Fréttablaðið - 14.10.2011, Síða 46

14. október 2011 FÖSTUDAGUR30
folk@frettabladid.is
krakkar@frettabladid.is
„Vildi alveg eiga Pétur
Jóhann fyrir pabba,“ segir
Bára Lind Þórarinsdóttir,
sem leikur stelpuna í
Heimsenda.
Krakkasíðan er
í helgarblaði Fréttablaðsins
Iceland Airwaves ★★
Dikta
Norðurljós í Hörpu
Stemningsleysi
Þrátt fyrir að Dikta sé þekkt sem ein
besta tónleikasveit landsins átti hún
í mestu vandræðum með að ná upp
stemningu í Norðurljósasalnum.
Kannski var sveitin þreytt eftir
tónleikaferð sína um Þýskaland.
Ekki hjálpaði samt til að helmingur
tónleikagestanna sat á miðju gólfinu
nánast allan tímann á meðan hinn
helmingurinn stóð allt í kring. Aðeins
nokkrar hræður stóðu uppi við sviðið
og langmesta lífið var í þeim.
Stórundarlegt svo ekki sé meira
sagt. Einnig hafði það sín áhrif að
meginuppistaðan í tónleikadag-
skránni voru gömul og margspiluð
Diktu-lög. Ferskleikann vantaði og
þegar áhorfendur eru farnir að hrópa
á sveitina að spila ný lög er ljóst að
breytinga er þörf. Tvö ný lög fengu þó
að fljóta með og þau voru fín, sér í
lagi það fyrra, og lofa þau góðu fyrir
væntanlega plötu. - fb
Iceland Airwaves ★★★
Amaba Dama
Faktorý
Gleðin skein úr
hverju andliti
Amaba Dama er reggísveit sem
rapparinn Gnúsi Yones leiðir, en hún
hefur vakið athygli undanfarið fyrir
reggíútgáfu af Bjartmars-smellinum
Týnda kynslóðin. Þetta er fjölmenn
sveit sem er að hluta til skipuð sömu
meðlimum og Ojba Rasta, a.m.k. á
þessum tónleikum á Airwaves. Tónlist
Amaba Dama er hressilegt alíslenskt
reggí. Lögin þeirra voru misgóð og
stundum fannst mér vanta aðeins
meiri dýpt í hljóminn, en á köflum
var Amaba Dama samt að gera
mjög skemmtilega hluti á Faktorý á
miðvikudagskvöldið. Gleðin skein
úr hverju andliti á sviðinu og það
smitaði áhorfendur. - tj
Iceland Airwaves ★★★
Markús and the Diversion
Sessions
Kaldalón í Hörpunni
Hreinræktað popp
Markús and the Diversion Sessions
spila það það sem tónsmiðurinn
og söngvarinn sjálfur kallaði „pjúra
popp“. Tónlistin er svolítið í anda
Pavement, grípandi og skemmtileg.
Markús Bjarnason var áður
söngvari hljómsveitarinnar Skáta áður
en hann hóf sólóferil sinn með útgáfu
plötunnar Now I Know. Frumraunin
lofar góðu og verður gaman að
fylgjast með framhaldinu, enda aldrei
nóg til af góðri tónlist.
Tónleikarnir voru hressir, Markús
var einlægur á sviði og spjallaði um
daginn og veginn við tónleikagesti á
milli laga. - sm
Iceland Airwaves ★★★★
Náttfari
Kaldalón í Hörpu
Spikfeitt síðrokk
Síðrokksveitin Náttfari lét nokkuð til
sín taka fyrir um áratug en lagðist svo
í dvala. Sveitin var endurvakin fyrir
nokkrum misserum og hefur nú lokið
við gerð fyrstu breiðskífu sinnar sem
fáanleg er á Bandcamp og kemur á
geisladiski á næstu dögum.
Náttfaramenn renndu sér í gegnum
þétt prógramm og voru í flottu formi.
Tónlist Náttfara er ekki beint vin-
sældavæn, enda að mestu ósungin,
en sveitinni tókst að heilla viðstadda
með þéttum samleik hrynparsins og
flottum gítarleik, til að mynda í laginu
Lævís köttur. Þetta var einstaklega
grúví síðrokk, eins undarlega og það
kann að hljóma, spikfeitt og töff sánd.
- hdm
Iceland Airwaves ★★★★
Sóley
Kaldalón í Hörpunni
Krúttlegt og kósí
Sóley Stefánsdóttir gaf út sína fyrstu
sólóplötu, We Sink, í byrjun hausts
og hlaut einróma lof fyrir. Áður hafði
hún gert garðinn frægan með „indie“
sveitunum Seabear og Sin Fang Bous.
Sóley steig á svið ásamt trommu-
leikara sínum og saman slógu þau
tvö vart feilnótu. Tónlistin var hugljúf
og krúttleg, líkt og Sóley sjálf sem
heillaði tónleikagesti með skemmti-
legu spjalli milli laga.
Þó að Sóley sé fyrst og fremst
píanóleikari er hún einnig með fína
rödd sem minnti á stundum á unga
Emilíönu Torrini. Af tónleikunum að
dæma má búast við miklu af þessari
ungu tónlistarkonu í framtíðinni. - sm
Iceland Airwaves ★★★
Ourlives
Silfurberg í Hörpu
Flottur söngvari
Það verður seint sagt að Ourlives hafi
náð upp brjálaðri stemningu í Silfur-
bergssalnum. Maður ímyndar sér ein-
hvern veginn að bæði hljómsveitin og
aðdáendur hennar sé vanari sveittari
stemningu á öldurhúsum bæjarins.
Ourlives spilaði nokkur vinsæl lög
af fyrri plötu sinni og kynnti til leiks
efni af nýútkominni plötu. Ágætis
sveit sem söngvarinn Leifur Kristins-
son ber uppi. - hdm
Miðvikudagurinn 12. október
Það var margt um manninn á
tónleikum Blaz Roca á Gauki á
Stöng á miðvikudagskvöld. Orri
Páll Dýrason og Kjartan Sveinsson
úr Sigur Rós voru á staðnum, auk
Valdimars Guðmundssonar,
forsprakka hljómsveitarinnar
Valdimar. Þorsteinn Stephensen,
fyrrverandi stjórnandi
Iceland Airwaves og
stofnandi hátíðar-
innar, var einnig á
meðal gesta.
Biophilia-tónleikar
Bjarkar Guð-
mundsdóttir voru
haldnir í Silfurbergi
í Hörpunni þetta
sama kvöld. Eldar
Ástþórsson, kynn-
ingarfulltrúi CCP,
og kona hans
Eva Einarsdóttir borgarfulltrúi
voru í húsinu. Fatahönnuðurinn
Harpa Einarsdóttir var þar líka,
rétt eins og Guðjón Már Guð-
jónsson stofnandi OZ. Popparinn
Jón Jónsson var sömuleiðis í
Hörpunni, enda var bróðir hans
Friðrik Dór að spila þar í Norður-
ljósasalnum. Airwaves-aðdáand-
inn og markaðssérfræðingurinn
hjá N1, Jón Gunnar
Geirdal, var einnig á
svæðinu og virtist
skemmta sér vel.
- fb, áp
FÓLK Á AIRWAVES
F l e i r i d ó m a o g m y n d i r
e r a ð f i n n a á
6.300 KRÓNUR kostar í Blue Lagoon-partí Iceland Airwaves á morgun. Innifalið í því er rútuferð á staðinn og miði í teitið í lóninu bláa.
Hátíðin byrjar með látum
STUÐ Í HÖRPUNNI Markús and the Diversion Sessions tróð upp í Kaldalóni í Hörpu. Gestir fengu hressilegt popp og kunnu vel að
meta. FRÉTTABLAÐIÐ/ARNÞÓR