Morgunblaðið - 26.06.2009, Blaðsíða 24

24 Minningar
MORGUNBLAÐIÐ FÖSTUDAGUR 26. JÚNÍ 2009
✝ Þórður JóhannesArason fæddist á
Illugastöðum í Múla-
sveit 30. september
1913. Hann andaðist
16. júní 2009. For-
eldrar hans voru hjón-
in Vigdís Sigurð-
ardóttir frá Múlakoti
við Þorskafjörð, f. 1.
ágúst 1876, d. 26. mars
1951, og Ari Þórð-
arson frá Kletti í
Kollafirði, f. 2. október
1868, d. 26. nóvember
1921. Jóhannes var 4.
af 7 börnum hjónanna Ara Þórð-
arsonar frá Kletti í Gufudalssveit
og Vigdísar Sigurðardóttur frá
Múla í Þorskafirði. Eldri systkinin
voru Sigríður Jóhanna, f. 1909,
Elías Ísleifur, f. 1910, Guðmundur
Guðbrandur, f. 1911 og yngri voru
Ólöf Sigríður, f. 1916, Jóakim, f.
1917 og Arnfríður, f. 1920. Þau
eru öll látin.
Kona Jóhannesar var Steinunn
Óskarsdóttir, f. 2. júlí 1913, d. 23.
júní 1969. Börn: a) Ari Óskar, f. 5.
júní 1953, maki Ólöf Sigurlín
Kristinsdóttir börn þeirra; Stein-
unn, maki Sigríður.
Kristinn Freyr. b)
Elías Ísleifur, f. 9.
júní 1955, maki
Guðrún Kristjáns-
dóttir börn þeirra;
Unnsteinn, maki
Eva Rós Björgvins-
dóttir, dóttir Sunna
Kristín, Sigrún,
maki Ívar Örn
Reynisson, sonur
Ernir. Fyrir átti
Steinunn Hönnu
Ósk, f. 1938, Gunn-
laugu Helgu, f.
1943 og Ragnheiði Huldu, f. 1946.
Jóhannes ólst upp í Seljalandi og
fór í Bændaskólann á Hvanneyri
1935 – 1937. Var við bústörf í
Seljalandi og smíðar í Reykjavík
til 1947 er hann settist að í Múla
Kollafirði. Hætti búskap 1976 og
var fyrst við fiskvinnu og síðan
hleðslu úr torfi og grjóti víða um
land. Var í Seljalandi flest sumur
eftir að hann hætti að vinna.
J́óhannes verður jarðsunginn
frá Fossvogskirkju í dag, 26. júní
og hefst athöfnin kl. 13.
Meira: mbl.is/minningar
Þú sem fjarri fornum slóðum
fyrir handan sjónmál býrð
heldur nú með huga góðum
heim á leið, í vorsins dýrð.
Gömlu fjöllin fjörðinn kringum
fylla hugann æsku þrá.
Nú er bjart hjá Barðstrendingum
Breiðafjarðar leiðum á.
Þar á sundum sefur bára,
sólin vermir björt og hlý,
kátur strengur æskuára
óminn bjarta fær á ný.
Hér í miðju vorsins veldi
víða leynast sporin mín.
Æskubyggð, á kyrru kveldi
kem ég aftur heim til þín.
(E. G., Skáleyjum.)
Þetta ljóð finnst mér eiga vel við
þegar faðir minn Jóhannes í Múla
er borinn til grafar.
Við pabbi byrjuðum snemma að
vinna saman og þá fyrst við bú-
störfin í Múla og unnum þar saman
í mörg ár.
1974 flutti ég að heiman, ég
stofnaði fjölskyldu og við hittumst
sjaldnar á þessum tíma.
Um 1990 tókum við þráðinn upp
að nýju og þá í grjót og torfhleðsl-
um, fyrst í Skagafirði og síðar víða
um land og var hann með mér í því
af og til í 10–12 ár. Þessa fornu
byggingaraðferð kenndi hann mér
og fleirum afkomenda sinna. Eitt af
því sem hann sagði mér í sambandi
við hleðsluna var: „láttu augað ráða
og vertu alltaf að læra, ef augað
svíkur þig og þú heldur að þú getir
ekki lært neitt meira þá skaltu fá
þér vinnu við eitthvað annað“.
Ég skal fúslega viðurkenna það
að við pabbi áttum ekki alltaf skap
saman, og margir hafa sagt mér að
það hafi verið vegna þess hvað við
vorum líkir; ég er ekki dómbær á
það, en ég veit að okkur gekk vel að
vinna saman, þrátt fyrir að vera
ekki alltaf sammála. Ég veit að
hann er kominn á sínar æskuslóðir
og farinn að skoða slægjurnar
ásamt bræðrum sínum, enda talaði
hann oft um það síðustu mánuðina
sem hann lifði að hann vildi fara að
hitta þá Ella, Munda og Kima. Þú
skildir eftir þig mikinn fróðleik um
það hvernig hægt er að komast
áfram í lífinu þótt ekkert sé ríki-
dæmið, og vonandi tekst okkur að
koma einhverju af því áfram til
næstu kynslóðar.
Það er í rauninni með ólíkindum
hvernig hún Vigdís amma mín
komst áfram á þessu litla koti,
ekkja með 7 börn á aldrinum 2–14
ára, og þurfti ekki að láta nema eitt
í fóstur.
Ég held að þetta hafi sýnt að það
er allt hægt með sterkum vilja og
útsjónarsemi.
Ég vil færa sérstakar þakkir til
starfsfólksins á Vífilstöðum sem
annaðist hann af sérstakri alúð og
hlýju síðustu sporin, þar átti hann
góða að. Einnig vil ég þakka starfs-
fólkinu á Dalbraut 21–27 fyrir allt
sem það gerði fyrir hann á meðan
hann hafði starfsgetu til að búa þar.
Að lokum viljum við fjölskyldan
þakka þér fyrir samfylgdina og alla
aðstoðina, við vitum að þú varst
hvíldinni feginn eftir langa og
stranga ævidaga. Nú hefur þú hitt
þitt fólk sem farið var á undan þér
og nú líður þér vel.
Þökk fyrir.
Ari Óskar, Ólöf Sigurlín,
Kristinn, Steinunn
og Sigríður.
95 ár að baki og viðburðaríkri
ævi lokið. Það er ef til vill frekar
takmarkað sem ég get sagt á þess-
um leiðarlokum. Okkar leiðir lágu
fyrst saman þegar þú varst 42 ára
og fyrstu árum okkar samveru man
ég harla lítið eftir. En smátt og
smátt koma minningarnar, og þær
eru eftir 54 ár orðnar allnokkrar.
Ég man að mér fannst oft að það
sem þurfti að gera væri ansi til-
gangslaust og alveg örugglega
hægt að gera það á auðveldari hátt.
Mér er minnisstætt þegar ég fór
hring eftir hring um flögin í Múla
fyrst með herfið og síðan flaggrind-
ina til að jafna. Í dag er ég efins um
að mér hefði fundist nokkuð ámæl-
isvert við þetta vinnulag. Lífið hef-
ur kennt mér að það var margt sem
leit undarlega út á þeim árum sem
ég skil í dag.
Skoðanir þínar á lífinu mótuðust
af uppvexti þínum sem ég hef á til-
finningunni að hafi verið basl og
erfiðleikar. Þín skoðun var að fólk
þyrfti að vinna fyrir sér, en ekki að
fá fjármuni út úr braski eins og þú
nefndir það eða þiggja styrki og að-
stoð frá öðrum, en það var einnig
einkennandi virðing fyrir gömlu
verklagi og starfsháttum. Sumir
vildu meina að ef þú fengir að ráða
þá væri ekki búið að finna upp hjól-
ið. Í dag eftir öll árin og kvöldsím-
tölin þegar þú bjóst í Dvergabakka
er ég farinn að hallast á þá skoðun
að þú hafir frekar talið að það væru
ekki allir færir um að nota hjólið,
og þá væri betra að vera án þess.
Eitt af þvi sem mér fannst afar
undarlegt þegar þú sagðir mér það
fyrst var að þú varst mótfallinn lýð-
veldisstofnunni, og hafðir á orði að
þú efaðist um að Íslendingar kynnu
að stjórna sér sjálfir. Fullveldi
fengum við 1918 og það var það
sem máli skipti að þínu mati, það að
færa yfirstéttina frá Kaupmanna-
höfn til Reykjavíkur var ekki ávinn-
ingur fyrir þjóðina. Þetta var þá, í
dag eftir atburði síðustu mánaða
hef ég oft hugsað til þessa samtals
og hvort þarna hafir þú ef til vill
hitt naglann á höfuðið.
Ungur kynntist þú áföllum lífs-
ins. Eftir að hafa farið frá fæðing-
arstað þínum, fyrst að Kletti svo að
Seljalandi, missir þú pabba þinn 9
ára gamall. 18 ára missir þú systur
þína og 21 árs bróður þinn úr berkl-
um. Og þung voru árin ’69 og ’70
við fráfall mömmu og slysið þegar
Ara var varla hugað líf. Í dag sér
maður hve gífurlegt þrek hefur
þurft til að standast þessi áföll, og
ekki var stuðningurinn frá fjöl-
skyldunni stór, nei frekar að þú
þyrftir að styðja aðra. Já það er
margt sem leitar á hugann, þó sam-
tölin á kvöldin séu hætt og ekki
hægt að spyrja frekar um lífið í
upphafi síðustu aldar. Það er í dag
sem ég sé hve mikinn arf af fróðleik
og lífssýn þú skildir eftir. Vonandi
get ég skilað einhverju af því til
næstu kynslóðar. Já áföllin voru
stór og eflaust hefðu margir látið
bugast en þú stóðst og varst öðrum
stoð og stytta, jafnvel þegar þú
þurftir á hvað mestum stuðningi að
halda sjálfur. Þetta er styrkur sem
fáum er gefinn en ég vona að ég
hafi lært eitthvað af þér á þessum
50 árum sem leiðir okkar lágu sam-
an.
Heyr nú hvíslar blærinn.
Yfir lífsins haf.
Hvíl nú hljótt í friðsæld.
Og þökk fyrir allt þú gafst.
Elías.
Jóhannes Arason
✝
Bróðir okkar,
ÞORSTEINN ÁGÚSTSSON
bóndi í Mávahlíð,
Snæfellsnesi,
lést á Landspítalanum þriðjudaginn 16. júní.
Útförin fer fram frá Brimilsvallakirkju laugardaginn
27. júní kl. 14.00.
Fyrir hönd vandamanna,
Ragnar Ágústsson,
Hólmfríður Ágústsdóttir,
Leifur Þór Ágústsson.
✝
Eiginkona mín, móðir okkar, tengdamóðir, amma
og langamma,
ÓLAFÍA KRISTÍN JÓNSDÓTTIR,
Breiðagerði 13,
Reykjavík,
lést á líknardeild Landspítalans í Kópavogi fimmtu-
daginn 18. júní.
Sendum við starfsfólki líknardeildar Landspítalans
frábærar þakkir fyrir sérstaka umönnun.
Útför Ólafíu Kristínar fór fram í Fossvogskapellu fimmtudaginn
25. júní í kyrrþey.
Sigurður H. Sigurðsson,
Jón Halldór Sigurðsson, Margaret Ann Sigurðsson,
Sveinn Kristján Sigurðsson, Anne Muriel Sigurðsson,
Hulda Hreindal Sigurðardóttir,
Nína Björg Sigurðardóttir, Flóvent Sigurðsson,
barnabörn og barnabarnabarn.
✝
Elskuleg eiginkona mín, móðir, stjúpmóðir, tengda-
móðir, amma og langamma,
HELGA KRISTINSDÓTTIR,
Grenimel 43,
Reykjavík,
sem lést á líknardeild Landspítala Landakoti
miðvikudaginn 24. júní, verður jarðsungin frá
Dómkirkjunni föstudaginn 3. júlí kl. 15.00.
Ólafur Ragnar Magnússon,
Kristinn Axel Ólafsson,
Vala Ólafsdóttir,
Margrét Ólafsdóttir, Már Viðar Másson,
Pála Kristín Ólafsdóttir, Kristján Björn Ólafsson,
barnabörn og barnabarnabörn.
✝
Elskuleg móðir okkar, tengdamóðir, amma og lang-
amma,
FRIÐGERÐUR GUÐNÝ GUÐMUNDSDÓTTIR,
Engjavegi 34,
Ísafirði,
lést á Fjórðungssjúkrahúsinu á Ísafirði miðviku-
daginn 24. júní.
Steinunn S. L. Annasdóttir, Halldór Benediktsson,
Vilhelm S. Annasson, Særún Axelsdóttir,
Ásgerður H. Annasdóttir, Ómar Ellertsson,
Bergþóra Annasdóttir, Kristján Eiríksson,
Sigmundur J. Annasson, Agnes Karlsdóttir,
Guðný Anna Annasdóttir, Sigurjón Haraldsson,
Dagný Annasdóttir, Húnbogi Valsson
og ömmubörn.
✝
Elskulegur eiginmaður, faðir, afi og langafi,
GÍSLI SIGURBERGUR GÍSLASON
hafnarstjóri,
Neskaupstað,
lést á Fjórðungssjúkrahúsinu í Neskaupstað
fimmtudaginn 25. júní.
Útförin fer fram frá Norðfjarðarkirkju fimmtudaginn
2. júlí kl. 15.00.
Blóm og kransar vinsamlega afþakkaðir en þeim sem vilja minnast hans
er bent á Fjórðungssjúkrahúsið í Neskaupstað og líknarfélög.
Guðrún María Jóhannsdóttir,
Jóhann Pétur Gíslason, Sigríður Þorgeirsdóttir,
Gísli Gíslason, Bergrós Guðmundsdóttir,
Guðmundur Rafnkell Gíslason, Guðrún Smáradóttir,
Heimir Berg Gíslason, Sólrún Hansdóttir,
barnabörn og barnabarnabörn.
✝
Móðir okkar, tengdamóðir, amma og langamma,
ANNA KARLSDÓTTIR,
Mýrarbraut 8,
Blönduósi,
lést á Heilbrigðisstofnuninni Blönduósi þriðjudaginn
23. júní.
Jarðarförin verður auglýst síðar.
Sigtryggur Ellertsson, Brynhildur Friðriksdóttir,
Herdís Ellertsdóttir, Jón Kr. Jónsson,
ömmubörn og langömmubörn.
✝
Elskulegur faðir okkar,
SIGURJÓN HÓLM ÓSKARSSON,
Fellsenda,
Búðardal,
lést þriðjudaginn 16. júní.
Útförin hefur farið fram í kyrrþey að ósk hins látna.
Jóhann Ársæll Sigurjónsson,
Guðlaug Ósk Sigurjónsdóttir.