Skólablaðið - 01.04.1944, Side 28

JÓN P. EMILS,. 6. C:
ISAAC NEWTON
OG VERK HANS
Jón P. Eniils.
Á jóladaginn 1642 fæddist að Woolesthorpe
í Lincoln-héraði í Englandi ófullburða dreng-
snáði. Hamingjudísirnar virtust ekki standa
við vöggu þessa barns. Faðirinn var dáinn,
móðirin ekki heilsuhraust, og sjálfur var
hann svo veikburða og líflítill fyrstu daga
ævinnar, að allir undruðust, að hann skyldi
lifa.
Menn grunaði þá ekki, að hér væri fædd-
ur „mesti vísindamaður allra alda“.
í æsku sinni var Newton óhlýðinn og ærsla-
fullur og tróð sínar eigin götur á flestum
sviðum. Námið í barnaskóla gekk illa, því
að hann var alltaf neðarlega í bekknum og
stundum neðstur. En þegar á þessum árum
fékkst hann við ýmislegt verklegt dund og
náði þar furðulegum árangri, t. d. bjó hann
til vatnsúr, sólskífur og líkan af vindmyllu.
Ennfremur gerði hann uppdrátt af vagni,
sem átti að ganga sjálfkrafa, ef farþegi
sneri sveif. Á rólegum stundum orti hann
kvæði eða teiknaði myndir á veggi svefnher-
bergisins. En ættingjar hans þóttust geta
séð, að hér væri hvorki skáld né listamaður
á ferðinni.
Á barnaskólaárunum var hann orðinn stór
og sterkur, og áleit móðir hans, að hann væri
sæmilegt bóndaefni, og lét hann hætta námi
og vinna að akuryrkju. En Newton reynd-
ist ekki duglegur akuryrkjumaður. Hann lá
oft undir akurgarðinum og leysti stærðfræði-
leg viðfangsefni, þegar hann átti að vinna.
Var hann því 17 ára gamall sendur í
Cambridge-háskólann og lagði stund á stærð-
fræði. Naut hann til þess styrks, sem efni-
legum, en fátækum piltum var veittur. Fjór-
um árum eftir komu Newtons til Cambridge
geisaði plága mikil í Englandi, og voru
stúdentarnir sendir heim til að forðast smit-
un. í tvö ár varð hann því að hætta háskóla-
námi, en þessi ár notaði hann til að leggja
grundvöllinn að ævistarfi sínu, og hefst nú
vísindamannsferill hans.
Vísindalegum afrekum Newtons má skipta
í þrennt:
26
Skólablaðið