Morgunblaðið - 08.08.2009, Blaðsíða 19

MORGUNBLAÐIÐ LAUGARDAGUR 8. ÁGÚST 2009
Eftir Boga Þór Arason
bogi@mbl.is
„SÍÐASTA ósk mín er að ganga inn
í krá í Margate sem Englendingur
og kaupa hálfpott af beiskum bjór,“
var haft eftir breska lestarræningj-
anum Ronnie Biggs þegar hann
sneri aftur til Bretlands árið 2001
eftir ævintýralegan flótta undan
bresku lögreglunni í 35 ár.
Biggs varð ekki að ósk sinni því
honum var stungið í fangelsi þegar
hann kom loks til heimalandsins.
Biggs heldur upp á áttræðis-
afmæli sitt í dag og svo vill til að í
dag eru einnig 46 ár liðin frá því að
hann tók þátt í „lestarráninu
mikla“. Hann er nú gerbreyttur
maður, lamaður í andliti eftir að
hafa fengið heilablóðfall þrisvar
sinnum, getur hvorki talað né borð-
að hjálparlaust. Auk þess að vera
orðinn karlægur er hann illa hald-
inn af lungnabólgu. Ljóst er því að
hann var ekki leystur úr haldi til að
geta fengið sér bjórkollu á breskri
krá. Honum var gefið frelsi af
mannúðarástæðum til að deyja utan
fangelsismúranna.
Flúði úr fangelsi
Ronnie Biggs og fjórtán félagar
hans rændu sem svarar 6,3 millj-
örðum króna að núvirði úr póstlest
á leiðinni frá Glasgow til London 8.
ágúst 1963. Megnið af ránsfengnum
fannst aldrei. Ræningjarnir börðu
eimreiðarstjórann með axarskafti
og hann náði sér aldrei að fullu, dó
sjö árum síðar.
Biggs var dæmdur í 30 ára fang-
elsi en honum tókst að strjúka tæp-
um fimmtán mánuðum síðar. Hann
bjó til til stiga úr reipi, notaði hann
til að komast yfir háan fangels-
ismúr og komst undan á þaki sendi-
bíls sem beið hans.
Biggs eyddi megninu af hlut sín-
um í ránsfengnum á flóttanum.
Hann fór fyrst til Parísar og gekkst
þar undir aðgerð til að breyta útliti
sínu. Þaðan laumaðist hann til Ástr-
alíu og síðan Brasilíu. Þar komst
hann hvað eftir annað hjá því að
verða framseldur til heimalandsins.
Breska lögreglan hafði uppi á Biggs
árið 1974 en gat ekki handtekið
hann vegna þess að á þeim tíma
hafði Bretland ekki gert framsals-
samning við Brasilíu.
Þegar brasilísk stjórnvöld reyndu
að vísa Biggs úr landi eignaðist
hann son með brasilískri konu og
það varð honum til bjargar því lög
landsins heimiluðu ekki að mönn-
um, sem ættu brasilísk börn, yrði
vísað úr landi. Hæstiréttur Brasilíu
hafnaði síðan framsalsbeiðni
breskra yfirvalda árið 1997 á þeirri
forsendu að mál hans væri fyrnt.
Biggs ákvað að lokum að snúa
heim árið 2001 og margir telja að
hann hafi ekki aðeins gert það til að
drekka beiskan bjór í enskri krá,
heldur til að fá ókeypis læknis-
meðferð. Því hefur fjölskylda hans
neitað.
Römm er sú taug
Þegar lestarræninginn Biggs sneri heim eftir 35 ára útlegð
átti hann þá ósk heitasta að drekka bjór á krá í Bretlandi
5
1
1
2
3
5
4
2
3
4
1963 Biggs og félagar
hans rændu 2,6 milljónum
punda - sem svarar 6,3
milljörðum króna að núvirði
1964 Dæmdur í 30 ára
fangelsi fyrir ránið
1965 Strýkur úr fangelsi,
fer til Ástralíu
1970 Fer til Brasilíu eftir
að hafa leynst í Ástralíu
og gengist undir aðgerð
til að breyta útliti sínu
1974 Breska lögreglan
hefur upp á Biggs í Rio de
Janeiro en framsalsbeiðni
var synjað vegna þess að
hann hafði eignast son
með brasilískri konu
1981 Fyrrverandi liðs-
menn breskrar sérsveitar
ræna Biggs og flytja hann
til Barbados, en hann er
ekki framseldur vegna
þess að dómstóll úrskurðar
að framsalssamningur
eyjunnar við Bretland sé
ekki bindandi
1995 Gengið frá framsals-
samningi milli Bretlands og
Brasilíu
2001 Breska lögreglan
fær tölvupóst, sem sagt
er að sé frá Ronnie
Biggs, um að hann vilji
snúa aftur til Bretlands.
Biggs var handtekinn
við komuna þangað og
settur í fangelsi
2009 Biggs leystur úr
haldi af mannúðar-
ástæðum vegna
heilsubrests
Breski lestarræninginn Ronnie Biggs, sem er orðinn 80 ára, verður látinn laus úr fangelsi af heilsufars-
ástæðum. Biggs tók þátt í lestarráninu mikla árið 1963 og varð einn af þekktustu glæpamönnum aldarinnar
sem leið . Hann strauk úr fangelsi í Bretlandi, var í útlegð í 35 ár, þar af 30 í Brasilíu. Hann varð að
þjóðsagnapersónu á flóttanum vegna glaumgosalifnaðar og ögrandi mótþróa hans við bresk yfirvöld.
RONNIE BIGGS LEYSTUR ÚR HALDI
Biggs árið 1992
Biggs
árið
2001
Bretland
Bretland
Ástralía Brasilía
Barbados
1999 Fær tvisvar sinnum
heilablóðfall, getur ekki
lengur talað
1997 Framsalssamningur
undirritaður en beiðni Breta
um framsal Biggs synjað
1998 Ronnie Biggs fær
heilablóðfall
FÉLAGAR í japanska trumbuslátt-
arhópnum Taó æfa sig fyrir sýn-
ingu á listahátíðinni Edinburg
Fringe sem hófst í gær, en hún er
jaðarhátíð Alþjóðlegu Edinborg-
arhátíðarinnar sem hefst á föstu-
daginn kemur. Skipuleggjendur
jaðarhátíðarinnar spá metaðsókn
og rekja það einkum til þess að
margir Bretar ákváðu að ferðast
ekki til útlanda í sumar vegna mik-
illar gengislækkunar pundsins.
Þeir segja að miðapantanir séu um
20% fleiri en árið 2007 þegar að-
sóknin var mest.
Reuters
Spá metaðsókn að Edinborgarhátíð
– meira fyrir áskrifendur
Glæsilegt sérblað um skóla og
námskeið fylgir Morgunblaðinu
föstudaginn 14. ágúst
Skólar &
námskeið
Fáðu þér áskrift á
mbl.is/askrift
Í blaðinu verður fjallað um þá fjölbreyttu
flóru sem í boði er fyrir þá sem stefna á
frekara nám í haust.
Pöntunartími er fyrir klukkan 16
mánudaginn 10. ágúst.
Nánari upplýsingar veitir Katrín Theódórsdóttir
í síma 569 1105 netfang: kata@mbl.is
Meðal efnis verður :
• Endurmenntun
• Símenntun
• Tómstundarnámskeið
• Tölvunám
• Háskólanám
• Framhaldsskólanám
• Tónlistarnám
• Skólavörur
• Ásamt fullt af spennandi efni