Morgunblaðið - 09.10.2010, Blaðsíða 34

34 MINNINGAR
MORGUNBLAÐIÐ LAUGARDAGUR 9. OKTÓBER 2010
✝ Rut Guðmunds-dóttir fæddist í
Reykjavík 8. febrúar
1940. Hún lést á líkn-
ardeild Landspítalans
30. september 2010.
Hún var dóttir Þór-
unnar Jónsdóttur frá
Ásmúla, f. 23.8 1920,
d. 2000, og Guð-
mundar R. Guð-
mundssonar slökkvi-
liðsstjóra, f. 13.11.
1919. Guðmundur
kvæntist síðan Elínu
Guðmundsdóttur, f.
1923. Rut átti 8 hálfsystkini en þau
eru: Birna Margrét Guðmunds-
dóttir, f. 1943, Stefanía Guðmunds-
dóttir, f. 1945, Elín Edda Guð-
mundsdóttir, f. 1946, d. 1997, María
Sigrún Guðmundsdóttir, f. 1948, Ív-
ar Guðmundsson, f. 1952, Gunn-
laugur Guðmundsson, f. 1956, Auð-
ur Guðmundsdóttir, f. 1960, og
Björn Valdimar Guðmundsson, f.
1966.
Þann 5. nóvember 1961 giftist Rut
Bjarna H. Ansnes, f. 1940. Foreldrar
hans voru Þorvaldur Ansnes, f.
1910, d. 1971, og Sólveig Bjarna-
dóttir, f. 1909, d. 1983. Þau eiga
tvær dætur, Þórunni Ansnes, f. 11.
feb. 1962, og Írisi B. Ansnes, f. 13.
1981, BA-prófi í sérkennslufræðum
frá Kennaraháskóla Íslands 1990 og
meistaraprófi í uppeldis- og mennt-
unarfræðum frá sama skóla 2004.
1991-92 sinnti Rut starfi skólastjóra
við Flúðaskóla. Rut starfaði í ýms-
um nefndum og stjórnum sem
tengdust hennar starfi og má nefna
að hún var kennsluráðgjafi í stærð-
fræði á Suðurlandi frá 1983-89. Hún
sat í stjórn Kennarasambands Ís-
lands 1980-84 og síðan 1984-87, var
formaður skólamálaráðs KÍ 1987-89
og síðan í stjórn Námsgagnastofn-
unar 1990-93. Rut var ráðin skóla-
stjóri Brautarholtsskóla 1998 og
sinnti hún því starfi og tók þátt í
sameiningu Brautarholtsskóla og
grunnskólans í Árnesi og var skóla-
stjóri Þjórsárskóla til 2007. Það
sama ár réð hún sig síðan sem
kennsluráðgjafa við skólaskrifstofu
Selfoss sem hún sinnti til 2010. Sam-
hliða skólastarfi var Rut hótelstjóri
á Hótel Flúðum sumrin 1982-83. Þá
voru þau hjónin með garðyrkju allt
til dagsins í dag. Félagsstörf voru
Rut einnig hugleikin, hún var í
stjórn starfsmannafélags Sam-
vinnutrygginga Andvöku og Glímu-
félags Ármanns. Hún var í kven-
félagi Hrunamannahrepps,
Zontaklúbbi Selfoss og The Delta
Kappa Gamma Society Int-
ernational.
Rut verður jarðsungin frá Skál-
holti í dag, 9. október 2010, og hefst
athöfnin kl. 14.
sept. 1972. Eig-
inmaður Þórunnar er
Sigurður I. Björnsson,
f. 1963. Börn þeirra
eru Rut Sigurð-
ardóttir, f. 1991, d.
1991, Bjarni H. Ans-
nes, f. 1992, Gunnar
Sigurðsson, f. 1994, og
Mímir Sigurðsson, f.
1999. Sambýlismaður
Írisar er Viggó Sig-
ursteinsson, f. 1970.
Rut ólst upp í
Reykjavík hjá móður
sinni, en einnig dvöld-
ust þær mæðgur mikið í Ásmúla hjá
fjölskyldu sinni þar sem þær tóku
þátt í bústörfum. Rut stundaði nám
við Kvennaskólann í Reykjavík og
æfði jafnframt handbolta með Ár-
manni. Hún var í landsliði Íslands í
handknattleik 1956-65 og varð
Norðurlandameistari 1964. Rut
starfaði hjá Líftryggingafélagi And-
vöku frá 1957-64 og fluttist síðan
með eiginmanni sínum á Hellissand
þar sem hún kenndi við Barna- og
unglingaskólann til ársins 1972. Það
ár fluttu þau hjón á Flúðir í Hruna-
mannahrepp þar sem þau hafa búið
síðan. Fyrsta árið á Flúðum kenndi
Rut við Flúðaskóla. Hún lauk kenn-
araprófi frá Kennaraskóla Íslands
Í dag kveðjum við með söknuði
kæra vinkonu, eftir nærfellt 60 ára
vináttu, sem aldrei bar skugga á. Í
hugann koma því margar góðar
minningar, um ánægjulegar sam-
verustundir, sem gott er að eiga á
sorgarstund.
Við viljum kveðja Rut með þessu
ljóði eftir Þórunni Sigurðardóttur.
Ég sendi þér kæra kveðju
nú komin er lífsins nótt,
þig umvefji blessun og bænir
ég bið að þú sofir rótt.
Þó svíði sorg mitt hjarta
þá sælt er að vita af því,
þú laus ert úr veikinda viðjum
þín veröld er björt á ný.
Ég þakka þau ár sem ég átti
þá auðnu að hafa þig hér,
og það er svo margs að minnast
svo margt sem um hug minn fer,
þó þú sért horfinn úr heimi
ég hitti þig ekki um hríð,
þín minning er ljós sem lifir
og lýsir um ókomna tíð.
Við ásamt Bjarna og Halldóri send-
um Bjarna, Þórunni, Írisi, fjölskyld-
um þeirra og öðrum ættingjum okkar
innilegustu samúðarkveðjur og biðj-
um góðan guð að veita þeim styrk á
erfiðum stundum.
Blessuð sé minning þín, elsku Rut.
Guðrún og Margrét.
Á einu fegursta hausti sem komið
hefur á Suðurlandi, þegar litirnir
bregða á leik og flytja okkur marg-
breytilega litasinfóníu sína, kvaddi
Rut Guðmundsdóttir. Hjá henni
haustaði of fljótt en minning hennar
er falleg eins og tónarnir sem litir
haustsins færa okkur.
Haustið 1972 kom nýr skólastjóri
að Flúðaskóla. Það var Bjarni Ansnes
og með honum kom einnig kona hans,
hún Rut og dætur þeirra Þórunn og
Íris, sem þá var nýfædd. Rut fékk
kennarastöðu við skólann og margar
breytingar til hins betra urðu smátt
og smátt eftir komu þeirra hingað.
Rut var einstaklega dugleg að afla
sér menntunar. Hún tók stúdents-
próf, kennarapróf, sérkennarapróf og
master í sérkennslufræðum og
stjórnun og voru ófáar ferðirnar sem
hún fór á milli Flúða og Reykjavíkur
vegna þessa. Einnig sat hún í stjórn
Félags grunnskólakennara og í stjórn
Námsgagnastofnunar um árabil. Hún
var farsæl í öllum þeim störfum sem
hún tók að sér fyrst sem almennur
kennari, þá sérkennari, síðan skóla-
stjóri og að lokum kennslu- og sér-
kennsluráðgjafi.
Rut vakti alltaf athygli þar sem
hún var sökum glæsileika og fallegrar
framkomu. Fagmennska og ósér-
hlífni einkenndi allt það sem Rut tók
sér fyrir hendur, hún var einstaklega
afkastamikil og dugleg. Það brást
ekki að þau hjón buðu öllu starfsliði
skólans til veislu á heimili sínu eftir
skólaslit hvert einasta vor og alltaf
hafði Rut lagað ein þær veitingar sem
voru á borðum. Þessar veislur verða
lengi í minnum hafðar. Seinasta
veisla sem við vorum í hjá þeim hjón-
um var 24. júlí sl. í sjötugsafmæli
Bjarna og var hún heima hjá þeim á
fögru heimili þeirra á Flúðaseli. Ljúft
er að minnast þeirrar stundar.
Margs er að minnast frá liðnum
áratugum. Fyrir 25 árum ákváðu
nokkur vinahjón að fara saman í viku
hestaferð um hálendið ásamt börnum
sínum. Rut og Bjarni og við hjónin
vorum í þessum hópi. Þessi ferð var
upphaf ferða sem hafa verið farnar á
hverju sumri síðan og sífellt stækkaði
hópurinn því börnin uxu úr grasi og
komu með sína maka og börn í ferð-
irnar. Einnig höfum við farið í margar
utanlandsferðir saman, í kóraferð til
Norður-Noregs, ferð kennara við
Flúðaskóla til Þýskalands og allar
borgarferðirnar sem við fórum sam-
an til Evrópu með eldri deildinni úr
hestaferðahópnum okkar.
Við þökkum liðnar samverustundir
og minnumst með söknuði frábærrar
konu með bjart bros, smitandi já-
kvæðni og ljúfa lund.
Við sendum Bjarna, Þórunni, Írisi
og fjölskyldum innilegustu samúðar-
kveðjur.
Blessuð sé minning Rutar Guð-
mundsdóttur.
Björg og Kjartan.
Í dag er borin til grafar vinkona
mín, Rut Guðmundsdóttir, og langar
mig að minnast góðs félaga og vinar
sem hún svo sannarlega var.
Við Rut kynntumst þegar hún tók
við starfi skólastjóra Brautarholts-
skóla og unnum við þar saman til árs-
ins 2007. Þar tókst með okkur góð
vinátta sem hélst allt til hennar lífs-
loka.
Rut var einstaklega greiðvikin og
gáfuð kona, sem alltaf var hægt að
leita til, bæði persónulega og faglega.
Allt sem hún tók sér fyrir hendur ein-
kenndist af ósérhlífni, alúð, dugnaði
og heiðarleika.
Ekki er hægt að minnast Rutar án
þess að nefna mann hennar Bjarna,
sem einnig var samstarfsmaður minn
til nokkurra ára, og góður vinur. Þau
voru einstaklega samrýmd hjón og
veit ég að missir hans er mikill.
Ég þakka Rut samleiðina og þá
væntumþykju sem hún ávallt sýndi
mér.
Við Jónas sendum Bjarna, dætrum
og öllum aðstandendum okkar dýpstu
samúðarkveðjur á raunastund.
Hver minning dýrmæt perla að liðnum
lífsins degi,
hin ljúfu og góðu kynni af alhug þakka
hér.
Þinn kærleikur í verki var gjöf, sem
gleymist eigi,
og gæfa var það öllum, er fengu að
kynnast þér.
(Ingibjörg Sigurðardóttir)
Jóhanna Lilja Arnardóttir.
Við, fyrrum samstarfsfólk Rutar í
Brautarholtsskóla, sendum henni
okkar hinstu saknaðarkveðju með
nokkrum fátæklegum orðum. Rut var
einstök. Þegar hún kom til starfa í
Brautarholtsskóla tókst henni strax
að halda fallega utan um hópinn sem
þar starfaði. Hún var dugmikill og
drífandi stjórnandi, full bjartsýni og
gleði og starfaði í takt við allt og alla.
Við erum glöð að hafa fengið að starfa
með henni, góður félagi og fallega fas-
mikil kona hefur kvatt okkur og þetta
litla ljóð á vel við þegar við minnumst
Rutar.
Ég endurtek í anda
þrjú orð við hvert mitt spor:
Fegurð, gleði, friður –
mitt faðirvor.
(Kristján frá Djúpalæk)
Blessuð sé minning hennar.
Sendum Bjarna og fjölskyldu sam-
úðarkveðjur.
Fyrir hönd fyrrverandi starfsfólks
Brautarholtsskóla,
Jenný.
Látin er glæsileg og hæfileikarík
kona, Rut Guðmundsdóttir, rétt rúm-
lega sjötug að aldri. Hún hefur verið
búsett á Flúðum síðan haustið 1972
ásamt eiginmanni sínum, Bjarna H.
Ansnes. Bjarni var skólastjóri Flúða-
skóla frá 1972-2000 og Rut kennari
við skólann lengst af þeim tíma. Síð-
asta áratug eða svo var Rut skóla-
stjóri við Grunnskóla Skeiða- og Gnú-
verjahrepps.
Undirritaður starfaði við Flúða-
skóla með þessum ágætu hjónum um
nær aldarfjórðungs skeið og kynntist
þeim mjög vel og mannkostum
þeirra. Margs er að minnast úr svo
löngu og farsælu samstarfi og verður
seint fullþakkað. Rut var ákaflega
heilsteypt kona og lagði sig alla fram í
því sem hún tók sér fyrir hendur.
Hún var mikilhæfur og stjórnsamur
kennari og skólastjórnandi og virt af
nemendum og samstarfsfólki.
Upp í hugann koma myndir úr hinu
daglega starfi og ennfremur af sér-
stökum tilefnum svo sem skólaslitum
að vori. Þá var fastur liður eftir skóla-
slit að þau hjónin, Rut og Bjarni, buðu
öllu starfsfólki skólans inn á heimili
sitt og veittu ríkmannlega. Oft var
síðan farið í ferðalag, gjarnan um
uppsveitir Árnessýslu og þau hjónin
jafnan hrókar alls fagnaðar.
Tvö sumur var Rut hótelsjóri við
sumarhótelið á Flúðum og stjórnaði
Rut Guðmundsdóttir✝
Ástkær móðir mín, tengdamóðir, amma og lang-
amma,
SIGURDRÍFA JÓHANNSDÓTTIR,
f. 2. september 1911,
andaðist á Hjúkrunarheimilinu Eir fimmtudaginn
7. október.
Kristín Ólafsdóttir, Guðjón Heiðar Jónsson,
barnabörn og langömmubörn.
✝
Hjartans þakkir til allra þeirra sem sýndu okkur
samúð og vinarhug við andlát og útför elskulegs
eiginmanns, föður, tengdaföður og afa,
GÍSLA ÓLAFS
rafvirkjameistara.
Sérstakar þakkir til lækna og hjúkrunarfólks á Eir,
fyrir góða umönnun og hlýju í veikindum hans.
Sr. Jónu Hrönn Bolladóttur færum við hjartans
þakkir fyrir einstakan stuðning og elsku á erfiðum
stundum.
Guð blessi ykkur öll
Ólöf Alda Ólafsdóttir,
Fríða Kristín Gísladóttir, Sigurður Þór Ásgeirsson,
Anna Hlíf Gísladóttir, Jorgen Carlsson,
Bryndís Marsibil Gísladóttir, Luca Pozzi,
Björn Gíslason, Laufey Óskarsdóttir,
Kári Gíslason, Olanda Gíslason
og barnabörn.
✝
Hjartkær vinur minn og bróðir okkar,
HÖRÐUR HARALDSSON
fyrrv. kennari á Bifröst,
sem andaðist á dvalar- og hjúkrunarheimilinu
Grund þriðjudaginn 5. október verður jarðsunginn
frá Dómkirkjunni í Reykjavík miðvikudaginn 13.
október kl. 15.00.
Sigurbjörg Sigurðardóttir,
Eiríkur Haraldsson,
Pétur Haraldsson.
✝
Okkur innilegustu þakkir til allra sem sýndu okkur
samúð og hlýhug vegna andláts okkar elskulegu
eiginkonu, móður, tengdamóður, ömmu og
langömmu,
HELGU RAGNHILDAR HELGADÓTTUR,
Birkivöllum 27,
Selfossi.
Ormur Hreinsson,
Guðrún Ormsdóttir, Þorsteinn Bjarnason,
Ragnhildur Þorsteinsdóttir, Gauti Guðlaugsson,
Bjarni Þorsteinsson,
Olga Björg Jónsdóttir,
Helga Björg Ragnarsdóttir,
Jón Hafsteinn Ragnarsson, Elísabet Dröfn Erlingsdóttir,
Kjartan Orri Ragnarsson,
Una Guðrún, Katla Ýr, Gígja Rut,
Ragnar Steinn, Þorsteinn Elvar, Guðrún Soffía,
Hafsteinn Eyvar, Ragnheiður Olga og Ísabella Eir.
✝
Hjartans þakkir fyrir samúð og hlýhug við andlát
og útför eiginmanns míns, föður okkar, tengda-
föður og afa,
HINRIKS THORARENSEN
fyrrv. framkvæmdastjóra,
Álfheimum 20,
Reykjavík.
Starfsfólki á Skjóli þökkum við hlýhug og góða
umönnun.
Emilía Thorarensen,
Hinrik Thorarensen yngri,
Svanlaug Dóra Thorarensen, Haukur Harðarson,
Haukur Örn og Sara.