Skólablaðið - 01.04.1944, Page 4

verklegra framfara og framkvæmda. Þar hefur menntaskólinn einnig átt sína menn. Og
þannig mætti lengi áfram halda.
'v'
Við íslendingar höfum oft viljað lifa á feðranna frægð. En hún er lítils nýt, ef
hún kitlar aðeins hégómagirnd núlifandi kynslóðar, en vísar okkur ekki leiðina f ram á veg.
Við eigum ekki að vera ættlerar forfeðra vorra, héldur föðurbetrungar. Við nemendur,
sem nú sitjum í skólanum, höfum því til mikils að vinna, ef hlutur okkar á ekki að verða
minni en forfeðranna. Næg verkefni eru fyrir hendi, en það vantar menn til þess að fást
við þau. Engin ástæða er til annars en ætla, að okkur takist að leysa þessi verkefni,
ef við leggjum okkur fram. En hins ber að gæta, að því betur sem þjóðin býr að nem-
enduw menntaskólans, því færari verða þeir að leysa verkefni þau, er framtíðin býr þeim
í hendur.
Við menntaskólanemendur erum okkur þess fullkomlega meðvitandi, að íslenzkir
skattgjaldendur þurfa að leggja fram talsvert fé til þess að kosta skólahald okkar. En
með því er þjóðin að leggja peninga á vöxtu til framtiðarinnar, þar sem fullyrða má,
að þeir 300 nemendur, sem sitja í menntaskólanum nú, eru állir staðráðnir í því að vinna
landi sínu og þjóð allt það gagn, sem þeir mega. Og þá og með þvi munu þeir greiða skidd
sína við land sitt og þjóð.
Þessa dagana viljum við menntaskólanemendur vekja sérstaka athygli á skóla okkar,
sögu hans og mikilvægi í íslenzku þjóðlífi. Við viljum vekja athygli á þeirri þjóðarnauðsyn,
að vel sé búið að menntaæskunni, því að æskan erfir landið.
Við vonum, að þetta blað, Skólablaðið okkar, leggi fram sinn skerf til þess að auka
skilning ykkar og véldvild á okkar og skólans hag. Við vsentum, að það verði svo aftur
til þess, að sýnt sé í verki, að íslenzka þjóðin metur menntaskólann að verðleikum.
2
Skólablaðið