Morgunblaðið - 04.06.2009, Blaðsíða 36

36 MenningFÓLK
MORGUNBLAÐIÐ FIMMTUDAGUR 4. JÚNÍ 2009
 Á morgun kemur út í Evrópu
önnur plata Benna Hemm Hemm,
Murta St. Kalunga, en forsprakki
sveitarinnar og aðalsprauta, Bene-
dikt Hermann Hermannsson, er nú
búsettur í Skotlandi þar sem kær-
astan hans stundar nám.
Platan kemur út í flestum lönd-
um Mið- og Suður-Evrópu auk
Skandinavíu.
Murta St. Kalunga
endurútgefin í Evrópu
Fólk
„ÞETTA var meiriháttar, þegar þetta var kynnt
á dögunum urðu þvílík fagnaðarlæti, það var
eins og Óskarinn væri kominn í höfn,“ segir
Helgi Þórsson, en rokksöngleikurinn Vínland,
sem hann er höfundur að, var valinn athyglis-
verðasta áhugaleiksýning ársins. Helgi er for-
sprakki hljómsveitarinnar Helgi og hljóðfæra-
leikararnir og er Vínland byggt á verkinu
Landnám eftir sveitina. Söguþráður verksins er
spunninn upp úr Grænlendingasögu.
Verkið var sett upp í Freyvangsleikhúsinu í
Eyjafjarðarsveit, en þetta er í þriðja sinn sem
Freyvangsleikhúsið er valið með athyglisverð-
ustu áhugaleiksýninguna. Vínland verður sett
upp á stóra sviði Þjóðleikhússins 12. júní næst-
komandi og mætir Helgi þar með alla hljómsveit
sína til að leika undir í sýningunni. „Músíkin í
sýningunni átti upphaflega aðeins að vera leikin
af bandi en svo þegar leið að sýningarlokum hér
fyrir norðan var ákveðið að kýla á sýningu með
lifandi hljómsveit. Þá fór eitthvað neistaflug í
gang og það var ekki bakkað eftir það,“ segir
Helgi sem hefur mjög gaman af samspilinu á
milli hljómsveitarinnar og leikaranna.
Ekki er á döfinni hjá Helga að snúa sér alfarið
að leikritaskrifum þrátt fyrir þessa velgengni.
„Ég þarf að sinna minni gulrótarækt og rab-
arbaravínsbruggun og hinum áhugamálunum.
Ég á alveg von á andanum aftur en það er aldrei
að vita í hvaða formi hann verður.“ Vínland
verður sýnt í Freyvangi í kvöld og á morgun og í
Þjóðleikhúsinu 12. júní. ingveldur@mbl.is
Eins og Óskarinn væri kominn í höfn
Vínland Úr rokksöngleiknum sem fjallar um vík-
inga. Verkið verður sett upp í Þjóðleikhúsinu.
 Fyrir alla aðdáendur Bjarkar
Guðmundsdóttur er einkar áhuga-
vert viðtal að finna í nýjasta tölu-
blaði Interview sem Amzalagand
Augustyniak, annar listrænna
stjórnenda blaðsins, tekur. Í raun
er viðtalið samtal þeirra Aug-
ustyniak og Bjarkar og því verður
lesandinn um leið margs vísari um
Augustyniak sjálfan sem hefur um
árabil starfað með Björk við útlits-
hönnun á plötum hennar, bókum og
öðru efni. Það sem er merkilegast
við viðtalið er að þar kemur fram
að Björk sé nú stödd í Gvatemala í
Suður-Ameríku við upptökur á nýju
efni fyrir næstu plötu sína.
Björk tekur upp efni
í Gvatemala
 Tónleikar Stefáns Hilmars-
sonar sem hann hélt í Salnum á
dögunum í tilefni þess að hann var
valinn bæjarlistamaður Kópavogs á
síðasta ári, tókust með slíkum
ágætum að Stefán veltir því nú fyr-
ir sér að gefa tónleikana út. Á þeim
flutti hann nokkur ný lög í bland
við sjaldgæf númer en líkur eru
einnig á að ný hljóðversplata komi
út síðar á þessu ári eða á því næsta.
Tvær nýjar plötur
frá Stebba Hilmars
Eftir Birgi Örn Steinarsson
biggi@mbl.is
BRESKU kvikmyndagerðarkonunni
Heather Millard brá heldur betur í
brún í október síðastliðnum þegar
hún las í dagblöðum hvernig íslensku
bankarnir hefðu hrunið og hvernig
Íslendingar væru þannig að stela
peningum frá þeim löndum hennar
sem höfðu sett peninga sína inn á
Icesave-reikninga. Hún segir þrjá
mánuði hafa liðið áður en hún rak
augun í jákvæða grein um Ísland. Sú
var í The Guardian og fjallaði um
hvernig margir Íslendingar tækju
bankahruninu á yfirvegaðan og
bjartsýnan hátt. Myndin verður sýnd
í breskum kvikmyndahúsum í byrjun
næsta árs og verður líklegast seld til
sjónvarpsstöðva í Nýja-Sjálandi,
Hollandi og Skandinavíu.
„Myndin fjallar um eftirmál
bankahrunsins en fókusinn er ekki á
hvað hafi farið úrskeiðis heldur á
framtíðina og hvernig ástandið hefur
þvingað Íslendinga til þess að end-
urbyggja líf sitt og lífsstíl,“ útskýrir
Heather.
Rödd almennings
Heather kom hingað í mars og
spjallaði við nokkra Íslendinga um
framtíð landsins. Hvaða áhrif hrunið
hefði haft á líf þeirra og hvernig þeir
sjá fyrir sér framtíð þjóðarinnar.
Hún segir að margir þeirra sem hún
talaði við hafi öðlast dýpri skilning á
því hvernig sé hægt að öðlast aukið
sjálfstæði í lifnaðarháttum. Fleiri Ís-
lendingar séu t.d. byrjaðir að rækta
grænmeti og fleiri neiti sér um þann
munað að kaupa óþarfa hluti.
„Við erum líka að fjalla um sprota-
fyrirtæki. Nýjar leiðir sem fólk er að
uppgötva til þess að gera efnahaginn
óháðari innflutningi. Við sýnum líka
fram á hvernig hrunið hefur aukið
áhuga fólks á andlegum málefnum.
Fólk sem var kannski undir miklu
álagi í vinnu sinni leitar núna í and-
lega þætti til þess að finna sína innri
orku frekar en ytri.“
Í myndinni verða sýndar sjón-
varpsupptökur héðan til þess að út-
skýra hvað gerðist og hvernig fólk
brást við í fyrstu. „Meginþorri manna
á Íslandi vill að heimurinn viti að
hrunið hafi ekki verið þeim að kenna.
Við reynum að gera okkar besta til
þess að koma sjónarmiðum almenn-
ings í landinu til skila.“
Ísland ekki litið hornauga
Á meðal þjóðþekktra Íslendinga
sem rætt er við í myndinni eru Andri
Snær Magnason rithöfundur, Lára
Ómarsdóttir fréttakona og Guðni
Gunnarsson jógakennari.
Birgir Hilmarsson, söngvari Am-
pop og Blindfold, sér um tónlist
myndarinnar. Heather kemur aftur
hingað í sumar til þess að leggja loka-
hönd á upptökur en áætlað er að
myndin verði tilbúin í lok árs. Tvær
myndir verða gerðar; ein í fullri lengd
fyrir kvikmyndahús en önnur tæprar
klukkustundar löng fyrir sjónvarp.
„Skuldinni hefur verið skellt á Ís-
land sem svæði í stað þess að kenna
þeim einstaklingum sem sköpuðu
ástandið um. Það er mikilvægt fyrir
okkur að sýna Ísland á þann hátt sem
Íslendingar vilja.“
Heather tekur algjörlega fyrir það
að breskur almenningur líti Íslend-
inga nú hornauga. „Helsti tilgangur
þess að við erum að gera þessa heim-
ildarmynd er að sýna að Ísland er
stórfenglegt land þar sem almenn-
ingur er að takast á við vandamál sín
á yfirvegaðan hátt. Kannski til þess
að sýna öðrum hvernig er hægt að
takast á við svona mál. Íslendingar
sitja ekki og væla yfir hlutunum.
Bretar hata ekki Íslendinga og aðrir
eiga eftir að skilja út af hverju þegar
þeir sjá þessa mynd.“
„Bretar hata ykkur ekki“
 Breska kvikmyndagerðarkonan Heather Millard gerir heimildarmynd um
Ísland eftir bankahrunið  Myndin er á uppbyggilegum og bjartsýnum nótum
Morgunblaðið/Ómar
Búsáhaldabyltingin Mótmæli almennings á Austurvelli munu ábyggilega
skipa stóran sess í myndinni þótt einblínt sé á björtu hliðarnar.
Nokkrar heimildarmyndir um
bankahrunið og afleiðingar
þess eru í bígerð. Má nefna aðra
breska mynd er heitir There and
Back Again en þar er rakin saga
uppgangs íslenska efnahags-
lífsins og svo hvernig allt féll.
Kvikmyndagerðarmaðurinn
Ari Alexander vinnur nú hörðum
höndum að myndinni Aumingja
Ísland sem fjallar um kreppuna
og mótmælin sem fylgdu í kjöl-
farið en fleiri íslenskir kvik-
myndagerðarmenn vinna nú að
myndum um breytt ástand á Ís-
landi.
Kreppan í bíó
Eftir Birtu Björnsdóttur
birta@mbl.is
„ÞAÐ er alltaf svo gaman þegar við komum
saman,“ segir KK og hlakkar sýnilega til
tónleika sem haldnir verða á föstudaginn
kemur í Bæjarbíói í Hafnarfirði. Þar stíga á
svið auk KK þeir Þorleifur Guðjónsson og
Jón Ólafsson. „Ég veit ekki hvað við eigum
að kalla okkur, kannski KK og félaga.“
Aðspurður segir hann þá félaga einfald-
lega ætla að spila það sem áhorfendur vilji
heyra og að þeir séu fúsir að taka við beiðn-
um um óskalög utan úr sal.
„Við förum í Bæjarbíó af því að það er svo
skemmtilegt hús og mér líður svo vel þar,“
segir KK. „Ég hef haldið þar tónleika áður
með Ellen systur og mér finnst þetta stór-
góður tónleikastaður. Hann er mátulega stór
og heimilislegur. Þessir stærri tónleikasalir
eiga ekki vel við mig.“
KK er að eigin sögn ekki með nýja plötu í
bígerð, a.m.k. ekki strax. Útvarpsþáttur í
hans umsjón á hug hans allan þessa dagana.
„Ég sé um klukkutíma útvarpsþátt virka
morgna á Rás 1 milli klukkan 8 og 9. Þar
spila ég fyrst og fremst skemmtilega tónlist
úr öllum áttum og það er af nógu að taka.
Ég reyni meðvitað að spila minna af amer-
ískri tónlist, það er svo mikið spilað af henni
alls staðar annars staðar,“ segir útvarps-
maðurinn KK.
„Ég spila mikið tónlist frá Norðurlönd-
unum, Afríku og Suður-Ameríku en auk þess
leik ég mikið af íslenskri tónlist og er kóra-
tónlist í miklu uppáhaldi. Ég er alltaf að
leita að tónlist sem er skemmtileg og sem er
auðvelt og gaman að hlusta á, það má ekki
bara vera framandi. Ég veit að það er margt
eldra fólk sem hlustar á þáttinn, það er ekki
nóg spilað af tónlist fyrir þann aldursflokk.
Svo held ég að ungt fólk hafi líka gaman af
þessu, það eru margir orðnir þreyttir á sí-
byljunni.“
Tónlistina finnur KK í safni útvarpsins, í
eigin fórum og á netinu, þar sem hann segist
kaupa mikið af tónlist.
„Þetta er í raun starf sem ég er búinn að
vera að búa mig undir alla ævi, allt frá því
ég var 14 ára og fór að skoða fyrstu Deep
Purple-plötuna,“ segir KK.
Gaman að spila saman
Fjölhæfur KK heldur tónleika milli þess sem
hann grúskar í tónlist fyrir útvarpsþáttinn sinn.
KK heldur tónleika með félögum sínum í Bæjarbíói annað kvöld