Organistablaðið - 01.12.1991, Page 14

Wolfgang Amadeus Mozart
og Vínarklassiskur orgelstill
- Fyrri hluti -
Mynd 1. Dœmi um Suðurþýsk orgel. Slóra orgelið í Zwettl, Stiftskirche. Orgelið er
byggt af Johanni Ignaz Egedacher, 1731.
Rétt er að geta þess, að W. A.Mozart hefur samið mjög lítið fyrir orgel og frægustu
„orgelverk“ hans eru ekki ætluð mannlegum organleikara, heldur véldrifnu orgeli í
klukku; t.d. flautuklukku.
Þó er sagt, að Mozart hafi kallað orgelið „Drottningu hljóðfærana" og vitað er, að
Mozart var aflrurðar snillingur í að leika af fingrum fram á orgel.
Af þeim fáu orgelverkum hans, sem eru virkilega ætluð orgelinu, er samt erfitt að
gera sér grein fyrir, hvernig Mozart lék á orgel, en þau, ásamt ofangreindum verkum
fyrir flautuklukku, gefa býsna skýra mynd af því, hvernig almennt var leikið á orgel
í þá daga, sérstaklega þegar jafnframt er litið á nokkur orgelverk samtímamanna
hans.
14 ORGANISTABLAÐIÐ