Morgunblaðið - 08.12.2009, Qupperneq 6
6 FréttirINNLENT
MORGUNBLAÐIÐ ÞRIÐJUDAGUR 8. DESEMBER 2009
Hágæða gólfbón fyrir flest gólfefni
- einfalt og fljótlegt í notkun!
Húsasmiðjan - Byko - Fjarðarkaup - Áfangar - Vélaleiga Húsavíkur - Nesbakki -
Skipavík - SR byggingavörur - Eyjatölvur - Miðstöðin - Óskaþrif Hólmavík -
Pottar og prik - Núpur - Litaver - Byggt og búið
Heildsöludreifing: Ræstivörur ehf - Sími 567 4142 - www.raestivorur.is
FRÉTTASKÝRING
Eftir Helga Bjarnason
helgi@mbl.is
MIKLAR sviptingar hafa verið í
bæjarpólitíkinni í Grindavík á kjör-
tímabilinu. Enn einn meirihlutinn
var myndaður um helgina.
Bæjarfulltrúar VG slitu
meirihlutasamstarfi við Fram-
sóknarflokk og Samfylkingu sl.
föstudag og mynduðu nýjan meiri-
hluta með Sjálfstæðiflokki og Sam-
fylkingu. Ástæðan var sú að ekki
stóð til að ráða bæjarstjóra í stað
Jónu Kristínar Þorvaldsdóttur sem
horfin er til annarra starfa. Nýi
meirihlutinn hefur samið við Ólaf
Örn Ólafsson, sem var bæjarstjóri
hjá fyrsta meirihlutanum, um að
gegna störfum fram að kosningum.
Persónuleg átök
Með myndun nýs meirihluta má
segja að bæjarstjórnin sé að spóla
aftur um sautján mánuði. Í júlí
2008 sleit Samfylkingin samstarfinu
við Sjálfstæðisflokk. Hvor flokkur
hafði tvö fulltrúa. Svo virðist sem
oddvitar flokkanna, Jóna Kristín
hjá Samfylkingu og Sigmar Eð-
varðsson hjá Sjálfstæðisflokki, hafi
ekki átt skap saman. Síðar kom í
ljós að Hitaveita Suðurnesja var
þrætuepli. Harðar deilur urðu milli
oddvitanna, persónulegar á köflum.
Óánægja var í bænum með samn-
inga sem gerðir voru um starfslok
bæjarstjórans fráfarandi.
Meirihluti Samfylkingar og
Framsóknar var einnig með fjóra
bæjarfulltrúa á bak við sig. Hins
vegar hrikti verulega í stoðum hans
tvisvar í kringum páskana í vor. Þá
komu bæjarfulltrúar Framsóknar-
flokksins í veg fyrir það að Garðar
Páll Vignisson, bæjarfulltrúi Sam-
fylkingarinnar, yrði ráðinn skóla-
stjóri hins nýja Hópsskóla. Það
gerðu þeir meðal annars með hót-
unum um að slíta meirihlutasam-
starfinu og taka upp viðræður við
Sjálfstæðisflokk. Niðurstaðan var
að ráða þann umsækjenda sem ráð-
gjafar höfðu metið hæfastan.
Garðar Páll var ósáttur við niður-
stöðuna og ummæli forystumanns
framsóknarmanna um pólitískar
ráðningar og má segja að ekki hafi
gróið um heilt í meirihlutanum síð-
an. Garðar Páll sagði sig síðar úr
Samfylkingunni og gekk í VG
ásamt Birni Haraldssyni sem kos-
inn var í bæjarstjórn fyrir Frjáls-
lynda. Meirihlutinn lafði þó áfram
með þeirra stuðningi. Garðar Páll
segist hafa verið á leið út úr bæj-
arpólitíkinni eftir þessa atburði en
síðan ákveðið að ganga til liðs við
VG og gera eitthvað uppbyggilegt.
Þar hafi hann fengið góðan hljóm-
grunn fyrir áhugamáli sínu um að
setja á fót menntaskóla í Grindavík.
Límið losnaði
Jóna Kristín var límið sem hélt
meirihlutanum saman og þegar
ekki náðist samstaða um það
hvernig ætti að stjórna út kjör-
tímabilið sleit VG samstarfinu.
Ekki er annað að heyra á bæjar-
fulltrúum en að samstaða sé um
málefni, meðal annars um hitaveit-
umálin. Petrína Baldursdóttir, bæj-
arfulltrúi Framsóknarflokksins, tel-
ur að bæjarstjóramálið sé
tylliástæða. „Ég upplifi þessi meiri-
hlutaslit sem persónulega hefnd
bæjarfulltrúa vegna þess að hann
fékk ekki pólitíska stöðuveitingu,“
segir Petrína.
Spólað til baka
Enn einn meirihlutinn tekur við í Grindavík á morgun
Ólafur Örn Ólafsson verður bæjarstjóri út kjörtímabilið
„ÉG var ekki búinn að binda mig í fasta vinnu. Var að
leita en mér lá ekkert á þar sem ég er á launum,“ seg-
ir Ólafur Örn Ólafsson, fyrrverandi bæjarstjóri í
Grindavík, sem tekur væntanlega við starfi sínu að
nýju á fimmtudag. Þegar meirihlutinn sprakk sumarið
2008 var gerður starfslokasamningur við Ólaf Örn.
Samkvæmt honum er hann á launum út kjörtímabilið
og sex mánuði betur og bærinn keypti íbúðarhús hans í
Grindvík.
Nýr meirihluti hefur óskað eftir því að Ólafur Örn
komi aftur til starfa, út kjörtímabilið. Hann sam-
þykkti að gera það, án nokkurra viðbótargreiðslna, þótt honum bæri
engin skylda til þess. „Ég gaf fyrirheit um að gegna þessu starfi í
fjögur ár og fyrst ég hef tækifæri til þess ætla ég að standa við það.
Ég er vanur að ljúka því sem ég byrja á,“ segir Ólafur.
Vanur að ljúka því sem ég byrja á
Ólafur Örn
Ólafsson
Morgunblaðið/RAX
Brim Bræla hefur verið í samstarfinu í bæjarstjórn Grindavíkur stóran hluta kjörtímabilsins sem senn fer að ljúka.
Persónulegar deilur hafa sett
svip á samstarfið í bæjarstjórn
Grindavíkur. Á morgun tekur
væntanlega þriðji meirihlutinn
við völdum – eða sá fjórði, eftir
því hvernig er talið.
Eftir Rúnar Pálmason
runarp@mbl.is
„HELSTA niðurstaða mín er sú að
þrátt fyrir að mikið sé rætt um að á
Íslandi ríki jafnrétti, þá kemur í ljós,
þegar málið er skoðað nánar, að jafn-
rétti er meira í orði en á borði,“ segir
Gyða Margrét Pétursdóttir, nýbakað-
ur doktor í kynjafræði.
Í doktorsritgerð sinni velti hún því
m.a. fyrir sér hvernig þetta viðvar-
andi misrétti viðgengst, bæði á vinnu-
markaðnum og á heimilum.
Við rannsókn sína ræddi hún við
karla og konur á 15 vinnustöðum; hjá
Reykjavíkurborg, hugbúnaðarfyrir-
tæki, skyndibitastöðum, matvöru-
verslun og bensínstöð. Á öllum þess-
um vinnustöðum fór verkaskipting að
miklu leyti eftir kyni starfsmanna.
Ástandið var skást hjá Reykjavíkur-
borg og segir Gyða Margrét að það
skipti höfuðmáli að borgin hafi sett
sér jafnréttisstefnu árið 1994 og að
mannréttindafulltrúi borgarinnar sé
háttsettur í skipuriti hennar.
Konan fékk ekki að forrita
Hjá einkafyrirtækjunum var stað-
an annað hvort sú að engin jafnréttis-
eða fjölskyldustefna var í gildi eða
ekki var farið eftir henni.
Hjá hugbúnaðarfyrirtækjum nýtur
forritun jafnan mikillar virðingar og
það er einnig vel launað. Gyða Mar-
grét komst að því að konu sem er tölv-
unarfræðingur var neitað um starf við
forritun en var boðið starf í þjónustu-
deild í staðinn. Karl með sömu mennt-
un og sambærilega reynslu fékk hins
vegar forritunarstarfið. „Þetta er eitt
dæmi en það er mjög lýsandi um
hvernig hugmyndir um kyn litar við-
horf til karla og kvenna, segir hún.
Ekki sé gert ráð fyrir að konan búi yf-
ir sömu hæfni í forritun, þrátt fyrir
jafnmikla menntun, en þess í stað sé
gert ráð fyrir að hún búi yfir með-
fæddri hæfni í þjónustustörfum.
Sama mynstur hafi komið í ljós í hin-
um fyrirtækjunum. Hugmyndir um
viðveru á vinnustað spili einnig stórt
hlutverk en jafnan sé gert ráð fyrir að
karlar geti eytt meiri tíma í vinnu en
konur.
„Í ritgerðinni minni horfi ég mikið
á það sem er ósagt en má lesa á milli
línanna. Hér er mikið talað um að við
séum búin að ná jafnrétti, allir hafi
sömu möguleika og frami byggi á
hæfni einstaklings. En síðan er margt
sem er aldrei sagt en liggur í loftinu,“
segir Gyða Margrét. Á vinnustöðum
og einnig á heimilum sé það viðhorf
rótgróið að starf karla sé mikilvægara
en starf kvenna. Þær konur sem reyni
að breyta þessu sé oft litnar hornauga
og breytingatilraunir geti komið niður
á starfsframa þeirra.
Skipt í karla- og kvennastörf
Gyða Margrét rak sig á það að þótt
jafnrétti virtist ríkja á vinnustað, s.s.
vegna þess að kynjahlutföll voru jöfn,
var ekki um raunverulegt jafnrétti að
ræða. „Störfum er fljótt skipt í karla-
störf og kvennastörf. Og virðing starf-
anna fer eftir því hvort karlar sinni
þeim eða konur. Það sem karlar gera
þykir mikilvægara, óháð verkinu.“
En hvernig á að breyta ástandinu?
Gyða Margrét segir það að mestu
leyti undir körlum komið. Þeir geti
sagt frá tekjum sínum og þannig
stuðlað að jöfnu kaupi og þeir geti
veitt konum svigrúm á vinnustöðum
og heimavið.
Starfið þykir
mikilvægara ef
karl sér um það
Margt aldrei sagt en liggur í loftinu
Áfram Frá Kvennafrídeginum 2005.
Í HNOTSKURN
» Gyða Margrét Péturs-dóttir ræddi við 24 karla
og 24 konur og heimsótti þau
á vinnustaði þeirra.
» Hún byggir doktors-ritgerð sína á viðtölunum:
„Valdinu viðhaldið innan áru
kynjajafnréttis.“
» Fyrirlesturinn er haldinn ístofu 101 í Odda, Háskóla
Íslands, frá 12-13:30.
MIKLAR skemmdir urðu á skólastof-
um Waldorf-skólans Sólstafa í Hraun-
bergi eftir íkveikju þriggja fimmtán
ára pilta seint á sunnudagskvöld.
Sömu piltar voru á ferð fyrr um kvöld-
ið í Fellaskóla þar sem þeir báru eld að
gluggatjöldum. Þeir voru handteknir
nærri vettvangi og liggur játning fyrir.
Aðeins minniháttar skemmdir urðu
í Fellaskóla og gekk skólastarf þar
eðlilega fyrir sig. Aðra sögu er að
segja af Sólstöfum þar sem tvær
skólastofur eru gjörónýtar og önnur til
viðbótar nokkuð skemmd. Engin
kennsla var því í gær en yngri deild
fær að mæta í dag og eldri deild á
morgun. Samkvæmt upplýsingum frá
lögreglu höfuðborgarsvæðisins er
tjónið talið hlaupa á milljónum.
Að sögn lögreglu er erfitt að segja
til hvað piltunum gekk til með athæfi
sínu annað en skemmdarfýsn. Þeir
eiga að baki sögu hjá lögreglu, þó að
stutt sé, og því ljóst að fast verður tek-
ið á málum þeirra.
Þrátt fyrir ungan aldur eru piltarnir
sakhæfir. Þá er hægt að ákæra fyrir
brot á 164. gr. en í henni segir: „Valdi
maður eldsvoða, sem hefur í för með
sér almannahættu, þá varðar það
fangelsi ekki skemur en 6 mánuði.“
Málið er þó enn í rannsókn og er unnið
í samvinnu lögreglu og barnaverndar-
nefndar.
En þó svo að piltarnir verði sak-
felldir fyrir íkveikjurnar eru þeir ekki
fjárráða og fellur því milljóna króna
krafa um skaðabætur á forráðamenn
piltanna.
Að sögn lögreglu verður þetta von-
andi til þess að piltarnir haldi af þeirri
braut sem þeir eru á.
Sakhæfir og skaðabóta-
krafa á forráðamenn
Þrír fimmtán ára piltar ollu stórskemmdum með íkveikjum
» Tjónið talið hlaupa á
milljónum króna
» Hafa áður komið við
sögu hjá lögreglunni