Morgunblaðið - 08.08.2009, Blaðsíða 29
Elsku Esra frændi, nú ertu kom-
inn til ömmu og afa og við vitum að
þau hafa tekið vel á móti þér.
Drottinn er minn hirðir,
mig mun ekkert bresta.
Á grænum grundum
lætur hann mig hvílast,
leiðir mig að vötnum,
þar sem ég má næðis njóta.
Hann hressir sál mína,
leiðir mig um rétta vegu
fyrir sakir nafns síns.
Jafnvel þótt ég fari um dimman dal,
óttast ég ekkert illt,
því að þú ert hjá mér,
sproti þinn og stafur hugga mig.
Þú býr mér borð
frammi fyrir fjendum mínum,
þú smyr höfuð mitt með olíu,
bikar minn er barmafullur.
Já, gæfa og náð fylgja mér
alla ævidaga mína,
og í húsi Drottins bý ég langa ævi.
(23. Davíðssálmur)
Jóhanna Inga, Jónas Friðrik,
Hjördís Ósk og fjölskyldur.
Í dag kveðjum við í Veiðifélagi Ell-
iðaeyjar hinstu kveðju félaga okkar,
Jóhannes Esra Ingólfsson eða Esra
eins og við kölluðum hann. Esra byrj-
aði ungur að fara út í Elliðaey til
eggjatöku og lundaveiða. Hann var
skemmtilegur félagi og líf og fjör í
kringum hann. Þær voru margar
veislumáltíðirnar sem hann bjó til í
lok veiðidags í eldhúsinu í Elliðaey,
en Esra var góður kokkur. Munum
við félagarnir sakna veislumáltíð-
anna hans. Á kvöldvökunum í Elliða-
ey að loknum veiðidegi, er lífsgátan
var rædd, voru skoðanir hans og til-
svör hnitmiðuð og vöktu oftast kát-
ínu. Ef lagið var tekið var Esra
fremstur í flokki, góður söngmaður
með sína fínu tenórrödd.
Nú er komið að kveðjustund og
viljum við veiðifélagarnir minnast þín
með bólsöng okkar Elliðaeyinga:
Hér lífið er frelsi við unað og yndi
við óminn frá lundans og svölunnar klið.
Í úteyjafaðminum vægum í vindi
við skulum gleðjast að bjargmanna sið.
Nú veiði er lokið og sigin er sól
syngjum því glaðir og skálum við ból.
(Óskar Kárason)
Veiðifélag Elliðaeyjar vottar fjöl-
skyldu Esra og öðrum aðstandend-
um dýpstu samúð.
Ívar Atlason.
Kveðja frá Kór Landakirkju
Í dag minnumst við Jóhannesar
Esra Ingólfssonar kórfélaga okkar
úr Kór Landakirkju. Esra var sér-
lega góður félagi í kórnum. Hann var
trúaður og gat því auðveldlega rækt-
að trú sína með söng sínum í Landa-
kirkju. Hann var ávallt jákvæður,
glaðlyndur og naut þess svo sannar-
lega að vera með í kórstarfinu. Hann
átti oft auðvelt með að sjá spaugileg-
ar hliðar á mannlífinu og naut þess
sannarlega að gleðjast með okkur fé-
lögum sínum. Fyrir allt það stendur
Kór Landakirkju í þakkarskuld við
Esra.
Nú er Esra látinn. Við sem kynnt-
umst honum minnumst hans sem
góðs drengs sem við vorum afar
heppin að fá að kynnast. Í minning-
unni lifir myndin af glöðum og
skemmtilegum samferðamanni.
Við vottum Guðnýju og fjölskyldu
dýpstu samúð okkar. Megi minningin
um góðan dreng lifa meðal okkar
allra. Blessuð sé minning Jóhannesar
Esra Ingólfssonar.
Fyri hönd Kórs Landakirkju,
Jóhanna Njálsdóttir.
Minningar 29
MORGUNBLAÐIÐ LAUGARDAGUR 8. ÁGÚST 2009
✝ Halldóra Ingi-mundardóttir
fæddist á Ólafsfirði
3. nóvember 1914.
Hún andaðist á
Dvalarheimilinu
Hornbrekku á Ólafs-
firði 24. júlí sl. Hún
var dóttir Ingi-
mundar Jónssonar,
f. 21 apríl 1875, d.
2. desember 1966 og
Guðrúnar Guð-
mundsdóttur, f. 2.
apríl 1880, d. 1934.
Systkini Halldóru
eru: Ingibjörg, f. 8. nóv, 1901, d.
14. des 1957, Jakob, f. 21. júlí
1905, d. 20. des. 1988, Ólöf, f. 28.
sept. 1907, d. 11. nóv. 2000, Sig-
urður, f. 2. maí 1912, Sigríður, f.
16. okt. 1913 og Þorvaldur, f. 15.
jan. 1918, d. 28. okt. 1974.
Halldóra ólst upp í foreldra-
húsum (Háagerði) í Ólafsfirði þar
til hún hóf búskap með Guðvarði
Þorkelssyni, f. 23 júlí 1910, d. 27.
mars 1982 Þau eignuðust son, f.
1934 sem var skírður Gunnar en
hann lést rétt eftir fæðingu.
Halldóra og Guðvarður tóku að
sér tvö fósturbörn, þau eru:1)
Marý Baldursdóttir, f. 5. sept,
1941 gift Jóni Sæmundssyni, f.
23. des, 1941. Þau eiga 5 börn,
þau eru: Sæmundur Pálmi,
kvæntur Herdísi Birgisdóttur,
þau eiga fjögur börn og fjögur
barnabörn. Guðvarður, í sambúð
með Heidi Poulsen og eiga þau
einn dreng, fyrir á Guðvarður
fjóra drengi. Baldur kvæntur
Guðnýju Halls-
dóttur, þau eiga
þrjú börn, fyrir á
Baldur tvö börn.
Sigríður Guðrún,
gift Helga Magn-
ússyni, þau eiga
þrjú börn. Íris
Dröfn, gift Ingvari
Rafnssyni, þau eiga
tvö börn. 2) Gunnar
Þorvaldsson, f. 11
janúar 1949, kvænt-
ur Halldóru Bjarna-
dóttur, f. 24. júlí
1949, þau eiga þrjá
syni, Þorvaldur Halldór, kvæntur
Rannveigu Önnu Jónsdóttur, þau
eiga tvær dætur, Óðinn, kvæntur
Önnu Sigríði Þórhallsdóttur, þau
eiga tvö börn, fyrir á Óðinn ein
dreng, Bjarni, sambýliskona Ása
Birna Ísfjörð, þau eiga einn
dreng, fyrir á Bjarni eina dóttur.
Halldóra og Guðvarður bjuggu
að mestu í Ólafsfirði en líka í
Grímsey, einkum á sumrin fyrstu
búskaparárin, en Guðvarður var
ættaður þaðan, líka dvöldu þau á
Siglufirði í nokkur ár. Halldóra
vann ýmis störf um ævina, starf-
aði meðal annars sem matráðs-
kona hjá útgerðum bæði í Sand-
gerði, Grindarvík og í Höfnum í
mörg ár. Halldóra vann líka í
Hraðfrystihúsi Ólafsfjarðar lengi
vel. Síðustu 26 árin hefur hún
búið á Dvalarheimilinu Horn-
brekku í Ólafsfirði.
Útför Halldóru fer fram frá
Ólafsfjarðarkirkju í dag, 8.
ágúst, og hefst athöfnin kl. 14.
Látin er fósturmóðir mín Hall-
dóra Ingimundardóttir á 95. ald-
ursári en hún lést hinn 24. júlí sl.
á Hornbrekku í Ólafsfirði.
Mamma hafði dvalið þar í 26 ár
og undi þar hag sínum vel. Ekki
spillti fyrir að á Hornbrekku var
hún í nánum tengslum við systk-
ini sín en mamma var afar fé-
lagslynd, hafði gaman af alls kyns
handavinnu og lestri góðra bóka
meðan heilsan og sjón leyfði.
Viljum við aðstandendur koma
á framfæri kæru þakklæti til
starfsfólksins á Hornbrekku fyrir
frábæra umönnun og hlýju í
hennar garð, sérstaklega síðustu
vikurnar í erfiðum veikindum
Halldóru.
Ég fluttist snemma að heiman
til Reykjavíkur og það var langt
að fara til Ólafsfjarðar. Eftir að
ég eignaðist fjölskyldu þótti okk-
ur öllum ekkert eins spennandi
og heimsækja mömmu og pabba
(Varða) á Kirkjuveg 16 (Sólheim-
um), í ævintýralegt sjávarþorpið
hvort sem um páska eða sumar
var að ræða. Lífið í Sólheimum
var einfalt og notalegt, útsýni var
yfir fjörðinn, og þar var alltaf
tekið á móti fólki af mikilli hlýju.
Meira að segja ferfætlingar
spiluðu stórt hlutverk í heimilis-
lífinu en þau mamma áttu marga
ketti og höfðu yndi af þeim. Eins
þótti Þorvaldi, elsta syni mínum,
gaman að fá að fara á sjó með afa
sínum en hann dvaldi hjá þeim
um tíma í nokkur sumur.
Veit ég að sú vist hefur verið
honum dýrmætt veganesti út í líf-
ið. Mamma og pabbi bjuggu líka í
Grímsey í nokkur ár, fyrst hjá
tengdaforeldrum mömmu á Bás-
um en þar þótti henni gott að
vera, sérstaklega yfir sumartím-
ann. Mamma hefur notið sín vel í
Grímsey enda í nánum tengslum
við hafið, alltaf logn og blíða og
nóg við að vera. Pabbi á sjó á
trillu og mamma að hugsa um
heimilið, og svo börnin tvö sem
þau tóku í fóstur. Lífið snerist um
að vinna við útgerð og að halda
hjólum ört vaxandi samfélags
gangandi. Mamma og pabbi lifðu
sem sjálfstætt fólk á tímum um-
brota í þjóðlífi síðustu aldar. Gott
tákn um það er minning úr barn-
æsku minni en ég man þegar
fyrsta flugvélin frá Flugfélagi Ís-
lands kom til Grímseyjar og öll-
um boðið í hringflug yfir eyjuna.
Þá var gaman. Eftir ferðina var
hópmynd tekin af öllum farþeg-
unum og þarna var mamma með
Varða sínum. Þessa minningu, og
margar fleiri, geymi ég um þig
um leið og ég kveð þig með þess-
um fátæklegu orðum. Takk fyrir
allt og allt.
Þinn sonur,
Gunnar.
Halldóra
Ingimundardóttir
Minningarkort
535 1825
www.hjarta.is 5351800
✝
Ástkær móðir okkar, tengdamóðir, amma, lang-
amma og langalangamma,
RÓSA AÐALHEIÐUR GEORGSDÓTTIR
frá Hlíð í Grafningi,
andaðist á dvalarheimilinu Hrafnistu í Reykjavík
fimmtudaginn 6. ágúst.
Jarðsungið verður frá Áskirkju föstudaginn
14. ágúst kl. 15.00.
Sigríður Guðmundsdóttir,
Kristín Björg Kjartansdóttir, Þorgrímur Benjamínsson,
Ástríður Thorarensen, Stefán Thorarensen,
Anna María Pétursdóttir, Þorlákur Kjartansson,
ömmubörn, langömmubörn
og langalangömmubörn.
✝
Okkar ástkæri
JÓN STEINARR ÁRNASON,
Finnsstöðum,
Eiðaþinghá,
lést á heimili sínu föstudaginn 31. júlí.
Útförin hefur farið fram í kyrrþey.
Systkinin og fjölskyldur.
✝
Okkar innilegustu þakkir til allra þeirra sem sýndu
okkur samúð og hlýhug við andlát og útför elsku
föður okkar, sonar, bróður, mágs, kærasta og
frænda,
HRAFNS FRANKLÍNS FRIÐBJÖRNSSONAR
M.Sc. í klínískri sálfræði,
Bylgjubyggð 61,
Ólafsfirði.
Anna Ýr Johnson Hrafnsdóttir,
Rafn Franklín Johnson Hrafnsson,
Kristín Ósk Óskarsdóttir, Friðbjörn Kristjánsson,
Kristjana Friðbjörnsdóttir,
Óskar Friðbjörnsson, Sigurbára Sigurðardóttir,
Anna Kristín Magnúsdóttir, Helgi Eiríksson,
Sigríður Gunnarsdóttir
og frændsystkini.
✝
Okkar ástkæra móðir,
EMILÍA EYGLÓ JÓNSDÓTTIR
GUNNARSSON,
sem lést sunnudaginn 5. júlí, verður jarðsungin frá
Landakirkju mánudaginn 10. ágúst kl. 14.00.
Fyrir hönd aðstandenda,
Anna Jóna Gunnarsson Pfeiffer,
Gunnar Kristinn Gunnarsson.
✝
Ástkær móðir, amma og langamma,
ÞURÍÐUR SESSELJA ÞORKELSDÓTTIR,
Sella,
lést á Fossheimum Selfossi þriðjudaginn 4. ágúst.
Útför verður auglýst síðar.
Fyrir hönd aðstandenda,
Ingimundur Marelsson.
✝
Eiginkona mín, móðir, tengdamóðir, amma og
langamma,
HÓLMFRÍÐUR SIGMUNDS,
Trönuhjalla 1,
Kópavogi,
andaðist á gjörgæsludeild Landspítalans við Hring-
braut fimmtudaginn 6. ágúst.
Jarðarförin verður auglýst síðar.
Sigurður E. Kristjánsson,
Sesselja Sigurðardóttir, Halldór E. Sigurþórsson,
Einar Sigurðsson, Ólöf Halldórsdóttir,
Margrét Sigurðardóttir, Jón Ágúst Gunnlaugsson,
Hreindís Elva Sigurðardóttir, Brynjólfur Tryggvi Árnason,
Sigmundur Sigurðsson, Ewa Noren,
Kristján Sigurðsson, Margrét Þorvaldsdóttir,
barnabörn og barnabarnabörn.