Fréttablaðið - 14.10.2011, Qupperneq 8

14. október 2011 FÖSTUDAGUR8
JAFNRÉTTISMÁL Konur voru aðeins fjórðungur
fulltrúa í nefndum á vegum sjávarútvegs- og
landbúnaðarráðuneytisins í fyrra. Þetta kemur
fram í skýrslu Jafnréttisstofu um nefndir, ráð
og stjórnir á vegum ráðuneytanna. Hlutfall
kvenna var lakast í nefndum á vegum sjávarút-
vegs- og landbúnaðarráðuneytisins.
Konur skipuðu í heild 40 prósent nefndar-
sæta á vegum ráðuneytanna og karlar 60
prósent. Hlutfallið var hins vegar ólíkt milli
ráðuneyta og var félags- og tryggingamála-
ráðuneytið eina ráðuneytið þar sem konur
voru í meirihluta nefnda í fyrra. Þær voru 51
prósent nefndarmanna á móti 49 prósentum
karla, en í heilbrigðisráðuneytinu voru hlutföll
kynjanna hnífjöfn. Í öðrum ráðuneytum voru
karlar í meirihluta.
Kveðið er á um kynjakvóta í nefndum,
stjórnum og ráðum á vegum ríkisins í lögum
og á hlutur hvors kyns ekki að vera minni en
40 prósent nema málefnalegar ástæður liggi
að baki.
Helmingur þeirra nefnda sem voru starfandi
á síðasta ári var í samræmi við lög um kynja-
kvóta, en 66 prósent þeirra nefnda sem voru
skipaðar í fyrra uppfylltu skilyrði laganna.
Utanríkisráðuneytið var eina ráðuneytið sem
skipaði þá í allar sínar nefndir samkvæmt lög-
unum. Dóms- og mannréttindaráðuneytið skip-
aði aðeins 38 prósent sinna nefnda í samræmi
við þau. - þeb
Mjög misjafnt er hversu vel ráðuneyti fara eftir lögum um kynjakvóta við skipan í nefndir:
Helmingur nefnda uppfyllir kynjakvóta
UTANRÍKISRÁÐUNEYTIÐ Nefndir sem skipaðar
voru á vegum utanríkisráðuneytisins í fyrra
voru allar í samræmi við lög um kynjakvóta.
FRÉTTABLAÐIÐ/GVA
1 Hvernig vill ný stjórn Danmerkur
breyta konungsvaldinu?
2 Hvaðan eru hljómsveitirnar sem
unnu samkeppni um að spila á
Iceland Airwaves?
3 Hvert verður réttargeðdeildin á
Sogni flutt?
SVÖR:
1. Minnka vægi þess. 2. Frá Bandaríkj-
unum. 3. Á Klepp.
SPRENGJA FJARLÆGÐ Brennuvargarnir
vilja koma af stað „félagslegu eldgosi“.
FRÉTTBLAÐIÐ/AP
ÞÝSKALAND, AP Sextánda bensín-
sprengjan fannst við járnbraut-
arteina í Berlín í gær. Fyrsta
sprengjan fannst á mánudag.
Aðeins ein af sprengjunum
hefur sprungið og olli spreng-
ingin skemmdum á lestarteinum.
Kveikjubúnaður annarrar fór af
stað án þess að sprengjan spryngi.
Brennuvargarnir kenna sig við
íslenska eldfjallið Heklu og segj-
ast vilja koma af stað „félagslegu
eldgosi“ eins og það er orðað í til-
kynningu frá þeim á netinu. Að
öðru leyti er lítið vitað um þennan
hóp.
Ekki er vitað hvenær sprengj-
unum var komið fyrir. Mögulegt
þykir að þær hafi allar verið settar
við teinana um síðustu helgi. - gb
Brennuvargar í Berlín:
Kenna sig við
eldfjall á Íslandi
ESB Framkvæmdastjórn Evrópu-
sambandsins, ESB, hefur ákveðið
að eftir 17. nóvember megi ein-
ungis selja sjálfslökkvandi sígar-
ettur innan aðildarríkjanna.
Fyrirtæki fá engan aðlögunar-
tíma til þess að selja birgðir af
gömlum sígarettum.
Bann við sölu á öðrum sígar-
ettum en sjálfslökkvandi tók gildi
í Finnlandi 1. apríl í fyrra.
Þar fækkaði eldsvoðum af
völdum reykinga um 30 prósent á
tímabilinu apríl til júní miðað við
sama tímabil árið áður.
Sams konar reglur hafa tekið
gildi víða um heim, að því er
sænskir vefmiðlar greina frá. - ibs
Sjálfslökkvandi sígarettur:
Minni bruna-
hætta með
nýjum rettum
Fangelsi eftir árás
Maður á þrítugsaldri hefur verið
dæmdur í eins mánaðar fangelsi
í Héraðsdómi Reykjavíkur fyrir
líkamsárás. Maðurinn sló annan
mann ítrekað í höfuð og handlegg í
stigagangi fjölbýlishúss í Reykjavík.
Hann á sakaferil að baki allt frá 16
ára aldri.
Ákært fyrir kannabis
Þrír karlmenn á aldrinum frá tæplega
þrítugu til fimmtugs hafa verið ákærð-
ir fyrir að rækta 89 kannabisplöntur
í Hafnarfirði. Þá eru tveir mannanna
ákærðir fyrir að hafa haft lítilræði af
kannabisefni í fórum sínum þegar
lögregla hafði afskipti af þeim.
DÓMSMÁL
ST. JÓSEFSSPÍTALI Bæjarstjórn
Hafnar fjarðar mótmælir samhljóma
fyrirhugaðri lokun spítalans.
SVEITARSTJÓRNIR Bæjarstjórn
Hafnarfjarðar mótmælir harð-
lega ákvörðun yfirstjórnar Land-
spítalans um lokun St. Jósefsspít-
ala og krefst þess að hún verði
endurskoðuð og sameining við
Landspítalann dregin til baka.
Ákvörðunin gangi þvert á fyrir-
heit um að St. Jósefsspítali gegni
áfram mikilvægu hlutverki í nær-
þjónustu við Hafnarfirðinga.
„Bæjarstjórn Hafnarfjarðar
krefst þess að staðið verði við lof-
orð velferðarráðherra um samráð
og þegar verði teknar upp við-
ræður milli velferðarráðherra og
Hafnarfjarðarbæjar um hvernig
áframhald starfsemi á St. Jósefs-
spítala verði tryggð,“ segir í sam-
þykkt bæjarstjórnarinnar. - gar
Hörð mótmæli í Hafnarfirði:
St. Jósefsspítala
verði ekki lokað
VARNARMÁL Kreppurnar á Íslandi
eru þrjár: efnahagskreppa, stjórn-
málakreppa og varnarmálakreppa.
Stjórnmálakreppan torveldar
lausnir, bæði á efnahagskreppunni
og varnarmálakreppunni.
Þetta fullyrðir rannsóknarstofn-
un sænska hersins, FOI, í nýrri
skýrslu um ástand öryggismála á
Íslandi. Í skýrslunni er farið vítt
yfir sviðið, stöðu efnahagsmála
lýst og helstu átakalínur stjórn-
málanna kannaðar.
Varnarmálakreppan er sögð
hafa komið í kjölfar einhliða brott-
hvarfs bandaríska hersins frá
Íslandi árið 2006, sem sagt er hafa
leitt af sér biturleika meðal þáver-
andi ráðamanna íslenskra öryggis-
mála en fögnuð meðal þeirra sem
telja Ísland ekki þurfa neinar her-
varnir.
Ferðir erlendra herskipa og
rússneskra herþota vekja, að mati
skýrsluhöfunda, upp spurningar
um það hvort núverandi stefna
Íslands í öryggismálum sé í takt
við þróun öryggismála í okkar
heimshluta.
„Meðan NATO-ríkin efla fjöl-
þjóðasamstarf um heræfingar í
þessum heimshluta, þá sjást engin
merki þess að endurskoðun verði
gerð á stöðu Íslands sem hins
„óvopnaða aðildarríkis NATO“,“
segir í skýrslunni.
„Pólitísk sundrung, ósam-
komulag og vantraust er ráðandi
milli ráðamanna og almennings
á Íslandi,“ skrifa höfundarnir og
taka fram að íslensk stjórnmál
séu frábrugðin því sem tíðkast á
hinum Norðurlöndunum, að því
leyti að minni áhersla er lögð á að
ná samstöðu um þau mál, sem deilt
er um.
„Þetta hefur áhrif á það hvernig
tekið er á kreppum og gerir mönn-
um erfiðara að finna víðtækar
úrlausnir til lengri tíma.“
Kreppurnar hafa þannig gagn-
Sænski herinn telur
öryggi áfátt á Íslandi
Auk kreppu í efnahagsmálum og stjórnmálum er einnig kreppa í öryggismál-
um á Íslandi, að mati rannsóknardeildar sænska hersins sem hefur sent frá sér
skýrslu um ástandið á Íslandi. Pólitískar deilur flækja og tefja stefnumótun.
kvæm áhrif hver á aðra og á
meðan verða heimspólitískar
breytingar á mikilvægi norður-
skautsins, sem ekki er tekist á við
af þeim krafti sem þurfa þyrfti.
Lokaorð skýrslu sænska hersins
um Ísland eru eftirfarandi:
„Ef Íslandi tekst að komast upp
úr kreppunum og þróast smám
saman yfir í eitthvað nýtt með
stöðugleika til lengri tíma – til
þess eru góðar grunnforsendur
– þá væri mikið unnið bæði fyrir
Íslendinga sjálfa og fyrir umheim-
inn. Ef ekki, þá eiga menn á hættu
að enda eins og Guðbjartur Jóns-
son, aðalpersónan í skáldsögu
Halldórs Laxness, Sjálfstæðu
fólki: „Annarra manna brauð er
það versta eitur sem frjáls og sjálf-
stæður maður getur étið.“ Þrjósku-
leg barátta Guðbjarts fyrir algjöru
sjálfstæði og frelsi endaði í fátækt
og harmleik.“ gudsteinn@frettabladid.is
HERÆFING Á KEFLAVÍKURFLUGVELLI Brotthvarf Bandaríkjahers hefur skilið öryggis-
mál á Íslandi eftir í nokkurri óvissu, að mati sænska hersins. FRÉTTABLAÐIÐ/GVA
SAMFÉLAGSMÁL Upplifa kynin tím-
ann á ólíkan máta? Þessari spurn-
ingu mun Guðbjörg Linda Rafns-
dóttir, prófessor í félagsfræði
við félags- og mannvísindadeild
Háskóla Íslands, velta fyrir sér í
fyrirlestri sem hún heldur í dag.
Fyrirlesturinn fer fram á Hall-
veigarstöðum og hefst klukkan
12 á hádegi.
„Ég mun fjalla bæði um eigin
rannsóknir og rannsóknir sem
gerðar hafa verið í Bretlandi og
á hinum Norðurlöndunum. Þær
hafa leitt í ljós að konur og karl-
ar tjá sig mjög ólíkt um tímann,“
segir Guðbjörg
en bætir við að
þetta eigi auð-
vitað ekki við
um hvern ein-
asta karl og
hverja einustu
konu. Kynbund-
ið munstur sé
hins vegar til
staðar.
„Konur tala
eins og þær séu með marga bolta
á lofti í einu á meðan karlar tala
frekar um einstök verkefni sem
þeir skipta niður á tímalínu.
Konur tjá sig meira um tímann
eins og tími þeirra tilheyri öðrum,
það er að segja að þær ráði ekki
fullkomlega yfir því hvernig
honum er ráðstafað. Karlar í sam-
bærilegri stöðu tjá sig meira eins
og þeir hafi völd yfir sínum tíma,
þeir ákveði hvernig þeir hagi
honum,“ segir Guðbjörg.
Þá segir Guðbjörg að í erlend-
um rannsóknum hafi ólík upplifun
kynjanna á tíma verið sett í sam-
hengi við heilsu og líðan. Konur
kvarti meira en karlar yfir vanlíð-
an, þreytu og streitu, en lifi samt
lengur en karlar. - mþl
Fyrirlestur Guðbjargar Lindu Rafnsdóttur á Hallveigarstöðum í hádeginu í dag:
Ólík upplifun kynjanna á tíma
GUÐBJÖRG LINDA
RAFNSDÓTTIR
SLYS Sjö ára drengur stakk sig
á sprautunál í Reykjanesbæ á
miðvikudag. Drengurinn fann
sprautunálina við fjölbýlishús að
Ásbrú.
Farið var með drenginn á
spítala í Reykjavík. Hann fékk
sprautur við lifrarbólgusmiti, en
þarf að halda áfram slíkri með-
ferð næstu mánuði. Frá þessu
var greint í Víkurfréttum. Móðir
hans segir að fyrir skömmu hafi
fundist þrjár nálar á svipuðum
stað og því sé ástæða til að vara
við hættunni af nálum. - þeb
Nálar fundist við Ásbrú:
Sjö ára stakk
sig á sprautunál
VEISTU SVARIÐ?