SunnudagsMogginn - 24.07.2011, Blaðsíða 38

38 24. júlí 2011
S
nemma árs 1972 hlaut Indriði G. Þorsteinsson Silfurhestinn,
verðlaun sem bókagagnrýnendur dagblaðanna í Reykjavík
stóðu að. Viðurkenningu þessa fékk Indriði fyrir bókina
Norðan við stríð, minningar hans frá æskuárum á Akureyri
þegar hernám Breta setti sterkan svip á allt mannlíf í bænum. Rit-
dómarar voru því sem næst á einu máli um að þessi bók Indriða væri
sú besta sem komið hefði út á árinu 1971, en aðrar sem komust á blað
voru meðal annars Rímblöð Hannesar Péturssonar, Orð skulu standa
eftir Jón Helgason og Gunnar og Kjartan eftir Véstein Lúðvíksson.
Margir íslenskir rithöfundar sóttu sér efnivið í styrjaldarárin, um-
skiptin miklu þegar íslenskt þjóðfélag tók á einni nóttu risastökk frá
hægfara bændasamfélaginu inn í kviku þeirrar miklu gerjunar sem
hernáminu fylgdi. „Hernámið þeytti okkur upp í loftið og svo lentum
við ósköp praktískt mitt í nýjum heimi,“ sagði Indriði í viðtali við
Morgunblaðið í desember 1971 þar sem hann ræddi um hernámið og
uppvaxtarár sín við Norðurgötuna í höfuðstað Norðurlands.
79 af stöðinni var fyrsta skáldsaga Indriða. Hún kom út árið 1950 enGæðingar Jóhann Hjálmarsson afhendir Indriða G. Þorsteinssyni gagnrýnendaverðlaunin Silfurhestinn
Morgunblaðið/Ólafur K. Magnússon
Myndasafnið Janúar 1972
Lentum aftur
í nýjum heimi
E
ngin kvikmynd hefur rakað inn
fleiri dollurum frumsýningarhelg-
ina vestra en síðasta kvikmyndin
um Harry Potter – í bili að minnsta
kosti – en á þremur dögum komu tæpar 169
milljónir dollara í kassann í Bandaríkjunum
og Kanada.
Aðsóknin hefur einnig verið gríðarleg á
Harry Potter og dauðadjásnin víðar á jarð-
arkringlunni og fyrstu tölur bentu til að hún
yrði um helmingi meiri en á fyrri hluta
myndarinnar, sem frumsýndur var í fyrra.
Þetta þarf svo sem ekkert að koma á óvart, því almennt hafa kvik-
myndirnar lukkast vel og bækurnar seldust í bílförmum. Er þess
skemmst að minnast að fyrir fjórum árum seldist sjöunda og síðasta
bókin um krakkana í Hogwartsskóla í 8,3 milljónum eintaka, ef marka
má Heimsmetabók Guinness.
Fleira er í vændum úr töfraheimi Potters, því nýverið tilkynnti höf-
undurinn J.K. Rowling, að Pottermore yrði hleypt af stokkunum í
október, en það er kynnt sem „einstök lestrarupplifun á Netinu“. Í
myndbandi á Youtube, sem kann að hafa vakið fleiri spurningar en það
svaraði, sagði Rowling að þar gætu aðdáendur Potters á öllum aldri
endurupplifað sögurnar um Harry Potter. „Þetta er sama sagan með
nokkrum mikilvægum viðbótum,“ sagði hún. „Sú mikilvægasta ert
þú.“
Ráða má af myndbandinu að eingöngu á Pottermore verða rafrænu
bækurnar um Potter seldar, en nýverið var afhjúpað samstarf Rowling
og Google þar um. Á vefsíðunni Pottermore.com kemur fram að vef-
urinn verði „spennandi upplifun á Netinu, byggð í kringum lesturinn á
bókunum um Harry Potter“. Jafnframt stendur þar: „Komdu aftur 31.
júlí til að komast að því hvernig þú getur fengið tækifæri til að komast
snemma inn á Pottermore.“
Í myndbandinu á Youtube segir Rowling um það: „Pottermore verð-
ur opið öllum frá október, en fáeinir heppnir komast snemma inn og
hjálpa til við að móta þessa upplifun. Eltu bara ugluna.“
Í þessu tilfelli eru „fáeinir“ fyrstu milljón aðdáendurnir sem
ljúka þraut á vefnum 31. júlí, en það er afmælisdagur Harrys
Potters. Daginn eftir munu þessir „fáeinu“ fá tækifæri til að velja
sér nafn, ganga í Hogwartsskóla og upplifa fyrstu söguna um
viskusteininn. Önnur bókin um leyniklefann verður sett á vefinn
snemma árs 2012. „Um leið og þú ferðast á milli kafla, þá get-
urðu lesið texta, sem Rowling skrifar sérstaklega fyrir vefinn,“
stendur í tilkynningunni.
Annars situr Rowling ekki auðum höndum. „Ég mun gefa
aftur út,“ sagði hún í viðtali á BBC. „Ég hef skrifað af kappi síðan
ég lauk við dauðadjásnin, svo ég á mikið af efni og ég þarf
væntanlega að taka ákvörðun um hvað kemur út fyrst.
Á vissan hátt var þetta upphaf fyrir mig, ekkert síð-
ur en endalok.“ Á meðal þess sem hún hefur
nefnt í fyrri viðtölum er pólitískt ævintýri fyrir
aðeins yngri börn og einnig alfræðiorðabók
um Potter-heiminn, ef til vill er þó Potter-
more ígildi hennar. Þá hefur hún nefnt að
hún stefni á að skrifa fyrir fullorðna.
Eins og bækurnar um Harry Potter
séu það ekki!
Lokamyndin um Harry Potter er á
hvíta tjaldinu þessa dagana, en höf-
undurinn hefur ekki sagt sitt síðasta
orð og leikararnir hafa ýmislegt fyrir
stafni.
Pétur Blöndal pebl@mbl.is
Tom Felton, Emma Watson, Daniel Radcliffe, Rupert Grint og hinn
mannalegi Matthew Lewis, sem leikur Neville í myndunum.
Endalokin
marka
upphafið
Skaparinn J.K. Rowling.
Radcliff og Ralph Fiennes í
hlutverkum erkifjendanna
Potters og Voldemorts.
Frægð og furður
Emma Charlotte Duerre
Watson, sem leikur Her-
mione Granger, fæddist í
París árið 15. apríl árið
1990. Tökum er lokið á
tveimur næstu kvikmynd-
um hennar. Vika með Mari-
lyn eða „My Week With
Marilyn“ fjallar um stirð
samskipti Marilyn Monroe
og Sir Laurence Olivier við
tökur á myndinni „The Prince and the Show Girl“. Wat-
son er í aukahlutverki og á meðal mótleikara er Ken-
neth Branagh, sem lék prófessor Gilderoy Lockhart í
Leyniklefanum. Þá er Watson í einu aðalhlutverka í
„The Perks of Being a Wallflower“, sem fjallar meðal
annars um kynlíf, eiturlyf og flókin ástarsambönd.
Emma Watson
Daniel Jacob Radcliffe,
sem leikur Harry Potter,
er fæddur í Fulham, Lund-
únum, 23. júlí árið 1989.
Það vakti athygli er hann
kom nakinn fram í leikrit-
inu Equus á West End árið
2007, þá sautján ára
gamall, og aftur á Broad-
way árið 2009. Tökur
hafa þegar farið fram á
næstu kvikmynd sem rat-
ar á hvíta tjaldið með honum í aðalhlutverki, en hún
nefnist Konan í svörtu eða „The Woman in Black“. Á
meðal mótleikara er Ciarán Hinds, sem fer með hlut-
verk Aberforth Dumbledore í lokamyndinni um
Potter.
Daniel Radcliffe