SunnudagsMogginn - 20.06.2010, Blaðsíða 41

20. júní 2010 41
Þ
að er eitthvað mjög fágað við það að sitja við
dekkað borð á sænskum herragarði og taka
litla sopa af ljósbrúnu mjólkurtei úr fallega
ámáluðum postulínsbolla. Ekki spillir heldur
fyrir að með teinu eru bornar fram samlokur skornar í
netta þríhyrninga og skonsur með sultu og enskum clot-
ted cream. Teið spilar fagmannlega undir um leið og
gómsætið lætur bragðlaukana svífa um í sænskum vals
sem síðan breyttist í rífandi ræl þegar
teið og skonsurnar mætast í full-
komnum bragðsamhljómi. Svona er
sparihliðin á tei unaðsleg, settleg og
fáguð. Sjóðandi vatni er hellt á telaufin
sem bíða þess að gefa vatninu bragð í
fallegum tekatli. Síðan er beðið og
mjólkin borin fram í fallegri mjólkurkönnu, hunang
jafnvel líka dregið út úr ísskápnum ef við á. Þegar
drukkið er te úr tekatli skal hella mjólkinni fyrst í boll-
ana, mjólkinni á eftir ef notaður er tepoki. Fallegir bollar
í breskum stíl auka á ánægjuna en eru ekki nauðsynlegir.
Loks er komið að því að tylla sér og njóta drykksins sem
hefur styrkt og hlúð að ótal enskum sálum í gegnum ár-
in. Til að gera upplifunina enn betri spillir ekki fyrir að
hafa nokkrar gúrkusamlokur eða sætindi við höndina til
að njóta með sopanum. Í þröngum herbergisskonsum
breskra háskólastúdenta og eldhúsum húsmæðra má
finna annars konar temenningu. Þar er teinu gjarnan
hellt í eins stóra bolla og hugast getur og heilu fantarnir
af hinum ástkæra vökva innbyrtir til að vinna bug á
þreytu, timburmönnum, slappleika og jafnvel ástarsorg.
Í norðurenskri málýsku stendur orðið tea oftar en ekki
fyrir kvöldmat og dinner fyrir hádegismat. Nokkuð sem
er afar ruglandi fyrir erlenda námsmenn sem vita aldrei
almennilega hvenær eða hvað þeir eru að fara að borða
með nýfundnum vinum sínum. Ís-
lenskur vatns- og mjólkurþambari
strengdi þess heit að snerta aldrei á
drykknum góða við upphaf námsdvalar
í telandi en ekki leið á löngu þar til
fíknin hafði heltekið hann. Sakleys-
islegur tebolli með eðaltei frá Marks &
Spencer með nóg af mjólk og teskeið af hunangi, lagaður
af indælli sambýliskonu sem vinahót, varð upphafið að
áralangri tefíkn. Fyrsti bollinn leiddi í fyrstu til hóflegrar
drykkju sem nokkrum mánuðum seinna var algjörlega
komin úr böndunum. Sérstaklega um haust og vetur
þegar námsbækurnar kalla, þá leikur teið ljúft stef sem
vekur heilafrumurnar varlega af værum blundi og leiðir
þær síðan út á gólfið í rokk og ról. Það sama er að segja á
rigningarlegum sumardögum. Þá er fátt betra en að vera
í fríi, skríða undir teppi í sófanum og kúra þar í náttföt-
unum með einn heitan og góðan fant af tei.
Kósíheit
og kæti
Sumarið er vissulega komið
en sumarveðrið fylgir því
ekki endilega. Þegar rignir
og blæs er gott að sitja inni
með góðan kaffi- eða tebolla
og láta fara vel um sig.
María Ólafsdóttir maria@mbl.is
Sakleysislegur tebolli
með eðaltei blönduðu
hunangi varð upphaf-
ið að áralangri tefíkn.
Kaffiunnendur eru líklegast þegar margir hverjir farnir
að skjálfa á beinunum af koffínskorti ef marka má nýj-
ustu fréttir utan úr heimi. Nýleg grein í Financial Times
greindi frá því að verð á kaffi væri nú farið að rjúka upp
sökum efnahagsþrenginga á markaðnum.
Verðhækkunin á við kaffibaunir í öllum gæðaflokk-
um og þannig hefur tonnaverð á Robusta, sem talin er
meðal lággæða-kaffibauna, hækkað um tæp 20 pró-
sent en arabica gæða-kaffibaunin hefur hækkað um
11 prósent. Haldi áfram sem horfir má því búast við því
að kaffibollinn verði orðinn nokkuð dýr í nánustu fram-
tíð og kaffi sannkölluð lúxusvara.
Lúxusverð á kaffi
Kaffisopinn
gæti orðið dýr
í framtíðinni.
Tedrykkja og vinsældir
teboða í Englandi juk-
ust til muna í byrjun 18.
aldar. Vinsældirnar má
rekja til Önnu, 7. her-
togaynju af Bedford,
sem sögð er hafa kvart-
að yfir garnagauli
seinnipart dags. Til að
seðja hungur hertoga-
ynjunnar var brugðið á
það ráð að færa henni
te og létt snarl í dyngju
hennar seinnipart dags.
Vinir hennar fengu síð-
an að bætast í hópinn
og varð samkundan svo
vinsæl að hertogaynjan
hélt áfram að bjóða
fólki í slík teboð þegar
hún sneri til London eft-
ir sumardvöl í enskri
sveitasælu. Upp úr því
urðu slík síðdegisteboð
afar vinsæl meðal efri
stétta samfélagsins.
Gott er að fá sér litlar samlokur
og skonsur með tebollanum.
Teboð hertogaynju
Þegar heitt er í veðri langar
mann ekki endilega í heitt
kaffi en þá getur verið gott
að fá sér ískalt frappe í lík-
ingu við það sem margir Ís-
lendingar kannast við frá
bandarísku kaffihúsakeðj-
unni Starbucks. Slíkt er
einnig í boðið hér á landi en
hjá Te og Kaffi fæst til að
mynda frappachino sem oft-
ar en ekki er kallað frappó í
daglegu tali. Frappachino
drykkurinn er lagaður úr ex-
presso, mjólk, klökum og sý-
rópi með bragðtegund að
eigin vali. Nú er einnig hægt
að láta bæta lakkrískurli
saman við drykkinn fyrir al-
vöru sælkera. Þá er líka um
að gera að prófa sig áfram í
slíkri drykkjargerð heima fyr-
ir í sumar.
maria@mbl.is
Lakkrískurl í
kaldan kaffi-
drykk ætti að
kæta sælkera.
Frappó með
lakkrískurli
Lífsstíll