SunnudagsMogginn - 24.07.2011, Qupperneq 8

8 24. júlí 2011
David H. Petraeus hefur lag á
því að vinna traust manna. Ég
fylgdi mörgum herforingjum á
fundi með Írökum og enginn
hafði viðlíka lag á að vinna
traust þeirra og Petraeus. Það
átti eftir að reynast mikilvægt í
því að snúa stöðunni í Írak þegar
hann tók við yfirstjórninni þar.
Hann vakti líka með manni
mikla vinnulöngun. Allir sem
unnu með honum gerðu það
glaðir langt fram á nótt, því
menn trúðu á það sem hann
stóð fyrir. Hann var einstaklega
vinalegur í stjórnun sinni og
skipti sjaldan skapi. En ef þess
þurfti átti hann það til. Ég sá
hann einu sinni reka bandarísk-
an tveggja stjörnu herforingja
afþví að hann tæki of mikið
pláss. Hann sagði að hann sog-
aði til sín meira en hann gæfi frá
sér. Hann hafði næmt auga fyrir
samstarfsfólki. Einsog á öðrum
starfsviðum samfélagsins þá
geta vitleysingar náð langt í
hernum. Hann var með afburða-
fólk í kringum sig sem fylgdi
honum í hvern leiðangurinn á
fætur öðrum og það kæmi manni
ekki á óvart ef þeir fylgdu hon-
um líka inní CIA.
Stjórnunarstíll Petraeus í Írak
Þegar sá orðrómur kom upp að Petraeus færi hugsanlega í forsetaframboð fóru demókratar að uppnefna David
Petraeus, David Betray us. Uppnefni, baknag og níð er allstaðar fylgifiskur pólitíkurinnar.
Getty Images
B
úið er að skipa David Howell Petraeus yf-
irmann CIA (Central Intelligence Agency) í
Bandaríkjunum. Áður en ég hóf störf sem
blaðamaður á Morgunblaðinu var ég fimmtán
mánuði friðargæsluliði í Írak eða á árunum 2005 og 2006
og var Petraeus um helming þess tíma yfirmaður minn,
en þá var hann yfir bæði MNSTC-I og þjálfunarbúðum
NATO, en markmiðið í þeim leiðangri var að byggja upp
íraska herinn. Seinna varð hann yfirmaður alls leiðang-
ursins í Írak og vilja margir meina að hann hafi breytt
stöðunni verulega til hins betra.
Ferillinn
Patreus kláraði námsárin sín með toppeinkunnir og
hafði náð einnar stjörnu herforingjatign þegar hann
stýrði herdeildum NATO í Bosníu-Herzegóvínu. Hann
stýrði síðan herdeildum sínum í innrásinni í Írak árið
2003 til Bagdad og var eftir innrásina settur yfir norður-
hluta landsins. Hann kom ró á svæðið með því að dæla
peningum inná það til uppbyggingu háskóla, heilsu-
gæslu og almenningsþjónustu. Eftir honum er höfð
setningin: Peningar eru skotfæri okkar. Ég þekkti
nokkra sem störfuðu undir hans stjórn á þeim tíma og
þeir gagnrýndu hann helst fyrir að sýna andstæðingum
sínum of mikla linkind. En friður komst á Mosul svæðið
meðan hann stýrði því og ófriður braust aftur út eftir að
hann hafði verið færður til Bagdad. Hann sinnti síðan
uppbyggingu íraska hersins í Bagdad áður en hann var
skyndilega færður aftur til Bandaríkjanna og settur yfir
herskóla. Hann hafði um það leyti birst nokkrum sinn-
um á forsíðu stórblaða og tímarita einsog Newsweek og
sú saga gekk í Bagdad að valdamiklum mönnum hefði
fundist hann vera orðinn of mikil rokkstjarna á meðal
fjölmiðlamanna.
Sneri taflinu við í Írak
Hann var síðar kallaður aftur til Írak og settur yfir leið-
angurinn allan árið 2007. Hann snarsneri taflinu við og
andspyrna við írösk yfirvöld og bandaríska herliðið
molnaði. Það mikilvægasta við þann árangur var að
hann náði að fá súnní-múslima til liðs við sig. Súnní-
múslimar eru í minnihluta í Írak en höfðu öll völd í sín-
um höndum fyrir innrásina og því nýtur andspyrnan
mests stuðnings hjá þeim. Sumir vilja samt meina að sú
aðferð hans að vopna súnní-hópana sem studdu yf-
irvöld og láta þá um að brjóta niður andspyrnuna innan
súnní-múslima geti reynst hættuleg til langs tíma litið.
Því þessir hópar eru enn vopnaðir og gætu snúist aftur á
sveif með andspyrnuhópunum.
Afganistan
Patreus var síðan gerður að yfirmanni bandaríska her-
aflans í Afganistan og þótti standa sig vel þar þótt að-
koma hans yrði ekki jafn áhrifamikil og í Írak. Heima í
Bandaríkjunum var hann oft nefndur sem líklegt for-
setaefni fyrir repúblikana og því kom það óvart að
demókratinn Barack Obama skyldi útnefna hann sem
yfirmann bandarísku leyniþjónustunnar. En hugsanlega
var það klókt hjá Barack Obama því ekki fer hann fram á
meðan.
Petraeus veitti undirrituðum orðu úti í Írak en þess ber að geta að ekki þarf að fremja neina hetjudáð til að
hljóta slíkt, bara vinna vinnuna sína.
Nýr yfir-
maður CIA
í Banda-
ríkjunum
Barack Obama skip-
aði repúblikana
sem yfirmann CIA
Vikuspegill
Börkur Gunnarssonborkur@mbl.is
ENN MEIRI m.mbl.is
- V I L T U V I T A M E I R A ?
Fleiri efnisflokkar, vefsjónvarp mbl, Smartland
og margt fleira er meðal nýjunga sem þú
getur nálgast í símanum þínum.
Fáðu fréttirnar þegar þú vilt.
www.m.mbl.is
m.mbl.is var valinn farsímavefur ársins fyrir árið 2010.
NÚ ÆTLUM VIÐ AÐ GERA ENN BETUR 2011.