Morgunblaðið - 09.10.2010, Blaðsíða 27

Sjúkrahúsið á Húsavík – á ekki
bara að loka öllu draslinu?
Teygi menn álkuna
nógu hátt í loft upp
frá Alþingishúsinu og
horfi til norðausturs
sjá menn Esjuna, stolt
Reykvíkinga og ystu
sjónarrönd í þá áttina.
Langt, langt hinum
megin við Esjuna, á
Húsavík, búa duglegir
og stoltir ein-
staklingar, sem vilja
gjarnan hafa vinnu og
geta nýtt náttúruauðlindirnar sér til
hjálpar í lífsbaráttunni. Ein-
staklingar sem oftast eru frískir en
veikjast stundum.
Á Húsavík hefur verið sjúkrahús
frá 1935, en þá stóðu íbúar fyrir
byggingu húss sem myndi duga fyr-
ir slíka starfsemi. Það er því löng
hefð fyrir farsælli sjúkrahúsþjón-
ustu á staðnum. Gegnum árin hafa
kröfur til sjúkrahúsa aukist og
þjónustan orðið sérhæfðari. Hinn
venjulegi landsbyggðarlæknir gerir
ekki lengur botnlangaaðgerðir eða
fjarlægir gallblöðru meðan hand-
lagni húsvörðurinn og altmulig-
manden svæfir. Enda hafa breyt-
ingar orðið á sjúkrahúsinu á
Húsavík eins og annars staðar.
Nú er boðað til niðurskurðar á
heilbrigðisstofnunum í þeim mæli
sem engin fordæmi eru fyrir í Ís-
landssögunni. Þar er landsbyggð-
inni gert að spara lungann, eða 84%
af heildinni. Niðurskurðurinn hér á
Húsavík þýðir lokun sjúkradeild-
arinnar á staðnum.
En hvaða þjónusta er veitt á
sjúkradeildinni á Húsavík? Skv. lög-
um eiga heilbrigðisstofnanir að
veita almenna heil-
brigðisþjónustu, og þar
undir fellur svokölluð
almenn sjúkrahúsþjón-
usta. Í dag sinnir
sjúkradeildin á Húsa-
vík almennum lyflækn-
ingum, svo sem hjarta-
sjúkdómum,
lungnasjúkdómum,
sýkingum af ýmsu tagi,
meðferð krabbameins-
sjúkra, blóðgjöfum,
líknandi meðferð,
taugasjúkdómum,
meltingarfæra-
sjúkdómum og nýrnasjúkdómum.
Auk þess er hér veitt endurhæfing
og framhaldsmeðferð eftir skurð-
og bæklunaraðgerðir og slys, hvíld-
ar- og endurhæfingarmeðferð fyrir
aldraða og langveika og hingað
leggjast inn sængurkonur með ný-
fædd börn sín. Þessi starfsemi kall-
ast, samkvæmt lögum um heilbrigð-
isþjónustu, almenn
sjúkrahúsþjónusta. Að sjálfsögðu
erum við ekki með sérfræðinga á
öllum sviðum og búum vel að eiga
Sjúkrahúsið á Akureyri í 90 km
fjarlægð, og þar fer fram sérhæfð-
ari og flóknari uppvinnsla og með-
ferð.
Leggist sjúkradeildin á Húsavík
niður þarf að veita þessa almennu
sjúkrahúsþjónustu annars staðar. Á
sjúkrahúsinu á Akureyri er gott og
duglegt starfsfólk, en ég trúi því
ekki að hægt sé að bæta við meg-
inhlutanum af okkar skjólstæð-
ingum án þess að rúmum og starfs-
fólki yrði fjölgað þar, sem munu
væntanlega kosta sitt. Hvað er þá
sparað?
En hvað með skurðdeildina og
fæðingarnar og allt það, er þetta
ekki kostnaðarsamt? Þarf þetta að
vera til staðar á svona smásjúkra-
húsi? Það er löngu búið að taka af
skurðlæknavakt og svæfingarlækn-
isvakt, vaktir ljósmæðra lögðust af
2004 og allar fæðingar færðust til
Akureyrar. Hér er rekin skurðstofa
fáeina daga í mánuði, og sjálfstætt
starfandi skurðlæknirinn leigir að-
stöðu af sjúkrahúsinu. Hér er því
ekki verið að bruðla með þann
óþarfa.
Ég veit að þörfin fyrir þá þjón-
ustu sem sjúkradeildin á Húsavík
veitir í dag mun ekki hverfa. Heil-
brigðisstofnun Þingeyinga er vel
rekin og hvergi bruðlað með fé. Ég
hef enn ekki fengið nein rök sem
segja mér að það sé ódýrara eða
hagkvæmara að veita þessa þjón-
ustu annars staðar.
Ég hef trú á því að ráðamenn fari
að lögum og velji að búa öllum
landsmönnum mannsæmandi skil-
yrði til að búa í sínum heimahögum.
Ég trúi því að heilbrigðisþjónusta á
landinu fái áfram að vera sá horn-
steinn sem byggðir landsins þurfa
til að halda velli.
Lifið heil.
Eftir Unnstein
Inga Júlíusson
Unnsteinn Ingi
Júlíusson
»Ég veit að þörfin fyr-
ir þá þjónustu sem
sjúkradeildin á Húsavík
veitir í dag mun ekki
hverfa. Heilbrigð-
isstofnun Þingeyinga er
vel rekin og hvergi
bruðlað með fé.
Höfundur er heimilislæknir
á Húsavík.
UMRÆÐAN 27
MORGUNBLAÐIÐ LAUGARDAGUR 9. OKTÓBER 2010
Af einhverjum ástæð-
um er Sjálfstæðisflokk-
urinn gerður að blóra-
böggli fyrir allt sem
miður fer í samfélaginu,
þrátt fyrir að hafa stað-
ið fyrir öllum helstu
framförum í efnahags-
lífinu og staðið að upp-
byggingu fyrirmyndar-
heilbrigðis- og velferð-
arkerfis, sem þykir eitt
það besta í hinum vestræna heimi.
Einn af þingmönnum Samfylking-
arinnar benti á þá staðreynd að sjálf-
stæðismenn hefðu stjórnað í fimmtíu
og þrjú ár af lýðveldistímanum. Af
orðum hins ágæta manns má ráða
hverjum ber að þakka þær traustu
stoðir sem þjóðin hvílir á þrátt fyrir
kreppu þá sem ríkir nú um stundir.
Allt frá stofnun Sjálfstæðisflokks-
ins hafa leiðtogar hans talað fyrir
frelsi í viðskiptum og afnámi allra
hafta. Hægt er að finna ræður og
greinar eftir Jón Þorláksson, Ólaf
Thors, Birgi Kjaran og Bjarna
Benediktsson sem túlka nákvæm-
lega sömu stefnuna og sjálfstæð-
ismenn nútímans gera enn þann dag
í dag. Á sama tíma hafa vinstri flokk-
arnir sveiflast til og frá með sína
stefnu eins og sagan hefur sýnt.
Ekki myndi nokkur heiðarlegur
vinstri maður taka upp bar-
áttuaðferðir þær sem upphafsmenn
sósíalismans boðuðu. En sjálfstæð-
ismenn geta áfram haldið á lofti
stefnu sinni algerlega óbreyttri frá
1929.
Vafalaust má finna dæmi þess að
menn hafi farið út af sporinu, en eng-
inn hefur enn rannsakað hver er hin
raunverulega orsök að því.
Vitað er að sjálfstæðismenn hafa
aldrei verið einir í stjórn, þannig að
stefnan hefur aldrei notið sín til fulls.
Ekki skal farið öllu dýpra í að
greina orsakir þess að menn hafi
stundum farið út af sporinu, enda er
það verk fræðimanna en ekki háseta
á togara.
En hvernig væri
ástandið ef Sjálfstæð-
isflokkurinn hefði ekki
haft þetta mikla fylgi
frá stofnun og verið í
sporum hinna flokk-
anna, oftast í stjórn-
arandstöðu?
Fleiri fyrirtæki í
ríkiseigu með tilheyr-
andi óhagræði, hærri
skattar og flóknara
skattkerfi, margfalt
hærri upphæðir í er-
lendum lánum og sennilega ekki eitt
einasta álver, en hvaða skoðun sem
menn hafa á álframleiðslu, þá hafa
álverin skilað miklum tekjum til
samfélagsins.
Vinstri menn hafa nefnilega aldrei
áttað sig á því að það þarf tekjur til
að halda uppi samfélagi og tekjur
koma með frjálsum viðskiptum.
Þeir hafa í gegn um tíðina agnúast
út í atvinnurekendur og heimtað að
þeir greiddu fólki fleiri krónur en
þeir oft á tíðum hafa staðið undir.
Við búum nefnilega á lítilli eyju og
það hefur ýmis takmarkandi áhrif í
för með sér og sökum aldurs lýðveld-
isins hafa peningar oft verið af
skornum skammti.
Vinstri menn hafa alltaf lagt meiri
áheyrslu á að eyða en afla og ef sú
stefna hefði ráðið för væri ríkari
ástæða til en nokkru sinni fyrr að
taka undir orð Geirs H. Haarde og
biðja Guð um að margblessa Ísland
og varðveita, því stjórnvöld hefðu
verið óhæf til að reka þjóðfélagið.
Eftir Jón
Ríkharðsson
» Vinstri menn hafa
nefnilega aldrei átt-
að sig á því að það þarf
tekjur til að halda uppi
samfélagi og tekjur
koma með frjálsum við-
skiptum.
Jón Ríkharðsson
Höfundur er sjómaður.
Sjálfstæðis-
flokkurinn er
sterkasta aflið
Bólusetning gegn árlegri inflúensu
Heilsugæsla höfuðborgarsvæðisins vill vekja athygli á því að skipulögð bólusetning gegn
inflúensu hefst á heilsugæslustöðvum mánudaginn 11. október 2010. Bóluefnið myndar
mótefni gegn þremur inflúensuveirustofnum þ.á m. svonefndri svínainflúensu.
Hverjum er einkum ráðlagt að láta bólusetja sig?
• Öllum sem orðnir eru 60 ára
• Öllum, bæði börnum og fullorðnum, sem þjást af langvinnum hjarta-, lungna-, nýrna- og
lifrarsjúkdómum, sykursýki, illkynja sjúkdómum og öðrum ónæmisbælandi sjúkdómum.
• Starfsfólki heilbrigðisþjónustu sem daglega annast fólk með aukna áhættu.
Búast má við að bólusetning geti veitt a.m.k. 70% vörn gegn sjúkdómnum auk þess sem hann
verður vægari hjá þeim í hópi bólusettra sem veikjast.
Þeir sem tilheyra ofangreindum hópum fá bóluefnið sér að kostnaðarlausu en greiða komugjald
samkvæmt reglugerð nr. 014 / 2010. Fyrirkomulag bólusetningar getur verið mismunandi milli
heilsugæslustöðva. Vinsamlegast leitið frekari upplýsinga á vef Heilsugæslunnar
www.heilsugaeslan.is, eða hafið samband við hlutaðeigandi heilsugæslustöð.
Heilsugæslan Árbæ, Reykjavík s: 585 7800
Heilsugæslan Efra-Breiðholti, Reykjavík s: 513 1550
Heilsugæslan Efstaleiti, Reykjavík s: 585 1800
Heilsugæslan Fjörður, Hafnarfirði s: 540 9400
Heilsugæslan Garðabæ s: 520 1800
Heilsugæslan Glæsibæ, Reykjavík s: 599 1300
Heilsugæslan Grafarvogi, Reykjavík s: 585 7600
Heilsugæslan Hamraborg, Kópavogi s: 594 0500
Heilsugæslan Hlíðum, Reykjavík s: 585 2300
Heilsugæslan Hvammi, Kópavogi s: 594 0400
Heilsugæslan Miðbæ, Reykjavík s: 585 2600
Heilsugæslan Mjódd, Reykjavík s: 513 1500
Heilsugæsla Mosfellsumdæmis s: 510 0700
Heilsugæslan Seltjarnarnesi s: 561 2070
Heilsugæslan Sólvangi, Hafnarfirði s: 550 2600
Heilsugæslan Lágmúla 4, Reykjavík s: 595 1300
Heilsugæslan Salahverfi, Kópavogi s: 590 3900
Fræðsluefni um inflúensu má finna á vef landlæknisembættisins, www.landlaeknir.is
Reykjavík, 9. október 2010
Heilsugæsla höfuðborgarsvæðisins
Sanngirnisbætur
Innköllun
Í samræmi við ákvæði laga nr. 47/2010 um sanngirnisbætur
fyrir misgjörðir á stofnunum eða heimilum sem falla undir lög
nr. 26/2007 og tóku gildi hinn 28. maí 2010, hefur
sýslumanninum á Siglufirði verið falið að gefa út innköllun,
fara yfir kröfur og gera þeim sem eiga rétt á bótum skrifleg
sáttaboð. Skal sýslumaður eftir því sem kostur er fjalla
samtímis um allar kröfur er lúta að sama heimilinu.
Á grundvelli þessa er nú kallað eftir kröfum frá þeim sem
dvöldu á:
Vistheimilinu Breiðavík
Hér með er skorað á alla þá sem dvöldu á vistheimilinu
Breiðavík einhvern tíma á árabilinu 1952-1979 og urðu þar
fyrir illri meðferð eða ofbeldi sem olli varanlegum skaða, að
lýsa kröfu um skaðabætur fyrir undirritaðri fyrir 27. janúar
2011. Kröfu má lýsa á eyðublaði sem er að finna á vefnum
www.sanngirnisbætur.is og hjá tengiliði vegna vistheimila.
Allar kröfur skulu sendar sýslumanninum á Siglufirði,
Gránugötu 4-6, 580 Siglufirði.
Verði kröfu ekki lýst fyrir 27. janúar 2011, fellur hún niður.
Bent er á að unnt er að leita aðstoðar tengiliðar vegna
vistheimila við framsetningu og skil á bótakröfu. Aðstoð
tengiliðar er að kostnaðarlausu. Skrifstofa tengiliðar er að
Tryggvagötu 19, 101 Reykjavík. Sími tengiliðar er 545 9045.
Siglufirði 11. október 2010
Ásdís Ármannsdóttir sýslumaður