SunnudagsMogginn - 24.07.2011, Blaðsíða 40

40 24. júlí 2011
Lífsstíll
A
f hverju skrifar þú ekki pistil um golf? Nú
er meistaramótið í fullum gangi,“ stakk
faðir minn upp á um daginn þegar ég fal-
aðist eftir hugmyndum að lífsstílsefni hjá
fjölskyldunni. Faðir minn og kona hans búa nærri því
á golfvellinum á sumrin svo þessi uppástunga kom
mér svo sem ekki á óvart. Helsti
gallinn á þessari hugmynd var sú að
sjálf hef ég lítinn sem engan áhuga á
golfi. Þó ég skilji alveg að hægt sé
að sökkva sér algjörlega ofan í það
eins og önnur áhugamál. Enda virð-
ist ekki annað hægt á sumrin. Ef
fólk er ekki að æfa sig og spila sér
til skemmtunar þá er það á mótum.
Það liggur við að ég þurfi að halda
dagbók yfir þetta. Eða ekki. Ég veit
að ef faðir minn er ekki heima á
sumrin þá er hann í golfi. Líka þeg-
ar hann er óvenju rauður á enninu og með bónda-
brúnku á höndunum hefur hann gleymt sólarvörn-
inni á vellinum þann daginn. Hann hefur vissulega
reynt að draga mig með. Ég fór meira að segja heilan
hring einu sinni og þótti víst hafa ágæta sveiflu. En
ég hef þó hingað til bara haldið áfram að nýta mér
hana á dansgólfinu. Það er örugglega alveg ágætt að
spila golf ef maður hefur einhverja hugmynd um
hvað maður er að gera. Í mínum skilningi er örn
fuglategund og fjórir á pari einhvers konar svefn-
herbergisiðja sem ég næ ekki einu sinni að hugsa til
enda. Þó held ég að aðallega sé ég of óþolinmóð til að
stunda golf.
Ég vil að mín hreyfing innihaldi
hopp og skopp og að í útivist sé
innifalin lautarferð og kósíheit. Ég
held að það myndi ekki vekja mikla
lukku ef ég hlammaði mér niður á
sjöttu braut og færi að narta í sam-
loku og lesa bók ... Einhvern veginn
sé ég frekar fyrir mér að golf verði
eitthvað sem ég grípi í síðar meir.
Svona á milli þess sem ég passa
barnabörnin og baka pönnukökur.
Þó er óvíst að þetta plan geti orðið
að veruleika þar sem það er víst
best að byrja að æfa sig sem allra fyrst. En ég get þá í
versta falli kannski slegið úr einni fötu eða spreytt
mig í mínígolfi. Haft það síðan notalegt í klúbbhús-
inu á eftir. Hefði reyndar ekkert á móti því að eyða
letilegum dögum í einu slíku. Þau eru mörg hver
ekki svo slæm. Bara svo lengi sem ég þyrfti ekki að
spila mikið golf ...
Hola í
höggi
Golf á hug margra nú á þessum
árstíma. Golfboltar fljúga og
skorkort fyllast. Einhverjum
finnst þó alveg nóg að kíkja
bara í klúbbhúsið.
María Ólafsdóttir maria@mbl.is
Það væri nú ekki amalegt að spila golf hér í góðu veðri fyrir þá sem hafa gaman að slíku.
Morgunblaðið/Eggert
’
Einhvern veginn
sé ég frekar fyrir
mér að golf verði
eitthvað sem ég grípi í
síðar meir. Svona á
milli þess sem ég passa
barnabörnin og baka
pönnukökur.
Mary Stuart Skotadrottningu fannst ekki leiðinlegt að
spila golf og átti það sinn þátt í auknum vinsældum
íþróttarinnar þar í landi. Mary Stuart hlýtur nú að hafa
átt sæmilegar græjur og vakið nokkra athygli á golfvell-
inum. Enda ekki bara konungborin heldur líka kona og í
reynd ein fyrsta konan til að stunda golf í Skotlandi.
Þetta golfstand hennar ku þó ekki hafa valdið almennu
fjaðrafoki fyrr en hún sást úti á golfvelli aðeins nokkr-
um dögum eftir lát eiginmanns síns. Heldur þótti það
það nú óviðurkvæmilegt en kannski var hún bara að
reyna að dreifa huganum, blessunin.
Skosk golfdrottning
Ekki er ólíklegt að Skotadrottning hafi átt einn svona.
Ljósmynd/Kristinn Ingvarsson
Það er rétt að
hafa í huga að
ákveðnar reglur
um klæðaburð
gilda á golf-
völlum. Sumir
kunna að fussa
og sveia yfir slíku
en svona eru nú
hefðirnar innan
golfheimsins.
Gallabuxur og
hlýrabolir eiga
ekki heima á
golfvellinum. Þar
gildir að sýna
minna en meira
og margir leggja
sig fram við að
vera dálítið
smart. Golffötin
eru oft litrík og
því hægt að eiga skemmtilegan fataskáp með slíkum
fötum rétt eins og hinum. Það er þó alls engin regla að
maður þurfi að mæta uppdressaður á völlinn. Aðal-
málið er að vera snyrtilegur og virða þær reglur sem
gilda á hverjum velli fyrir sig.
Litrík á vellinum
Þessi er alveg óhræddur við litagleði
Reuters
Golf getur ekki bara verið skemmti-
legt heldur líka gott fyrir heilsuna og
hjartað. Þetta má ekki þakka því að
sveifla golfkylfunni heldur öllu
þramminu á golfvellinum. Ef þú spilar
18 holur þrisvar til fimm sinnum í
viku fær hjartað passlegan skammt
af álagi og ef þú dregur golfpokann á
eftir þér eykst brennslan.
Góður útbúnaður mikilvægur
Algengustu meiðslin í golfi verða á
öxlum, höndum og úlnliðum auk
þess sem sumir finna fyrir óþæg-
indum í olnboganum. Enda getur
sveiflan haft áhrif á ýmsa staði á efri
hluta líkamans og þá má ekki gleyma
bakvöðvunum. Til að halda lík-
amanum í góðu ásigkomulagi í gegn-
um þetta allt saman er mikilvægt að
hita sig vel upp og teygja síðan vel á
á eftir. Teygðu sérstaklega vel á
baki, öxlum og höndum og hitaðu
upp í tíu mínútur áður en þú heldur
af stað golfhringinn. Fyrir þá sem eru
að byrja er mikilvægt að fara í
kennslu. Bæði til að auka færni og
til að tryggja að maður sé ekki að
beita sér vitlaust. Góður útbúnaður
skiptir líka máli, sokkar, hanskar og
annað slíkt. Ef þú finnur fyrir óþæg-
indum einhvers staðar er mikilvægt
að taka á því strax til að koma í veg
fyrir endurtekin meiðsli. Svo er nátt-
úrulega þetta gamla góða eins og að
fara í heitt og gott bað eða heitan
pott á eftir og láta þreytu og harð-
sperrur líða úr sér.
Upphitun er
mikilvæg
Morgunblaðið/Kristinn