Morgunblaðið - 13.10.2009, Síða 17

Fréttateymið
fær veður af
nýrri frétt.
Þau eru hik-
andi við að
skrifa um hana í blaðið vegna þess
að hún hefur slæmar fréttir að færa.
Eftir að hafa rætt um efnið til-
kynnti Matta um sína skoðun. „Ég
legg til að við skrifum fréttina. Allir
hafa meiri áhuga á slæmum fréttum
en góðum.“
„Það getur verið rétt, Matta,“
sagði Kata blíðlega. „Ég vil bara
ekki að við séum alltaf að segja
slæmar fréttir.“
„Jæja, ég held að svo lengi sem
við segjum bæði góðar og slæmar
fréttir séum við að vinna vinnuna
okkar!“ sagði Jónsi stoltur. „Fréttir
eru fréttir og svo lengi sem við segj-
um sannleikann finnst mér að við
ættum að segja frá öllu.“
„Við skulum kjósa,“ lagði Konni
til. „Hver vill að við skrifum um nýju
fréttina? Réttið upp hendur.“
Hægt og rólega byrjuðu skordýr-
in að rétta upp hendurnar. Fyrst
Matta, sem kom ekki á óvart, síðan
lyftu Konni og Jónsi höndum sínum
hátt. Allir héldu niðri í sér andanum
þegar Maggi lyfti öllum sínum örm-
um. En það varð ekkert slys í þetta
sinn. Síðan hófu Rikki og maura-
gengið upp hendur. Kata var síðust
til að gefa þessu atkvæði sitt og þá
voru allir sammála.
„Allt í lagi, þá er það klárt,“ sagði
Konni. „Við höfum ákveðið að flytja
allar fréttir héðan í frá,“ og hann
flutti yfirlýsingu sína á svo sannfær-
andi hátt að allt fréttateymi Frétta-
blaðsins Fluga á vegg byrjaði að
klappa. Til öryggis greip Kata
sjúkrakassann og hélt til Magga.
„Ég hef verið að hugsa,“ sagði
Konni og allir þögnuðu. „Hvers
vegna setjum við ekki annað efni í
blaðið með fréttunum okkar?“
„Eins og hvað?“ spurði Jónsi.
„Nú, ég held að það væri gaman
hafa líka einhvers konar leik eða
þraut í fréttablaðinu okkar,“ hélt
Konni áfram. „Eins og til dæmis völ-
undarhús eða orðaþraut, hvað finnst
ykkur hinum?“
„Frábær hugmynd!“ Kata gat
ekki haldið aftur af spenningnum.
„Ég gæti búið til eitthvað í vefnum
mínum og Maggi gæti afritað það í
blaðið.“
„Mér finnst þetta óspennandi,“
sagði Matta og geispaði hátt til að
reyna að líta út fyrir að henni leidd-
ist.
„En Matta, ég var að vona að þú
myndir hjálpa mér við að útvega
svona efni í blaðið,“ sagði Maggi.
„Uh, sagði ég ... óspennandi?“
stamaði Matta. „Ég ætlaði að segja
... ég ætlaði að segja að það hljómaði
sem frábær hugmynd,“ sagði Matta,
og allir brostu hver til annars. Eng-
inn þeirra mundi eftir því að hafa
séð Möttu svona ákafa yfir einhverju
áður. Matta og Kata byrjuðu strax
að vinna að þrautinni.
„Ég held að þetta ætti að vera völ-
undarhús,“ sagði Kata um leið og
hún kraup á framfæturna.
„Hvað um að láta fyrstu þrautina
vera um fréttablaðið okkar?“ lagði
Matta til. Hún var að reyna að vera
nálægt Kötu án þess að festast í
vefnum hennar. „Ég var að hugsa
um að á öðrum enda þrautarinnar
væri Jónsi og á hinum endanum
væri hann að reyna að ná í frétt.“
„Fullkomið!“ hrópaði Kata, og
gerði með því Möttu svo bilt við að
hún varð að grípa í greinina til að
falla ekki af henni.
Á meðan Kata dansaði um vefinn
bjó hún til krefjandi völundarhús í
samræmi við tillögur Möttu.
Jónsi og Konni stóðu hinum meg-
in á greininni og ræddu næstu út-
gáfu af Fluga á vegg. Rikki og fé-
lagar biðu eftir nýju verkefni. Græni
belgurinn í horninu var ... ja, hann
bara hékk þarna ennþá.
„Hvað er þetta?“ hvíslaði Maggi.
Allir litu á hann. Hann varð fyrstur
til að heyra hljóðið.
Það byrjaði sem hljóðlátt söngl,
síðan hljómaði það líkt og flaut og
um það leyti sem hinir í fréttateym-
inu heyrðu það, var það orðið að org-
andi suði. Hnén á Magga titruðu og
því fylgdi enn meiri hávaði og laufin
á trjánum hristust til.
Hljóðið hækkaði og hækkaði.
Bzzzz BzzZZ BZZZZZZZZZZZ!
Matta lét sig strax hverfa í bak-
grunninn. Kata skreið út í horn á
vefnum sínum. Mauraliðið stóð
hetjulega í röð. Maggi faldi sig undir
vinnuborðinu sínu. Jónsi gerði sitt
besta til að renna saman við trjá-
greinarnar og sagði án afláts: „Ég er
tré, ég er tré.“ Konni var fastur á
bersvæði og beið eftir því að óvin-
urinn birtist.
Erfið ákvörðun
Höfundur texta: Cathy Sewell
Myndir: Blaise Sewell
Styrktaraðili: The Curriculum Clo-
set (www.curriculum close.com)
Endurprentað í samvinnu við World
Association of Newspapers and News
Publishing og með leyfi The Curricul-
um Closet Productions Inc. Öll rétt-
indi áskilin.
6. Kafli
Daglegt líf 17
ÚR BÆJARLÍFINU
MORGUNBLAÐIÐ ÞRIÐJUDAGUR 13. OKTÓBER 2009
Dýrmundur Ólafsson staldraðivið auglýsingu frá MP banka
í Morgunblaðinu, þar sem var
mynd af klettinum Hvítserk. Heiti
klettsins á Vatnsnesi kom fram í
auglýsingunni, en Dýrmundur vill
gjarnan að fólk fái meiri upplýs-
ingar um hann. Nokkuð er síðan
Dýrmundur orti kvæðið um Hvít-
serk, en hann verður 95 ára í des-
ember og er frá Stóru-Borg í
Víðidal í Húnavatnssýslu. Hann
hefur ort ógrynni af kvæðum,
fyrrum lögreglumaður á stríðs-
árunum og starfsmaður Pósts og
síma:
Heill þér hafsins jöfur
húna ósa vörður
úthafs öldubrjótur
úr efni traustu gjörður.
Bergtröll blárra sjóa
best er þig að finna
þegar sólrík sunna
sendir geisla um flóann.
Orpinn brims af bárum
bryddur fugla driti
aldinn mjög að árum
um það fræða ei ritin.
Hilmir Jóhannesson á Sauð-
árkróki yrkir að gefnu tilefni:
Það er dapurt og dagur ei meir
nú dingla þeir einn eða tveir,
svo dugar að muna
dansinn í Hruna.
Guð blessi Ísland. Geir.
VÍSNAHORNIÐ pebl@mbl.is
Af Hvít-
serk og
Íslandi
Eftir tæplega hálfsmánaðar rysju-
tíð, þar sem skiptust á slyddurign-
ing, éljagangur og sólarglennur með
norðansveljanda, skall fyrsta stóra
haustlægðin yfir og skapaði usla víða
um land, en fór heldur mildilega yfir
Skagafjörðinn. Þó vissulega gustaði
hressilega sums staðar er ekki vitað
um neitt tjón og þegar þetta er
skráð eru landsmenn fullvissaðir um
mildari tíð og bjartari og betri daga
framundan.
  
Nýi suðurgarðurinn við höfnina, sem
lokið var við á þessu ári, hefur nú
þegar sannað ágæti sitt og er það
samdóma álit hafnarvarða að hreyf-
ing á skipum sem í höfninni liggja sé
nánast engin, miðað við það sem áð-
ur var. Og nú í austanveðrinu, var
höfnin nánast kvikulaus þó sjór væri
úfinn utanvið og gengi vel yfir
garðana.
  
Nýkomin er heim Þuríður Harpa
Sigurðardóttir, og yfir hálfan hnött-
inn, eftir að hafa farið alla leið til
Indlands til að leita sér lækninga við
mænuskaða sem hún hlaut í hesta-
slysi. Ferðin var farin uppá von og
óvon, en sérlega er ánægjulegt að
sjá og heyra hvaða bati fékkst, en
ljóst er að um fyrsta skref er að
ræða og þörf er á fleiri ferðalögum í
austurveg. Skagfirðingar eru hins-
vegar fastákveðnir í að standa vel
við bakið á Þuríði Hörpu og þó að
skrefin séu ef til vill smá, hvert og
eitt, mun ekki látið staðar numið.
  
Á þessu hausti fagnar Fjölbrauta-
skóli Norðurlands vestra þrjátíu ára
afmæli og verða vegleg hátíðahöld af
þessu tilefni síðar í þessum mánuði.
Skólinn hefur löngu fest sig var-
anlega í sessi sem prýðileg mennta-
stofnun, enda nemendur sem frá
honum koma getið sér gott orð fyrir
trausta undirstöðumenntun til frek-
ara náms. Eftir kyrrstöðutímabil
réðust Skagfirðingar í tvö stórvirki á
svipuðum tíma, stofnun framhalds-
skóla og steinullarverksmiðju, en
segja má að þau hafi hleypt nýju og
fersku blóði í allt athafna- og mann-
líf á staðnum á þeim tíma.
  
Það er því vel við hæfi að á merkum
tímamótum Fjölbrautaskóla Norð-
urlands vestra verði ráðist í stækk-
un verknámshúss skólans, en þessa
dagana er verktakafyrirtækið Eykt
að undirbúa framkvæmdir við bygg-
ingu þessa áfanga. Verknámsbrautir
skólans hafa á undanförnum árum
búið við verulega þröngan kost hvað
húsnæði áhrærir og illa getað tekið á
móti öllum nemendum sem þangað
hafa sótt og því er nú orðin mikil
þörf fyrir stærra og betra húsnæði
fyrir þessa kennslu. Eru vonir
bundnar við að taka megi hið nýja
kennslurými í notkun að ári.
  
Sláturtíð stendur nú sem hæst, en
Sláturhús K.S. sem er eitt af full-
komnustu sláturhúsum landsins,
hefur boðið mjög gott afurðaverð og
hafa bændur víða að sótt þangað
með fé sitt. Sama vandamál hefur
verið á þessu sláturhúsi eins og víða
um land, að ekki fæst innlent fólk til
starfa og því hefur þurft að flytja inn
starfsfólk frá ýmsum löndum, en
nokkur kjarni hefur komið ár eftir
ár til vinnu hjá húsinu.
  
Rækjuverksmiðjan Dögun er ein
með öflugri stoðum undir atvinnulífi
staðarins, enda er unnið þar á vökt-
um og ekkert lát á framleiðslunni.
Eitt skip aflar verksmiðjunni hrá-
efnis hér við land, en annars er hrá-
efnið, sem kemur vestan eða austan
um haf flutt hingað landleiðis frá
suðvesturhorninu í frystigámum. Þá
hafa skip Fisk Seafood aflað vel og
er stöðug vinna hjá því fyrirtæki, til
að mynda er gert ráð fyrir að Klakk-
urinn landi á hverjum mánudags-
morgni til áramóta.
  
Þannig að sjá má að ekki er neinn
bilbug að finna á Skagfirðingum í
vetrarbyrjun, enda ekki ástæða til,
og skiptir sjálfsagt litlu hvort rík-
isstjórnin hrekkur eða hangir, fram-
undan eru dimmir dagar í tvennum
skilningi, en þar sem engin upp-
sveifla hefur orðið, verður heldur
ekkert hrap, og því halda Skagfirð-
ingar ótrauðir sínu striki, og ná-
kvæmlega eins og þeir skemmta sér
í Laufskálarétt hvort sem veður er
sólríkt og gott eða lemjandi norðan
slagveðursrigning.
SAUÐÁRKRÓKUR
Eftir Björn Björnsson fréttaritara
Morgunblaðið/Björn Björnsson
Haustið gerir vart við sig Fyrsta haustfölin í Hlíðarhverfinu.
VIÐSKIPTI Í SUÐUR-EVRÓPU
Viðtalstímar sendiherra Íslands í París
www.utflutningsrad.iswww.utn.stjr.is
Þórir Ibsen, sendiherra Íslands í París, verður til viðtals
miðvikudaginn 14. október.
Fundirnir eru gott tækifæri fyrir þá sem vilja ræða viðskipta-
möguleika, menningartengd verkefni og önnur hagsmunamál
í umdæmi sendiráðsins.
Auk Frakklands eru umdæmislönd sendiráðsins: Alsír, Andorra,
Ítalía, Marokkó, Portúgal, San Marínó, Spánn og Túnis.
Fundirnir verða haldnir á skrifstofu Útflutningsráðs Íslands,
Borgartúni 35, og má bóka þá í síma 511 4000 eða með
tölvupósti, utflutningsrad@utflutningsrad.is.
Nánari upplýsingar veita:
Andri Marteinsson, andri@utflutningsrad.is
Hermann Ottósson, hermann@utflutningsrad.is