Morgunblaðið - 08.08.2009, Blaðsíða 4

4 FréttirINNLENT
MORGUNBLAÐIÐ LAUGARDAGUR 8. ÁGÚST 2009
Eftir Ómar Friðriksson
og Silju Björk Huldudóttur
NEFNDARMENN í fjárlaganefnd vinna að
því að ná breiðri samstöðu um afgreiðslu Ice-
save-málsins og fyrirvara við ríkisábyrgðina.
,,Við reynum að klára þessa vinnu um
helgina,“ segir Guðbjartur Hannesson, for-
maður nefndarinnar.
„Það er verið að vinna á fullu og fulltrúar úr
öllum flokkum eru að skoða hvað er mögulegt
og hvað ekki og hvernig við getum komið
þessu áfram,“ segir hann. Hann segir mikla
áherslu lagða á að ná breiðri samstöðu um af-
greiðslu málsins úr fjárlaganefnd því æskileg-
ast sé að öll nefndin standi á bak við nefnd-
arálitið. Gríðarlega mikilvægt sé að fá
stuðning allra við málið „þannig að Hollend-
ingar og Bretar finni að það er einhuga þing á
bakvið það,“ segir Guðbjartur. Ljóst er að
frumvarpið um ríkisábyrgðina kemur þó ekki
á dagskrá þingfundar á mánudag. „Ef vel
gengur gætum við komið málinu inn í þingið á
þriðjudag og í umræðu í vikunni,“ segir hann.
Guðbjartur segir nefndarmenn hafa skoðað
ýtarlega hvaða forsendur og fyrirvara sé hægt
að setja. Spurður um efasemdir um að fyrir-
varar við ríkisábyrgðina hafi einhverja þýð-
ingu gagnvart Icesave-samningnum segir
Guðbjartur að enginn haldi því fram að Al-
þingi geti ekki haft heilmikið um þetta mál að
segja. „Við erum alveg klár á því að við getum
haft ýmsa fyrirvara eða skýringar við rík-
isábyrgðina. Það er okkar hlutverk. Við ætlum
að staðfesta þessa ríkisábyrgð en við viljum
tryggja að hagsmunum okkar sé sem allra
best gætt.“
Hjá Kristjáni Þór Júlíussyni og Höskuldi
Þórhallssyni, sem báðir eiga sæti í fjárlaga-
nefnd, fengust þau svör að menn væru opnir
fyrir þverpólitíski lausn, en hins vegar væri
mikilvægt að flýta sér hægt. „Við viljum að
faglega verði staðið að málum,“ sagði Hösk-
uldur og tók fram að menn væru bjartsýnni nú
en áður á lausn þar sem ríkisstjórnin virtist
hafa fært sig nær minnihlutanum. „Ég held að
hlutir þurfi að breytast hratt og vel til þess að
hægt sé að taka málið fyrir á Alþingi fljótlega
eftir helgi,“ segir Kristján Þór.
Reynt að ná breiðri samstöðu
 Unnið að þverpólitískri lausn í fjárlaganefnd um Icesave  Reyna að ljúka málinu yfir helgina
 Nefndarálit gæti litið dagsins ljós á þriðjudag  „Getum haft ýmsa fyrirvara eða skýringar“
» Breið samstaða æskileg
» Menn flýti sér hægt
» Faglega staðið að málum
» Meiri bjartsýni en áður
» Hagsmunir okkar tryggðir
GLATT var á hjalla í Hinu húsinu í gær þar sem
lokahátíð Toppstarfs fór fram. Þar fögnuðu ung-
menni á framhaldsskólaaldri með þroskahömlun
eftir ánægjulegt og gefandi sumarstarf.
Að sögn Jennýjar Magnúsdóttur, deildarstjóra
í málefnum fatlaðra hjá Hinu húsinu, er þetta
þriðja sumarið sem Toppstarf er starfrækt, en
alls tóku fjörutíu ungmenni þátt í starfinu í sum-
ar í tveimur hópum. Segir hún markmiðið með
starfinu vera að leyfa ungmennum með þroska-
hömlun að kynnast vinnumarkaðnum sem og
vinnuveitendum að kynnast þessum starfskrafti.
Meðal þess sem ungmennin hafa unnið við í sum-
ar er barnapössun, garðvinna, ýmis versl-
unarstörf sem og að flokka og bera út póst. Sam-
hliða þessu sáu þau um undirbúning
lokahátíðarinnar.
Meðal þeirra tróðu upp á hátíðinni í gær við
mikinn fögnuð viðstaddra voru Haffi Haff og
Lísa úr Idolkeppninni. Auk þess sýndu ung-
mennin eigin skemmtiatriði. silja@mbl.is
Morgunblaðið/Eggert
LOKAHÁTÍÐ TOPPSTARFS Í HINU HÚSINU
RAGNA Árna-
dóttir dóms-
málaráðherra
hefur sett Björn
L. Bergsson hrl.
til að fara með
hlutverk og vald-
heimildir ríkis-
saksóknara
gagnvart emb-
ætti sérstaks
saksóknara. Hann er settur til 1.
júní 2010, en Valtýr Sigurðsson rík-
issaksóknari hefur sagt sig frá
þessum málaflokki til þess tíma.
Björn lauk lagaprófi frá HÍ árið
1990, hlaut héraðsdómsréttindi ár-
ið 1992 og varð hæstaréttar-
lögmaður árið 1999.
Björn settur
sérstakur rík-
issaksóknari
Björn L. Bergsson
TVÆR stúlkur, sem lögreglan á
höfuðborgarsvæðinu lýsti eftir í
gær, komu fram seint í gærkvöldi.
Stúlknanna hafði verið saknað frá
því á miðvikudag en fljótlega eftir
að tilkynningu lögreglu var komið
á framfæri um að þeirra væri leit-
að, skiluðu þær sér heilar á húfi.
Stúlkurnar fundust
GRÉTAR Már Sig-
urðsson, sendiherra
og fyrrverandi ráðu-
neytisstjóri í utanrík-
isráðuneytinu, lést í
gærmorgun, 50 ára
að aldri, eftir baráttu
við illvígt mein.
Hann var fæddur í
Reykjavík þann 15.
apríl 1959. Grétar
átti langan og farsæl-
an feril í utanrík-
isþjónustunni og
tengdum störfum frá
árinu 1987. Hann var
í fararbroddi íslenkra embættis-
manna í samskiptum við Evrópu-
sambandið og gegndi lykilstörfum
við rekstur samningsins um Evr-
ópska efnahagssvæðið frá upphafi.
Grétar lauk embættisprófi í lög-
um frá Háskóla Íslands árið 1984
og starfaði sjálfstætt sem lögmað-
ur frá árinu 1984 til ársins 1987.
Hann varð þá sendiráðsritari í
fastanefnd Íslendinga hjá Samein-
uðu þjóðunum árið 1987 og
sendiráðuautur árið
1995. Þá tók við emb-
ætti sem skrif-
stofustjóri varn-
armálaskrifstofu til
ársins 1997.
Árið 1997 var Grét-
ar skipaður varafasta-
fulltrúi hjá Fasta-
nefnd Íslendinga
gagnvart Evrópusam-
bandinu og gegndi því
hlutverki til ársins
2000.
Grétar var aðstoð-
arframkvæmdastjóri
EFTA árin 2000-2001 og skipaður
sendiherra árið 2001. Þá var Grét-
ar skrifstofustjóri viðskiptaskrif-
stofu frá árinu 2001 til ársins
2006. Árið 2006 tók Grétar við
embætti ráðuneytisstjóra í utan-
ríkisráðuneytinu.
Grétar Már skilur eftir sig eig-
inkonu, Dóru Guðrúnu Þorvarð-
ardóttur. Þau eiga saman þrjár
dætur, Margréti Maríu, Hildi
Gyðu og Kristínu Birnu.
Andlát
Grétar Már Sigurðsson
Eftir Sigurð Boga Sævarsson
sbs@mbl.is
BÓNUS var í 38 tilvikum af 55 með
lægsta vöruverðið í verðkönnun ASÍ
sem gerð var sl. miðvikudag. Mikill
verðmunur er á grænmeti á milli
verslana en ekki eins mikill og fyrstu
tölur frá ASÍ gáfu til kynna, þar sem
ranglega var farið með verð á gulrót-
um og jöklasalati.
„Það er allt að hækka í verði og sú
þróun hefur verið áberandi sl. eitt og
hálft ár. Mest hafa hreinlætisvörur
og þurrvara hækkað en einnig aðrar
tegundir, nú síðast mjólkurvörur.
En við sjáum þó líka ljósa punkta,
ýsan hefur haldist í svipuðu verði í
nokkurn tíma og frekar lækkað.
Soðningin stendur fyrir sínu,“ segir
Ester Sveinbjarnardóttir, verkefnis-
stjóri verðlagseftirlits ASÍ, um
helstu niðurstöður verðkönnunar-
innar.
Nóatún var oftast með hæsta verð,
í 28 skipti. Lítill verðmunur var á
forverðmerktum vörum eins og til
dæmis SS-pylsum. Tíu í pakka kosta
þær 594 kr. í Bónus en 630 kr. hjá
hinum verslununum utan Fjarðar-
kaupa. Þar kostaði pakkinn 660 kr.
Verðmunur formerktra vara er yf-
irleitt mun minni en í öðrum tilvikum
og telur ASÍ það til baga. Slíkt hamli
eðlilegri verðsamkeppni.
Könnunin var gerð í Bónus á
Smáratorgi, Krónunni í Lindum,
Nettó í Hverafold og Kaskó við Vest-
urberg, Hagkaupum Skeifunni, Nóa-
túni við Nóatún, Samkaupum Úrval
við Miðvang í Hafnarfirði og í versl-
un Fjarðarkaupa í Hafnarfirði.
Soðningin stendur
fyrir sínu í könnun
 Allt að hækka í verði  Bónus oftast lægstur í könnun ASÍ


  

 

  
!"# 
"$% & 
' 
( 
' 
 
)#" 
*
 
+

 
% , 
-
 
         
 
  
 
      
      
.

  BÍLL valt á Reykjanesbraut á móts
við Grænásveg um miðjan dag í
gær. Að sögn lögreglunnar í
Reykjanesbæ var ökumaðurinn
einn á ferð og hlaut hann minni-
háttar áverka.
Bifreiðin skemmdist mikið en til-
drög slyssins eru ókunn
Slapp vel úr veltu