SunnudagsMogginn - 24.07.2011, Side 10

10 24. júlí 2011
F
yrir nokkrum vikum gerði ég það að umtalsefni á
þessum vettvangi, að ég teldi að RÚV og Stöð 2 væru
iðulega á gráu svæði, jafnvel sótsvörtu, þegar kæmi að
auglýsingahléum inni í dagskrárliðum, kostun og
áfengisauglýsingum. Sú umfjöllun vakti að sönnu litla kátínu
meðal sumra, en um það er mér nú einu sinni slétt sama.
Ég ætla að halda mig á svipuðum miðum í dag, en beina þó
meira spjótum mínum að ákveðnum auglýsendum, en „fjöl-
miðlaveitunum“ eins og það svo skelfilega er orðað í fjölmiðla-
lagabastarði Katrínar Jakobsdóttur, menntamálaráðherrans í
barneignarfríi.
Eins og ég hef stundum vikið að á þessum vettvangi, við af-
skaplega takmarkaða hrifn-
ingu lesenda, er ég áhuga-
maður um knattspyrnu og
fylgi mínu liði, Víkingi, í alla
þá leiki sem ég kemst, til þess
að hvetja þá áfram, með
heldur takmörkuðum árangri
þessar vikurnar, því miður.
Félagið er nú í fallsæti.
Ég fylgdist eins og ég gat
með leikjunum á EM 21 fyrr í
sumar og sá flesta leiki ís-
lenska liðsins, mér til lítillar
kæti. Dáðist hins vegar mikið
að leik Svisslendinga og
Dana, sem mér fannst vera
gæðaflokkum fyrir ofan okk-
ar ágætu „Vormenn Íslands“.
Annars fannst mér Spánn
bera af í þessu móti og vinna
fyllilega verðskuldaðan sigur
á Sviss í úrslitaleiknum.
Við áhorf á EM 21 leikj-
unum var það einkum tvennt
sem fór fyrir brjóstið á mér,
sem lýtur að þætti auglýsenda. Í fyrsta lagi var það síendurtekin
auglýsing frá smálánafyrirtækinu Kredia, sem auglýsti okurlán
sín undir eftirfarandi texta: „Við lánum þér ekki fyrir ferð á
EM, en við lánum þér fyrir fótbolta.“
Svona auglýsingu var vitanlega ætlað að fá hljómgrunn hjá
ungu áhorfendunum að EM 21 leikjunum. Ungu áhorfendunum,
sem hafa takmarkað vit á fjármálum og þjást að ég held flest af
fjármálaólæsi. Með svona óábyrgum auglýsingum er Kredia að
hvetja þau til þess að eyða fyrst, afla svo. Það er verið að hvetja
þau til þess að sýna af sér fullkomið ábyrgðarleysi í fjármálum
og það er verið að höfða til þeirra í skjóli þess að þau vita ekki
betur. Þetta er auvirðileg framkoma af þessum okurlánafyr-
irtækjum, sem á ársvísu heimta mörg hundruð prósenta vexti
af lánum sínum.
Hvers vegna í ósköpunum ætti unga fólkið að slá lán til þess
að kaupa sér fótbolta?! Er ekki vitinu nær að ala unga fólkið
okkar upp á hinu svokallaða „Nýja Íslandi“ með það að leið-
arljósi að það geri sér grein fyrir því að betra er að afla fyrst,
eyða svo?
Hvernig væri fyrir okurlánarana og hrææturnar, sem reyna
að festa unga fólkið í vef skulda og okurvaxta, að hætta að gera
út á reynslu- og þekkingarleysi fórnarlambanna en fá sér þess í
stað heiðarlega atvinnu, sem skilar þeim og samfélaginu arði og
uppbyggingu, í stað þess að skilja eftir sig slóð bruna og
óþverraskapar sem felst í tilraunum þeirra til þess að gera ungt
fólk á Íslandi að vonlitlum skuldurum sem munu komast að því
einn góðan veðurdag að þeir hafa látið hrægammana hafa sig að
fíflum?
Hitt atriðið, sem pirraði mig óumræðilega og beinist að aug-
lýsendum, var að í kringum beinar útsendingar RÚV á leikj-
unum, birtist, ég veit ekki hvað oft, auglýsing frá danska bjór-
framleiðandanum Carlsberg mikið sjónarspil frá leikstúku í
Danmörku, með fylgitextanum: „Þetta kallar á Carlsberg.“
Flestir áhorfendur að þessum leikjum voru sjálfsagt ung-
menni og margir undir lögaldri. Áfengisauglýsingar eru bann-
aðar í öllum fjölmiðlum á Íslandi, en samt sem áður leyfa Carls-
berg og RÚV sér í sameiningu birtingu sem þessa, þar sem
markhópurinn er augljóslega unga fólkið. Hvenær á að bregðast
við þessum ósóma?
Okurlán og
fjármálalæsi
Agnes segir
Agnes Bragadóttir
agnes@mbl.is
’
Er ekki vitinu
nær að ala
unga fólkið
okkar upp á hinu
svokallaða „Nýja Ís-
landi“ með það að
leiðarljósi að það geri
sér grein fyrir því að
betra er að afla fyrst,
eyða svo?
Tryggvi G. Sveinbjörnsson rek-
ur ásamt eiginkonu sinni, Önnu
Höllu Emilsdóttur, fjölskyldu-
fyrirtækið FAB travel ehf. á Ak-
ureyri og börnin fjögur koma öll
að rekstrinum.
FAB er stytting á Free as a
bird, frjáls eins og fuglinn; jafn-
vel á fabulous, stórkostlegur,
segir Tryggvi. „Við veitum per-
sónulega þjónustu, leysum
hvers manns vanda ef þess er
nokkur kostur.“
Tryggvi lýsir mánudeginum.
6.00 Vakna alltaf á sama tíma.
Það er gamall vani frá því ég ólst
upp í sveitinni, á Hrísum í Eyja-
firði.
6.05 Búinn að hella upp á!
Svart kaffi kemur manni í gang.
Ég drekk kaffi fram að hádegi en
síðan ekki meira þann daginn.
Að þessu sinni vakna ég í Hafn-
arfirði, þar sem við erum með
íbúð.
6.15 Byrja á því að kíkja á
tölvupóstinn í fartölvunni sem
ég er alltaf með mér. Svara pósti
og geri uppkast að tveimur
bréfum.
Það er nóg að gera. FAB opn-
aði fyrr í sumar upplýsinga-
miðstöð fyrir ferðamenn neðst
við Strandgötu á Akureyri, þar
sem skemmtistaðurinn Vél-
smiðjan var áður, steinsnar frá
Oddeyrarbryggju þar sem flest
skemmtiferðaskip leggjast að. Í
húsinu er líka ferðamannaversl-
un sem fyrirtækið ITA í Reykja-
vík rekur, kaffihús og Gallerý
Grána þar sem 16 lista- og
handverksmenn reka verslun á
eigin vegum.
9.00 Hringi fjögur símtöl til
að ná í tvo menn vegna nýs
verkefnis sem við erum að vinna
að.
9.30 Hringi norður í Sig-
urbjörgu framkvæmdastjóra
sem var að koma úr fríi og son-
inn Halldór sem hefur stjórnað
fyrir norðan á meðan við for-
eldrarnir vorum í burtu. Við
réðum Sigurbjörgu í starf fram-
kvæmdastjóra í fyrra haust og
síðan hef ég verið Grand old
man...
Eftir að Sigurbjörg hóf störf
hjá okkur hef ég dregið mig
mikið út úr daglegu amstri en er
meira í hugmyndavinnu og að
þróa reksturinn. Við erum
smám saman að færa okkur úr
því að vera bara með rútu-
rekstur yfir í að vera alhliða
markaðs- og ferðaskrifstofa. Ég
vil reyna að efla Norðurland sem
ferðamannasvæði og koma því
betur á kortið. Það hefur dregið
úr ferðum útlendinga út á land
og þeirri þróun vil ég reyna að
snúa við.
10.00 Við Anna Halla förum
að útrétta og tökum dótt-
urdóttur okkar með. Látum
skipta um dekk á einum bílanna
og smíða aukalykil í annan. Við
erum með sex rútur, frá 8 til 48
manna, og það þarf ýmislegt að
snúast í kringum þær.
12.30 Förum upp á líkn-
ardeild Landspítalans og sitjum
hjá mágkonu minni í góða
stund. Hún hefur barist hetju-
lega við krabbamein í fjögur ár
en nú er orðið ljóst að krabbinn
er að ná yfirhöndinni.
15.00 Fer heim í íbúð, pakka
lítilræði ofan í tösku og keyri
svo til Keflavíkur.
16.00 Vél Iceland Express
frá Gautaborg lenti á réttum
tíma og úr henni koma í bílinn
til mín sænskar konur. Þær ætl-
uðu að hitta landa sína, fleiri
konur, sem von var á með vél
Express frá London skömmu
síðar en henni seinkar töluvert.
Konurnar eru á leið norður í
Skagafjörð í hestaferð.
17.45Konurnar frá London
loksins komnar og við getum
lagt af stað norður í land.
20.15Kominn í Staðarskála.
Stoppa þar í svolitla stund og ég
fæ mér að borða. Geri annars
lítið af því yfir daginn.
21.30 Kominn á Sauðárkrók
og kveð þær sænsku sem fara
glaðar út á leiðarenda.
23.00 Kominn heim til Ak-
ureyrar. Erla dóttir mín hafði
eldað kjúkling um kvöldið, ég
borða hann upphitaðan með
bestu lyst. Fæ svo dísæta epla-
köku í eftirrétt. Fjölskyldan
hafði sannarlega ekki gleymt
gamla karlinum...
23.30 Lýk vinnudeginum
með því að svara nokkrum
tölvupóstum og fer svo í bað.
Fer sem sagt ekki snemma að
sofa þann daginn, þótt ég sé
kvöldsvæfur. Maður þarf minna
að sofa á sumrin en veturna. Ég
þarf að vera klár klukkan sex í
fyrramálið.
skapti@mbl.is
Dagur í lífi Tryggva G. Sveinbjörnssonar eiganda FAB ferðaþjónustu
Tryggvi G. Sveinbjörnsson safnar gömlum munum; hér er hann við skrifborð sitt, sem lengi var í eigu Pálma
Kristjánssonar kennara þriggja kynslóða í Saurbæjarhreppi. Olíulampinn er frá Tjörnum í Eyjafjarðarsveit.
Morgunblaðið/Skapti Hallgrímsson
Vill beina fleiri út-
lendingum norður