Morgunblaðið - 09.10.2010, Blaðsíða 31

Skyldi Jóhanna hafa
litið yfir liðna tíð og
séð sína sæng upp reidda?
Mikið hefur verið
rætt um hverja beri að
kæra og hverja ekki.
Fyrningarfresturinn
segir þá stikkfrí sem
voru í stólunum fyrir
þremur árum. Það er
sem sagt ekki hægt að
kæra Valgerði, sem
gaf greinagóða lýsingu
á hvernig hún seldi
„kjölfestufjárfesti“
Búnaðarbankann fyrir utan allt
hitt. Var með þrjá forstjóra í einu á
launum hjá Byggðastofnun,
gleymdi Blikastaðalandinu í vafa-
samri sölu Íslenska aðalverktaka og
toppaði svo allt með því að afhenda
Sementverksmiðjuna þeim sem
skuldaði henni mest. Svo er það
Halldór, sem afhenti útvöldum
þjóðarauðlindina. Opnaði landið fyr-
ir erlendum glæpagengjum með því
að koma okkur í Schengen og sóaði
milljónum í Evrópusambandið (til
að komast borðinu) og Örygg-
isráðið.
Stóra spurningin er hverjir báru
ábyrgð og í hverju er ábyrgðin fólg-
in? Er það bara forsætisráðherra
sem verkstjóri eða öll stjórnin? Það
fór ekki framhjá neinum að æðstu
menn þjóðarinnar sögðu að ekkert
væri að og fóru um allan heim með
þann boðskap. Aðrir sögðu að þeir,
sem vöruðu við öfunduðust út í vel-
gengni okkar og ættu að fara í end-
urmenntun. Atli Gísla-
son sagði nýlega að
rotturnar hefðu yf-
irgefið landið sumarið
2008. Hvort sem hæst-
virtir vissu betur eða
ekki hefði verið gert
áhlaup á bankana og
þeir fallið hefði verið
upplýst um stöðuna í
byrjun árs 2008. Hefði
það verið betra?
Í umræðunni kom
fram að lýðurinn yrði
vonandi ánægður
kæmu þessir ráðherrar fyrir lands-
dóm. Þetta stakk mig. Ég velti fyrir
mér hvort þetta yrði reglan, eins og
þegar fótboltaþjálfarar eru reknir
eftir tapleiki. Það eru nefnilega
næg ákæruatriði á núverandi ráða-
menn. Þeir vissu hvernig staðan
var þegar þeir tóku við. Samt gerðu
þeir lítið annað en kenna fyrri
stjórn um og fresta vandanum á
meðan þeir ræddu ESB og Icesave.
Þingmenn voru þvingaðir til að
sækja um aðild að ESB, sem nú er
orðið aðlögunarferli. Sama háttinn
átti að hafa á með Icesave. Fyrst
átti að samþykkja það óséð og svo
bjargaði Ólafur Ragnar Steingrími.
Þjóðaratkvæðagreiðslan hefur nú
þegar sparaði þjóðinni 100 millj-
arða. Samt óskar hann enn eftir að
borga, hvort sem okkur beri að
borga eða ekki.
Landsdómur er efstur á baugi á
sama tíma og okkur er sagt að við
megum eiga von á holskeflu af upp-
boðum heimila sem ekki verði frest-
að. Ekkert er gert til að stemma
stigu við að hinir eiginlegu glæpa-
menn eigi og reki fyrirtæki í land-
inu, sem svo vafalaust verða notuð,
sem þvottastöðvar fyrir þýfið sem
geymt er í skattskjólum og ráðgjaf-
arnir í Lúxemborg sýsla með.
Hversu lengi ætlar RUV að bjóða
okkur upp á auglýsingar frá Ice-
land Express í beinu framhaldi af
fréttum af glæpaverkum Fons &
co, sem skrældi hvert fyrirtækið á
eftir öðru og skildi eftir sig sviðna
jörð?
Ömurlegt er að horfa á hvern
vitnisburðinn á eftir öðrum í Kast-
ljósi frá fólki, sem hefur eða er að
missa allt sitt. Saklaust fólk sem
ekki ber neina ábyrgð á hruninu og
er nú upp á aðra komið. Sumir sjá
engan tilgang í lífinu og aðrir hafa
flutt af landi brott.
Skyldi Jóhanna hafa litið yfir
liðna tíð og séð sína sæng upp
reidda?
Eftir Sigurð
Oddsson » Vissu hvernig staðan
var er þeir tóku við,
en gerðu lítið annað en
kenna fyrri stjórn um
og fresta vandanum á
meðan þeir ræddu ESB
og Icesave.
Sigurður Oddsson
Höfundur er verkfræðingur.
UMRÆÐAN 31
MORGUNBLAÐIÐ LAUGARDAGUR 9. OKTÓBER 2010
Við leitum að VERSLUNARSTJÓRA í nýja og stærri Cintamani
verslun í Kringlunni. Verslunarstjóri í Cintamani verslun þarf
að vera afburðaeinstaklingur.
Hann þarf að hafa reynslu og menntun sem nýtist í starfinu,
geta virkjað samstarfsfólk sitt til góðra verka og hafa
fullkominn skilning á því þjónustuhlutverki sem verslunar-
rekstur byggist á. Þar að auki þarf hann að vera nákvæmur í
vinnubrögðum og hafa þekkingu og fullt vald á þeim þáttum
sem tryggja viðunandi rekstur verslunarinnar. Góð tölvu- og
tungumálakunnátta er skilyrði.
Skriflegar umsóknir sendist á netfangið
kristinn.gunnarsson@arcticgroup.de
fyrir 18. október nk.
Farið verður með allar umsóknir og fyrirspurnir sem trúnaðarmál.
VILT ÞÚ LÁTA FÓlKI LÍÐA VEL
Í ÖLLUM VEÐRUM?
Cintamani fötin eru hönnuð og prófuð á Íslandi þar sem skiptir oftar og örar um veður en á nokkru
öðru byggðu bóli. Þess vegna er klæðnaðurinn frá Cintamani nákvæmlega það sem Íslendingar
þurfa á að halda til þess að láta sér líða vel allan ársins hring.
Ég kvíði komandi
helgi.
Veðurspáin er góð,
haustið skartar sínum
fegurstu litum í lyngi,
trjám og kjarri og mýr-
ar og engi eru umvafin
grænum, gulum, brún-
um og rauðum litum í
ótrúlegustu afbrigðum.
Hvílík sýning og end-
urnæring fyrir sálina.
En ég veit að ég
vakna í birtingu við skotdrunur og
andskotagang sem stendur fram á
dag. Ég veit líka að ég er ekki ein um
að vakna við skothríð og skelfingarg-
arg frá gæsahópum sem reyna að
forða sér í dauðans angist. Nágranni
minn er ekki einn um að telja við
hæfi að sá í akur í þéttri byggð og
bjóða/leigja/selja (?) aðgang hverja
einustu helgi haustins mönnum sem
hafa unun af að drepa fugla (menn
nenna ekki lengur að hafa meira fyr-
ir þessu). Þetta tíðkast um allt land
og við hin höfum of lengi þagað yfir
þessari framkomu. Mál er að linni.
Eitt er ónæðið sem við verðum
fyrir, annað og verra er aðfarir
margra víðs vegar um land. Eflaust
eru þeir til í þessum skotglaða hópi
sem eiga rétt á að kallast veiðimenn,
menn sem virða boðaðar umgengn-
isreglur við fugla, skjóta ekki nema í
öruggu færi og á afmarkaða bráð og
gæta þess að elta uppi sáran fugl og
aflífa. Slíkar reglur er að finna á vef
umhverfisráðuneytisins og víðar en
hvergi er þess getið hver á að fylgja
þeim eftir. Flestir veiðimenn skjóta
fáa fugla hvert haust til matar fyrir
sjálfa sig og sína.
Aðrir koma fyrir fjölda gervigæsa
á akrinum í blekkingarskyni, bíða
þess svo í skurðum, bak við hálmrúll-
ur eða önnur skýli að þessir glæsi-
legu fuglar komi fljúgandi úr nátt-
stað inn á akurinn í trausti þess að
þar eru (gervi)gæsir fyrir. Og þá er
sallað á hópinn vægðarlaust til þess
að reyna að ná sem flestum og ekk-
ert um það skeytt hversu margir
fuglar fljúga burt sárir. Sumir þess-
ara særðu fugla falla til jarðar
skömmu síðar og byltast þar hel-
særðir, blæðandi, vængbrotnir, lim-
lestir og ósjálfbjarga og það tekur þá
mislangan tíma að deyja. Sumir lifa
jafnvel dægur og áður en yfir lýkur
er krummi eða annar vargfugl
kannski mættur og byrjaður að
snæða við sitt „villibráðarhlaðborð“.
Þetta er eðli vargfugla, þeir hafa
ekki siðvitund en það á mann-
skepnan að hafa.
Sá sem fer svona að er ekki veiði-
maður, þetta eru ekki veiðar þetta er
slátrun eða fjöldamorð. Hvað kallast
hann þá? Ekki slátrari því það er
virðingarvert starfsheiti manna sem
vinna við slátrun búfjár við við-
urkenndar aðstæður undir eftirliti
dýralækna. Eigum við þá annað orð
en fjöldamorðingi? Dæmi eru um
menn sem drepa tugi og jafnvel
hundruð fugla á einum morgni. Hvað
gera þeir við allan þennan fjölda?
Þeir selja gjarnan til veitingahúsa og
þá helst bringurnar og fleygja af-
ganginum af fuglinum (skyldi þetta
vera gefið upp til skatts Stein-
grímur?).
Hvers vegna er þessi slátrun ekki
háð eftirliti? Við hreindýraveiðar
verður að hafa eftirlitsmann og fara
eftir ströngum reglum. Er í lagi að
misþyrma fuglum? Við rannsóknir
hefur komið í ljós að um 40% ís-
lenska gæsastofnsins fljúga um með
högl í sér eftir misheppnaðar skot-
árásir. Það þýðir að nærri því annar
hver fugl flýgur særður úr hryðju-
verkum haustins. Ætti kannski að
safna þeim sem halda því fram að
fuglarnir finni lítið fyrir þessu út á
akur í morgunsárið og salla úr dá-
góðri fjarlægð haglahrinu í (beran)
afturendann á þeim og leyfa þeim að
ganga með í einn vetur og njóta!
Ég skora á umhverfisráðherra að
setja reglur um hvar
leyfilegt er að skjóta
fugla og koma á skipu-
lögðu eftirliti með
gæsaveiðum.
Ég skora á sveit-
arstjórnir að setja sam-
bærilegar reglur hver á
sínu svæði.
Ég skora á dýra-
verndunarsamtök að
beita sér gegn þessari
misþyrmingu.
Ég skora á veiði-
menn að berjast gegn
siðlausum fugladrápum.
Ég skora á bændur að sýna
ábyrgð í því hverjir fá að fara með
skotvopn á þeirra landareign.
Ég skora á þig sem pantar gæsa-
bringu á veitingastað eða sækir villi-
bráðarhlaðborð að skipta þér af því
hvernig fanga var aflað.
Ég skora á allan almenning að
mótmæla illri meðferð á dýrum.
Ég kvíði komandi helgi, ég kvíði
því að heyra þytinn og skvaldrið af
morgunflugi glæstra fugla og vita
hvað á eftir fylgir.
Eftir Emilíu
Baldursdóttur
»Er í lagi að fuglum sé
misþyrmt og þeir
skildir eftir limlestir og
ósjálfbjarga? Hvers
vegna er gæsaslátrun
undir berum hausthimni
óháð eftirliti?
Emilía
Baldursdóttir
Höfundur er aðdáandi lifandi fugla,
landeigandi og kennari.
Má misþyrma
fuglum?