Skólablaðið - 01.04.1944, Page 9

EINAR PÉTURSSÖN inspector scholae, 6. B:
SKÓLALÍFIÐ
Nemendur Menntaskólans í Reykjavík
hafa ákveðið að hefjast handa um byggingu
sun'dlaugar og aðrar framkvæmdir við skóla-
sel sitt að Reykjakoti. Til að afla fjár til
þeirra athafna efna þeir í dag til hlutaveltu
í skólahúsinu, og þess vegna, svo og til að
kynna landsmönnum lífið innan veggja skól-
ans, er blað þetta gefið út.
Sel nemenda er sex ára á þessu skólaári.
Allt frá byggingu þess hefir það verið stór
liður í skólalífinu. Þangað hafa nemendur
getað farið sér til skemmtunar og hressing-
ar um helgar og í öðrum leyfum. Til þess
var í upphafi ætlazt, að nokkur kennsla færi
og fram í selinu, og til þess að undirbúa það
starf var á árinu 1939 samið um að fá dansk-
an kennara hingað til lands. En stríðið kom
í veg fyrir, að það gæti orðið, og verður þess
sjálfsagt langt að bíða enn.
Tæpast hefir annars nokkur starfsemi
orðið harðar úti við hernám skólahússins en
félagsstarfsemi nemenda. Fyrri vetur útlegð-
arinnar varð að skipta skólanum, þannig að
gagnfræðadeildin hafði aðsetur í Alþingis-
húsinu, en lærdómsdeildin í byggingu háskól-
ans. Hafði þetta mikil óþægindi í för með
sér fyrir félagslífið og rauf samband efri
bekkjanna við hina neðri. Síðari veturinn
var skólinn að vísu allur á einum stað, en
mjög var óhægt um vik um allt félagsstarf,
enda dofnaði á þeim tíma yfir öllu skóla-
lífi. Tvö aðalfélög nemenda: „Framtíðin",
félag lærdómsdeildarnemenda, og „Fjölnir“,
félag gagnfræðadeildarnemenda, héldu þó
uppi nokkru starfi, en bæði hafa þau vafa-
laust átt betri daga. Þótt skólinn sé nú á
Einar Pétursson.
ný tekinn til starfa í eigin húsakynnum sín-
um, virðist áhugi nemendanna fyrir félög-
unum, a. m. k. „Framtíðinni", vera alldauf-
ur. En vonandi á það eftir að batna.
Á meðan skólinn hafðist við utan gamla
hússins, féll söngkennslan með öllu niður.
Var það mjög bagalegt. Nú hefir söngkennsl-
an aftur verið upp tekin, og er sönglífið fjöl-
breyttara en nokkru sinni áður. Nýr flygill
var í haust keyptur að skólanum, og hafa
nokkrir færustu tónlistarmenn landsins flutt
nemendum í vetur verk meistaranna. Hafa
þessir hljómleikar að vonum náð miklum vin-
sældum. Þá hefir sú nýbreytni verið upp
tekin, að tvo morgna vikunnar hefja kenn-
Framhald á bls. 15.
Skólablaðið
7