Morgunblaðið - 30.01.2010, Síða 34

34 Umræðan
MORGUNBLAÐIÐ LAUGARDAGUR 30. JANÚAR 2010
KRAKKAFRELSI heitir nýtt til-
boð símafyrirtækisins Vodafone og
gengur út á að
fólk sem er í svo-
kallaðri Gull
þjónustu Voda-
fone getur fengið
kr. 1500 inneign
mánaðarlega fyr-
ir GSM síma
barna í fjölskyld-
unni. Mér leist
vel á tilboðið og
hringdi með það
sama í þjónustusíma Vodafone til að
þiggja þetta kostaboð fyrir stjúpson
minn og dóttur en bæði eru þau
með gsm-síma hjá Vodafone. Greið-
lega gekk að skrá strákinn en ekki
stelpuna og skýringin reyndist sú
að hún á ekki lögheimili hjá mér.
Engu skipti þótt símanúmer hennar
væri á mínu nafni og greitt af mér.
Taldi ég að þetta hlyti að vera ein-
hver misgáningur og bað um að
þetta yrði kannað. Í framhaldinu
var mér sent sms með því svari að
því miður væri þetta ekki hægt.
Engin frekari skýring fylgdi. Mér
fannst þetta verulega kúnstugt og
hringdi því aftur og talaði við annan
þjónustufulltrúa sem var hinn ljúf-
mannlegasti. Sá skoðaði málið og
skildist mér á þeim svörum sem
hann fékk að þetta væri of flókið í
framkvæmd. Ekki var hægt að fá
tala við yfirmann þar sem þeir
hefðu ekki viðtalstíma en hann
skyldi koma skilaboðum áleiðis og
yrði þá allramildilegast haft sam-
band ef fyrirspurnin yrði metin
þess verð að ansa henni. Þetta kann
að virðast fremur léttvægt mál en
þó býr meira undir. Mér finnst ekki
léttvægt að mér séu send þau skila-
boð að barnið mitt sé annars flokks
eins og Vodafone gerir með þessu.
Mál af þessu tagi er því miður
ekkert einsdæmi hjá fyrirtækjum
eða opinberum stofnunum. Stund-
um stafar þetta einfaldlega af
hugsunarleysi en stundum af for-
pokun og vanvirðingu gagnvart fjöl-
skyldum þar sem foreldrar búa ekki
saman.
TUMI KOLBEINSSON
kennari.
Vodafone mismunar börnum
Frá Tuma Kolbeinssyni
Tumi Kolbeinsson
HVERJIR stunda mansal. Það eru
þeir sem versla með fólk án þess að
það hafi nokkuð með það að segja og
að mínu mati eru það bankar og glæ-
paklíkur.
Hér tek ég dæmi til að útskýra
það sem ég á við, það er aðeins til
viðmiðunar þar sem málin geta bæði
verið verri og betri heldur en þetta
dæmi sem ég nefni hér.
Par fer í banka því það vantar
fjármögnun fyrir kaupum á íbúð eða
bíl. Bankinn segist vera tilbúinn að
lána 70% af kaupverði.
Parið kaupir íbúð fyrir 20 millj-
ónir. Bankinn lánar 70% = 14 millj-
ónir og parið leggur fram 30% = 6
milljónir. Samtals eru þetta 20 millj-
ónir. Tveimur árum síðar er parið
komið í heilmikil vandræði, lánið
hefur hækkað um 50% og þau missa
það í vanskil, lánið er komið í 20
milljónir og samt er búið að greiða af
því í tvö ár.
Bankinn selur lánabréfið og nýi
bankinn lætur bjóða upp íbúðina og
er þá krafan komin í 22 milljónir.
Íbúðin fer á 8 milljónir á uppboðinu
(bankinn er oft einn um að bjóða í)
og eftir standa -14 milljónir sem
bankann vantar upp í kröfuna. Parið
skuldar 14 milljónir áfram og á enga
íbúð. Einnig hefur það tapað útborg-
uninni sem voru 6 milljónir og tapið
er orðið meira en 20 milljónir á
tveimur árum af þessum viðskiptum.
Parið er orðið að þrælum bankans.
Það er þetta sem ég kalla mansal en
ekki heiðarleg viðskipti.
Það rétta myndi vera að skipt
væri eftir þeim hlutföllum eins og
þau voru þegar viðskiptin fóru fram í
upphafi, 70/30, þannig að bankinn
fengi 5,6 milljónir og parið 2,4 millj-
ónir af þeim 8 milljónum sem eignin
fór á uppboðinu og þar með væri
málinu lokið.
Ríkisstjórnin verður að fresta
uppboðum og bæta rétt skuldara.
Hægt er að hafa þjóðaratkvæða-
greiðslu um ný lög sem jafna rétt
skuldara á móti lánveitanda sam-
hliða Icesave-kosningunni. Það
gengur ekki að hafa hlutina eins og
þeir eru, að dæma fólk í þúsundavís í
útlegð eða fátækt og að ekki sé hægt
að stunda heiðarleg viðskipti.
MAGNÚS INGBERG
JÓNSSON,
Spóarima 14, Selfossi.
Stunda bankar og
fjármálastofnanir mansal?
Frá Magnúsi Ingberg Jónssyni
SKÍÐASVÆÐIÐ á Siglufirði hefur
verið mikið í umræðuni sem mjög
góður kostur fyrir þá sem ástunda
skíðamennsku í ýtrustu merkingu
þess orðs. Á svæðinu eru aðstæður
og brekkur fyrir bretta-, fjalla- og
gönguskíðamennsku og að sjálf-
sögðu mjög fjölbreytt aðstaða fyrir
alpagreinar.
Á svæðinu eru þrjár lyftur sem sjá
um að koma skíðamanninum að þeim
brekkum sem henta honum. Heild-
arlengd á þessum þremur lyftum er
um 2 km og lengsta skíðaleiðin getur
verið um 2,5 km, allt eftir því hvaða
leið er valin. Á svæðinu eru mjög
léttar brekkur, allt upp í svartar
krefjandi brekkur, og allt þar á milli.
Skíðasvæðið var opið veturinn
2008-2009 í 125 daga, sem er mettími
frá því að svæðið var flutt í Skarðs-
dalinn á Siglufirði. Gestir á þessum
tíma voru um 11 þúsund, sem er ekki
svo lítið fyrir sveitarfélag af þessari
stærðargráðu, því margfeldisáhrifin
er varðar alla þjónustu sem að sjálf-
sögðu þarf að inna af hendi eru gríð-
arleg og mjög jákvætt skref í upp-
byggingu ferðaþjónustu á þessum
tíma. Hóparnir sem komu hér í
heimsókn voru mjög fjölbreyttir; æf-
ingahópar, fjallskíðahópar, bretta-
skíðahópar og að sjálfsögðu fjöl-
skylduhópar. Áfram er unnið að því
að markaðssetja skíðasvæðið sem
góðan kost fyrir útivistarfólk og hér
á Siglufirði er alltaf verið að bæta
aðstöðu fyrir ferðamanninn hvað
varðar aðra afþreyingu, s.s. söfnin
okkar eins og Síldarminjasafnið og
Þjóðlagasetrið. Síðan er mjög
spennandi uppbygging hjá fyrirtæk-
inu Rauðku tengd ferðamennsku og
er það í rauninni stórkostleg upp-
bygging og vert fyrir ferðamanninn
að kynna sér hvað þar er í gangi, ég
bendi á síðuna siglo.is.
Gistimöguleikar og veitingastaðir
eru nokkuð margir í boði. Á Siglu-
firði er gistiheimili, svefnpokagist-
ing og síðan er rekin á staðnum
leigumiðlun. Á þessu ári, þegar Héð-
insfjarðargöng verða tekin í notkun,
opnast fleiri afþreyingarmöguleikar
og gistimöguleikar í austurbænum í
Ólafsfirði. Eru miklir möguleikar á
að stórefla skíðasvæðið á Siglufirði
og reiknum við með að ferðafólk
heimsæki okkur af öllu Eyjarfjarð-
arsvæðinu, sem hefur verið mjög
erfitt vegna erfiðra samgangna fram
að þessu. Það er alveg klárt að Siglu-
fjörður og Ólafsfjörður, „Fjalla-
byggð“, eru góðir kostir fyrir ferða-
fólk á öllum árstímum – við tökum
vel á móti þér.
SIGURÐUR EGILL
RÖGNVALDSSON,
umsjónarmaður skíðasvæðisins á
Siglufirði.
Skíða- og útivistar-
paradís á Siglufirði
Frá Sigurði Agli Rögnvaldssyni
Útivist Fjöldi gesta heimsækir
skíðavæðin á Siglufirði.
Þar sem verslunin 17 flytur af Laugavegi 91 bjóðum við
eftirfarandi húsnæði til leigu
Allar nánari upplýsingar gefur Þorlákur Ómar Einarsson á skrifstofu
Stóreignar, Skúlatúni 2 og Karl Jónsson, lögfræðingur sími 896 2822.