Fréttablaðið - 26.11.2011, Qupperneq 8

26. nóvember 2011 LAUGARDAGUR8
Forlagið og Verðlaunasjóður íslenskra
barnabóka auglýsa eftir handritum að skáld-
sögu fyrir börn og unglinga í árlega samkeppni
um Íslensku barnabókaverðlaunin. Sagan skal
vera að lágmarki 50 blaðsíður að lengd.
Ekki er gert ráð fyrir því að verðlaunasagan
verði myndskreytt.
Dómnefnd velur besta handritið og kemur það
út hjá Forlaginu haustið 2012. Verðlaunin
nema 500.000 krónum auk höfundarlauna.
Handritum skal skila í fjórriti til:
Handrit á að merkja með dulnefni en rétt
nafn höfundar fylgi með í lokuðu umslagi.
FÆREYJAR „Það var hreint krafta-
verk að ekki fór verr,“ segir
Brynhild Thomsen, ritstjóri á
færeyska dagblaðinu Dimmalætt-
ing, um tjónið af fárviðrinu sem
gekk yfir eyjarnar í fyrrinótt.
„Það sem fyrst og fremst bjarg-
aði okkur voru þær nákvæmu
veðurspár sem veittu okkur upp-
lýsingar um það sem í vændum
var. Það var til dæmis búið að
stimpla það vel inn í okkur að
taka burt allt lauslegt sem hefði
getað fokið og valdið ómældu
tjóni.“
Fárviðrið skall á syðst á eyj-
unum strax um klukkan hálfníu
á fimmtudagskvöld, færðist síðan
hægt norðvestur yfir og mældist
í hviðum vel yfir 50 metrar á sek-
úndu. Undir morgun var versta
veðrið gengið yfir en hvasst var
þó áfram fram eftir degi.
Veðrið hélt síðan áfram yfir
hafið til Noregs þar sem það skall
á af fullum þunga í gærkvöld. Í
Noregi höfðu menn gefið lægðinni
nafnið Berit og áttu von á öllu illu.
Búist er við roki í Færeyjum
aftur síðdegis í dag, „en það verð-
ur ekkert í líkingu við hamagang-
inn í fyrrinótt,“ segir Brynhild.
Færeyingar hafa ekki kynnst
öðru eins veðri síðan 1988.
Veðurfræðingar segja vind-
styrkinn ekki orðið jafn mikinn
núna, „en vegna þess að vindátt-
in var önnur þá fann fólk meira
fyrir veðrinu núna,“ segir Bryn-
hild, sem býr í Þórshöfn þar sem
veðurofsinn náði hámarki um og
upp úr miðnætti.
„Ég bý á stað í miðri Þórshöfn
þar sem venjulega er gott skjól en
hviðurnar voru samt alveg hræði-
legar,“ segir hún.
Gríðarlegt tjón varð á eignum
nánast alls staðar á eyjunum, en
einna mest varð tjónið sunnan til,
í Skúfey og á Þvereyri. Þök fuku
af húsum og dæmi eru um að hús
hafi fokið í heilu lagi, tré rifnuðu
upp og skip og bátar slitnuðu frá
bryggjum. Við Skálafjörð slitnuðu
þrjú skip upp og rak yfir fjörðinn
þar sem þau höfnuðu í fjörunni.
Mjóu munaði á Þvereyri þar
sem íbúum á elliheimili var
bjargað á síðustu stundu. Rétt í
þann mund sem síðustu íbúarn-
ir voru komnir út í bifreið fauk
þakið af elliheimilinu og stuttu
síðar féllu veggir niður.
„Við erum með öflugt og fjöl-
mennt lið sjálfboðaliða í björgun-
arstörfum, og svo var fullmann-
að í slökkviliði og lögreglu alls
staðar. Þegar tilkynningar bár-
ust fóru menn út í þetta kolbrjál-
aða rok að bjarga því sem bjargað
varð,“ segir Brynhild.
gudsteinn@frettabladid.is
Kraftaverk að ekki
fór verr í Færeyjum
Fárviðrið í fyrrinótt olli gríðarlegu tjóni í Færeyjum. Húsþök fuku, skip og
bátar slitnuðu frá bryggju. Nákvæmum veðurspám þakkað fyrir að tjónið varð
ekki meira. Veðrið gekk síðan vestur yfir til Noregs af fullum þunga í gærkvöld.
ÞAKIÐ FAUK AF ELLIHEIMILINU Íbúum á sambýli aldraðra á Þvereyri var bjargað á síðustu stundu út í bifreið. Bifreiðin var ekki
lögð af stað þegar þakið fauk af húsinu. MYND/BJARNI NYGAARD
alla sunnudaga klukkan 16.
Njótið vel
Hemmi Gunn
– og svaraðu nú!
Fjölbreyttur og fjörugur þáttur