Morgunblaðið - 13.10.2009, Blaðsíða 2

2 FréttirINNLENT
MORGUNBLAÐIÐ ÞRIÐJUDAGUR 13. OKTÓBER 2009
Morgunblaðið Hádegismóum 2, 110 Reykjavík. Sími 5691100 Fréttir ritstjorn@mbl.is Fréttastjórar Sunna Ósk Logadóttir, sunna@mbl.is Egill Ólafsson, egol@mbl.is Viðskipti vidsk@mbl.is Björgvin
Guðmundsson, fréttastjóri, bjorgvin@mbl.is Menning menning@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi, gudlaug@mbl.is Minningar mbl.is/sendagrein, Arnór
Ragnarsson Íþróttir sport@mbl.is Sigurður Elvar Þórólfsson, seth@mbl.is Víðir Sigurðsson, vs@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
ÞÓTT sjúkling-
um sem lagðir
eru inn á sjúkra-
hús vegna inflú-
ensu hafi fjölgað
síðustu daga og
nokkrir þeirra
verið lagðir á
gjörgæsludeild
þarf það ekki að
þýða að farald-
urinn sé að verða
skæðari en áður.
Þannig er sú skýring talin allt eins
líkleg að eftir því sem fleiri smitast
fjölgi þeim sem þurfa á sjúkrahús-
vist að halda vegna undirliggjandi
sjúkdóma sem geta gert inflúensuna
alvarlegri en ella.
Þetta kemur fram í tilkynningu
frá sóttvarnalækni og almanna-
varnadeild ríkislögreglustjóra en
þar segir að á undanförnum tveimur
vikum hafi inflúensulíkum sjúkdóm-
stilfellum fjölgað talsvert, einkum á
höfuðborgarsvæðinu.
Sjúkir sýni sérstaka aðgát
Mælst er til þess að allir, sem eru
haldnir lungna-, hjarta- og æðasjúk-
dómum og efnaskiptasjúkdómum,
svo sem sykursýki, ofþyngd, skertu
ónæmiskerfi og skertri lifrar- og
nýrnastarfsemi, hafi samband við
heilsugæsluna ef þeir veikjast með
inflúensulík einkenni. Þungaðar
konur séu einnig á varðbergi.
Búist við
útbreiðslu
svínaflensu
Von er á bóluefni
í næstu viku.
STJÓRN Landverndar hefur sent
frá sér yfirlýsingu þar sem harm-
aðar eru linnulausar árásir fylgj-
enda byggingar álvers í Helguvík
á umhverfisráðherra undanfarið.
Skorar Landvernd á hlutaðeig-
andi aðila að útskýra fyrir þjóð-
inni hvernig það þjóni hags-
munum Íslendinga að verja nær
allri orku sem hugsanlega eftir
stendur á Suður- og Suðvestur-
landi til einnar verksmiðju í
þungaiðnaði.
„Landvernd minnir enn og aftur
á að hagvöxtur og náttúruvernd
eru ekki andstæður heldur, þvert
á móti, er umhverfis- og náttúru-
vernd forsenda efnahagslegar og
samfélagslegar velmegunar til
lengri tíma litið. Hægt er að
byggja upp blómlegt atvinnulíf á
Íslandi án þess að valda alvar-
legum spjöllum á náttúru landsins.
Nýting orkuauðlinda þarf ekki að
fela í sér stórkostleg náttúru-
spjöll. Vanda þarf til verka, bæði
hvað varðar val á verkefnum sem
og stjórnsýslu, og átta sig á heild-
aráhrifum áður en lagt er af stað.
Einnig þarf að kunna sér hóf,“
segir m.a. í yfirlýsingunni.
Harma linnulausar
árásir á ráðherra
Eftir Ómar Friðriksson
omfr@mbl.is
„VIÐ erum alveg fullvissir um að þessi staður
er ákjósanlegur fyrir gagnaver, sérstaklega af
stærri gerðinni eins og við áformum á Blöndu-
ósi,“ segir Sveinn Óskar Sigurðsson, stjórn-
arformaður Greenstone ehf., en Greenstone
hefur ritað undir viljayfirlýsingu með Þingeyj-
arsveit um byggingu gagnavers á lóð í sveitar-
félaginu. Fram hefur komið að líkur hafi aukist
á byggingu stórs gagnavers á vegum Green-
stone á Blönduósi en að sögn Sveins Óskars er
þar um annan aðila að ræða, sem áhuga hefur á
að reisa gagnaver. „Við erum með fjóra aðra
aðila sem hafa beðið Greenstone um að meta
kosti á Íslandi og reikna út alla kostnaðarliði
við byggingu og að reka gagnaver á Íslandi.
Við erum að fjölga þeim kostum sem eru í
boði.“ Að sögn hans er vinna við hönnun gagna-
vers á Blönduósi langt komin.
Greenstone hefur ritað undir viljayfirlýs-
ingu við fjölmörg önnur sveitarfélög á landinu
um staðsetningu undir gagnaver. „Við erum að
fara á gagnaversráðstefnu í Arizona og kynna
sveitarfélög sem eru í boði. Við höfum gert
rannsóknir á þeim stöðum þar sem við höfum
gengið frá viljayfirlýsingu,“ segir hann.
Þingeyjarsveit sé mjög áhugaverður kostur
fyrir starfsemi af þessu tagi, miklir möguleikar
á útvegun raforku, kælivatn megi sækja í
Skjálfandafljót og sveitarfélagið að stórum
hluta utan jarðskjálftasvæða, sem skipti miklu.
„Þetta er einn af þeim möguleikum sem
menn vilja kanna til að styrkja atvinnulífið hér
á svæðinu og með það í huga að geta nýtt
orkuna, sem er að finna á Þeistareykjum,“ seg-
ir Tryggvi Harðarson sveitarstjóri. Þetta er
allt á frumvinnslustigi að sögn hans, verið að
kanna möguleika á lóð og síðan verði að koma í
ljós hvort eitthvað verður úr þessu. Hugsan-
lega megi skipta verkefninu í áfanga. „Menn
vilja hafa stækkunarmöguleika fyrir hendi ef
menn fara af stað á annað borð,“ segir Tryggvi.
„Þessi staður er ákjósanlegur“
 Þingeyjarsveit og Greenstone ehf. undirrita viljayfirlýsingu um lóð undir gagnaver  „Við erum að
fjölga þeim kostum sem eru í boði“  Hönnunarvinna vegna netþjónabús á Blönduósi er langt komin
» 9 viljayfirlýsingar verið undirritaðar um gagnaver Greenstone
» Fulltrúar Greenstone á stóra gagnaversráðstefnu í Arizona
» Hugsanleg gagnaver eru háð mikilli flutningsgetu um sæstrengi
Ráðherrar í ríkisstjórn Íslands
mættu ekki til fundarins né heldur
nokkrir af þingmönnum Vinstri
grænna.
Vel var þó mætt úr öðrum flokk-
um, þ.e. Sjálfstæðisflokki, Fram-
sóknarflokki og Samfylkingu.
Björgvin G. Sigurðsson, þing-
flokksformaður Samfylkingarinnar
og þingmaður úr Suðurkjördæmi,
var einn af þeim sem tóku til máls
á fundinum. Hann sagði nauðsyn-
legt að flýta framkvæmdum vegna
álvers í Helguvík sem mest og
sagðist ætla að beita sér fyrir því.
Ungir jafnaðarmenn hafa til þessa
verið á móti uppbyggingu álvers í
Helguvík og mótmælt henni op-
inberlega, líkt og Vinstri græn.
Samstaða um álversframkvæmd-
irnar er því ekki fyrir hendi hjá
stjórnarflokkunum.
Skiptar skoðanir hjá stjórnarflokkunum
Eftir Magnús Halldórsson
magnush@mbl.is
ÞAÐ var þungt hljóðið í heimamönn-
um á Reykjanesi á borgarafundi um
atvinnumál sem fram fór í sal Fjöl-
brautaskóla Suðurnesja í gærkvöldi.
Kristján Gunnarsson, formaður Sjó-
manna- og verkalýðsfélags Keflavík-
ur, segir að fundarmenn, sem fylltu
salinn, hafi sýnt mikla samstöðu en
jafnframt verið heitt í hamsi. Öllum
töfum á atvinnuuppbyggingu hafi
verið mótmælt.
„Menn voru með hnefann á lofti og
mótmæltu harðlega hvernig ein-
staka ráðherrar, einkum umhverfis-
ráðherra, hefur tafið fyrir því að at-
vinnuuppbygging geti átt sér stað á
Suðurnesjum,“ sagði Kristján.
Ákvörðun Svandísar Svavarsdótt-
ur umhverfisráðherra um að lagning
svonefndar Suðvesturlínu, vegna
fyrirhugaðs álvers í Helguvík, skuli
vera hluti af sameiginlegu um-
hverfismati, hefur lagst illa í Suður-
nesjamenn. Skipulagsstofnun hefur
nú málið til meðferðar en óljóst er
hversu mikil töf verður á fram-
kvæmd vegna þeirra.
Fleira er þó óljóst er varðar ál-
versframkvæmdir í Helguvík. Ekki
liggur ljóst fyrir hvaðan orkan til ál-
versins á að koma þegar það verður
fullbúið. Svandís sagði m.a. í þing-
ræðu 9. september sl: „Ég gæti hald-
ið um það langar ræður, að 625
megavött fyrir 365 þúsund tonna ál-
ver eru ekki til á þessu svæði.“ Gert
er ráð fyrir að álverið verði byggt
upp í fjórum áföngum. Framleiðslu-
geta fyrir 90 þúsund tonn í senn.
Þegar hafa verið undirritaðar vilja-
yfirlýsingar, og samningar, vegna
kaupa á orku í tvo fyrri áfangana.
Ekki er þó endanlega ljóst hvaðan
afgangurinn af raforkunni á að
koma.
Árni Sigfússon bæjarstjóri segir
atvinnumálin á Suðurnesjum þó ekki
aðeins snúast um álversframkvæmd-
ir í Helguvík. Meira sé í húfi á Suður-
nesjum. Framkvæmdir við gagnaver
eru þar á meðal. Árni Sigfússon seg-
ir vandamálin vitaskuld mikil á Suð-
urnesjum en mörg tækifæri séu þó í
stöðunni.
„Það hafa allir áhyggjur af stöðu
mála. Það eru núna 1.600 manns at-
vinnulausir sem jafngildir um 12-13
prósent atvinnuleysi. Það þurfa allir
að taka höndum saman til að koma
hjólum af stað á nýjan leik. Ég hef
fulla trú á því að það takist. Hins
vegar er því ekki að leyna að stjórn-
völd hafa ekki verið okkur hliðholl að
undanförnu. En það er okkar von,
hér á Suðurnesjum, að menn standi
saman að því að byggja hér upp öfl-
ugt atvinnulíf. Ég er ekki í vafa um
að það takist, eftir stjórnvöld standa
með íbúum hér á svæðinu.“
Öllum töfum mótmælt
 Fundarmenn á opnum fundi um atvinnumál á Suðurnesjum kröfðust aðgerða í
atvinnumálum  Menn stóðu með hnefann á lofti og mótmæltu framkvæmdatöfum
Ljósmynd/Víkurfréttir
Fjölmennt Fundargestir, þ.á.m. þingmenn Samfylkingarinnar, Framsóknarflokks og Sjálfstæðisflokksins, fylgdust grannt með gangi mála á fundinum.