SunnudagsMogginn - 27.02.2011, Blaðsíða 34

34 27. febrúar 2011
S
öfnunarátaki styrktarfélagsins
Lífs var nýlega hleypt af stokk-
unum og lýkur því með lands-
söfnun í beinni útsetningu á Stöð
2 föstudaginn 4. mars. Markmiðið er að
safna fé til að ljúka endurbótum sem þeg-
ar eru hafnar á kvennadeildinni og nú-
tímavæða hana. Hluti söfnunarfjárins fer
til uppbyggingar kvenlækninga þar sem
bæta þarf aðstöðu fyrir sjúklinga og að-
standendur ásamt því að endurnýja
tækjabúnað.
Ljóst er að verulegra úrbóta er þörf á
kvennadeildinni en húsnæðið var byggt
1974 og kominn tími á meiriháttar end-
urbætur.
LSH er ekki aðeins svæðissjúkrahús
fyrir höfuðborgina og nágrenni heldur
þjónar allri landsbyggðinni. Á deildinni
fara fram um 70% fæðinga á landinu auk
annarra kvenlækninga, eins og lækninga
vegna krabbameins í legi og brjóstum.
Markmið Lífs er að nútímavæða deildina
og tryggja að konum og börnum séu
búnar bestu hugsanlegar aðstæður fyrir
fæðingar og til að dafna og þrífast í lífinu.
Nánari upplýsingar er að finna
www.gefdulif.is.
Hlúð að lífinu
Styrktarfélagið Líf stendur fyrir landssöfnun
fyrir kvennadeild Landspítalans en markmiðið
er að nútímavæða deildina. Á hverjum degi fer
þar fram umfangsmikið starf sem tekur til
margra þátta.
Texti: Inga Rún Sigurðardóttir ingarun@mbl.is
Myndir: Kristinn Ingvarsson kring@mbl.is
Meðgöngu- og sængurkvennadeildir voru sameinaðar í eina deild 22A árið 2009. Margar konur þurfa
að dvelja á deildinni á meðgöngu eins og Hildur Karen Aðalsteinsdóttir. Hún segir mikið öryggi fylgja
því að vera í faglegum höndum. Hér er ljósmóðirin Ásdís Pétursdóttir að hlusta eftir hjartslætti.
Hér er Harpa Hilmarsdóttir hjúkrunarfræðingur og aðstoðardeildarstjóri kvenlækn-
ingadeildar 21 A að störfum inni í lyfjaherberginu. Alls eru 24 rúm inni á deildinni, sem er í
senn dag- og legudeild fyrir konur með bráða kvensjúkdóma og konur sem þurfa skurð-
aðgerð vegna góðkynja eða illkynja sjúkdóma í grindarholi og brjóstum.
Konur koma og fara og því þarf að búa um ófá rúmin en Ásta Lóa og Ásdís tóku það að sér í
þetta skiptið. Sængurlegutími er 3-6 dagar og miðast við aðstæður hverju sinni.
Um helmingur deildar 22A var endurnýjaður sumarið 2009 en eftir stendur hálfur gangur með húsnæði sem nýt-
ist illa. Til dæmis er þessi stofa notuð sem geymsla því sjúklingarúm komast ekki inn um dyrnar.
Ljósmóðirin Helga Ólöf Eiríksdóttir og Rannveig Rúnarsdóttir deild-
arstjóri að störfum inni á vakt.
Hér er brjóstaráðgjafi með kennslustund. Anna Lára Kolbeins notast við dúkku og heklað
brjóst í mikilvægri sýnikennslu sinni fyrir nýbakaða foreldra á deildinni. Tveir brjóstaráð-
gjafar starfa við deildina og er mikil eftirspurn eftir kröftum þeirra.