Morgunblaðið - 08.12.2009, Page 16
16 FréttirERLENT
MORGUNBLAÐIÐ ÞRIÐJUDAGUR 8. DESEMBER 2009
Hollráð um eldvarnir
oryggi.is
Hringdu í 570 2400 og fáðu ókeypis öryggisráðgjöf heim!
Reykskynjarar bjarga mannslífum
Á hverju heimili ættu að vera reykskynjarar,
slökkvitæki og eldvarnateppi.
Fleiri hollráð og netverslun með öryggisvörur
er að finna á oryggi.is.
PPII
PPAAA
RRRRRR
\\\\\\\\\\\\
TTTTTTTTTTBBBBB
WWWWWW
AAAA
••
SSÍÍ
AAA
•
9
2
2
5
4
5
44
9
2
2
5
9
2
2
Samkynhneigð og biskup
Eftir Kristján Jónsson
kjon@mbl.is
LÍKURNAR á að alþjóðlega anglíkanakirkjan, sem í
Englandi nefnist Biskupakirkjan, klofni hafa aukist
enn eftir að samkynhneigð kona, Mary Glasspool, var
valin aðstoðarbiskup fyrir skömmu í Los Angeles. Dr.
Rowan Williams, erkibiskup af Kantaraborg í Eng-
landi, sagði á sunnudag að valið hlyti að „valda mikl-
um áhyggjum,“ að sögn blaðsins Times. Um 77 millj-
ónir manna i mörgum löndum tilheyra
anglíkanakirkjunni.
Tugmilljónir Afríkumanna eru í kirkjunni, flestir
þeirra í Nígeríu. Mikil andúð er á samkynhneigð í
flestum Afríkulöndum og hafa kirkjunnar menn þar
oft látið hörð orð falla um samkynhneigða.
Þetta er í annað sinn sem banda-
rískir anglíkanar velja sér biskup úr
röðum samkynhneigðra, sá fyrsti
var Gene Robinson í New Hamp-
shire árið 2003 og lá þá við klofningi
vegna málsins.
Glasspool hefur verið í sambúð
með konu frá 1988. Hún var vígð
1981 og gegnir nú embætti kanúka,
sem er ákveðin gerð prestsembættis
og vann hún nauman sigur á tveim
öðrum frambjóðendum.
Benedikt páfi 16. í Róm hefur gert auðveldara fyrir
enska anglíkana að starfa innan raða kaþólsku kirkj-
unnar en margir enskir anglíkanar eru andvígir því
að konur séu vígðar, hvað þá samkynhneigðar konur.
Mary Glasspool
biskup.
Erkibiskupinn af Kantaraborg segir valið á Mary Glasspool
í Los Angeles valda áhyggjum og margir óttast klofning
EIN af vinsælustu jólagjöfunum í Bandaríkjunum
virðist núna ætla að verða gervihamsturinn Mr.
Squiggle Go Go Hamster, sem gengur fyrir rafhlöðu.
En að sögn Guardian fullyrðir rannsóknastofa neyt-
endamála í San Francisco, GoodGuide, að í hamstr-
inum sé mikið af efni sem geti „tengst krabbameini og
lungna- og hjartasjúkdómum“.
Efnið, antimony, er á nefi og í hári dýrsins og
magnið er sagt langt yfir leyfilegu hámarki. Fram-
leiðandinn, Cepia, vísar ásökuninni á bug. kjon@mbl.is
Ekta hamstur og
hættulaus.
Mr. Squiggle hættulegur?
INDVERSKA risafyrirtækið Tata
kynnti í gær nýja og afar ódýra gerð
af vatnshreinsitæki sem vonast er til
að geti dregið mjög úr útbreiðslu
sjúkdóma sem berast með vatni.
Tækið, sem heitir Tata Swach, tekur
9,5 lítra og kostar innan við þúsund
rúpíur eða um 2.500 krónur.
Fyrirtækið, sem framleiðir margs
konar vörur, kynnti fyrr á árinu
ódýrasta einkabíl í heimi, Nano.
Tata Swach gæti einkum komið að
notum í fátækum sveitaþorpum þar
sem hvorki er aðgangur að hreinu
drykkjarvatni né rafmagni. Í tækinu
er m.a. aska frá hrísgrjónamyllum
sem síar burt bakteríur en einnig
örsmáar silfuragnir sem drepa
hættulegar örverur sem bera með
sér sjúkdóma eins og niðurgangs-
pest, kóleru og taugaveiki.
Framkvæmdastjóri Tata, R. Muk-
undan, sagði að hugað yrði að því að
selja hreinsitækið einnig til útlanda,
ekki síst í ríkjunum sunnan Sahara í
Afríku. kjon@mbl.is
Indverskt vatnshreinsitæki
handa fátæku fólki
Eftir Kristján Jónsson
kjon@mbl.is
ALÞJÓÐLEGA loftslagsráðstefnan
hófst í gær í Kaupmannahöfn og
vöruðu ræðumenn eindregið við því
að ekki yrði gripið til róttækra
ráða til að minnka losun koldíoxíðs
í andrúmsloftinu, afleiðingarnar
gætu orðið skelfilegar fyrir mann-
kynið. Lars Løkke Rasmussen, for-
sætisráðherra Danmerkur, sagði að
koma minnst 110 ríkis- og þjóð-
arleiðtoga innan fárra daga til að
taka þátt í umræðunum myndi
verða fordæmalaust tækifæri til að
ná árangri. „Heimurinn treystir á
ykkur núna á þessu stutta skeiði í
sögu mannkynsins,“ sagði hann.
Landi Rasmussen, Connie Hede-
gaard, sem senn tekur við lofts-
lagsmálunum í framkvæmdastjórn
Evrópusambandsins, hvatti menn
einnig til dáða. „Niðurstöður vís-
indamanna hafa aldrei verið jafn
ljósar,“ sagði hún. „Aldrei hefur
verið bent á jafn margar lausnir.
Pólitískur vilji hefur aldrei verið
meiri og leyfið mér að vara ykkur
við, hann mun aldrei verða meiri.“
Ráðstefnan stendur í tvær vikur
og hefur verið gripið til geysimik-
illa öryggisráðstafana vegna henn-
ar í borginni en alls sækja um
15.000 manns fundina. Einnig er
búist við mörg þúsund mótmæl-
endum og ljóst að sumir þeirra
munu að venju grípa til ofbeldis.
Þátttökuríkin eru nær 190 en
ætlunin er að reyna að ná sam-
komulagi um bindandi reglur til að
draga úr losun koldíoxíðs. Á þannig
að koma þannig í veg fyrir að hita-
stig hækki um of en fullyrt er í
skýrslum Loftslagsnefndar Sam-
einuðu þjóðanna, IPCC, að það
muni gerast og aðalorsökin sé at-
hafnir manna. Er þá aðallega átt
við að koldíoxíðlosun vegna
brennslu kola, olíu og gass ýti und-
ir svonefnd gróðurhúsaáhrif sem
auki meðalhita á jörðinni.
Áskorun frá 10 milljónum
Um tíu milljónir manna víða um
heim skrifuðu í tilefni ráðstefn-
unnar undir áskorun á netinu um
að „sanngjarnt, metnaðarfullt og
bindandi samkomulag“ verði gert
Barist verði strax gegn hlýnun
Sagt verða mannkyninu dýrt ef Kaup-
mannahafnarráðstefnan mistakist
um aðgerðir til að stemma stigu við
hlýnun. Alls stóðu 226 umhverf-
isverndarhreyfingar fyrir undir-
skriftasöfnuninni.
Formaður IPCC, Indverjinn
Rajendra Pachauri, gagnrýndi í
ávarpi sínu þá sem stálu eða láku
nýlega tölvupóstum og fleiri gögn-
um vísindamanna loftslagsdeildar
háskólans í Austur-Anglíu á netið.
Gögnin þykja benda til þess að vís-
indamennirnir hafi beitt vafasöm-
um aðferðum til að sverta heims-
þekkta vísindamenn sem efast um
gróðurhúsakenninguna. Má einnig
túlka sumt í tölvupóstunum svo að
gögn hafi verið fölsuð til að treysta
kenninguna í sessi.
Pachauri hefur ákveðið að málið
verði rannsakað en sagði að mark-
mið tölvuþrjótanna væri að grafa
undan trúverðugleika vísinda-
manna IPCC. Nefndin legði mikla
áherslu á að meta öll vísindaleg
gögn á sanngjarnan og hlutlausan
hátt.
Reuters
Lífshætta? Aðgerðasinnar beita ýmsum ráðum til að hvetja fulltrúa til dáða á ráðstefnunni í Kaupmannahöfn. Hér
liggja nokkrir sem dauðir til að vara við hættunni af gróðurhúsaáhrifum verði ekki gripið í taumana.
Reuters
Skelegg Connie Hedegaard flytur
ávarp sitt á ráðstefnunni í gær.
Í HNOTSKURN
»Yfir 2.500 vísindamennkoma að skýrslum IPCC
og þar á meðal allmargir lofts-
lagsfræðingar. Nokkrir hafa
sagt sig frá starfinu vegna
óánægju með vinnubrögð.
»Við lokagerð skýrslunnartaka embættismenn frá
aðildarríkjum SP þátt í að
semja um endanlegt orðalag
og gera tillögur um aðgerðir.