Morgunblaðið - 14.01.2010, Qupperneq 8

8 FréttirINNLENT
MORGUNBLAÐIÐ FIMMTUDAGUR 14. JANÚAR 2010
EKKI er enn búið að ákveða hvaða
dag komandi þjóðaratkvæða-
greiðsla um Icesave-lögin fer fram,
en það verður ákveðið í síðasta lagi
í næstu viku. Þetta segir Ása Ólafs-
dóttir, aðstoðarmaður dómsmála-
ráðherra. Segir hún verið að skoða
þau praktísku atriði sem þurfi að
vera á hreinu áður en hægt er að
ákveða daginn, s.s. hvort húsnæði
sé á lausu og hvenær hægt verði að
prenta kjörseðla.
Að sögn Ásu er undirbúningur
þjóðaratkvæðagreiðslunnar í full-
um gangi í ráðuneytinu og miðar
vel, en ljóst megi vera að ekkert
megi út bregða til þess að allt gangi
upp þar sem mjög knappur tími sé
til stefnu.
Morgunblaðið/Ómar
Dagsetning þjóðar-
atkvæðagreiðslu
skýrist í næstu viku
SAMÞYKKT var á bæjarstjórn-
arfundi á Seltjarnarnesi þann 22.
desember sl., að sameina leik-
skólana Mánabrekku og Sólbrekku
í einn. Meginmarkmið sameining-
arinnar er bæði hagræðing og auk-
in gæði þjónustu.
Nefnd skipuð fulltrúum foreldra
leikskólabarnanna, stjórnendum
beggja leikskólanna og starfsfólki
skólaskrifstofu, hefur verið falið að
vinna að hugmyndum um útfærslu
og framkvæmd sameiningarinnar.
Nefndin mun skila af sér tillögum
og athugasemdum fyrir lok janúar,
en stefnt er að því að sameinaður
leikskóli taki til starfa í haust.
Seltjarnarnes
sameinar leikskóla
KYNNING á tækifærum og styrkj-
um í evrópsku og norrænu sam-
starfi verður haldin á háskólatorgi
í dag, fimmtudag, kl. 15-18. Þar
gefst tækifæri til að hitta fulltrúa
evrópskra samstarfsáætlana og
þjónustuskrifstofa á Íslandi og
kynna sér möguleika á styrkjum
og samstarfi á öllum sviðum
menntamála, rannsókna, vísinda,
nýsköpunar, menningar og at-
vinnulífs. Einnig verða kynntar
nokkrar norrænar áætlanir.
Einstaklingar, fyrirtæki, skólar,
stofnanir og samtök finna eitthvað
við sitt hæfi á kynningunni. Frek-
ari upplýsingar um kynninguna
má finna á vefnum evropusam-
vinna.is.
Tækifæri Evrópu-
samstarfs kynnt
Fimmtudaginn
14. janúar,
milli klukk-
an13 og 17,
verður efnt til
málþings um
bráðgera nem-
endur í fund-
arsal mennta-
sviðs Reykjavíkur á Fríkirkjuvegi
1.
Þar verður m.a. leitað svara við
því hvernig skólinn geti mætt þörf-
um bráðgerra nemenda og hvernig
best sé að vinna með þeim.
Erindi flytja Auður Árný Stef-
ánsdóttir, Almar Halldórsson, Lani
Yamamoto, Guðlaug Björgvins-
dóttir, Elín Stephensen, Fanney
Snorradóttir, Aðalbjörg Ingadóttir
og Brynjar Ólafsson.
Málþing um bráð-
gera nemendur
STUTT
FRÉTTASKÝRING
Eftir Ágúst Inga Jónsson
aij@mbl.is
BÚAST má við að margir bátar verði
búnir með þorskkvótann þegar kemur
fram í marsmánuð. Páll Ingólfsson,
framkvæmdastjóri Fiskmarkaðar Ís-
lands, sem er stærstur markaðanna,
með níu afgreiðslustaði, segir að þetta
eigi einkum við um útgerðir á Snæfells-
nesi.
„Það hefur gengið vel á línunni frá
því í haust, verðið hefur verið hátt og
tíðin góð,“ segir Páll. „Svo hafa margir
eflaust horft til þess að undanfarin tvö
ár hefur verðið lækkað mikið í febrúar
og því keyrðu margir grimmar á haust-
ið heldur en áður. Það verða margir
búnir með kvótann í byrjun mars og ég
er smeykur um að þá komi högg og það
dragi úr atvinnu í kringum fiskinn. Þá
er ég einkum að tala um Snæfellsnesið.
Hugsanlega eykur ráðherra kvót-
ann, það er jú alltaf verið að tala um að
útvegurinn verði að ganga vel til að afla
gjaldeyris. Það virðist alla vega vera
nóg af fiski í sjónum og línufiskur af
minni bátum er miklu vænni heldur en
í mörg ár.“
Með yfir 70 tonn í róðri
„Árið hefur farið vel af stað, við þurf-
um ekki að kvarta,“ sagði Friðþjófur
Sævarsson, skipstjóri á Saxhamri SH, í
gær, en þeir voru þá að draga línuna á
Látragrunni. Saxhamar landaði á
föstudag á Rifi yfir 70 tonnum af góð-
um þorski úr fjórum lögnum.
„Við verðum langt komnir með kvót-
ann í lok febrúar og þá er lítið annað að
gera en að binda bátinn,“ segir Frið-
þjófur. „Við þurfum reyndar eitthvað
að róa í mars, en það verður engin
kraftútgerð. Venjulega höfum við róið
með línuna frá hausti og báturinn síð-
an verið bundinn við bryggju í 12-16
vikur þegar kvótinn, sem núna er 7-
800 tonn af þorskígildum, hefur verið
búinn.
Í ár verður báturinn bundinn í allt
að 20 vikum, það hefur aldrei gerst áð-
ur og það eru margir fleiri en við í
þessari stöðu. Ætli það verði ekki löng
sumarfrí hjá mörgum útgerðum miðað
við það hvernig staðan er núna. Það
væri margt öðruvísi í þjóðfélaginu ef
það mætti nota atvinnutækin almenni-
lega og víst er að það er nóg af þorsk-
inum,“ segir Friðþjófur á Saxhamri.
39% á þriðjungi ársins
Íslensk skip veiddu á fyrsta þriðj-
ungi fiskveiðiársins 58.469 tonn af
þorski og er nýtingarhlutfallið 39,0%
af leyfilegum heildarafla. Á sama tíma
í fyrra var heildarþorskaflinn 45.659
tonn og hlutfallið var 28,5%.
Ýsuafli var á fyrstu fjórum mán-
uðum fiskveiðiársins orðinn 22.201
tonn og hafa íslensk skip því nýtt
35,2% af leyfilegum heildarafla. Á
sama tíma í fyrra var ýsuafli nokkru
meiri eða 29.546 tonn og var nýtingin
þá 31,8% af heildarafla. Aflamark ýsu
á síðasta fiskveiðiári var 93 þúsund
tonn en er nú 63 þúsund tonn. Svipað
er búið að veiða af ufsa á þessu fisk-
veiðiári og í fyrra, en ufsakvóti var
einnig skertur verulega.
Hátt verð og því meira sótt
Saxhamar landar afla sínum að
mestu á markað og segir Friðþjófur að
hátt verð skýri að miklu leyti hvers
vegna svo mikið sé komið af þorski á
land á fiskveiðiárinu, einnig hafi tíðin
verið góð. Í gær fengust að meðaltali
315,50 fyrir kíló af óslægðum þorski á
markaði.
Á síðustu áratugum hefur sóknin
breyst og gripið hefur verið til ýmissa
aðferða til að drýgja úthaldið. Síðan
hafi margir stólað á leigukvóta, en með
skerðingum undanfarinna ára hefur
orðið hæpið að treysta á leiguna. Nú
er svo komið að fáir leigja frá sér.
Bátarnir bundnir fyrr
 Ætli það verði ekki löng sumarfrí hjá mörgum útgerðum, segir Friðþjófur á
Saxhamri  Margir bátar á Snæfellsnesi verða búnir með þorskkvótann í mars
Hátt verð hefur fengist fyrir
þorsk síðustu mánuði og vel hef-
ur aflast, t.d. frá Snæfellsnesi.
Kvóti margra útgerða er því langt
kominn og lítið að hafa á leigu-
markaði.
Heildarstaða afla
Þorskur
Aflamark:
127.923
Afli t. aflamarks:
50.837
Hlutfall:
39,7%
Ýsa
Aflamark:
61.887
Afli t. aflamarks:
18.791
Hlutfall:
30,4%
Ufsi
Aflamark:
48.195
Afli t. aflamarks:
19.179
Hlutfall:
39,8%
Karfi
Aflamark:
50.105
Afli t. aflamarks:
19.401
Hlutfall:
38,7%
Langa
Aflamark:
5.888
Afli t. aflamarks:
2.387
Hlutfall:
40,5%
Keila
Aflamark:
5.135
Afli t. aflamarks:
1.801
Hlutfall:
35,1%
Steinbítur
Aflamark:
11.204
Afli t. aflamarks:
2.899
Hlutfall:
25,9%
Skötuselur
Aflamark:
2.449
Afli t. aflamarks:
1.838
Hlutfall:
75,1%
Grálúða
Aflamark:
12.759
Afli t. aflamarks:
3.456
Hlutfall:
27,1%
Skarkoli
Aflamark:
6.385
Afli t. aflamarks:
2.118
Hlutfall:
33,2%
Aflatölur í tonnum, fyrir sept.-des.
Nýting aflaheimilda
í nokkrum nytjastofnum fyrstu fjóra mánuði fiskveiðiáranna 2007/08 til 2009/10
90
80
70
60
50
40
30
20
10
0N
ýt
in
ga
rh
lu
tf
al
l(
%
)
Þorskur Ýsa Ufsi Steinbítur Skötuselur Grálúða Humar Úthafsrækja
2007/08
2008/09
2009/10
Yfir 75% hafa nú veiðst af því 2500 tonna aflamarki skötusels sem
ákveðið var síðastliðið sumar. Það er mun hærra hlutfall en undanfarin ár.
Veiðar hafa gengið vel og gott verð fengist fyrir skötusel. Frá áramótum
hefur verð fyrir skötusel á mörkuðum að meðaltali verið 680 kr. á kíló.
Sigurður Kristjónsson, útgerðarmaður á Hellissandi, segir að veiðar á
skötusel hafi gengið vel og þeir séu fyrir löngu búnir með skötuselskvót-
ann. Þeir hafi fengið skötusel í skiptum frá öðrum, en leigumarkaðurinn
sé erfiður. „Við vorum með dágóðan kvóta í þorski og skötusel á Magnúsi
SH, en þetta hefur allt verið skert nema skuldirnar,“ segir Sigurður.
Jón Bjarnason, sjávarútvegsráðherra, lagði í haust fram frumvarp þar
sem m.a. er gert ráð fyrir að ráðherra fái heimild til að úthluta tvö þúsund
lestum af skötusel utan aflamarks. Gert var ráð fyrir að þeir sem fengju
þessar heimildir greiddu 120 krónur fyrir hvert kíló. Þessi tillaga hefur
mætt harðri gagnrýni LÍÚ og Samtaka atvinnulífsins, sem telja hana upp-
haf fyrningarleiðar. Frumvarpið hefur ekki verið afgreitt frá Alþingi.
Skötuselskvótinn langt kominn