Morgunblaðið - 13.10.2009, Blaðsíða 6

6 FréttirINNLENT
MORGUNBLAÐIÐ ÞRIÐJUDAGUR 13. OKTÓBER 2009
HANN fylgist grannt með framvindunni þessi
malbikunarmaður þegar lögð er lokahönd á bíla-
stæði við nýtt húsnæði Háskólans í Reykjavík.
Nokkrar deildir skólans flytja sig um set um ára-
mótin og hefja kennslu í nýju byggingunni.
Haustið 2010 verður öll kennsla komin þangað.
Morgunblaðið/Árni Sæberg
GERT KLÁRT FYRIR FYRSTA NÁMSMISSERIÐ
VIÐSKIPTAVINIR fasteignasala
eru tryggðir fyrir gjaldþroti við-
komandi fasteignasölu og eiga því
ekki að bera
skaða af, þó hún
sé tekin til gjald-
þrotaskipta, að
sögn Grétars
Jónassonar,
framkvæmda-
stjóra Félags
fasteignasala.
Að sögn Grét-
ars hefur fólk
leitað til félagsins og óskað eftir að-
stoð þegar fasteignasala, sem það
hefur verið í viðskiptum við, hefur
hætt. Hann segir að löggiltur
fasteignasali verði að vera með
ákveðna tryggingu og sé fast-
eignasalan tekin til gjaldþrota-
skipta eða hætti óvænt störfum sjái
viðkomandi tryggingarfélag um
framhaldið. Yfirleitt sé samningum
vísað til annarrar fasteignasölu.
„Það er ákveðin vörn í lögunum
fyrir nákvæmlega þessari stöðu,“
segir Grétar. steinthor@mbl.is
Viðskiptavinir
fasteignastofa
eru tryggðir
SÉST hefur til bænda á fjórhjólum
utan vega í Borgarfirði leita að
kindum að undanförnu. Eðlilega
hafa hjólin skilið eftir sig ljót sár í
landinu og hefur verið kvartað und-
an þessu framferði til fjallskila-
nefndar.
Eigendur Hreðavatns í Borgar-
firði hafa sent athugasemdir til fjall-
skilanefndar vegna ferða fjórhjóla
og jafnvel sexhjóla vítt og breitt um
landið að undanförnu. Birgir Hauks-
son, einn eigenda Hreðavatns, segir
að för séu um allt í landinu eftir
þessi hjól og það sé segin saga að
svona för dragi að sér meiri akstur á
fjórhjólum. Þó utanvegaakstur á
þessum hjólum sé bannaður sé ekki
farið eftir því, en ekki sé hægt að
líða þessi brot endalaust.
„Þetta er eitthvað sem við viljum
alls ekki,“ segir Birgir og áréttar að
framferði bændanna kalli á meiri
akstur verði ekkert að gert. „Það
verður að stöðva þennan akstur,“
heldur hann áfram og bendir á að
margir eigi fjórhjól og sjái þeir hjól-
för í landinu keyri þeir beint af aug-
um eftir þeim. „Nú er rjúpna-
tímabilið að byrja og hvað gerist
þá,“ spyr hann. steinthor@mbl.is
Bændur leita að
kindum á fjórhjólum
Sár Utanvegaakstur skemmir landið.
Eftir Ómar Friðriksson
omfr@mbl.is
FUNDAÐ verður stíft í húsnæði
ríkissáttasemjara á næstu dögum.
Þar ætla forsvarsmenn samtaka at-
vinnurekenda og launþega bæði á
almenna vinnumarkaðinum og hjá
ríki og sveitarfélögum að freista
þess að fá því framgengt að staðið
verði við Stöðugleikasáttmálann.
Forystumenn allra heildarsamtaka
á vinnumarkaði og fulltrúar ríkis og
sveitarfélaga komu saman til fund-
ar í Karphúsinu í gær, alls um 30
manns. Markmiðið með samráðs-
fundinum í gær var að upplýsa um
stöðuna og setja vinnu í gang. Árni
Stefán Jónsson, formaður SFR-
stéttarfélags í almannaþjónustu,
segir að farið hafi verið yfir hver
staða einstakra atriða er í stöðug-
leikasáttmálanum. Ákveðið var að
skipa starfshópa um hvert málefni
fyrir sig ,,til að ýta á og kalla eftir
efndum frá ríkisstjórninni og setja
kraft í að fá skýrari svör.“ Koma
hóparnir saman upp úr hádegi í dag
og verður haft samráð við fulltrúa
ríkisstjórnarinnar. Mörg stór mál
sem samið var um í stöðugleika-
sáttinni hafa ekki enn gengið eftir.
Gylfa Arnbjörnssyni, forseta ASÍ
og Vilhjálmi Egilssyni, fram-
kvæmdastjóra Samtaka atvinnu-
lífsins, ber saman um að erfiðustu
og þyngstu málin séu skattastefn-
an, stórframkvæmdir sem kveðið er
á um í sáttmálanum, gjaldeyrishöft-
in, gengismál og vextirnir. „Þess
verður freistað að ná þessu saman.
við höfum ekki rúman tíma,“ sagði
Gylfi. Vilhjálmur segir að sjá þurfi
fyrir endann á málunum mjög fljót-
lega þannig að heildarmyndin liggi
fyrir 27. október. Menn hafi því
takmarkaðan tíma. ASÍ verður með
ársfund í næstu viku.
„Setja kraft í að fá skýrari svör“
 Um 30 fulltrúar samtaka á vinnumarkaði og hjá ríki og sveitarfélögum setja í gang vinnu til að ná
markmiðum stöðguleikasáttmálans  Starfshópar skipaðir um stór viðfangsefni og taka til starfa í dag
Leita leiða Forystumenn á vinnumarkaði mættu til fundarhalda um stöð-
ugleikasáttmálann hjá ríkissáttasemjara í Karphúsinu í gær.
Morgunblaðið/Árni Sæberg
Skráð atvinnuleysi í september
2009 var 7,2% eða að meðaltali
12.145 manns, sem er nokkur
fækkun milli mánaða. Þetta kemur
fram í tölum Vinnumálastofnunar.
Að sögn Karls Sigurðssonar, for-
stöðumanns vinnumála hjá Vinnu-
málastofnun, nýtur atvinnu-
ástandið enn góðs af sumar-
sveiflunni. Segir hann ráð fyrir
gert að atvinnuástandið versni um
1% á mánuði fram í febrúar á
næsta ári, en það sé auðvitað háð
rekstrarskilyrðum fyrirtækja.
Samkvæmt tölum stofnunar-
innar voru í lok september alls
7.397 einstaklingar sem verið
höfðu án atvinnu í meira en hálft
ár og 1.024 í meira en eitt ár.
Karl segir þörfina fyrir ýmis úr-
ræði og endurmenntun aukast eft-
ir því sem langtímaatvinnuleysi
aukist. Bendir hann á að í lok sept-
ember hafi 1.084 einstaklingar
verið í einhvers konar úrræðum á
vegum Vinnumálastofnunar. Er þar
bæði um að ræða starfs- og náms-
tengd úrræði, námssamningar, ný-
sköpunarverkefni, starfsþjálfun og
reynsluráðning.
Atvinnuleysi 7,2% í nýliðnum september Eftir Silju Björk Huldudóttur
silja@mbl.is
„HJÓL atvinnulífsins virðast vera að
mjakast örlítið áfram á ný,“ segir
Guðný Harðardóttir, framkvæmda-
stjóri STRÁ MRI, og tekur fram að
þau störf sem bjóðist séu helst fyrir
sérhæfðara starfsfólk innan hugbún-
aðar- og fjármálageirans, hjá þjón-
ustufyrirtækjum. Segir hún ekki
mikla eftirspurn eftir almennu skrif-
stofufólki, nema þaulvönum bókur-
um en gífurlega mikið framboð sé af
hæfum einstaklingum í atvinnuleit.
Að mati Guðnýjar virðist fólk ekki
vera nógu duglegt að skrá sig hjá
vinnumiðlunum landsins. „Árið 2007
voru fleiri nýskráningar hér hjá okk-
ur en í dag, sem mér þykir uggvæn-
leg þróun,“ segir Guðný. Spurð hvort
hún kunni einhverjar skýringar á því
segir Guðný ljóst að þjóðfélagið ein-
kennist af ákveðnum doða og margir
séu fullir vonleysis sem megi af ein-
hverju leyti skrifa á kostnað fjöl-
miðla sem dragi fulldökka mynd upp
af stöðunni. Nú sé rétti tíminn fyrir
frumkvöðla og sprotafyrirtækja.
„Það virðist því miður hafa orðið
ákveðin hugarfarsbreyting í sam-
félaginu á þá leið að það sé í fínu lagi
að vera atvinnulaus. Þannig varð ég,
í fyrsta skiptið á 25 ára ferli mínum,
var við það í sumar að fólk í atvinnu-
leitt var hreinlega ekki tilbúið að
fara að vinna þrátt fyrir að starf byð-
ist. Sérstaklega átti þetta við um al-
menn störf, s.s. skrifstofu- og versl-
unarstörf. Ég varð því miður vör við
að alltof margir voru tilbúnir að vera
á tekjutengdum atvinnuleysisbótum
og vildu eiga sumarið í næði, en bíða
til haustsins,“ segir Guðný.
Botninum vonandi náð
„Við teljum að eftirspurn eftir
starfsfólki muni ekki dragast meira
saman en nú er. Þannig að við erum
vonandi komin á ákveðin botn sem
við erum að spyrna okkur frá,“ segir
Gunnar Haugen, framkvæmdastjóri
Capacent ráðningar. Bendir hann á
að framboð af störfum og atvinnu-
leysi þurfi ekki alltaf að spila saman
þar sem eftirspurnin eftir vinnuafli
geti verið í öðrum greinum en þar
sem sem atvinnuleysi sé ríkjandi.
„Þannig vantar enn menntað fólk á
mörgum sviðum. Það er ekkert um-
framframboð af fólki með tiltekna
menntun eins og forritara, kerfis-
fræðinga, bókara, lögfræðinga og
hagfræðinga,“ segir Gunnar. Bendir
hann á að meira en helmingur þeirra
sem nú eru á atvinnuleysisskrá séu
aðeins með grunn- og framhalds-
skólapróf og því ljóst að framhalds-
menntun sé góð fjárfesting. Að mati
Gunnars er mikilvægt að atvinnu-
lausir endurmeti vilja sinn til að
skipta um starfsvettvang til þess að
auka líkur sínar á að finna starf.
Hjólin mjakast áfram
 Enn vantar menntað fólk á mörgum sviðum  Skortur á forriturum, kerfisfræð-
ingum, bókurum, lögfræðingum og hagfræðingum  Menntun góð fjárfesting
Hjól atvinnulífsins virðast vera
að fara af stað á ný og líkur er til
þess að eftirspurn eftir starfs-
fólki muni ekki dragast meira
saman en nú er. Þetta er mat for-
svarsmanna vinnumiðlana.