Morgunblaðið - 08.08.2009, Blaðsíða 18

18 FréttirERLENT
MORGUNBLAÐIÐ LAUGARDAGUR 8. ÁGÚST 2009
HUNDRUÐ flóttamanna í Karachi búa sig undir
20 klukkustunda ferð með rútum til heimkynna
sinna í Swat-dal í norðvestanverðu Pakistan.
Nær tvær milljónir manna flúðu átök í dalnum
milli stjórnarhers Pakistans og liðsmanna talib-
ana fyrr í sumar. Pakistönsk yfirvöld segja að
um 100.000 fjölskyldur hafi farið til þorpa sinna í
Swat á síðustu vikum. Margir flóttamannanna
segjast þó óttast að talibanar komi aftur í dalinn
til að berjast fyrir stofnun íslamsks ríkis. „Ég
finn lyktina af þeim,“ sagði einn flóttamann-
anna. „Ég hræðist þá ennþá.“
Reuters
FLÓTTAFÓLKIÐ HRÆÐIST ENN TALIBANA
FRÉTTASKÝRING
Eftir Boga Þór Arason
bogi@mbl.is
PAKISTANSKI stríðsherrann og talibanaleið-
toginn Baitullah Mehsud, sem talið er nú að hafi
fallið í árás Bandaríkjahers, hefur verið álitinn
hættulegasti óvinur Pakistans. Hann er talinn
hafa skipulagt sprengjuárásir sem kostuðu
hundruð manna lífið.
Skýrt var frá því í gær að Mehsud hefði beðið
bana þegar mannlaust loftfar gerði árás á dval-
arstað hans í pakistanska héraðinu Suður-
Waziristan á miðvikudaginn var. Reynist það rétt
er þetta álitið mikið áfall fyrir talibana í Pakistan
og stórt skref í baráttunni við hreyfinguna.
„Þetta leiðir til leiðtogakreppu, það verður
mjög erfitt fyrir talibana að fylla upp í tómarúm-
ið,“ sagði pakistanski blaðamaðurinn Rahimullah
Yusufzai, sem hefur fylgst grannt með baráttunni
gegn talibönum. „Þeir hefðu ekki getað orðið fyrir
meira áfalli en að missa Mehsud.“
Mehsud er álitinn á meðal mikilvægustu banda-
manna hryðjuverkasamtakanna al-Qaeda. Hann
er á lista Bandaríkjastjórnar yfir þá sem hún
leggur mesta áherslu á að ná og hún hafði lagt
fimm milljónir dollara til höfuðs honum.
Bendlaður við morðið á Bhutto
Stjórnvöld í Bandaríkjunum og Pakistan hafa
sakað Mehsud um að hafa fyrirskipað morðið á
Benazir Bhutto, fyrrverandi forsætisráðherra
Pakistans, sem beið bana í skotárás og sprengju-
tilræði í desember 2007. Mehsud hefur neitað
þeirri ásökun en játað að hafa skipulagt mann-
skæðar sprengjuárásir í Pakistan.
Um 2.000 manns hafa beðið bana í árásum ísl-
amista í Pakistan á síðustu tveimur árum. Stjórn
landsins hefur kennt pakistönskum talibönum um
nær 80% árásanna.
Talið er að Mehsud hafi stjórnað um 10.000-
20.000 vopnuðum talibönum. Liðsmenn hans hófu
skæruhernað eftir að friðarsamkomulag fór út um
þúfur árið 2005 og þeim tókst að flæma nær alla
hermenn stjórnarinnar frá Suður-Waziristan. Síð-
an hefur hann ráðið lögum og lofum í héraðinu.
Síðustu vikur hafa bandarískar og pakistanskar
hersveitir lagt mikið kapp á að fella Mehsud;
Bandaríkjamenn með árásum mannlausra loftfara
og Pakistanar með loftárásum.
Mehsud gekk í íslamskan trúarskóla í Norður-
Waziristan áður en hann hélt til Afganistans um
miðjan síðasta áratug til að berjast með talib-
önum. Hann varð fljótlega þekktur fyrir að vera
grimmur stríðsherra. „Fólk hræðist hann, er
skelfingu lostið þegar það sér hann,“ sagði pakist-
anski fréttaskýrandinn Mehmud Shah.
Leiðir til leiðtogakreppu
 Fall illræmds stríðsherra í Pakistan talið vera mikið áfall fyrir talibana
 Sagður hafa stjórnað sprengjuárásum sem kostuðu hundruð manna lífið
Talið er að mjög erfitt verði fyrir talibana í
Pakistan að fylla upp í tómarúmið sem mynd-
aðist þegar stríðsherrann Baitullah Mehsud
féll í árás Bandaríkjahers. Hann var þekktur
fyrir grimmd og margir töldu hann hættuleg-
asta óvin Pakistans.
Reuters
Stríðsherrann Mehsud „Fólk hræðist hann, er
skelfingu lostið þegar það sér hann.“
Í EINNI af dæmisögum Esóps segir
frá kráku sem var þyrst og rakst á
uppmjóa krukku með vatni. Hún
náði ekki í vatnið með gogginum en
fleygði þá smásteinum í krukkuna
þar til yfirborðið hækkaði svo mikið
að hún gat drukkið nægju sína.
Nú hafa vísindamenn við Cam-
bridge-háskóla að sögn BBC gert til-
raunir með bláhrafna, sem eru
skyldir krákum, og virðast þeir geta
sýnt sömu snilld og kráka Esóps.
Gómsætum ormi var komið fyrir í
glæru, uppmjóu glasi og flaut hann á
vatninu í glasinu. Rétt hjá glasinu
var hrúga af smásteinum. Tveir blá-
hrafnar, Cook og Fry, virtust um-
svifalaust skilja hvað þurfti til. Þeir
virtu vandlega fyrir sér hæð vatns-
yfirborðsins frá ýmsum sjón-
arhornum, fóru síðan að fleygja
steinum í glasið og gáfust ekki upp
fyrr en þeir náðu orminum.
kjon@mbl.is
Fluggreindir
bláhrafnar
ná sér í orm
BRETINN Willi-
am Dowling, sem
er 69 ára, bíður
nú dóms fyrir að
hafa reynt
nokkrum sinnum
að eitra fyrir eig-
inkonu sína.
Hann hellti
kvikasilfri í te-
bollann hennar
en segist ekki hafa ætlað að bana
henni. Hann hafi gert þetta í von
um að hún yrði veik. Þá gæti hann
veitt henni aðhlynningu og náð aft-
ur ástum hennar en hjónabandið
mun hafa verið orðið slæmt, að
sögn Times.
Eiginkonan fór að gruna Dowl-
ing um græsku þegar hún sá silfur-
kúlurnar í bollanum. kjon@mbl.is
Eitraði fyrir heitt-
elskaða eiginkonuna
William Dowling
HÆGT er að
stöðva hlýnun
andrúmslofts á
jörðinni með því
að smíða 1900
skip sem látin
yrðu þyrla upp
sjó. Þá yrðu til
ský sem myndu
draga nógu mik-
ið úr hlýnuninni,
segir danski tölfræðingurinn Bjørn
Lomborg. Hann er þekktur fyrir
gagnrýni sína á þær aðgerðir sem
samþykktar hafa verið gegn hlýnun
í Kyoto-sáttmálanum. Segir Lom-
borg að hugmynd sín myndi kosta
sem svarar um 1125 milljörðum ísl.
kr. Er það mun lægri fjárhæð en
aðrar hugmyndir sem nefndar hafa
verið.
kjon@mbl.is
Lomborg vill tilbúin
ský gegn hlýnun
Bjørn Lomborg
Eftir Kristján Jónsson
kjon@mbl.is
AÐEINS eitt ríki í heiminum státar af því að
meirihluti þingmanna sé úr röðum kvenna:
Afríkuríkið Rúanda. Þar er auk þess hlutfall
kvenna í ráðherraliðinu hátt en þess ber að
geta að ekki má líkja Rúanda við vestræn lýð-
ræðisríki, það minnir um margt fremur á eins-
flokksríki. Mannréttindasamtök hafa gagnrýnt
hart forsetann, Paul Kagame, sem sagður er
lítt þolinmóður gagnvart andstöðu við sig og
stjórn sína. Fullyrða sumir að óþægilegir
stjórnarandstæðingar eigi til að hverfa.
En konurnar hafa nýtt vel tækifærið til að
koma í gegn lögum sem tryggja réttindi þeirra
betur en áður gerðist í hefðbundnu karlaveldi
Rúanda. Með nýjum lögum hafa konur fengið
rétt til að eiga fasteignir og erfa, einnig hafa
verið sett lög gegn ofbeldi í garð kvenna. Haft
er eftir þingkonunni Speciose Mukandutiye í
sænska blaðinu Dagens Nyheter að þakka
megi Kagame fyrir að styrkja hlut kvenna,
m.a. í ríkisstjórn. „Þetta snýst líka um vilja
kvenna. Konur vilja taka þátt í stjórnmálum,
ekki síst í Rúanda,“ segir hún.
Eitt af því sem á þátt í að efla stöðu kvenna
er einfaldlega skortur á körlum. Eins og
reyndin varð sums staðar í Evrópu eftir seinni
heimsstyrjöld varð ekki hjá því komist í Rú-
anda að láta konur taka að sér mörg hefðbund-
in karlastörf vegna mannfallsins í röðum karla.
Hundruð þúsunda þeirra týndu lífi í átökum
helstu þjóðarbrotanna, Tútsa og Hútúa, á um-
liðnum árum en skelfilegastir voru atburðirnir
sumarið 1994. Þá voru á nokkrum mánuðum
um 800.00 manns, konur og karlar, myrt og var
helsta vopnið sveðjur. Fórnarlömbin voru
einkum Tútsar en einnig féllu margir Hútúar
sem sakaðir voru um samúð með Tútsum.
Síðustu árin hefur ríkt þokkalegur friður og
framfarir hafa orðið í efnahagsmálum. Þjón-
usta við erlenda ferðamenn, sem voru um millj-
ón í fyrra, er nú orðin helsta tekjulindin.
Afríkuríki kvenskörunganna
Rúanda er fátækt og ekki lýðræðisríki í vestrænum skilningi, margvísleg réttindi eru þar fótum troðin
en konur landsins náðu þeim áfanga 2008 að hreppa meirihluta á þingi landsins í kosningum
» Eftir kosningarnar 2008 eru 56% þingmanna konur
» Níu af 24 ráðherrum í stjórn Rúanda eru úr röðum kvenna
» Íbúar eru um 10 milljónir en stærð landsins um 1⁄4 Íslands