Morgunblaðið - 15.05.2009, Side 58

B
A
-1
5-
05
-2
00
9-
1-
1-
F
E
R
D
-4
2-
ha
rp
a-
C
M
Y
K
„Ég held að helsta aðdráttaraflið sé ís-
lenski hesturinn sjálfur,“ segir Þórarinn
Jónasson eigandi Laxness en þar er hægt
að leigja hesta og fara í útreiðartúr.
„Stærðin á hestinum er alveg frábær og
hentar öllum. Svo er skepnan svo lundgóð
og hægt er að setja alla á bak, vana og
óvana. Þetta er sterk skepna.“
Stofnað árið 1968
Laxnes var fyrsta afþreyingarfyrirtækið á
Íslandi að sögn Þórarins og hann hefur því
verið lengi í þessum bransa. „Laxnes var
stofnað árið 1968 og við höfum leigt út
hesta síðan. Hingað koma um 10-15 þús-
und manns á ári og það er alltaf jafn gam-
an að þessu. Í upphafi var ég með kántrý-
klúbb, golfvöll, mínígolf og hestaleigu hér
upp frá en þá þótti þetta of langt frá
Reykjavík. En ég hélt áfram með hestana
og svo hef ég bætt ýmsu við í gegnum ár-
in.“
Hestar fyrir alla
Það er opið allt árið í Laxnesi og Þórarinn
talar um að þeir sem ætli í útreiðartúr séu
sóttir í bæinn. „Það eru bæði byrjendur og
vant fólk sem kemur og leigir hesta en við
erum með um 100 hesta. Ég er með svo
marga hesta svo allir geti fundið hest sem
hentar þeim. Við erum líka með hlöðu hér
þar sem ég tek á móti stórum hópum. Þá
er fyrst farið í reiðtúr og svo er grillað fyrir
fólk, ef áhugi er fyrir hendi.“
Falleg náttúra
Aðspurður hvort börn geti líka farið á hest-
bak segir hann svo vera. „Það er gaman að
sjá að það hefur aukist að ferðamenn komi
með börnin til að fara á hestbak. Fullorðna
fólkið hefur líka mjög gaman af þessu. Það
er vitanlega allt öðruvísi að sjá landið af
hestbaki en úr bíl. Þannig nýtur maður nátt-
úrunnar frekar enda Ísland fallegt land
sem fólk hrífst gjarnan af.
Morgunblaðið/RAX
Útreiðatúr Á Laxnes er hægt að fara í útreiðatúr en þar má finna hesta handa vönum jafnt sem óvönum.
Náttúran fallegri af hestbaki
Laxnes
www.laxnes.is
58| ferðasumar 2009 Morgunblaðið
Sandgerði Innan seilingar!Verið velkomin.
Aðeins 40 mín. frá Reykjavík og
aðeins 6 mín. frá Flugstöð Leifs Eiríkssonar.
Þar er Fræðasetur- Háskólasetur Suðurnesja og sýningin Heimskautin heilla.
Í Sandgerði eru líka m.a. listagallerí, kertasmiðja, sundlaug, sumarhús,
9 holu golfvöllur og margt fl. Nánari upplýsingar eru að finna á:
www.sandgerdi.is og í síma 423-7551