Morgunblaðið - 13.10.2009, Blaðsíða 28

28 MenningFÓLK
MORGUNBLAÐIÐ ÞRIÐJUDAGUR 13. OKTÓBER 2009
Fólk
TÓNLISTARHÁTÍÐIN Iceland
Airwaves hefst á morgun með
pomp og prakt og eru sjálfsagt
margir farnir að naga neglur-
nar af eftirvæntingu enda mikil tónlistarveisla í
boði sem stendur frá 14.-18. október. Þó vita
kannski færri að Norræna húsið og Iceland
Airwaves bjóða upp á einlæga og persónulega
„eins og þú sért með bandið heima í stofu“-
dagskrá í Norræna húsinu 15.-17. október. Þar
munu norrænar hljómsveitir stíga á stokk og
flytja órafmagnaða tónlist í sal Norræna hússins.
Hljómsveitirnar og tónlistarmennirnir sem
spila í ár eru ekki af verri endanum: Hafdís
Huld, Toggi, Agent Fresco, Pascal Pinon og
Lights on the Highway eru fulltrúar okkar Ís-
lendinga auk Hrauns sem treður upp með Mijo
Biscan frá Ástralíu. Frá Danmörku koma Choir
of Young Believers og Oh Land; frá Noregi Cas-
io Kids og frá Svíþjóð The Tiny. Tónleikagestum
gefst hér tækifæri til að sjá þessa tónlistarmenn í
návígi, hráa og órafmagnaða að flytja lög sín í
öðrum útsetningum en fólk er vant að heyra.
Rúsínan í pylsuenda tónleikanna er svo mögu-
leikinn á því að spyrja tónlistarmennina út í list-
sköpun sína að tónleikum loknum.
Síðast en ekki síst ber að geta þess að tónleik-
arnir eru ókeypis og má því búast við mikilli
ásókn. Á sunnudeginum, 18. okt. lokadegi hátíð-
arinnar, mun heimildarmynd Sigur Rósar,
Heima, verða sýnd í sal Norræna hússins kl. 14.
Norræna húsið er stolt af því að hafa sett upp
nýtt hljóðkerfi, sérstaklega hannað til kvik-
myndasýninga, og að eiga einn besta myndvarpa
landsins. helgisnaer@mbl.is
Eins og að vera með bandið heima í stofu
Morgunblaðið/Ómar
Pascal Pinon Spilar og svarar spurningum.  Skúli Sverrisson bassaleikari
heldur tónleika í Þjóðmenning-
arhúsinu næsta sunnudagskvöld kl.
20.30. Þetta eru býsna merkileg
tíðindi því nokkuð langt er liðið frá
því Skúli hélt tónleika á Íslandi.
Hann hefur starfað hin seinustu ár
í New York og flakkað um heiminn
í tónleikaferðum, starfað með lista-
mönnum á borð við Laurie Ander-
son, Lou Reed, Ryuichi Sakamoto
og hljómsveitina Blonde Redhead.
Á tónleikunum á sunnudaginn
mun hann m.a. leika tónlist af plöt-
unni Seria sem kom út fyrir þrem-
ur árum en honum til fulltingis
verða tónlistarmenn sem komu að
því verki, m.a. gítarleikari Blonde
Redhead, Amedeo Pace. Þá má
geta þess að íslensku tónlistar-
mennirnir Ólöf Arnalds og Davíð
Þór Jónsson leika með Skúla. Mið-
ar á tónleikana eru til sölu í versl-
uninni 12 tónum og við innganginn
á tónleikunum.
Skúli spilar í Þjóð-
menningarhúsinu
 Það er skynsamlegt af Skjá ein-
um að endursýna Nýtt útlit, þátt
meistara Karls Berndsen á besta
tíma á laugardögum. Reyndar er
skynsamlegt að endursýna þá snilld
sem oftast, sem Skjárinn og gerir,
en þær eru alls fjórar.
Lesendur hafa vafalaust orðið
varir við mikinn áhuga þessarar
deildar á Berndsen og staðfestist
það hér með að tveir starfsmenn
eru eldheitir aðdáendur, ástand
sem er sýknt og heilagt að skila sér
í skrifelsi sem þessu. Og er það vel.
Í síðasta þætti tók Berndsen venju-
bundinn Öskubuskusnúning á
Reykjavíkurmey nokkra, með slík-
um árangri að fjölskylda hennar
var orðlaus – og við heima í stofu
líka. Lokaorð Berndsen í þættinum
vöktu þó mesta athygli. „Láttu ekki
blekkjast af blindhæðinni, því að
hún er ekki áfangastaðurinn.“ Eins
og staðhæft hefur verið á þessum
síðum. Meistari.
„Láttu ekki blekkjast
af blindhæðinni...“
DANÍEL Þor-
steinsson, sem er
þekktastur fyrir
að hafa sinnt
trommuslætti í
rokksveitinni Maus, reið á vaðið ár-
ið 2007 sem tónsmiður og gaf þá út
plötuna Supercalifragilisticexpiali-
docious ásamt sveit sinni, Some-
time. Fór svo að þekkilegt rafpopp-
ið sem þar lúrir seldist upp og er
nýtt upplag komið í hillur búða – en
talsvert breytt frá því sem var. –
Hvað er það sem rekur menn í
svona allsherjar yfirhalningu?
„Málið er, að það var heldur mik-
ill flýtir á þessu öllu saman fyrir
tveimur árum,“ segir Daníel að-
spurður. „Ég var með öðrum orðum
ekki alls kostar sáttur við útkom-
una. Þannig að núna nýtti ég tæki-
færið og bjó plötunni þann búning
sem ég vildi sjá upphaflega.“
Þetta felur í sér að platan er
nokkuð stytt, inniheldur tíu lög og
er í „endurskoðaðri, endur-
hljóðblandaðri og endurraðaðri“
útgáfu eins og segir í tilkynningu.
Jafnframt hafa endurblandararnir
Trulz & Kjex vélað um tvö lög. Um-
slagið hefur þá verið endurhannað
og sett í „digi-pack“-form.
„Ég er því fullkomlega sáttur
núna!“ segir Daníel sigri hrósandi.
Annars er margt á seyði hjá sveit-
inni, hún fer reglulega út að spila
og fyrir stuttu gaf hún út kassettu,
en útgáfa á slíku formi hefur verið
furðu vinsæl. Þá tók einhver Finn-
inn sig til fyrir stuttu og póstaði
myndbandi á youtube til heiðurs
sterkum konum við undirleik
Sometime!? En um sönginn þar sér
sterk kona, Diva de la Rosa.
Sveitin Ási of Iceland, eða Ásgrímur Már Friðriksson, teiknaði myndina af
Sometime sem prýðir umslag plötunnar.
Sometime endurútgefur
fyrstu plötu sína …
… og grillar í Finnunum!
Sometime spilar á Airwaves, í Batt-
eríinu, á föstudaginn kl. 22.30.
Eftir Arnar Eggert Thoroddsen
arnart@mbl.is
TÓNLISTAR-
KONAN Lára
Rúnarsdóttir gaf í
gær út sína þriðju
breiðskífu. Það er Record Records
sem gefur út en áður hafa komið
út plöturnar Standing Still og
Þögn (sjá nánar í fylgju). Þær
plötur tvær einkenndust nokkuð af
dimmleitum, angurværum stemm-
um söngvaskáldsins en nú ber svo
við að glettni og glaðværð er nokk-
uð miðlæg á nýju plötunni.
Slegið á frest
„Lögin hafa verið að koma til
mín síðustu ár,“ segir Lára blaða-
manni. „Ég ætlaði að taka hana
upp í fyrra en eignaðist þá barn
þannig að upptökum var slegið á
frest. Við tókum svo upp alla
grunna í júlí, yfir eina helgi í
Geimsteini. Svo kláraði ég þetta í
hljóðveri Hrafns Thoroddsen,
Stúdíó Ástarsorg.“
Meðspilarar Láru eru hinn svo-
kallaði Kokkteilkvartett en auk
hennar skipa hann þeir Jakob
Smári Magnússon bassaleikari,
Pétur Hallgrímsson gítarleikari og
Arnar Þór Gíslason trommuleikari,
en hann er jafnframt maður Láru.
„Pétur hefur síðan verið upptek-
inn við að spila með Emilíönu
Torrini úti í heimi þannig að Þor-
björn Sigurðsson kláraði þá gít-
arparta sem eftir voru.“
Allt breytist
– Þau lög sem hafa farið í spilun
af plötunni, „Surprise“ og „In Be-
tween“, eru gáska- og gleðifull.
Einhver ástæða?
„Tja …“ segir Lára hugsi. „Það
bara gerðist eiginlega. Hér áður
fyrr hlustaði ég mikið á Nick
Cave, Tom Waits, Stinu Norden-
stam og álíka. Frekar dramatískur
pakki! Það hafði auðvitað áhrif á
tónlistina. Svo fór ég að hlusta
minna á þannig tónlist … kannski
af því að ég sjálf varð minna
dramatísk.“
– En hafði barnið einhver áhrif?
„Vissulega, þó að ég hafi verið
búin að semja megnið áður. Titil-
lagið fjallar gagngert um það
hvernig lífið breytist við það að
eignast barn. Ég hélt, áður en ég
eignaðist það, að ég gæti ekki upp-
fyllt einhverja drauma en svo
breytist allt, allur fókus og viðhorf,
á einu augabragði. Draumarnir,
sem ég var hrædd um að missa,
breyttust bara. Þessi hreina lífs-
gleði sem fylgir nýfæddu barni
leikur um plötuna, það er ekki
vafi.“
Þegar draumarnir breytast
 Lára Rúnarsdóttir gefur út þriðju plötu sína, Surprise  Var frestað vegna
barneigna  Hljómur er lifandi og glaðlegur, innblásinn af lífinu nýsprottna
Líflegt „Þessi hreina lífsgleði sem fylgir nýfæddu barni leikur um plötuna,
það er ekki vafi,“ segir Lára Rúnarsdóttir m.a. um nýja plötu sína.
Það var árið 2003 sem Lára reið
á vaðið með fyrstu plötu sinni.
Standing Still kom út á vegum
Geimsteins og sáu heimalning-
ar þar um undirleik, m.a. þeir
Guðm. Kristinn Jónsson og Sig-
urður Guðmundsson sem nú
skipa Hjálma. Önnur platan,
Þögn, kom út á vegum Dennis
Records þremur árum síðar.
Eins og nafnið gefur til kynna
réð angurværðin ríkjum en þess
má geta að Damien Rice, hinn
írski, er gestur í einu lagi.
Fyrri verk Láru
Lára spilar í Skífunni, Laugavegi,
næstkomandi laugardag kl. 16.00 í
tengslum við Airwaves.