SunnudagsMogginn - 20.06.2010, Síða 50

50 20. júní 2010
U
ndanfarna mánuði hefur tónlistar- og ráð-
stefnuhúsið Harpa, sem nú er í byggingu
við Austurhöfnina í Reykjavík, orðið ýms-
um táknmynd alls þess sem fór úrskeiðis í
uppsveiflunni miklu, ímynd þess að Íslendingar hafi
tekið svo magnaða gullsótt að ekki séu dæmi um
annað í sögu landsins og jafnvel ekki mannkynssög-
unni. Gekk svo langt að ýmsir viðruðu þá skoðun sína
að rétt væri að láta húsið standa óklárað um aldur og
ævi til sannindamerkis um það hvurslags ræflar við
værum. Flestir taka þó væntanlega undir það að rétt
sé að horfa til lengri tíma; að ljúka við húsið og nýta
þannig það fé sem þegar hefur verið lagt í það og eins
búa tónlist loks verðugan sess eftir áratuga basl við að
koma upp sérbúnu húsi til tónlistarflutnings.
Auglýst eftir tónlistarstjóra
Samhliða því sem húsið hefur risið hefur verið unnið
sleitulaust að því að skipuleggja og tryggja rekstur
þess, en ein birtingarmynd þess var að um síðustu
helgi var auglýst eftir tónlistarstjóra við húsið. Þór-
unn Sigurðardóttir, starfandi stjórnaformaður Ago,
félagsins um rekstur Hörpu, segir að undanfarna
mánuði hafi mikið verið rætt um það hvernig best sé
að haga stjórnun hússins, en upphaflega var lagt upp
með það að ráða við það listrænan stjórnanda sem
móta myndi listræna dagskrá.
„Á meðan verkið var á vegum Landsbankans var
gert ráð fyrir fjármagni í menningarrekstur hússins,
þar átti að vera listrænn stjórnandi sem byggja myndi
upp listræna starfsemi. Eftir að verkið færðist í hend-
ur ríkis og borgar breyttist þetta og þar var ekki vilji
til að leggja fé í reksturinn og því var lagt upp með að
láta húsið standa undir sér. Þar af leiðandi var ákveð-
ið að fresta því að ráða listrænan stjórnanda að svo
stöddu,“ segir Þórunn og bætir við að það hafi verið
ákveðnar deilur um þessa skipan, en þær séu nú úr
sögunni. „Þetta er auðvitað ekki æskileg staða og ég
var búin að finna erlendan stjórnanda sem hafði
reynslu af rekstri sambærilegs húss, en menn töldu að
það væri ekki góð skilaboð að ráða erlendan stjórn-
anda eins og fjárhagsstaðan er. Við ákváðum því að
einfalda stjórnkerfið eins og er og taka síðan stöðuna
á málum í lok næsta árs og sjá hvernig til tókst. Tón-
listarstjórinn fær mjög mikið vægi í dagskrárgerðinni,
en hinsvegar sér framkvæmdastjórinn um allt þetta
rosalega flókna fjármagnsbatterí.“
Þórunn segist sátt við þessa niðurstöðu, enda átti
hún hugmyndina að því að haga málum svo. „Við
þurfum að sjá hvernig þetta fúnkerar, hugsanlega
munum við síðar uppfæra þennan tónlistarstjóra eða
bæta við enn öðrum. Við erum í þeirri stöðu að vera
að fara að reka hús en ekki að búa til okkar eigin
dagskrá. Við verðum þó að reka þetta hús af miklum
metnaði og það stendur og fellur með því að við séum
með gott fagfólk sem tekur vel á móti þeim sem
koma inn í húsið og við eigum mjög mikið af fólki
sem hefur þessa reynslu.“
Í lok mánaðarins stendur til að halda blaðamanna-
fund þar sem fjallað verður um Hörpu, stöðu fram-
kvæmda og ýmislegt tengt rekstri hússins. Meðal
annars munu arkitektar Hörpu sitja fyrir svörum og
Ólafur Elíasson, höfundur glerhjúpsins, útskýra verk-
ið, en hann verður þá kominn upp að verulegu leyti
þó glerið sé ekki komið í hann allan. Á þeim fundi
verður tilkynnt um formlegan opnunardag hússins og
þó Þórunn vilji ekki gefa þann dag upp núna, segir
hún þó að það sé innan við ár í að húsið verði opnað
og eins að þegar sé búið að bóka húsið í margvísleg
verkefni. Stóri salurinn sé þannig fullbókaður í átta
mánuði frá opnun og talsvert komið af bókunum
vegna hinna salanna og ráðstefnusalarins.
Harpa verður fjölnotahús
„Við höfum þurft að gæta vel að því að vera með
hagkvæmt samningsform fyrir okkur og þá sem vilja
koma hingað inn, við megum ekki verðleggja okkur
út af markaðnum. Ég veit alveg hvað íslenskir tónlist-
armenn geta borgað og við missum húsið út í vitleysu
á nokkrum mánuðum ef við pössum okkur ekki.
Þetta ár hefur verið mjög skrýtið og erfitt vegna þess
að við höfum þurft að gera allar fjárhagsáætlanir upp
á nýtt, taka ráðgjafasamninga og ýmsa aðra samninga
og henda þeim, hlutum sem tilheyra fortíðinni. Margt
Tónlist
Árni Matthíasson
arnim@mbl.is
Harpa færir
þjóðinni gleði
Tónlistarhúsið Harpa, sem nú rís við Austurhöfnina í Reykjavík,
er umdeild framkvæmd fyrir ýmsar sakir. Þórunn Sigurðardóttir
blæs þó á óánægjuraddir og segir að Harpa muni færa þjóðinni
eithvað af þeirri gleði sem hrunið rændi hana.
Þórunn Sigurðardóttir
er starfandi stjórnarfor-
maður Ago, félagsins
sem stofnað var um
rekstur Hörpu.
Lesbók