Morgunblaðið - 30.01.2010, Blaðsíða 1

L A U G A R D A G U R 3 0. J A N Ú A R 2 0 1 0
STOFNAÐ 1913
24. tölublað
98. árgangur
Landsprent ehf.
MBL.IS
Morgunblaðið
hvar sem er
hvenær sem er
95
ára
mbl.is
Sunnudags Mogginn
er nú borinn út með
laugardagsblaðinu
«FRUMSÝNING
SVEPPI LEIKUR
ALGJÖRAN SVEPPA
6
Eftir Baldur Arnarson og
Hlyn Orra Stefánsson
„ÞETTA var ekki samningafundur
og það stóð svo sem aldrei til að
menn færu að reyna að leysa málið
en ég held engu að síður að hann hafi
verið gagnlegur og að staðan hafi
skýrst, og að báðar aðilar átti sig
betur á stöðu mála,“ sagði Stein-
grímur J. Sigfússon fjármálaráð-
herra skömmu fyrir miðnætti í nótt
eftir heimkomuna af fundi með Bret-
um og Hollendingum í Haag í gær.
„Ég held að menn hafi áttað sig
betur á því hvernig báðir aðilar meta
stöðu málsins, þeim áhyggjum sem
menn hafa og þeim möguleikum sem
kunna að vera í stöðunni að vissum
forsendum uppfylltum.“
Aðspurður hvort greina megi af-
stöðubreytingu hjá Hollendingum í
kjölfar synjunar forsetans á Icesave-
lögunum segir Steingrímur þá „auð-
vitað hafa áhyggjur af þessari
stöðu“. „Þeir vilja gjarnan að þetta
mál leysist um leið og þeir vilja fara
varlega, vegna
þess að þeir vilja
skiljanlega ekki
blandast inn í við-
kvæma pólitíska
stöðu á Íslandi og
viðkvæmt ferli í
aðdraganda þjóð-
aratkvæða-
greiðslu.“
Steingrímur er orðvar þegar hann
er inntur nánar eftir umræðuefnum,
á borð við vaxtastig, en getur þess þó
að af viðbrögðum Hollendinga megi
ráða að „engum dyrum hafi verið
lokað“. „Þeir hafa áhyggjur af þess-
ari stöðu. Ég held að það sé óhætt að
segja það. En ég ætla ekkert að
túlka það eða útskýra.“
„Auðvitað veltu menn vöngum yfir
möguleikunum frá báðum hliðum og
því svigrúmi sem menn hafa hug-
mynd um að sé til staðar. En þetta
var ekki samningafundur og málin
voru ekki rædd á þeim nótum að
menn væru að þreifa fyrir sér með
formlegum hætti.“
Steingrímur segir alla sammála
um að það þurfi að skýrast mjög
hratt í framhaldinu af þessum fundi
hvort meira verður reynt fyrir þjóð-
aratkvæðagreiðsluna. „Það er lítill
tími til stefnu. Það eru allir sammála
um það.“
Hollendingar hafa
ekki lokað dyrum
Hafa áhyggur af stöðunni í Icesave-málinu eftir synjunina
Í HNOTSKURN
»Fundinn sátu fyrir Ís-lands hönd þeir Stein-
grímur J. Sigfússon fjár-
málaráðherra, Bjarni
Benediktsson, formaður
Sjálfstæðisflokksins, og Sig-
mundur Davíð Gunnlaugs-
son, formaður Framsóknar.
»Þá var fulltrúi ÖssurarSkarphéðinssonar við-
staddur sem og Paul My-
ners, bankamálaráðherra
Bretlands.
 Halda fast í kröfuna | 2
Nánast allar æfingar íslenska landsliðsins í handbolta hefjast með fótbolta-
keppni þar sem ungir leika gegn þeim eldri. Á meðan þjóðin nagaði á sér
neglurnar af spennu gleymdu landsliðsmennirnir öllu ytra áreiti í hörkufót-
boltaleik í Vín í gær. Sturla Ásgeirsson hreinsar hér frá marki eins og gamal-
reyndur hægri bakvörður áður en Ásgeir Örn Hallgrímsson og Björgvin
Gústavsson ná til hans. Þess má einnig geta, fyrir þá sem ekki vita, að Ísland
leikur gegn heims- og ólympíumeistaraliði Frakklands í dag kl. 13 í undan-
úrslitum Evrópumótsins. Leikurinn verður í beinni textalýsingu á mbl.is.
STRÁKARNIR OKKAR GLEYMDU SÉR Í FÓTBOLTANUM
Morgunblaðið/Kristinn
 Arnór Atlason, stórskytta ís-
lenska handknattleiksliðsins, er í
viðtali í Sunnudagsmogganum í
dag. Arnór, sem hefur farið á kost-
um úti í Vínarborg á Evrópu-
mótinu, vill meina að silfrið á Ól-
ympíuleikunum hafi ekki verið
heppni, liðið sé einfaldlega helvíti
gott, svo notuð séu hans eigin orð.
„Það þýðir ekkert að vera bara
sáttur við að ná árangri, það verður
að gera það að lífsstíl,“ segir Arnór
sem hefur átt í hnjámeiðslum og
þurft að fara í stóra aðgerð. Hann
segist hafa verið á báðum áttum um
hvort hann ætti að gefa kost á sér í
landsliðið.
Var á báðum áttum um hvort
hann ætti að gefa kost á sér
 Yfirheyrslur
yfir fjórum Ís-
lendingum sem
grunaðir eru um
stórfelld brot á
lögum um gjald-
eyrisviðskipti
stóðu fram á
nótt. Mennirnir
eru taldir hafa
farið framhjá gjaldeyrishöftum og
eru viðskiptin talin hafa skapað
verulegan hagnað fyrir fjórmenn-
ingana og um hundrað umbjóð-
endur þeirra. Hin meintu ólöglegu
viðskipti nema 13 milljörðum króna
og eru talin hafa unnið gegn til-
raunum stjórnvalda og Seðlabank-
ans til að styðja við gengi krón-
unnar. Mennirnir eru grunaðir um
að hafa tekið við gjaldeyri í gegn-
um sænskt fyrirtæki og haft milli-
göngu um kaup á íslenskum krón-
um á aflandsmarkaði, þar sem verð
þeirra var 15-40% lægra en hér á
landi. Hámarksrefsing við brotum
af þessu tagi getur verið tvö ár. »6
Grunaðir um stórfelld brot
„ÞAÐ kom á daginn að það er alveg
hægt að ræða við þessa menn,“ segir
Sigmundur Davíð Gunnlaugsson,
formaður Framsóknarflokksins, um
fundinn með Bretum og Hollend-
ingum. Hann segist eftir fundinn
vera bjartsýnn á að hægt verði að ná
nýjum samningum sem verði hag-
stæðari fyrir okkur Íslendinga.
Geta ekki úttalað sig
Bjarni Benediktsson, formaður
Sjálfstæðisflokksins, er bjartsýnn á
að hægt sé að ná árangri í málinu.
„Vilji er allt sem þarf. Þetta mál
er á viðkvæmu stigi og það er ekki
hægt að úttala sig um allt það sem
menn eru að hugsa um. Menn verða
auðvitað að geta þreifað á ýmsum
sviðsmyndum sem eru dregnar upp
án þess að úttala sig um þær. Þau
skilaboð sem ég fór með inn á þenn-
an fund eru nákvæmlega þau sömu
og við höfum talað fyrir hér heima.
Þetta var ekki samningafundur,“
sagði Bjarni.
Vongóðir
í kjölfar
fundarins
„Hægt að tala
við þessa menn“
«HEIMAÞJÓNUSTA
SNÝST UM AÐ
BÆTA LÍFSGÆÐI