SunnudagsMogginn - 20.06.2010, Síða 54

54 20. júní 2010
F
erill Sigurðar Guðmundssonar (1942) myndlist-
armanns er langur, farsæll og fjölskrúðugur.
Sigurði hefur í gegnum tíðina jafnan tekist að
halda eigin stefnu samhliða því að vera í takt
við tímann. List hans hefur birst í margvíslegum
myndum þar sem ljósmyndir, skúlptúrar og bækur eru
ráðandi. Í Gallerí i8 má nú sjá ríflega fjörutíu uppruna-
legar ljósmyndir Sigurðar frá áttunda áratug síðustu
aldar, þegar hann lagði hugmyndafræðilegan grundvöll
að list sinni.
Myndir Sigurðar eru gerðar í anda síns tíma, á tímum
Fluxus og andefnishyggju í listinni og samfélaginu öllu.
En uppreisn hans hefur alla tíð verið ljúf og einkennst
meira af vangaveltum um mannlega tilvist en gagnrýni
á samfélagið. Þettur kemur m.a. fram í notkun hans á
eftirfarandi titli; Hvaðan komum við? Hver erum við?
Hvert höldum við? þar sem hann vísar til málverks
nítjándu aldar málarans Pauls Gauguin.
Verk Sigurðar eru aðgengileg og auðskilin. Mannleg
tilvist er meginþema hans, mannlegar tilfinningar og
breyskleikar, ásamt sterkri og gegnumgangandi feg-
urðarþrá. Tungumálið er einnig rauður þráður í list
hans og kemur það vel fram á þessum myndum. Hér
eru sum verkin sterk og eftirminnileg, til dæmis þar
sem listamanninum tekst á einfaldan máta að slá saman
tveimur heimum myndar og orða eins og á myndinni
Gangstétt, gata. Sigurður leikur sér stöðugt með
tungumálið, orð og rím, merkingu og myndir eins og
bækur hans þrjár eru til vitnis um, en sú nýjasta, Dýrin
í Saigon er nýkomin út.
List Sigurðar hefur tekið mörgum stakkaskiptum í
gegnum árin, en á öllum tímum hefur sá frjói jarðvegur
sem hann lagði upp með verið sterkur grundvöllur fyrir
margvíslega nálgun hans. Í raun er þetta stór sýning, þó
ekki fari mikið fyrir henni efnislega séð. Hér birtist fag-
urkerinn, húmoristinn, ljóðskáldið og myndlistarmað-
urinn Sigurður í sinni margbrotnu mynd og heillar
mann upp úr skónum. Einlægni, lífsspeki, leikur og
kímni þessara mynda eru ómótstæðileg og hafa að auki
staðist tímans tönn, gengið aftur tvíefld í samtímanum
ef eitthvað er.
Byggt á
sterkum
grunni
Myndlist
Sigurður Guðmundsson, ljósmyndir
bbbbn
i8, Tryggvagötu
Til 26. júní. i8 er opið 11-17 þri.-fös. og 13-17 lau.
Aðgangur ókeypis.
Ragna Sigurðardóttir
Í Gallerí i8 má nú sjá ríflega fjörutíu upprunalegar ljósmyndir
Sigurðar Guðmundssonar frá áttunda áratug síðustu aldar.
Morgunblaðið/Einar Falur
Helgin mín fer í tónleikahald í Kanada en ég mun
spila á NXNE eða North by Northeast tónlistarhátíð-
inni í Toronto í kvöld og á morgun. Þetta er litla
systir South by Southwest, SXSW, og kvikmyndahá-
tíð í þokkabót, fullt af stuttmyndum og heimild-
armyndum um tónlist og tónlistarmenn.
Ég flaug út í miðvikudag og kom fram á tónleikum
hjá Íslendingafélaginu á 17. júní sem var mjög gaman
og svo var ég með stofutónleika hjá vinum í gær-
kvöldi.
Ég spila í kvöld á tónleikum í Cameron House við
Queen Street, litlum og kósý bar, ásamt fleiri góðum
vinum en þetta er líka svona vinafagnaður því þarna
verður tónlistarfólk sem ég þekki frá t.d. Ástralíu og
ég á von á góðri stemmningu.
Sunnudagurinn verður svipaður nema tónleikarnir
verða á veitinga- og skemmtistaðnum Rancho Relaxo.
Ég veit ekki hvort maður nær að
gera mikið annað en að spila
og hitta vini en ég hef einu
sinni komið þarna áður og
þá labbaði ég yfir Ni-
agra fossana sem var
magnað.
Ég mun bara vera á
fullu að spila og hitta
gott fólk enda finnst mér
best að hafa nóg fyrir
stafni þá þarf maður
ekki að velta fyrir
sér hvað maður
ætti að vera að
gera við tím-
ann.
Helgin mín Svavar Knútur
Kristinsson tónlistarmaður
Tvennir tón-
leikar í Toronto
um helgina
K
atrín Elvarsdóttir er mætt aftur til leiks í Gall-
eríi Ágúst með framhald sýningarinnar
„Equivocal“, eða „Margsaga“ sem haldin var
fyrir tveimur árum. Frásagnarlegar ljósmyndir
eru hér í fyrirrúmi; myndir sem gefa ýmislegt til kynna
án þess þó að staðfesta megi hvað sé á seyði. Það er ekki
aðeins viðfangsefni myndanna – svo sem dularfullt
augnaráð stúlku við logandi eld, gluggatjöld sem byrgja
sýn eða yfirgefin lestarsæti – heldur einnig samspil
myndanna tólf sem felur í sér frásagnarlega þætti.
Hægra megin í salnum eru verk þar sem rauður litur
er áberandi, ásamt gráum tónum, og þar sést mynd af
stiga sem liggur upp. Vinstra megin er minna lagt upp úr
áberandi litum, og þar leiða þrep niður. Dökkur litur á
veggjum bindur verkin saman auk þess að undirstrika
fremur myrka stemningu myndanna. Stórt verk fyrir
miðjum sal, Stúlka og eldur, byggist á svörtum bak-
grunni og gulum eða ljósleitum tónum. Þetta verk hefur
óræða, sálfræðilega undirtóna; stúlkan á myndinni er
barnung en yfirvegað og fullorðinslegt yfirbragðið,
ásamt eldinum í bakgrunni, leiðir hugann að sumu leyti
að verki Edvards Munch, Kynþroski (1895). Katrín hef-
ur lag á að draga fram hversdagslega töfra, eins og í
myndinni Elliheimili þar sem tré úti fyrir þrengir sér á
áleitinn hátt inn í stofu og inn í huglægt rými þess er
horfir.
Það er frumspekilegur blær yfir sýningunni sem teng-
ist áhuga listamannsins á gluggum; mörkum þess sem er
fyrir utan og fyrir innan, sem og skilrúmi raunveruleika
og skynjunar. Myndin Blúndur er fallegt verk sem býr
yfir spennu í samspili gagnsæis og efniskenndar; hins
sýnilega og hins falda. Tilfinning fyrir áhorfi eða gægjum
er sterk í myndunum og því er verkinu Vitnið ofaukið á
þessum vegg. „Rauðu“ myndirnar fela í sér áhugaverða
hrynjandi, hreyfingu og rýmistilfinningu.
Hér er á ferðinni vel unnin sýning og af henni má ráða
að Katrín þróar myndheim sinn staðfastlega af næmu
auga og skáldlegu innsæi.
Fram-
halds-
sögur
Myndlist
Katrín Elvarsdóttir – Equivocal. The Sequel
bbbmn
Listahátíð/Gallerí Ágúst
Til 26. júní 2010. Opið mi.-lau. kl. 12-17 og eftir samkomulagi.
Aðgangur ókeypis.
Frásagnarlegar ljósmyndir eru í fyrirrúmi á sýningu Katrínar Elvarsdóttur – Equivocal. The Sequel.
Anna Jóa
Lesbók