinni og er sagður hafa gefið Net-
anyahu sex vikna frest til að endurskoða afstöðuna til sjálfstæðs, palestínsks ríkis
Eftir Svein Sigurðsson
svs@mbl.is
BARACK Obama, forseti Bandaríkjanna, lagði í
gær upp í sína fyrstu ferð til Mið-Austurlanda en
tilgangur hennar er að bæta samskipti Bandaríkj-
anna og hins múslímska heims. Í Ísrael vekur ferð
Obama miklar áhyggjur og það þykir ekki góður
fyrirboði, að eftir viðræður í Sádi-Aarabíu og
Egyptalandi ætlar Obama til Þýskalands og
Frakklands en sneiða alveg hjá Ísrael.
Obama vonast til að geta eytt ýmsum misskiln-
ingi á milli Bandaríkjanna og arabaríkjanna auk
þess sem eitt aðalumræðuefnið verður friður í
Mið-Austurlöndum og stofnun sjálfstæðs, palest-
ínsks ríkis.
„Obama leitar sátta við múslíma og Ísraelar
munu verða að borga brúsann,“ sagði einn ísr-
aelsku fréttaskýrendanna og dagblaðið Haaretz
sagði, að Obama hygðist sýna Benjamin Net-
anyahu, forsætisráðherra Ísraels, í tvo heimana.
Ný friðaráætlun kynnt í júlí?
Haaretz kveðst hafa fyrir því heimildir, að
Obama ætli að gefa Netanyahu sex vikna frest til
að „endurskoða afstöðuna“ til ólöglegra byggða
gyðinga á hernumdu svæðunum og til stofnunar
palsestínsks ríkis.
„Obama er að leggja síðustu hönd á sex mánaða
bráðabirgðaáætlun um frið í Mið-Austurlöndum
og mun kynna hana í júlí,“ sagði Haaretz.
Ísraelskir embættismenn hafa reynt að gera lít-
ið úr vaxandi spennu milli Ísraels og Bandaríkj-
anna en áhyggjur af því, að komið sé að tímamót-
um í samskiptum Ísraels og Bandaríkjanna fara
dagvaxandi.
„Við eigum mikið samstarf við Bandaríkin en
ágreiningsefnunum hefur fjölgað mjög á skömm-
um tíma,“ sagði Yisrael Katz samgönguráðherra
og náinn samverkamaður Netanyahus. „Afstaða
Obama er önnur en fyrirrennara hans, það er stað-
reynd, sem við eigum erfitt með að kyngja.“
DAVID Cameron þykir hafa staðið sig vel sem leiðtogi
breska Íhaldsflokksins og honum er þakkað að hafa fært
flokkinn nær miðju þannig að hann höfði til breiðari kjós-
endahóps en áður. Á því er þó ein undantekning, sem
vekur æ meiri furðu. Cameron er efasemdamaður í Evr-
ópumálum og hefur slitið öll tengsl flokksins við aðra
hægri- og miðflokka á Evrópuþinginu. Um síðustu helgi
sótti hann síðan í Póllandi stofnfund nýs bandalags
flokka, sem hafa efasemdir um Evrópusamstarfið, en
ekki þykir öllum félagsskapurinn par fínn.
Á fundinum í Varsjá treysti Cameron böndin við Urs-
zulu Krupa, leiðtoga mjög herskás, kaþólsks þjóðern-
isflokks, og við þá tvíburabræður Jaroslaw og Lech Kac-
zynski, leiðtoga flokksins Laga og reglu. Þá var einnig á
fundinum Mirek Topolánek, leiðtogi Lýðræðislega borg-
araflokksins í Tékklandi.
Það, sem einkennir þessa tvo pólsku flokka, er ofsókn-
arkennd, sú tilfinning, að allur umheimurinn sitji á svik-
ráðum við Pólland; andúð á Þjóðverjum og vissa um, að
Evrópusambandið sé að breytast í alræðisríki. Samkyn-
hneigð er sjúkdómur að þeirra mati og loftslagsbreyt-
ingar af mannavöldum eru helber lygi.
Til að geta myndað flokkabandalag á Evrópuþinginu
verða þingmennirnir að vera 25 hið fæsta og a.m.k. frá
sjö af 27 aðildarríkjum. Hið nýja bandalag Camerons er
því í höfn þar sem flokkar í fjórum öðrum löndum ætla að
taka þátt í því. Þessir flokkar eru Lög, regla og réttlæti í
Búlgaríu, sem er með um 2% í könnunum; tveir flokkar í
Lettlandi, Borgarasambandið og þjóðernissinnaflokk-
urinn Fyrir föðurland og frelsi, flokkur, sem heldur upp
á samstarf sumra Letta við Waffen-SS, í stríðinu, og List
Dedecker, flokksbrot úr aðskilnaðarhreyfingu Flæm-
ingja í Belgíu.
Cameron var kjörinn leiðtogi Íhaldsflokksins 2005 og
síðan hefur hann og nánasti samstarfsmaður hans, Willi-
am Hague, verið að vinna að stofnun nýs bandalags
flokka, sem hafa efasemdir um Evrópusamvinnuna. Það
gekk þó hvorki né rak fyrr en með tilkomu komm-
únistaríkjanna fyrrverandi í bandalagið.
Hægrimenn í Evrópu eru ekki aðeins óánægðir með
þá ákvörðun Camerons að rjúfa öll tengsl milli breska
Íhaldsflokksins og þeirra, heldur eru þeir alveg stand-
andi hissa á þeim félagsskap, sem hann hefur nú valið
sér. svs@mbl.is
Evrópskir hægrimenn
hættir að botna í Cameron
David Cameron J. Kaczynski
 Í samstarfi við þjóðernis-
flokka yst á hægrivængnum
ÞAÐ var Níkíta
Krústsjev, leið-
togi Sovétríkj-
anna, sem átti
hugmyndina að
Berlínarmúrnum,
sem lokaði Aust-
ur-Þjóðverja inni
í sínu eigin landi í
28 ár. Kemur það
fram í gögnum,
sem komin eru
fram í Moskvu.
Þýski sagnfræðingurinn Matthias
Uhl hefur grafið umrædd skjöl upp í
Moskvu, en í þeim er að finna sam-
ræður Krústsjevs og Walters Ul-
brichts, leiðtoga austur-þýska
kommúnistaflokksins, 1. ágúst 1961 í
Moskvu. Snerust þær um Múrinn,
en byrjað var á honum 13. ágúst.
Segir tímaritið Der Spiegel, að
Krústsjev hafi vísað til þess, að hann
hafi sent sendiherra sinn í A-Berlín
til Ulbrichts „til að kynna hugmynd
mína um að nýta núverandi spennu
og slá járnhring um Berlín“.
Ekki var erfitt að
sannfæra Ulbrich
Ekki var erfitt að sannfæra Ul-
bricht um að gera sitt eigið land að
einu stóru fangelsi, en um Berlín var
stöðugur straumur flóttamanna frá
A-Þýskalandi, um 200.000 árið 1960
og margt vel menntað fólk. Þeirri
smugu átti nú að loka.
Í skjölunum segir, að Krústsjev
hafi verið hálfpirraður:
„Ég var á flokksþinginu ykkar
fyrir tveimur árum og þá var allt í
stakasta lagi. Hvað hefur gerst?
Ætluðuð þið ekki vera búnir að ná
Vestur-Þýskalandi í lífskjörum
1962?“ spurði Krústsjev og þykir
þar hafa verið að sneiða að ömurlegu
vöruúrvali í A-Þýskalandi.
Það fauk í Ulbricht, sem svaraði:
„Fólkið er með kröfur, sem ekki er
hægt að uppfylla.“
Krústsjev ráðlagði Ulbricht að
réttlæta Múrinn með því, að hann
ætti að halda úti njósnurum.
Múrinn var 165 km langur og voru
allt að 200 manns skotnir við að
reyna að komast yfir hann. Hann féll
loks árið 1989. svs@mbl.is
Krústsjev
stakk upp
á Múrnum
N. Krústsjev, leið-
togi Sovétríkjanna.
Girti af Berlín í 28 ár
ÞEIR eru ekki beint eitt af listaverkunum á Fen-
eyjatvíæringnum en listamenn samt, maóríahóp-
urinn „Waka Huia“, sem sýndi forna stríðsdansa
við opnun nýsjálenska skálans. Eins og nafnið
bendir til er Feneyjatvíæringurinn haldinn ann-
að hvert ár og stendur nú frá 7. júní til 22. nóv-
ember. Var hann fyrst haldinn 1895 og hefur síð-
an verið haldinn reglulega að undanteknu sex
ára löngu hléi á dögum síðustu heimsstyrjaldar.
STRÍÐSMENN Á TVÍÆRINGI
Reuters